Биыл Абай Құнанбайұлының туғанына 175 жыл толады. Халқымыздың ұлы перзентінің мерейтойын лайықты атап өту үшін арнайы құрылған комиссия дайындық жұмыстарын бастап кетті. Мемлекет көлемінде және халықаралық деңгейде ауқымды іс-шаралар ұйымдастыру жоспарланып отыр. Бірақ мұның бәрі той тойлау үшін емес, ой-өрісімізді кеңейтіп, рухани тұрғыдан дамуымыз үшін өткізілмек.

dc89883ccb9c9473a5517f24a5eb0af5-1140x752

Абай Құнанбайұлы ғұлама, ойшыл, ақын, ағартушы, ұлттың жаңа әдебиетінің негізін қалаушы, аудармашы, композитор ретінде ел тарихында өшпес із қалдырғаны сөзсіз. Оның өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, діні, ділі, тілі, рухы көрініс тауып, кейін Абай әлемі деген бірегей құбылыс ретінде бағаланды.
Өткен жылы Абайдың шығармаларынан үзінді оқу эстафетасы өтті. Ләйлім атты оқушы қыз ұсынған бұл елдік шараға мен де қатысып, қолдау көрсеттім. Мектеп оқушыларынан ел азаматтарына, тіпті, әлемдік деңгейдегі танымал тұлғаларға дейін зор қызығушылық танытып, лезде іліп әкеткен бұл бастама бірнеше айға ұласты.
Соның арқасында бүкіл Қазақстан Абай мұрасын тағы бір зерделеп шықты. Бұл – Абайға деген құрмет әрі ұрпақты тәрбиелеудің тиімді тәсілі. Абай жырларын оқу челленджі биыл, ақын мерейтойы тұсында жаңаша жанданады деп сенемін.
Елбасы Нұрсұлтан Әбішұлы
Назарбаев «Болашаққа бағдар: рухани жаңғыру» атты мақаласында қоғамдық сананы қайта түлетудің маңыздылығы туралы айтты. Ұлттық сананы сақтау және оны заман талабына бейімдеу мемлекеттік маңызы бар мәселеге айналды. Өйткені сананы жаңғырту арқылы ХХІ ғасырда еліміздің тың серпінмен дамуына жол ашамыз.
Осы орайда Абай мұрасының тигізер пайдасы зор деп есептеймін. Ұлы ақынның шығармалары бүгін де өзектілігін жоғалтқан жоқ. Абайдың ой-тұжырымдары баршамызға қашанда рухани азық бола алады.
Сондықтан ұлтымызды жаңғырту ісінде оның еңбектерін басшылыққа алып, ұтымды пайдалану жайын тағы бір мәрте ой елегінен өткізген жөн.
Мен бұл мақалада Абай сөзінің бүгінгі заманымыз үшін көкейкестілігі, ақын шығармаларынан халқымыз қандай тағылым алуға тиіс екендігі жөнінде жұртшылықпен ой бөліскім келеді.

Ұлттық болмыстың үлгісі

Абай сурет

Жаңғыру – өткеннен қол үзіп, тек жаңа құндылықтарға жол ашу деген сөз емес.
Шын мәнінде, бұл – ұлттық мұраларымызды бүгінгі оң үрдістермен үйлестіре дамытуды көздейтін құбылыс. Бұл ретте, біз Абайды айналып өте алмаймыз. Себебі, ұлы ойшыл осыдан бір ғасырдан астам уақыт бұрын ұлтты жаңғыруға, жаңаруға, жаңа өмірге бейім болуға шақырған.
Елбасымыздың: «Заманалар ауысып, дүние дидары өзгерсе де, халқымыздың Абайға көңілі айнымайды, қайта уақыт өткен сайын оның ұлылығының тың қырларын ашып, жаңа сырларына қаныға түседі.
Абай өзінің туған халқымен мәңгі-бақи бірге жасайды, ғасырлар бойы қазақ елін, қазағын биіктерге, асқар асуларға шақыра береді», – деген өнегелі сөзі ақын мұрасының мәңгілік өсиет ретінде бағаланатынын айқын аңғартады.
Абайдың шығармаларына зер салсақ, оның үнемі елдің алға жылжуына, өсіп-өркендеуіне шын ниетімен тілеулес болғанын, осы идеяны барынша дәріптегенін байқаймыз. Ал, ілгерілеудің негізі білім мен ғылымда екенін анық білеміз. Абай қазақтың дамылсыз оқып-үйренгенін бар жан-тәнімен қалады. «Ғылым таппай мақтанба» деп, білімді игермейінше, биіктердің бағына қоймайтынын айтты. Ол «Біз ғылымды сатып мал іздемек емеспіз», – деп тұжырымдап, керісінше, ел дәулетті болуы үшін ғылымды игеру керектігіне назар аударды. Ұлы Абайдың «Пайда ойлама, ар ойла, Талап қыл артық білуге» деген өнегелі өсиетін де осы тұрғыдан ұғынуымыз қажет.
Бұл тұжырымдар қазір де аса өзекті. Тіпті бұрынғыдан да зор маңызға ие болып отыр. Себебі, ХХІ ғасырдағы ғылымның мақсаты биікке ұмтылу, алысқа құлаш сермеу екенін көріп отырмыз.
Ал, біздің міндетіміз – осы ілгері көшке ілесіп қана қоймай, алдыңғы қатардан орын алу.

