Версия для печати

Шымкентте жұмыссыздық деңгейі төмендеді

Среда, 16 Июнь 2021 05:27 Автор  Опубликовано в Экономика Прочитано 6102 раз
Оцените материал
(0 голосов)

Қалалық әкімдіктің ақпараттық-коммуникация орталығында қалалық жұмыспен қамту және әлеуметтік қорғау басқармасы басшысының міндетін атқарушысы Ерман Бекмұратовтың қатысуымен брифинг өтті.

Ерман Нұрланұлы «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының» іске асырылуы бойынша баяндады.

– Шымкент қаласы бойынша жұмыс күші - 435,1 мың адам. Оның ішінде жұмыспен қамтылған халық саны - 412,9 мың. Бағдарламаның бірінші бағыты бойынша (техникалық және кәсіптік біліммен және қысқа мерзімді кәсіптік оқытумен қамтамасыз ету) 2500 адамды оқыту қарастырылады. Оның ішінде жұмыс берушілердің сұранысына сәйкес 8 мамандық бойынша 600 адам, еңбек нарығының сұранысына сәйкес 24 мамандық бойынша 1900 адам бекітіліп, 3 ай мерзімге оқуға жолдануда, – деді басқарма басшысы.

 

sobes

 

Спикердің сөзінше, бағдарламаның 2-бағыты (кәсіпкерлікті қолдау) негізінде 1900 адам «Бастау Бизнес» жобасы бойынша кәсіпкерлік негіздерге оқытуға жолданған. Бұл ретте кестеге сәйкес оқу 4 ағымға бөлініп, «Atameken Academy» онлайн платформасы арқылы (https//atameken.co/ru/course-bastau) өтуде. Ал «Ауыл шаруашылығын қаржылай қолдау қорымен» келісім шарт түзіліп, 55 адамға шағын несие беру жұмыстары жүргізілуде.

Сонымен қатар, бағдарламаның 3-бағыты бойынша еңбек ұтқырлығын арттыру үшін уақытша субсидияланатын жұмыс орындары, әлеуметтік, қоғамдық жұмыстар және жастар практикасы ұйымдастырылуда. Яғни, бұл жұмыстар негізінде халықтың нысаналы топтары (мүмкіндігі шектеулі тұлғалар, жастар, зейнеткерлер, қысқарғандар, жетімдер) қарастырылған.

Айта кетейік, 2018 жылдан бастап жұмыс іздеушілерге арналған «Электрондық еңбек биржасы» іске қосылған. Бұл – жұмыс берушілер мен жұмыссыздарға персоналды таңдауға көмектесуді қамтамасыз ететін бірыңғай ақпараттық база.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Нұрбол ОРЫМБАЕВ. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.