Сауда академиясы құрылады

Пятница, 20 Декабрь 2019 04:14 Автор  Опубликовано в Экономика Прочитано 1053 раз

Үшінші мегаполисте келер жылы Сауда академиясы өз жұмысын бастамақ. «Атамекен» Ұлттық кәсіпкерлер палатасы мен Silkway Халықаралық университеті екіжақты келісім аясында жаңа жобаны қолға алды.

WhatsApp Image 2019-12-19 at 09.07.55

Бұл келісім сауда қатынастары саласында сұранысқа ие және бәсекеге қабілетті кадрларды даярлауға, сатуды басқару, логистика, маркетинг, бизнесті жүргізу мәселелері бойынша Оңтүстік аймақтағы сауданы дамытуға бағытталған.

Silkway Халықаралық университеті оқу базасында 2020 жылдың ақпан айынан бастап тыңдаушыларға оқыту семинарлар, бизнес тренингтер, практикалық дағдыларды ұйымдастыру арқылы «Otau Group» холдингінің, «Эврика» ЖШС, «Шымкент плаза» сауда орталығы, «Фиркан» ЖШС, «Филип Моррис Казахстан» ЖШС-ның бизнес жаттықтырушыларын тарта отырып жүзеге асырылады.

Оқыту аясында тыңдаушыларға тағылымдамадан кейін жұмысқа орналасу мүмкіндігі мол. Зерттеудің алдыңғы қатарлы әдістерін әзірлеу, сондай-ақ бірлескен жобаларды құру бойынша тәжірибе алмасу өтеді. Бұл -- аймақтағы кәсіпкерлер мен компаниялардың қызметкерлерін бірлескен жобалар мен оларды іске асыруға кеңінен тартуға ықпал етеді.