Ол үшін, ең алдымен, білім беру саласын заманға сай дамытуымыз керек. Сол мақсатта ауқымды жұмыстар атқарылғанымен, отандық білім беру ісінде әлі де олқы тұстар бар. Оны жетілдіру жолдарын сайлау алдындағы бағдарламамда және өткен жылғы тамыз конференциясында нақты атап көрсеттім.
«Педагог мәртебесі туралы» заңның қабылдануы – осы бағыттағы игі бастамалардың бірі. Бұл – сапалы білім беру ісін жетілдіруге арналған қадам. Жалпы, кез-келген қоғамда ұстаздың орны бөлек. Мұғалімдер білімді әрі саналы ұрпақ тәрбиелеу ісінде аса маңызды рөл атқарады. Ұстазға құрмет көрсетіп, қадірлеу – бәріміздің міндетіміз. Сондықтан мемлекет мұғалім мамандығының мәртебесін көтеріп, алаңсыз жұмыс істеуіне жағдай жасауы керек.
Абай айрықша дәріптеген игілікті істің бірі – тіл үйрену. Ақын жиырма бесінші қара сөзінде өзге тілдің адамға не беретініне тоқталып: «Әрбіреудің тілін, өнерін білген кісі оныменен бірдейлік дағуасына кіреді, аса арсыздана жалынбайды», – дейді.
Демек, өзімізден озық тұрған жұртпен деңгейлес болу үшін де оның тілін меңгерудің маңызы зор.
Ал қазіргідей жаңа тарихи жағдайда бәріміз ана тіліміздің дамуы мен дәріптелуіне назар аударып, оның мәртебесін арттыруымыз керек. Сонымен қатар, ағылшын тілін үйренуге де басымдық беру қажет. Жастарымыз неғұрлым көп тілді меңгерсе, соғұрлым мүмкіндігі кеңейеді. Бірақ олардың ана тілін білуіне баса мән берген жөн. Өскелең ұрпақ, Абай айтқандай, ғылымды толық игерсе, өз тілін құрметтесе әрі шын мәнінде полиглот болса, ұлтымызға тек игілік әкелері сөзсіз.
Қазір әлем күн сайын емес, сағат сайын өзгеруде. Барлық салада жаңа міндеттер мен тың талаптар қойылуда. Ғылымдағы жаңалықтар адамды алға жетелейді. Ақыл-оймен ғана озатын кезең келді. Заман көшіне ілесіп, ілгері жылжу үшін біз сананың ашықтығын қамтамасыз етуіміз керек. Бұл қадам өркениеттің озық тұстарын ұлттық мүддемен үйлестіре білуді талап етеді. Мұндай кезде өзіміздің таптаурын, жадағай әдеттерімізден бас тартуымыз қажет.
Абайдың кейбір қарекеттерге көңілі толмай, «Терең ой, терең ғылым іздемейді, Өтірік пен өсекті жүндей сабап» деп үнемі сыни көзбен қарауының себебі осында.
Ақын ел-жұртын түрлі өнерді игеруге үгіттеді. Соның бәрі уақыттың талабы екенін ол анық аңғарып, ұлтына ертерек үн қатты. Тіпті қазір айтып жүрген интеллектуалды ұлт қалыптастыру идеясы Абайдан бастау алды деуге болады. Ұлы ойшыл әр сөзімен ұлттың өресін өсіруді көздеді.
Сондықтан Абайды терең тануға баса мән бергеніміз жөн. Абайды тану – адамның өзін-өзі тануы. Адамның өзін-өзі тануы және үнемі дамып отыруы, ғылымға, білімге басымдық беруі – кемелдіктің көрінісі. Интеллектуалды ұлт дегеніміз де – осы. Осыған орай, Абай сөзі ұрпақтың бағыт алатын темірқазығына айналуы қажет.
Абай қазақтың әр баласын ұлтжанды азамат етіп тәрбиелеуге шақырды. Оның мұрасы – парасатты патриотизмнің мектебі, елдікті қадірлеудің негізі. Сондықтан, азаматтарымыздың көзі ашық болсын десек, Абайды оқудан, ақын өлеңін жаттаудан жалықпаған жөн.
Біз елді, ұлтты Абайша сүюді үйренуіміз керек. Ұлы ақын ұлтының кемшілігін қатты сынаса да, тек бір ғана ойды – қазағын, халқын төрге жетелеуді мақсат тұтты.
Абайдың мол мұрасы қазақ ұлтының жаңа сапасын қалыптастыруға қызмет етеді. Оның шығармаларындағы ой-тұжырымдар әрбір жастың бойында халқына, елі мен жеріне деген патриоттық сезімді орнықтырады. Сондықтан хакім Абай еңбектерінің нәрін өскелең ұрпақтың санасына сіңіру және өмірлік азығына айналдыру – ұлтты жаңғыртуға жол ашатын маңызды қадамның бірі.

