Оқушылар арасындағы ерекше сайыс

Среда, 23 Январь 2019 00:00 Автор  Опубликовано в Білім Прочитано 1781 раз

2

Шымкенттегі химия-биология бағытындағы Назарбаев Зияткерлік мектебінде қала оқушылары арасында алғаш рет дебат өтті.

Елбасының «Болашаққа бағдар: рухани жаңғыру» және «Ұлы Даланың жеті қыры» бағдарламалық мақалалары аясында ұйымдастырылған пікір сайысында А.С.Пушкин атындағы №1 мектеп-гимназиясының оқушылары үздік өнер көрсетті.
Қалалық бірінші дебат турнирі оқушылардың сыни ойлау дағыдысын дамыту арқылы қоғамда орын алып жатқан құбылыстарға өзіндік баға беруге, айналасындағы адамдармен еркін қарым-қатынас орнатып, жалпы қоғам өміріне белсенділігін арттыруға бағытталған.
Дебатта қалалық білім басқармасына қарасты 7 мектеп қонақ ретінде шақырту алған. Пікірсайыс екі кезеңде өтті. Финалдық кезеңде химия-биология бғытындағы Назарбаев Зияткерлік мектебі мен А.С.Пушкин атындағы №1 мектеп-гимназиясының оқушылары «Елдің табысты болуы табиғи байлыққа емес, білімдегі бәсекеге байланысты» тақырыбында сөз жарыстырды.
Сайыста әділқазылардың шешімімен А.С.Пушкин атындағы №1 мектеп-гимназиясының оқушылары жеңіске жетіп, бірінші дәрежелі дипломмен марапатталды. Сондай-ақ, қатысушы командаларға да сыйлықтар табысталды. Пікірсайыс келесі айда жалғасады. Оған қатысуға қалалық білім басқармасына қарасты мектептер қатысуға өтініш білдіре алады.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Танат Алибеков. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.

Другие материалы в этой категории: « Болашаққа - кітаппен! Жаңа атау – жаңа бағыт! »