akim

Құрметті шымкенттіктер
және қала қонақтары!

Сіздерді Жаңа жыл мерекесімен шын жүректен құттықтаймыз! 

Жаңа жыл – әр отбасына жылулық әкелетін, көңілге үміт пен сенім ұялатып, шапағат пен шаттық, мейірім мен ізгілік сыйлайтын жасампаз мереке! Жаңа жыл - жүріп өткен бір жылға баға беріп, тың қадам жасауға, рухани серпін беріп, жарқын өмірге, жақсылыққа ұмтылуға жол сілтейді.

Өтіп бара жатқан жыл еліміз үшін жарқын оқиғаларға, жетістіктерге және жеңістерге толы болды. Ерекше атап өтерлігі, жылдың басты оқиғасы, үш айға созылған – «Астана ЭКСПО-2017» көрмесін Қазақ елі табысты әрі жоғары деңгейде өткізді. Бұл, сөз жоқ, Қазақстанның жаһан жұрты алдындағы беделінің тағы бір биіктегені, мемлекетіміздің мерейі. Сондай-ақ, осы жылда Елбасы Нұрсұлтан Әбішұлы Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауы, «Болашаққа бағдар: рухани жаңғыру» мақаласы жария етіліп, алдағы міндеттер айқындалды. 

Шымкент қаласы үшін де 2017 жыл толағай жетістіктерімен есте қалды. Баршамыз қаншама игі істердің куәсі болдық. Қаламызда көптеген мектептер мен балабақшалар, денсаулық сақтау мекемелері, мәдени орындар ашылды. Бұл жылы қаламыздағы индустриалдық аймақта инновациялық жобалар жүзеге асырылды, жаңа әкімшілік-іскерлік орталықта жаңа зәулім үйлер бой көтерді. 

Демографиялық өсімі жоғары Шымкентте биыл 1339 пәтерлі 29 тұрғын үй пайдалануға берілді, қазіргі таңда 63 көпқабатты тұрғын үйдің құрылысы жүргізілуде. Әлеуметтік-экономикалық салада да үлкен табысқа қол жеткізілді. Мұның бәрі де Елбасының тапсырмасына сай, мемлекеттік бағдарламалар арқылы жүзеге асуда. 

Елбасымыз биылғы «Болашаққа бағдар: рухани жаңғыру» мақаласында: «Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс» деген болатын. Бұл орайда біздің табыстарымыз бен жетістіктеріміз 2018 жылы да жаңа идеялық ізденістермен және бастамашыл қадамдармен жалғасатынына сенім мол.

 

Қадірлі жерлестер!

Есіктен енгелі тұрған Жаңа жыл – біздің еліміз үшін тағы да маңызды жыл болары сөзсіз. Жаңа жыл баршаңызға жақсылық әкелсін! 

Әрбіріңіздің отбасыларыңызға амандық, татулық тілейміз! Жаңа жыл шаңырақтарыңызға жаңа табыс, шаттық ала келсін!

Жаңа жыл мерекесі құтты болсын!

Нұрлан САУРАНБАЕВ,
Шымкент қаласының әкімі

Нұрлан БЕКНАЗАРОВ,
қалалық мәслихат хатшысы

Опубликовано в Қоғам
Пятница, 15 Декабрь 2017 05:51

Тәуелсіз ел – Мәңгілік ел

tauelsizdik-2

Құрметті Шымкент қаласының тұрғындары мен қала қонақтары!

Сіздерді Қазақстан Республикасының Тәуелсіздік күні мерекесімен шын жүректен құттықтаймыз! Тәуелсіздік күні – ғасырлар бойы азаттық аңсаған халқымыздың өшкені жанып, асқақ арманы орындалған күн. 