Мемлекет ісінің мүдделесі

Абай ffq

Біз егемен ел ретінде өсіп-өркендеуіміз үшін мемлекеттілігімізді нығайтуымыз керек.
Заң үстемдігін және қоғамдық тәртіпті сақтау баршаға ортақ міндет екенін ұғынған жөн. Халықтың билікке деген құрметі болмаса – елдігімізге сын. Сондықтан азаматтарға, әсіресе, жастарға мемлекетті сыйлаудың мән-маңызын түсіндіру қажет. Осы ретте тағы да Абайдың мұрасына зейін қойған абзал.
Ұлы ақын өзінің шығармаларында елдік мұратты асқақтатып, ұлт бірлігін биіктетті.
Ол әділетті қоғам құру идеясын көтерген. Демек, Абайдың көзқарастары ХХІ ғасырдағы Қазақстан қоғамы және оның береке-бірлігі үшін аса құнды. Хакім Абайдың ұстанымдары өркениетті мемлекет қағидаларымен үндеседі. Заң үстемдігі, биліктің ашықтығы мен халық алдында есеп беруі жоғары деңгейде болып, мемлекет ісіне азаматтық қоғам өкілдері белсене араласқан жағдайда ғана әділеттілік берік орнығады.
Менің «Халық үніне құлақ асатын мемлекет» атты тұжырымдамам дәл осы әділетті қоғам идеясын дамыту мақсатымен ұсынылды. Билік пен қоғам арасындағы сындарлы диалог мемлекетке деген сенімді нығайта түседі. Үкімет мүшелері, соның ішінде министрлер мен әкімдер мемлекеттік және қоғамдық маңызы бар мәселелерге қатысты шешім қабылдаған кезде азаматтардың ұсыныстары мен тілектерін ескеруі керек. Мұны Абай меңзеген әділетті қоғам қалыптастырудың бірден-бір шарты деп білемін.
Ұлы ақын «Келелі кеңес жоғалды, Ел сыбырды қолға алды» дегенді бекер айтқан жоқ. Елге билік жүргізетіндерге жұрттың көңілі толмайтынын да аңғартады.
«Сыбырдан басқа сыры жоқ, Шаруаға қыры жоқ» замандастарымыз көбеймес үшін билік халыққа әрдайым құлақ түріп отырғаны жөн. Мемлекет пен қоғам өкілдері түйткілді мәселелерді бірге талқылап, шешімін табу мақсатында Ұлттық қоғамдық сенім кеңесін құрдық. Кеңес формальды сипат алып кетпеуі үшін оның мүшелерімен арнайы кездесіп, жұмысын жіті қадағалап отырмын.
Абай шығармаларында меритократия мәселесіне де айрықша мән берілген. Ол адамды мәртебесіне қарай емес, талабы мен еңбегіне қарап бағалаған. Ұлы ақын қазақ жастарына жөн-жоба көрсетіп, бағыт-бағдар берген.
Қазір Қазақстанда саяси жаңғыру үдерісі жүріп жатыр. Елбасының қолдауымен билікке басшылардың жаңа буыны келе бастады. Соған қарамастан, елімізде түбегейлі саяси өзгеріс керек деген ойлар да жиі айтылып жатады. Бірақ бұл мәселе бойынша ұлттық мәмілеге келудің, мемлекет мүмкіндіктерін шынайы бағалаудың және жүктелген міндетке жауапкершілікпен қараудың маңызы зор.
Өзгеріс деп байбалам салатындар еліміздің болашағын байыптамайды, жай ғана популистік идеяларға табан тірейді.
Популизм теріс тенденция ретінде дүниежүзілік сипат алды. Әлемнің түкпір-түкпірінде нақты стратегиясы жоқ, тек жалаң ұрандар арқылы билікке жеткісі келетін топтардың дауысы жиі естілуде. Осындай даңғазаға құмар адамдар туралы Абай: «Қу тілменен құтыртып, Кетер бір күн отыртып», – дейді. Расында, бұл – кез-келген елдің дамуын кенже қалдыратын, ұлттың бірегейлігін әлсірететін қауіпті үрдіс.
Бізге, Абай айтқандай, артық мақтанға салыну, өзгені қор, өзімізді зор санау, дау қуу әсте жараспайды. Әр қадамымызды анық басып, әлемде және елімізде болып жатқан оқиғаларды байыппен сараптай білуіміз қажет. Тұрақтылық пен дамуымыздың кепілі болған татулық пен бірлікті бәрінен жоғары қойған абзал. Мемлекет мүддесін көздесек, әуелі сабақтастық сақталып, төгілген тер мен атқарған еңбектің далаға кетпеуін ойлайық.
Осындай саясат жүргізген кезде ғана барлық стратегиялық мақсаттарымызға қол жеткізіп, Қазақстанды озық дамыған мемлекеттердің қатарына қоса аламыз.

