Қазақстанның даму банкі Бірыңғай жинақтаушы зейнетақы қорынан /БЖЗҚ/ 65 млрд теңге қарыз алады. «Қазақстанның даму банкі» АҚ басқармасының төрағасы Болат Жәмішевтің бұл қарызды ұзақ мерзімге алғалы отырғанын Орталық коммуникациялар қызметінде өткен баспасөз конференциясы барысында мәлімделді.
«Біздің болжауымызша, БЖЗҚ-дан қарызға алынатын 65 млрд теңгені банктегі қаржымен есептеп, құрылымдауымыз қажет. Нәтижесінде бірінші тоқсанның қорытындысы бойынша қоржынымызды қажетті деңгейде ұстап тұрғанымызды мәлімдейтін боламыз», – деді Б. Жәмішев.
65 млрд теңгені облигациялық бағдарлама арқылы тартпақ. Дегенмен, Б. Жәмішевтің айтуына қарағанда осы қарыздың өзі банкке қымбатқа түскелі отыр.
