«Жас сарбаз» жасөспірімдер әскери-патриоттық қозғалысы» республикалық қоғамдық бірлестігінің Шымкент қаласы бойынша филиалы мен Кеңес Одағының Батыры Сабыр Рахымов атындағы Шымкент республикалық «Жас ұлан» мектебі арасында меморандум түзілді.

Азаматтардың әскери-патриоттық тәрбиесі саласындағы ынтымақтастық және өзара іс-қимыл туралы бұл меморандумның мақсаты – жастарды әскери-патриоттық тәрбиелеу, оларда Отанын қорғауға әзір, ел азаматының  отаншыл сезімдері мен әдепті қасиеттерін қалыптастыру. Қос тарап алдағы уақытта осы мақсаттар бойынша бірлескен іс-қимылдар атқарып, өзара қолдау және ынтымақтастық көрсетпек.