Жаңа қоғамның жанашыры

Жаңа Қазақстанның өзегін жаңа қоғам құрайтыны анық. Бұл ретте, ең алдымен, ұлтымыздың қадір-қасиетін арттырып, халқымыздың бәсекеге қабілеттілігін жетілдіруге баса мән беруіміз керек. Сондай-ақ, қоғамның дамуына кедергі келтіретін, береке-бірлігімізге іріткі салатын жағымсыз қасиеттерден арылу қажет.
Бүгінде дүние жүзінің бірқатар интеллектуалдары классикалық капитализм дағдарысқа тап болғанын ескертіп, оның болашағына күмәнмен қарайды.
Себебі әлемде бай мен кедейдің, білімді мен білімсіздің, қала мен ауылдың арасы алшақтап кетті. Бұл үдерістің қарқыны барған сайын күшейіп келеді. Бизнес тек пайда көздесе, білімділер бөлек орта қалыптастырды, әрқайсысы өздері үшін ғана жауапкершілік арқалайтын болды.
Қалалар тез өсіп-өркендеп, шағын елді мекендердің дамуы тұралады.
Ғалымдар мұның барлығы әлеуметтік жауапкершіліктің әлсірегенінен деп есептейді.
Әлеуметтік жауапкершілік қайткенде орнына келеді? Әрине, бұл – оңай шаруа емес. Осы күрделі мәселенің шешімін Абайдың «Толық адам» формуласынан іздеген жөн. «Толық адам» деген сөз ағылшын тіліндегі «A man of integrity» түсінігіне сай келеді. Бұл – тек өте ілкімді, өзіне сенімді, ізгілік пен жақсылыққа ұмтылатын адамдарға ғана тән сипаттама. Қазір тарап жатқан осы ұғымды Абай сонау он тоғызыншы ғасырдың өзінде-ақ түсіндіріп айтты.
Адам өмірі тұтасымен түрлі қарым-қатынастардан құралады. Онсыз адам қоғамнан бөлініп қалмақ. Ал қарым-қатынас міндетті түрде өзара жауапкершілікті туғызады. Бұл жауапкершілік қара басының қамын биік қоятын өзімшілдік араласқан кезде бұзылады. Сондықтан Абай: «Ақыл, қайрат, жүректі бірдей ұста, Сонда толық боласың елден бөлек», – деп адамға нұрлы ақыл мен ыстық қайраттан бөлек жылы жүрек керек екенін айтады.
Осы үш ұғымды ол үнемі бірлікте қарастырады, бірақ алдыңғы екеуі жүрекке бағынуы керек деп есептейді. Бұл – қазақ халқының өмірлік философиясы.
Осындай таным-түсінікпен өмір сүрген халқымыз өзі қиын жағдайда отырып, өзге ұлттарды бауырына басқан. Өзі асқа жарымай қиналса да, бір тілім нанын бөлісіп жеуді парыз санаған. Үнемі үлкенге құрмет, кішіге ізет көрсетіп, сүрінгенге сүйеу, жығылғанға демеу бола білген. Осы құндылықтарды дәріптеп, бүгінге жеткізу арқылы халқымыз өзінің ұлт ретінде сақталуы үшін барын салған.
Біз Абайдың «толық адам» тұжырымын қайта зерделеуіміз керек. Бұл бағытта ғалымдарымыз тың зерттеулерді қолға алуы қажет. «Толық адам» концепциясы, шындап келгенде, өміріміздің кез-келген саласының, мемлекетті басқару мен білім жүйесінің, бизнес пен отбасы институттарының негізгі тұғырына айналуы керек деп есептеймін.
Абай шығармашылығына арқау болған тақырыптың бірі – масылдықпен күрес. Ақын үнемі уайымсыз салғырттыққа, ойын-күлкіге салынбай, сергек болуға үндейді. Оны ұдайы еңбек арқылы шыңдап отыруды құп көреді. Сонымен қатар, орынды әрекеттің уайым-қайғыны жеңетінін дәлелдеп, масылдықпен күрестің психологиялық қырларына терең бойлайды. Қазір біз көп айтып жүрген эмоционалды интеллектіге де сол тұста назар аударды. Мақтан мен масылдық психологиядан арылып, қайраттанып еңбек етуді, талаптанып білім іздеуді насихаттаған.
Абай өлеңдеріндегі «Еңбек етсең ерінбей, Тояды қарның тіленбей», «Тамағы тоқтық, Жұмысы жоқтық, Аздырар адам баласын», «Өзіңе сен, өзіңді алып шығар, Еңбегің мен ақылың екі жақтап» – деген қазыналы ойлар бәрімізге жақсы таныс. Әр адам осы түйінді тұжырымдарды санасына берік тоқып, өзінің тынымсыз, адал еңбегімен айналасына үлгі болуы керек.
Халқымыз еңбектің қадірін біледі. Біз ата-аналарымыздың тылдағы ауыр еңбегі жеңіске жетелеген орасан күшке айналғанын ұмытқан жоқпыз. Қазір де қарапайым еңбек адамдарының үлгілі істері жетерлік. Жақында солардың біразы мемлекеттік наградалармен марапатталды.
Ең бастысы, бүгінгідей бейбіт кезеңде әр азамат өзінің еселі еңбегі еліміздің экономикасын ілгерілетуге тікелей ықпал ететінін түсінуі қажет.
Абайды өз заманындағы іскерліктің ұйытқысы, еңбекқорлықтың мотиваторы деуге болады. Ұлы ойшыл шығармаларында кәсіптен нәсіп тапқандарды, шаруақорлыққа үйрену дағдыларын үлгі етеді. Ол тұрмыс сапасын жақсарту үшін еңбек етудің жаңа тәсілдерін меңгеруге шақырады. Сонымен қатар ақын бастамашылдықты, кәсіптегі адалдықты жоғары қояды. Мысалы, өзінің оныншы қара сөзінде «Ерінбей еңбек қылса, түңілмей іздесе, орнын тауып істесе, кім бай болмайды?», – деп тұжырым жасайды.
Абайдың ойынша, табыс табу үшін қолөнер үйрену керек. Себебі «мал жұтайды, өнер жұтамайды» (отыз үшінші қара сөз). Ұлы ақынның бұл ойлары бүгінгі Қазақстан қоғамы үшін де өзекті деп санаймын. Сондықтан біз бүгінгі таңда шикізатқа тәуелділік психологиясынан арылуды, шағын және орта бизнесті барынша өркендетуді негізгі басымдықтың бірі ретінде белгілеп отырмыз.