Халқымыз үшін Тәуелсіздіктен артық қасиетті де қымбат ештеңе жоқ. Осыдан 26 жыл бұрын тарихи таңдау жасап, өз тәуелсіздігін жариялаған Қазақстан Республикасы бүгінде беделі биік, құқықтық, дербес демократиялық мемлекет ретінде әлемге танымал. Елбасымыздың жүргізіп отырған сындарлы саясаты еліміздің қарқынды дамуына, ішкі бірліктің одан беки түсуіне мол мүмкіндік ашты. 

Бүгінде егемендігіміздің арқасында Қазақстан халықаралық ареналарда үлкен жетістіктерге қол жеткізіп келеді. Соның бір айғағы, биыл Астанада халықаралық мамандандырылған «ЭКСПО-2017» көрмесі табысты өтті. Бұл Қазақстанның экономикалық қуатын жаһандық танудың айқын көрінісі екені сөзсіз.

Ынтымақты ұран, татулықты ту еткен бейбіт халқымыз осы уақыт аралығында толағай табыстарға жетті. Мемлекетіміздің қарқынды дамуы тұрақты саясат пен ішкі бірліктің арқасы. Ұлт Көшбасшысы Нұрсұлтан Әбішұлы Назарбаев өзінің «Болашаққа бағдар: рухани жаңғыру» атты мақаласында: «Екі дәуір түйіскен шақта Қазақстанға түбегейлі жаңғыру және жаңа идеялар арқылы болашағын баянды ете түсудің теңдессіз тарихи мүмкіндігі беріліп отыр. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы» деген болатын. 

Бүгінгі таңда қала экономикасының қай саласын алсақ та, тәуелсіз адамдардың бойынан ертеңге деген ұмтылыс, еңбекке деген құлшынысты көреміз. Қолымыз жеткен жетістіктердің бәрі азаттық пен еркіндіктің арқасында, ұлттық мемлекетіміздің қолдауына сүйене отырып еткен еңбегіміз бен барлық тетіктердің айқын да үйлесімді жұмыстарының нәтижесі деп білеміз. Осы игілікті істерде баршамыздың қосқан үлесіміз бар екеніне қуаныштымыз.

 

Қымбатты жерлестер!

Рухы биік, намысы берік бабаларымыздың ғасырлар бойғы асыл мұраты – азаттықты аялау болса, сол бабалардың арманын орындауда Мәңгілік елдің тұтастығын баянды ету біздің басты мұратымыз.
Бірлігіміз бекем, тұтастығымыз берік болғай! Тәуелсіздігіміздің көк туы ашық аспанымызда мәңгі желбірей берсін!

 

Нұрлан САУРАНБАЕВ,
Шымкент қаласының әкімі

Нұрлан БЕКНАЗАРОВ,
Шымкент қалалық мәслихатының хатшысы

Опубликовано в Қоғам
Среда, 29 Ноябрь 2017 05:22

Тарихи тағылымы терең мереке

quttyqtau-94-2

 

 

Құрметті шымкенттіктер
және қала қонақтары!

Сіздерді 1 желтоқсан – Қазақстан Республикасы Тұңғыш Президенті күнімен шын жүректен құттықтаймыз! Тәуелсіздіктің арайлы таңы атқан ширек ғасырдан астам уақыт ішінде еліміз күллі әлем танып, мойындаған еңселі мемлекетке айналды. Еліміздің бұл жеткен жетістігі мен шыққан биігі сөз жоқ егемендігіміздің, бірлігіміз бен тұтастығымыздың беріктігін айғақтайтын айқын дәлел. Сондықтан бұл мереке –тәуелсіздігімізді тұғырлы етіп келе жатқан мемлекетіміз үшін маңызы мол, тарихи тағылымы терең мейрам.

