Шымкенттік шәкірт Будапештке чемпионатқа аттанды Избранное

Среда, 26 Сентябрь 2018 05:01 Автор  Опубликовано в Білім Прочитано 387 раз

25-28 қыркүйек аралығында Будапешт қаласында кәсіптік және техникалық білім алатын шәкірттер арасында «EuroSkills -2018» чемпионаты өтеді.

vlcsnap-2018-09-25-14h31m54s238

Байқауда Астана қаласында өткен «WorldSkills Kazakhstan» чемпионатының биылғы жеңімпазы, Жеңіл өнеркәсіп және сервис колледжінің студенті, шымкенттік Юлдуз Мырзахметова білімін сынайды. Шымкент қаласы білім басқармасының басшысы Ақерке Абылайханқызы чемпионатқа қатысушалармен арнайы кездесу ұйымдастырды.
Басқосуға Шымкент қалалық «Нұр Отан» партиясы төрағасының бірінші орынбасары Б. Нарымбетов, Астана қаласынан келген тәуелсіз сарапшы А. Нысанов және қаладағы мемлекеттік, жекеменшік колледждердің басшылары келді. Кездесуде алдымен жұмысшы мамандарды даярлау мазмұны, олардың мәртебесін көтеру және шеберлік дағдыларын дамыту мақсатында құрылған«WorldSkill» чемпионатының жай-күйі талқыланды. Қаланың бас ұстазы:
– Жұмысшы кәсіптің беделін арттыру мақсатында ұйымдастырылатын чемпионатқа әлемнің 92 елі қатысады. №5 колледждің студенті Юлдуз Мырзахметова еліміздегі сайыста дараланды. Алдағы сынақта шәкіртіміз Шымқаланың ғана емес Қазақстанның абыройын асқақтатады деген сеніміміз бар,– деп жылы лебізін білдіріп, Шымкенттен баратын делегацияға сәт-сапар тіледі. Өз кезегінде сөз алған Бахадыр Нарымбетов кәсіптік мамандықты игеріп те жетістікке жетуге болатынын білімді жастар дәлелдеп отырғанын тілге тиек етті.
Айта кетейік, байқауға шаһардағы кәсіптік және техникалық білім беретін 5 колледждің директоры сараптамалық кеңес өкілі ретінде қатысып қайтпақ.

Последнее изменение Среда, 26 Сентябрь 2018 10:14
Айгүл КЕРІМҚҰЛОВА

2004жылы ОҚГА журналистика факультетін бітірген. Еңбек жолы «Шымкент келбеті» газетінде басталған. «Ұстаз жаршысы», «Денсаулық құпиясы», «Оңтүстік Рабат» газеттерінде, «Отырар» телеарнасында жұмыс істеген. 2017 жылдың тамыз айынан бастап  қалалық «Шымкент келбеті» саяси-қоғамдық газетінің тілшісі.