Әлемдік мәдениеттің тұлғасы

Қазіргі өркениетті мемлекеттердің барлығы дерлік шоқтығы биік тарихи тұлғаларымен мақтана алады. Олардың қатарында саясаткерлер, мемлекет және қоғам қайраткерлері, қолбасшылар, ақын-жазушылар, өнер және мәдениет майталмандары бар. Қазақ жұрты да біртуар перзенттерден кенде емес. Солардың ішінде Абайдың орны ерекше. Бірақ біз ұлы ойшылымызды жаһан жұртына лайықты деңгейде таныта алмай келеміз.
Мен көп жылғы дипломатиялық қызметімде басқа елдердің саясаткерлерімен, түрлі сала мамандарымен жиі кездестім. Шетелдіктермен адамзатқа ортақ көптеген түйткілді мәселелер туралы пікір алмасып, ой бөлістім. Жалпы, олар Қазақстанның саяси және экономикалық жетістіктері жөнінде жақсы біледі. Ал, рухани және мәдени құндылықтарымызбен жете таныс емес. Осы орайда «Неге қазақтың бітім-болмысын, мәдениетін Абай арқылы танытпаймыз?», – деген сұрақ туындайды.
Ғұлама Абай – қазақ топырағынан шыққан әлемдік деңгейдегі кемеңгер. Ол күллі адамзат баласына ақыл-ойдың жемісін сыйлады.
Абайдың ақындық қуатының терең тамырына үңілген зерттеушілеріміз оның қазақ фольклорынан, Шығыс пен Батыстың сөз өнерінен, орыс әдебиетінен, тарихи еңбектерден сарқылмас нәр алғанын айтады.
Абайдың асқан ойшылдығы оның діни талғам-танымынан да айқын көрінеді. «Алланың өзі де рас, сөзі де рас, Рас сөз ешуақытта жалған болмас», – дейді ол. Бұл ой-тұжырымға ол Шығыс пен Батыс философтарының еңбектерін терең біліп, зерттеп, зерделеп барып жеткені анық. Ол отыз сегізінші қара сөзінде Аллаға деген көзқарасын толық білдіреді.
Абайдың рухани өресіне баға берген дінтанушы философ ғалымдар оның «кәміл мұсылман» ұғымына ерекше назар аударады. «Кәміл мұсылман» ұғымы тек қазаққа ғана емес, бүкіл мұсылман әлеміне қатысты айтылса керек. Міне, біздің ойшыл Абай, хакім Абай – әлемдік деңгейде осы діни көзқарасы арқылы да биіктей беретін тұлға.
Елордада барлық діннің басын қосып, дәстүрлі жиын өткізіп келе жатқанымызды білесіздер. Мұндай іс-шаралардың мақсаты мен ұлы Абай ұстанымының арасында өзара үйлесімділік бар.
Ақынның барша адамзат баласының жан дүниесінің тазалығын сақтауға деген ниеті бәрімізге ой салады.
М.Әуезовтің «Абай жолы» романы арқылы Абай бейнесі көркем образ ретінде әлем әдебиетінде жоғары бағаланғаны белгілі. Бірақ бұл – Абайды танудың бір қыры ғана. Нағыз Абайды, ақын Абайды тану үшін оның өлеңдері мен қарасөздерінде айтылған ой-тұжырымдардың мән-маңызы ашылуы керек. Ол әлемнің кең таралған негізгі тілдеріне барлық бояуын сақтай отырып аударылуға тиіс. Бұған біз толық қол жеткізе алдық деп айту қиын. Нағыз ұлт ақындарын өзге тілдерге аудару – оңай шаруа емес. Аудармашы да сол ойшылдың деңгейіндегі талант болуы керек. Біздің абайтанушы ғалымдарымыз, тіл мамандары мен жанашыр азаматтар осы мәселеге ерекше мән бергені жөн.
Елбасы Нұрсұлтан Әбішұлы Назарбаев: «Абай – қазақ халқының рухани қазынасына өлшеусіз үлес қосқан ғұлама ғана емес, сонымен қатар ол қазақ халқының ел болуы жолында ұлан-ғайыр еңбек еткен данагер.
Абай – әлемдік деңгейдегі ойшылдардың қатарындағы ғажайып тұлға» – деген болатын. Шынында да, дана ақын шығармалары тек қазақтың ғана емес, бүкіл адамзат баласының рухани өмірін жан-жақты байыта алады. Өйткені Абай туындыларының мазмұны жалпыадамзаттық құндылықтарға толы. Оның қара сөздері – әлем халықтарының ортақ қазынасы. Бұл – классикалық үлгідегі өнегелі ойлар шоғыры. Нақыл сөз, ғибратты сөз, ғақлия сөздер деп әрқилы аталғанымен, бұл – ерекше жанр.
Абай өзінің қара сөздерінде адамзат баласына ортақ мұраларды дәріптей отырып, рухани биікке құлаш сермеп, алысқа қанат қаққанын көрсетеді. Оның қара сөздерінің арқауы – кісілік, мәдениет, ізгілік. Хакім Абайдың қара сөздеріне балама еңбек іздесек, француз ойшылы Монтеньнің жазбалары ойға оралады. Десек те, Монтень өз болмысы мен адам тұлғасы жөнінде көбірек ой толғаса, Абай қара сөздерінің басты миссиясы – ойлану, өзгеге ой салу, мақсатты ұстанымға айналдыру. Демек, ұлы ойшылдың қара сөздері – аса құнды еңбек.
Әлемдік мәдениетте Абайды қаншалықты жоғары дәрежеде таныта алсақ, ұлтымыздың да мерейін соншалықты асқақтата түсеміз. Бүгінгі жаһандану дәуірінде, ақпараттық технологиялар заманында Абай сөзі баршаға ой салуға тиіс.
Дүние жүзінде ғылым мен білімнің түрлі салаларын дамытуға зор үлес қосып, бүкіл адамзатқа ортақ ойшыл ретінде танылған тұлғалар баршылық. Мысалы, Қытай дегенде Лао-цзы мен Конфуций, Ресей дегенде Достоевский мен Толстой, Франция дегенде Вольтер мен Руссо бірден ойға келеді. Сол сияқты шетелдіктердің бәрі бірдей Қазақстан дегенде бірден Абайдың есімін атайтындай дәрежеге жетуіміз керек. Өзге жұрт «Қазақ халқы – Абайдың халқы» деп, бізге ілтипат білдіріп отырса, зор мәртебе болары анық.
Абайды қалай дәріптесек те жарасады. Оның ғибратты ғұмыры мен шынайы шығармашылығы – қазақ халқына ғана емес, жаһан жұртына да үлгі-өнеге. Абайдың адам мен қоғам, білім мен ғылым, дін мен дәстүр, табиғат пен қоршаған орта, мемлекет пен билік, тіл мен қарым-қатынас туралы айтқан ой-тұжырымдары ғасырлар өтсе де маңызын жоғалтпайды. Өйткені ақынның мұрасы – бүкіл адамзат баласының рухани азығы.
Қазақ елі барда Абай есімі асқақтай береді. Оның асыл сөздерін рухани байлығымыз ретінде жоғары ұстасақ, туған еліміздің әлем алдындағы абыройы арта берері сөзсіз.
Ең алдымен, Абайды ұлтымыздың мәдени капиталы ретінде насихаттауымыз керек. Өркениетті елдер қазақтың болмыс-бітімін, мәдениеті мен әдебиетін, рухани өресін әлемдік деңгейдегі біртуар перзенттерінің дәрежесімен, танымалдығымен бағалайтынын ұмытпайық. Сондықтан, Абайды жаңа Қазақстанның бренді ретінде әлем жұртшылығына кеңінен таныстыру қажет. Бұл – бүгінгі ұрпақтың қастерлі борышы.