Қазақстан өзінің егемендік тарихында әлеуметтік-экономикалық, мәдени жетістіктерімен дараланып, Елбасының «Қазақстан-2050» Стратегиясын, «Болашақ», «Рухани жаңғыру» бағдарламалары мен басқа да тарихи маңызы зор құжаттарын дәйекті түрде жүзеге асыра отырып, әлемнің озық 30 елінің қатарына қосылуға қарышты қадам басуда. Биыл елордамыз Астанада табысты өткен «ЭКСПО-2017» халықаралық көрмесі тәуелсіз Қазақстанның тұғырын тағы да биіктетіп, әлемдік аренадағы беделін асқақтата түсті. Еліміздің барлық жетістіктері мен жеңістері Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың тегеурінді және дана басшылығы мен әрбір қазақстандықтың табанды да тынымсыз еңбегінің арқасында мүмкін болды. 

Елбасы біздің Оңтүстік өңіріне және облыс орталығына әркез ерекше ықылас танытып келеді. Президенттің қолдауымен Шымкент еліміздің үшінші мегаполисі ретінде өркендеп, көркейе түсуде.

 

Қадірлі жерлестер!

1 желтоқсан – Тұңғыш Президент күнімен мемлекеттігіміздің тарихы тамырлас, Президенттік институттың қалыптасу кезеңі өзектес. Біздің басты мақсатымыз – Елбасының төңірегіне топтаса отырып, «Мәңгілік Елдің» құндылықтарын қастерлеу, келешек ұрпаққа басты байлығымыз – тәуелсіздігіміз бен тұрақтылығымыздың туын биік ұстап, табыстау.
Осынау мерейлі мереке күні баршаңызға зор денсаулық, отбасыларыңызға бақ пен береке тілейміз!

 

Нұрлан САУРАНБАЕВ,
Шымкент қаласының әкімі

Нұрлан БЕКНАЗАРОВ,
Шымкент қалалық мәслихатының хатшысы

Опубликовано в Мәдениет
Пятница, 29 Сентябрь 2017 09:58

Көркейе бер, көркем қала!

kz-77

akimҚымбатты шымкенттіктер
мен қала қонақтары!

Шымшаһарымызды шырайға бөлеген шуақты мереке – Қала күні құтты болсын!

Шымкенттің шежіресі тарихтың тереңінен тамыр тартады. Ол Жібек жолымен байланысып жатқан ұлы жол. Біздің бүгінгі келбетті қаламыз бен көне шаһардың арасын 2200 жыл тұтастырып тұр. Осындай тағдырлы тарихы бар Шымкент қазір Қазақстандағы үш мегаполистің бірі саналатын агломерациялық қалаға айналып отыр. Осындай биік мәртебеге жету мақсатын Елбасымыздың өзі қойып отыр және біз сол деңгейге жеттік: Шымкент миллионды қала дәрежесіне жақындап келеді, заманауи тұрғын үй кешендері, ғаламат әлеуметтік нысандар бой көтерді. 

Шымкенттіктер Елбасы Нұрсұлтан Назарбаевтың «Болашаққа бағдар: рухани жаңғыру» атты мақаласына қызу қолдау білдірді. Мен табысқа жету үшін өзгерісті өзімізден бастау керектігін және ғаламдық жағдайға бейімделе білуіміз қажеттігін жақсы түсінемін. Солай бола тұра өзіміздің мәдениетіміз бен ұлттық кодымызды сақтау аса маңызды. 

Мен сүйікті қаламыздың көркем келбетімен, жайлы да шырайлы, қонақжай қалпымен, дәрісті дәстүрлерімен, тәлімді тарихымен мақтана аламын. Қаламыздың әдемі ажарын мұндағы тұрғындардың дәулетті тұрмысы, мәдениетті болмысы да айшықтай түседі. Қаламызда заман талабына сай инфрақұрылым қалыптасып келеді, жаңа шағын аудандар, көшелер, спорт алаңшалары, тұрғын үйлер, мектептер мен балабақшалар салынуда. Инновациялық даму деңгейіне үлкен мән бере отырып, қала халқын әр жылғы мерекемізде жаңа мәдени, спорт, білім нысандарының бой көтеруімен қуантуға тырысамын.

