Парламент Мәжілісінің жалпы отырысында «Қазақстан Республикасы мен Халықаралық Қайта құру және Даму Банкі арасындағы «Қазақстанда энергия тиімділігін арттыру» жобасы бойынша грант туралы келісімді ратификациялау туралы» заң жобасы мақұлданды.
Келісімге сәйкес, Халықаралық Қайта құру және Даму банкі Қазақстанға энергия тиімділігін арттыру бойынша 21,7 млн. доллар грант бөлмек.
Жоба инвестициялық және техникалық көмек көрсету секілді екі құрамдастан тұрады. Оның біріншісі мемлекеттік және әлеуметтік нысандардың энергия тиімділігі бағытындағы инвестициялық тартымдылығын 17,7 млн. долларға дейін арттыру көзделген. «Жобаның мақсаты – мемлекеттік және әлеуметтік нысандардағы энергия тиімділігін жақсартуға, энергиятиімділік бағытында қаржыландыру жүйесін құруға бағытталған», – дейді Инвестициялар және даму вице-министрі Альберт Рау.
Жобаның аяқталу мерзімі 2017 жылдың 30 маусымына дейін. Вице-министрдің айтуынша, мемлекеттік әлеуметтік нысандарға алдыңғы қатарлы технологиялар енгізіледі әрі энергия тиімділігі арқасында қаражаттар үнемделеді.