Торқалы тойдың тағылымы

Біз ұлттық сананы жаңғыртамыз және бәсекеге қабілетті ұлт қалыптастырамыз десек, Абайдың шығармаларын мұқият оқуымыз керек. Оның қоғамдағы түрлі үдерістерге қатысты көзқарасы бүгінгі Қазақстан үшін аса пайдалы. Өз заманының ғана емес, қазіргі қоғамның да бейнесін танытқан Абай – елдік мұраттың айнымас темірқазығы.
Әр қазақтың төрінде домбыра тұрсын деген ұғым қалыптасқанын бәріміз жақсы білеміз. Сол сияқты әр шаңырақта Абайдың кітабы мен Мұхтар Әуезовтің «Абай жолы» романы тұруы керек деп санаймын.
Келер ұрпақ Абайдың сара жолын жалғауға тиіс. Бұл – ұлы ақын арманының орындалуы. Сондықтан біз Абайдың ойынан да, тойынан да тағылым алуға тиіспіз.
Биыл Абайдың 175 жылдығына орай халықаралық, республикалық және аймақтық деңгейде 500-ден астам іс-шара ұйымдастырылады. Тамыз айында Семей қаласында ЮНЕСКО-мен бірлесіп өткізілетін «Абай мұрасы және әлемдік руханият» атты халықаралық ғылыми-практикалық конференция ең басты шараға айналады. Сондай-ақ, қазан айында Нұр-Сұлтан қаласында «Абай және рухани жаңғыру мәселелері» деген тақырыпта халықаралық конференция өтеді. Бұл жиындарда Абайдың тұлғасы мен мұрасы жан-жақты зерделеніп, оның шығармашылығын ХХІ ғасырдағы жаңа Қазақстанның игілігіне пайдалануға жол ашылады.
Маңызды жобаның бірі – ұлы ақынның шығармаларын он тілге аударып, басып шығару. Атап айтқанда, Абай еңбектері ағылшын, араб, жапон, испан, итальян, қытай, неміс, орыс, түрік, француз тілдеріне тәржімаланады. Ақынның өмірі, мұрасы, қазақ мәдениетін дамытудағы рөлі туралы бірнеше деректі фильм және «Абай» телесериалы түсіріледі.
Ақын тойынан өнер саласы да тыс қалмайды. Республикалық және халықаралық деңгейде театр және музыка фестивальдері өтеді. Биылғы бәйгелер Абай шығармашылығына арналады. Әдебиет және өнер саласындағы үздік шығармаларға берілетін мемлекеттік сыйлық енді Абай атындағы мемлекеттік сыйлық деп аталатын болады.
Абайдың тұлғасы мен мұрасын ұлықтау шетелдерде де жалғасады. Ресейдегі, Франциядағы, Ұлыбританиядағы және басқа да мемлекеттердегі Қазақстанның елшіліктері жанынан «Абай орталықтарын» құру жоспарланып отыр. Бұл мәдени іс-шараларды ысырапшылдыққа жол бермей ұйымдастыру қажет.
Шығыс Қазақстан облысының Ақшоқы елді мекеніндегі Құнанбай Өскенбайұлы әулетінің қорымы абаттандырылады.
Сонымен қатар, Абай тұлғасын жоғары дәрежеде дәріптеу үшін Үкімет мынадай шараларды қолға алуы керек деп есептеймін.
Семей өңірі – қазақ тарихындағы киелі өлкенің бірі. Сондықтан, елдің рухани дамуында ерекше орны бар Семей қаласын тарихи орталық ретінде белгілеген жөн. Ұлы Абай мен Шәкәрімнің, Мұхтар Әуезовтің кіндік қаны тамған өңір айрықша құрметке лайық. Осыған орай, шаһарды әлеуметтік-экономикалық тұрғыдан кешенді түрде дамытып, ондағы тарихи-мәдени нысандарды жаңа талапқа сай жаңғыртамыз. Үкіметке бұл мәселеге байланысты тиісті шаралар қабылдауды тапсырамын.
Мерейтой жылы аясында Абайдың қастерлі мекені – әйгілі Жидебайды абаттандырып, ұлы ақынның рухына тағзым етуге келетін жұртшылыққа қолайлы жағдай жасау қажет.
Сонымен қатар, Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейіне ерекше көңіл бөліп, ғылыми-танымдық жұмыстармен айналысатын орталыққа айналдыру керек.
Жидебайда музейге арнайы лайықталған «Абай мұрасы» атты жаңа ғимарат салу қажет.
1918 жылы Семей қаласында Мұхтар Әуезов пен Жүсіпбек Аймауытов негізін қалаған, 1992 жылдан бері қайта шыға бастаған «Абай» журналына мемлекет тарапынан қолдау көрсету керек.
Осы және басқа да ауқымды шаралар Ұлы Абайдың рухына тағзым етіп, оның мол мұрасын дәріптеу үшін өткізілмек. Ендеше, бүкіл Қазақстан халқын осы игі бастамаға белсене атсалысуға шақырамын.