Қымбатты шымкенттіктер, қаламыздың қарқынды дамуына қосып жатқан үлестеріңіз үшін баршаңызға шексіз алғысымды білдіремін!

Баршаңызды Қала күнімен құттықтай отырып, отбасыларыңызға бақыт пен береке, ынтымақ пен бірлік тілеймін! 

Біздің шырайлы Шымкентіміз бұдан да көркейіп, көріктене берсін!

Ғабидолла ӘБДІРАХЫМОВ,
Шымкент қаласының әкімі

Опубликовано в Қоғам
Вторник, 29 Август 2017 05:08

Ата Заңым – айбыным

akimi

Қымбатты шымкенттіктер! Қадірлі қонақтар!

Сіздерді Конституция күнімен шын жүректен құттықтаймыз!

Бұл күн – біздің еліміз үшін ең ұлық мерекелердің бірі. Биыл еліміздің Конституциясының қабылданғанына – 22 жыл толды. Конституцияны басшылыққа ала отырып, біз, мемлекеттігімізді нығайту жолында ауқымды істер атқарып, алдымызға айқын мақсат қойдық. Мемлекет басшысының – жалпыұлттық «Мәңгілік Ел» идеясы, «Нұрлы Жол» Жаңа Экономикалық Саясаты және Бес институттық реформасы Ата Заңымыздың аясында жүзеге асатын жүйелі жобалар. 

Ата Заң қабылданған 22 жыл ішінде Шымкенттің әлеуметтік, экономикалық, өндірістік дамуында тың серпілістер орын алды. Халық саны өсіп, еңбек өнімділігі артты. Құқықтық қоғамдық пікір қалыптасты. 

Қазіргі Шымкент жыл санап түрленіп, әлеуметтік-экономикалық тұрғыдан өсіп, өркендеп келеді. Таяу уақытта біз миллионды қалаға айналмақпыз. Экономикалық белсенділік артып, жұмыссыздық деңгейі төмендеді. Бұның бәрі, Бас Құжатымыз – Ата Заңның аясында жасалып жатқан игі істер. 

Елбасы Н.Ә.Назарбаевтың «Шымкент Алматы мен Астанадан кейін мегаполис атағы бар Қазақстандағы үшінші қалаға айналатын болады» дегені, біз үшін үлкен абырой ғана емес, сондай-ақ әрбірімізге жүктеліп отырған үлкен жауапкершілік. Президентіміздің осы сенімі әлеуметтік және мәдени деңгейімізді арттырады. Соның нәтижесінде әрбір қала тұрғындарының өмір сапасы артады деп ойлаймыз.

Құрметті қала тұрғындары!

Конституция – Тәуелсіз елдің қоғамдық қағидасын бекітті, демократия дамуына импульс берді, азаматтық бейбітшілік пен келісімді ұзартты. Елдегі ұлт пен ұлыстың бірлігін нығайтты. Бүгінде, Шымкентте 130-дан астам әр түрлі ұлт өкілдері татулықта өмір сүруде. Олар әр түрлі салада қаланың дамуына, мегаполис атануына ерекше үлес қосып жүр. 

Сіздерге зор денсаулық, отбасыларыңызға бақыт тілейміз және алдағы уақытта Шымкентімізді Қазақстандағы үшінші мегаполиске жеткізу үшін аянбай еңбек етейік.

Қала әкімі
Ғабидолла ӘБДІРАХЫМОВ

Қалалық мәслихат хатшысы
Нұрлан БЕКНАЗАРОВ

Опубликовано в Қоғам

mereke

 

Құрметті шымкенттіктер!

Сіздерді 7 мамыр – Отан қорғаушылар күнімен және 9 мамыр – Ұлы Жеңіс күнімен шын жүректен құттықтаймыз!

Бір-біріне ұласқан осынау қасиетті де қастерлі мерекелер қарсаңында Сіздердің қайсарлықтарыңызға, жанкешті ерліктеріңізге құрмет көрсете отырып, ыстық ықыласпен алғыс айтамыз!

Жеңіс жалауының желбіреген күніне 72 жыл толып тарих қойнауына өшпес ерлікпен еніп барады. Бұл мереке – соңғы демі қалғанша күрескен жанқиярлық ерліктің нәтижесі, халқымыздың ерлігі мен даңқының жарқын көрінісі. 

Бүгінгі Тәуелсіздік тұғырының берік, еліміздің өркендеуі мен бірліктің бұзылмас қамалы осынау мерекенің жемісі.

Аға ұрпақ алып берген Жеңіс – бүгінгі күні де бізді жетістіктерге жігерлендіреді, жанымызға қуат береді, қиындықтарды жеңіп, алға ұмтылуымызға көмектеседі.

Біздің парызымыз – бұл алапат соғыстағы Жеңістің бізге қалай келгендігін ұғыну, қаза тапқандарды қадір тұтып, арамызда жүрген ардагерлерге ұдайы қамқорлық көрсету. Бүгінгі буын Жеңіс солдаттары алдында мәңгілік қарыздар, сондықтан да ардагерлерге жан-жақты әлеуметтік қолдау көрсету үшін барлық мүмкіндіктер жасалуда. 

Жеңіс күні қарсаңында Тәуелсіз еліміздің мемлекеттік мерекесі – 7 мамыр – Отан қорғаушылар күнін атап өтеміз. Биыл ҚР Қарулы күштерінің құрылғанына 25 жыл толып отыр. Бұл күні – Қарулы күштер қатарында қызмет еткендер мен сапта жүргендерге құрмет көрсетеміз. 

Отан қорғаушылар күні Отанды қадірлейтін, оның тарихын құрметтейтін, ерлік пен жауынгерлік күшке ие нағыз ерлердің мерекесіне айналды. Бұл күн – қайсар мінезді ата-бабамыздың жауынгерлік дәстүрінің заңды жалғасын тапқан күні.

25 жылдық қалыптасу кезеңінде ұлттық әскер күштері азаматтардың еңсесін тіктеп, еркіндігін кеңейтіп, аянбай еңбек етуде.

Бүгінгідей айтулы мерекеде барлық бастаған бастамалар оң жемісін беріп, еліміздің көркейуіне аянбай еңбек еткен азаматтарымыздың еңселері биік, мерейлері үстем болсын! 

Жұдырықтай жұмылған, білектей біріккен кеңпейіл Қазақ елінің көк байрағы мәңгі бейбітшілік аспанында желбірей бергей!

Баршаңызға – дендеріңізге саулық, шаңырақтарыңызға шаттық, бақ пен береке тілейміз!

Мереке құтты болсын!

Опубликовано в Қоғам
Пятница, 28 Апрель 2017 06:34

Бірлігі берік елдің іргесі бекем

1mamyr

akimat 33

Құрметті шымкенттіктер мен қала қонақтары!