* * *

Біз Абайдың 175 жылдық мерейтойына қоғамдық сананы жаңғыртатын, бір ел, тұтас ұлт болып дамуымызға серпін беретін іс-шара ретінде зор мән беріп отырмыз.
Бұл тойдың тұсындағы басты мақсатымыз – бүкіл халықтың ұлт ұстазы алдындағы өзіндік бір есеп беруі іспеттес болуға тиіс деп білемін. Абай сыны – ауыр сын, сындарлы сын.
Елбасы бастап, ел қостап, биік белестерді бағындырдық. Озық елулікке кіреміз деп мақсат қойдық, ол мақсатқа мерзімінен бұрын жеттік.
Озық отыздыққа қосылуды межеледік. Ол межеге де жетеміз. Сол межеге жетуге де бізге Абай мұрасы көмек бере алады. Ендігі мәселе – біз сол Абайдың көмегін түсіне алдық па, зерделей аламыз ба?
Ұлылықтың тойы ұлт алдындағы ұлы міндеттің үдесінен шығудың жолын іздеуге ұмтылдыруға тиіс. Әр азамат осы тойдың алдында еліміз, елдігіміз жөнінде терең ойланса дейміз. Абай бізге нені аманаттады? Абай бізден нені талап етті? Абай бізден нені күтіп еді? Абай елдің қай ісіне сүйініп еді? Сол сүйінген ісінен үйрене алдық па? Абай қазақтың қай ісіне күйініп еді? Сол күйінген ісінен жирене алдық па? Басқасын былай қойғанда, ақын айтқан бес асыл істі жүзеге асырып, бес дұшпанды бойдан қашырып жатырмыз ба деген ойдың төңірегінде толғансақ та талай жайға қаныға аламыз.
Абай мұрасы – біздің ұлт болып бірлесуімізге, ел болып дамуымызға жол ашатын қастерлі құндылық.
Жалпы, өмірдің қай саласында да Абайдың ақылын алсақ, айтқанын істесек, ел ретінде еңселенеміз, мемлекет ретінде мұратқа жетеміз.
Абай арманы – халық арманы. Халық арманы мен аманатын орындау жолында аянбағанымыз абзал. Абайдың өсиет-өнегесі ХХІ ғасырдағы жаңа Қазақстанды осындай биіктерге жетелейді.

40 жастан асқанда мазалайтын дерт

Понедельник, 06 Январь 2020 07:54

Қант диабеті – бұл ұйқы безі жеткіліксіз инсулин өндірген кезде  немесе организм өзі шығаратын инсулинді тиімді қолдана алмайтын кезде пайда болатын ауыр созылмалы ауру. Бұл қандағы глюкозаның жоғарылауына әкеледі.

1. Е.Түктібаев – «Тоғыс»тұрғын алабының тұрғыны, ардагерлер кеңесінің төрағасы:
Сұрақ: «Тоғыс» тұрғын алабындағы №120 мектепке қосымша 300 орындық ғимарат салуды сұраймыз.
Жауап: Шымкент қаласының құрылыс басқармасының мәліметіне сәйкес:
«Тоғыс» тұрғын алабындағы №120 мектепке қосымша 300 орындық ғимарат салу бойынша мемлекеттік сатып алу процедурасы өткізіліп, мердігер мекеме анықталды, қосымша құрылыс жұмыстарын жүргізу 2020 жылы жоспарлануда.

2. Л.Қожагелдиева - «Ұлағат» шағынауданы, Майбұлақ көшесі, №12 үй тұрғыны:
Сұрақ: «Ұлағат» шағынауданында мектеп құрылысы қашан жүргізіледі?
Жауап: Шымкент қаласының жер қатынастары және білім басқармаларының мәліметіне сәйкес: «Ұлағат» шағынауданынан 900 орындық мектепке қажетті жер телімдерін мемлекет мұқтаждығына қайтару бойынша жұмыстар жүргізілуде.

3. Ү.Ұлықбек – «Қарабастау» тұрғын алабының тұрғыны, «Өзге пікір» газетінің тілшісі:
Сұрақ: Қ.Молдабекұлы (1100м) көшесін жөндеп берсеңіздер?
Жауап: Шымкент қаласының экономика және бюджеттік жоспарлау басқармасының мәліметіне сәйкес: Қарабастау тұрғын алабының Қ.Молдабекұлы (бұрынғы Бойыт ата) көшесіне орташа жөндеу жұмыстарына қаржы бөлініп, жөндеу жұмыстары 2020 жылға жоспарлануда.

4. Г.Жәнібеков – «Бадам» тұрғын алабының тұрғыны:
Сұрақ: «Бадам» шағынауданында қалған көшелерге асфальттау жұмыстары қашан жүргізіледі?
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Шымкент қаласы, Бадам шағын ауданы Замана, Ғажайып (уч.№1, №2), Шамшырақ, Несібе-1, Несібе -2, Жасын, Жаңару, Бақыт ана, Өнеге, Сарыарқа, Үшқұдық (уч. №1, №2), Керемет, Керемет-1 көшелеріне, Еламан шағын ауданының Еламан (1,2,3) көшелеріне күрделі жөндеу жұмыстарына қаржы бөлініп, жөндеу жұмыстары 2020 жылға жоспарлануда. Ағымдағы жылы Сарыарқа, Үшқұдық, Жаңару көшелеріне жөндеу жұмыстары жүргізілді.

5. Ю.Гулиходжаев – «Қаратөбе» тұрғын алабының тұрғыны:
Сұрақ: Біздің тұрғын алаптағы Ақтөбе, Қарабаев, Абдықадыр ата көшелерін асфальттап берсеңіздер.
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Қаратөбе тұрғын алабының Абдықадыр көшесіне орташа жөндеу жұмыстарына 2020 жылы 35781,0 млн теңге қаржы бөлініп, жұмыстар атқарылатын болады. Шымкент қаласының жолаушылар көлігі және автомобиль жолдары басқармасының мәліметіне сәйкес: Шымкент қаласы бойынша 2019-2023 жылдарға жол жөндеу жұмыстарына бекітілген іс шара жоспарына сәйкес, Қаратөбе тұрғын алабының И.Қарабаев, Ақтөбе көшелеріне орташа жөндеу жұмыстарын атқару мақсатында, ағымдағы жылы жобалық-сметалық құжаттары әзірленді.