Сіздерді 1 Мамыр – Қазақстан халқы бірлігі күні мерекесімен құттықтаймыз!
Халқымыздың «Ырыс алды – ынтымақ» деген қанатты сөзінің астарында үлкен мән бар. Ел бірлігі, достық пен бауырмалдық - бейбіт күннің, татулықтың темірқазығындай ең басты құндылық болып табылады.
Елбасымыз кеше ғана Қазақстан халқы Ассамблеясында биылғы жыл еліміздің тарихындағы ерекше жыл екенін атап өтті. Сондықтан да жүйелі даму бағытында экономикалық, саяси және рухани жаңғыруда аянбай еңбек етуге тиіспіз. Қазірде қазақ елі, өзіндік бет-бейнесі бар, өзіндік ерекшеліктері мен ұстанымы бар, берекесі мен бірлігі жарасқан табысты мемлекет.
Бізде бір мақсат, бір - мүдде, бір - болашақ жолында жұмылған қуатты елміз.
Қоғамдық келісім мен саяси тұрақтылық – біздің ең басты байлығымыз. Бұл жетістікті бағалау, оны сақтау жолында аянбай еңбек ету әрбір қазақстандықтың міндеті болып табылады.
Түрі басқа болғанымен, тілегі бір, жүзі басқа болғанымен, жүрегі бір көпұлттың өкілдерімен бірлік пен татулық арқасында өскелең ұрпаққа жарқын болашаққа бет алып келеміз. Бүгінде мәдениеті мен салты сақталған бірлік шаңырағында ұйысқан – ұлттық мәдени орталықтар достықтың дәлелі болып отыр.
Бұл жетістікті бағалау, оны сақтау жолында аянбай еңбек ету әрқайсымыздың міндетіміз.

Құрметті жерлестер!

Бірлік мерекесі қарсаңында Сіздерге бақыт, зор денсаулық, еңбектеріңізге табыс тілейміз.
Бейбіт өмірдің берекесі, халқымыздың ынтымақ, бірлігі арта берсін!

 

Ізгі ниетпен,
Шымкент қаласының әкімі
Ғ. ӘБДІРАХЫМОВ

Шымкент қалалық
мәслихат хатшысы
Н. БЕКНАЗАРОВ

Опубликовано в Қоғам
Пятница, 17 Март 2017 06:38

Ұлыс оң болсын!

akim    DSC2215

Құрметті Шымкент қаласының
тұрғындары мен қонақтары!

Сіздерді Ұлыстың ұлы күні – Наурыз мерекесімен шын жүректен құттықтаймыз!
Наурыз – жақсылық пен молшылықтың, жаңару мен тазарудың айы. Тарихы тереңнен тамыр алған, бұл күннің әлеуметтік-рухани мәні мен маңызы зор. Күннің ұзаратын, тіршіліктің жаңаратын, өмірдің жаңғыратын кезеңі – Наурыз ырыc пен берекенің бастауы.
Елімізде Наурыз бүкіл Қазақстан халқын біріктіретін, ұлысты ұйыстыратын ұлы мереке ретінде жарияланған жылы Біріккен Ұлттар Ұйымы тарапынан «халықаралық мейрам» ретінде қабылданып, мерекеленіп келеді.
Бүкіл тіршілікке шаттық нұрын сыйлап, адам баласын тек ізгілікке, мейірімділікке шақыратын мерекені шымкенттіктер мол табыстармен, көтеріңкі көңіл күймен қарсы алуда. Бұл мерекенің ұлт пен ұлыстар арасындағы достықты бекітуде, бауырластық қарым-қатынасты нығайтуда алатын орны ерекше.

Қадірлі шымкенттіктер!

Тамырын тереңнен тартқан осынау мейрам – береке мен бірліктің, тазалық пен татулықтың тұғырын нығайтып, риясыз шаттық пен қуанышқа кенелтсін. Жасампаздығы мен қуаты артып келе жатқан еліміздің ажары мен айбыны да осындай игі дәстүрлерімізбен жалғаса берсін.
Елімізді шуағына бөлеген Ұлыстың ұлы күні әр шаңыраққа мерейлі шаттық, мол ырыс пен мызғымас ынтымақ сыйласын!
Ұлыс оң болсын! Ақ мол болсын! Наурыз мейрамы құтты болсын!

Ғабидолла Әбдірахымов,
Шымкент қаласының әкімі 

Нұрлан БЕКНАЗАРОВ,
қалалық мәслихаттың хатшысы

Опубликовано в Мәдениет
Среда, 21 Декабрь 2016 06:09

Ардагерлер марапатталды

Мемлекет басшысы Нұрсұлтан Назарбаевтың Жарлығымен Шымкент қаласының ардагерлері марапатталды.

IMAG2305Қалалық ардагерлер кеңесінің төрағасы И. Рысбай қариялардың омырауына мерекелік медалды салтанатты жағдайда қадап, құрмет көрсетті. Ұлы Отан соғысының майдангері Анна Шаля, ардагерлер кеңесінің төралқа мүшелері Сейдахмет Байдәулетов, Айтымбек Құмарбеков, Оразалы Омаров, Әл-Фараби аудандық ардагерлер кеңесінің төрағасы Мұхан Омарұлы, облыстық кеңестің төралқа мүшесі Кәрсенбай Қунақов, кеңес мүшесі Базарбек Уәлиханов, пленум мүшесі Любовь Ралдугинаны Тәуелсіздігіміздің 25 жылдық медалімен марапаттады. 

– Сіздерді мемлекетіміздің ең мерейлі мерейтойымен құттықтаймын. Бұл күн біз үшін ерекше толғаныспен қарсы алатын мерекелердің бірі. Сіздердің өмірлеріңіз ерен ерлікке, қаһармандыққа және табандылыққа толы. Әрқайсыңыз мемлекетіміздің көркейіп, дамуына өзіндік үлес қоса білдіңіздер. Ерліктеріңіз бен еңбектеріңіз біз үшін әрқашан үлгі болып қалады. Сіздерге денсаулық пен жақсылық, отбасыларыңызға бақыт тілеймін! – деді И. Рысбай. 

Марапатталған ардагерлер өздеріне көрсетілген құрметі үшін Елбасына алғыстарын жеткізді.

Опубликовано в Әлеумет

АҚШ-тағы Президент сайлауының нәтижесі белгілі болды. Республикалық партия атынан кандидат болған Дональд Трамп саяси науқанның қорытындысы бойынша жеңіске жетті. Саяси додада ол 57 миллион халықтың дауысын жинады. 70 жастағы Д. Трамп АҚШ елінің тарихындағы ең егде Президент болмақ.

АҚШ-тың сайлау жүйесі күрделі екені белгілі. 8 қарашада америкалықтар өз дауыстарын қағаз жүзінде нақты кандидатқа емес, сайлаушыларға берді. Жалпы, Сайлаушылар алқасында 538 сайлаушы бар. АҚШ Президенті атануы үшін кандидаттарға сайлаушылардың кемінде 270 дауысын жинауы қажет еді. 40-тан астам штаттардың нәтижесі бойынша «су жаңа» Президент 276 дауыс жинады.

Осыған орай, ҚР Президенті Нұрсұлтан Назарбаев Дональд Трампқа Америка Құрама Штаттарының 45-ші Президенті болып сайлануына байланысты құттықтау жеделхатын жолдады. «Сіздің басшылығыңызбен Америка Құрама Штаттары дүние жүзінде тұрақтылықты, қауіпсіздікті сақтау және өсіп-өркендеу жолында тірек болып қала беретініне сенімдімін», – делінген жеделхатта. Нұрсұлтан Назарбаев Дональд Трампқа табыс тілеп, оны Қазақстанға сапармен келуге шақырды.

2017 жылдың қаңтар айында Дональд Трамп салтанатты түрде ант қабылдайды және алдағы төрт жылда елді басқаратын болады. Айта кетейік, Д. Трамп 1946 жылы 14 маусымда Куинсте (Нью-Йорк) дүниеге келген. Пенсильвания университетінен экономика бакалавры дәрежесін алып шыққан. Байлығы $4,1 млрд долларды құрайтын Трамп тек жылжымайтын мүліктен бөлек, спорт (реслинг, гольф, футбол), дәрумен сату сияқты кәсіп түрлерімен айналысады. Ол 2015 жылдың 16 маусымында АҚШ президенттігіне ресми түрде Республикалық партия атынан қатысатын үміткер екенін мәлімдеген болатын.

Опубликовано в Саясат
Страница 1 из 2