6. К.Бөрікбаева Еламан шағынауданының 8 а үй тұрғыны:
Сұрақ: Шукуров көшесінен кейінгі Еламан көшесінде асфальт төселмеген 2 шақырым жолды асфальттап берсеңіздер?
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Бадам шағын ауданы Замана, Ғажайып (уч.№1, №2), Шамшырақ, Несібе-1, Несібе-2, Жасын, Жанару, Бақыт ана, Өнеге, Сарыарқа, Үшқұдық (уч. №1, №2), Керемет, Керемет-1 көшелеріне, Еламан шағын ауданының Еламан (1,2,3) көшелеріне күрделі жөндеу жұмыстарын жүргізуге – 357,4 млн теңге қаралды.
Аталған көшелерге және Еламан көшесіне жөндеу жұмыстары 2020 жылыжоспарланып отыр.
Сұрақ: Осы көшеден №127 жалпы орта мектепке баратын жолға түнгі жарық шамдарын орнатып берсеңіздер.
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Еламан-Шүкіров көшелерін жарықтандыруға жобалау-сметалық құжаттамаларын дайындауға қаржы қарастыру 2020 жылы жоспарлануда.

7. Х.Джамалова – Е.Юсупов атындағы №104 мектептің директоры:
Сұрақ: Е.Юсупов көшесінде орналасқан №104 мектепке баратын жолға аяқ жол салу қажет.
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Базарқақпа тұрғын алабының Е.Юсупов көшесіне аяқ жол орнату жұмыстарына сметалық құжаттар әзірленіп, бюджеттен 9,3 млн теңге қаржы бөлінді.

8. Н.Ержанова – «Тоғыс» тұрғын алабының тұрғыны:
Сұрақ: «Тоғыс» тұрғын алабы, Мұнайбарлаушылар көшесіндегі асфальттің тозығы жетіп қолайсыз жағдай туғызуда, осы көшеге жөндеу жұмыстарын жүргізу қажет.
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Тоғыс тұрғын алабының Мұнайбарлаушылар көшесіне орташа жөндеу жұмыстарына 54,3 млн теңге қаржы бөлінді.

9. П.Худайбергенов – «Бадам-1» тұрғын алабының тұрғыны:
Сұрақ: Е.Исраилов, Н.Ирисбеков, Набережная көшелеріне аяқ жолдар салуды сұраймыз?
Жауап: Шымкент қаласының экономика және бюджеттік жоспарлау басқармасының мәліметіне сәйкес: Бадам-1 тұрғын алабының Е.Исраилов және Н.Ирисбеков көшелеріне аяқ жол орнату жұмыстарына сметалық құжаттар әзірленіп, бюджеттен 84,3 млн теңге қаржы бөлінді. Бадам-1 тұрғын алабының Набережная көшесіне аяқ жол орнату жұмыстарына сметалық құжаттар әзірлеуге тапсырыс берілді. Жұмыстар бюджеттен қаржы қаралған жағдайда атқарылады.

10. Е.Беккусов - «Бадам» тұрғын алабы Ғажайып көшесі 9/1 үй тұрғыны:
Сұрақ: «Бадам» тұрғын алабындағы Ғажайып көшесін және сол секілді қысқа көшелерге асфальттау жұмыстарын жүргізіп берсеңіздер.
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Шымкент қаласы, Бадам шағын ауданы Замана, Ғажайып (уч.№1, №2), Шамшырақ, Несібе-1, Несібе-2, Жасын, Жанару, Бақыт ана, Өнеге, Сарыарқа, Үшқұдық (уч. №1, №2), Керемет, Керемет-1 көшелеріне, Еламан шағын ауданының Еламан (1,2,3)көшелеріне күрделі жөндеу жұмыстарын жүргізуге - 357,4 млн теңге қаралды.

11. Е.Төлегенов – «Бадам-2» тұрғын алабының тұрғыны:
Сұрақ: «Бадам-2» тұрғын алабында 130-дан астам үйге сапалы ауыз су жүйесі тартылмаған, осыған байланысты жаңа жүйе құрылысын жүргізіп берсеңіздер?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Бадам-2 ш/а ауыз су жүйелерінің құрылыс жұмыстарын жүргізуге мердігер мекеме «Лидер Строй Проект» ЖШС-ы жауапты. Құрылыс жұмыстарына бюджеттен 177,0 млн теңге қаралып, құрылысы 2020 жылға өтпелі.

12. А.Арзықұлов – «Бадам -1» тұрғын алабының тұрғыны, зейнеткер:
Сұрақ: «Бадам-1» тұрғын алабындағы 34 үйге сапалы ауыз су жүйесі тартылмаған, осыған байланысты жаңа жүйе құрылысын жүргізіп берсеңіздер?
Жауап: Шымкент қаласының энергетика және коммуналдық-шаруашылық басқармасының мәліметіне сәйкес: Бадам-1 ш/а ауыз су жүйелерінің құрылыс жұмыстарын мердігер мекеме «Лидер Строй Проект» ЖШС-ы жүргізуде. Құрылыс жұмыстарына бюджеттен 177,0 млн теңге қаралып, құрылысы 2020 жылға өтпелі.
Сұрақ: «Базарқақпа» және «Бадам-1» тұрғын алаптарындағы электр бағаналары мен желілері ескі, тозығы жеткен, сол себептен электр бағаналарын және желілерін ауыстыру қажет.
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Электр бағаналарын және желілерін ауыстыру бойынша 2019 жылы Республикалық бюджеттен 250,0 млн теңге қаралып толығымен игерілген. 2020 жылы 299,3 млн теңге қаралған. Құрылыс жұмыстары 2020 жылға өтпелі.

13. Г.Еркебаева – Толстой көшесі №121А-20 үй тұрғыны:
Сұрақ: Біздің аулаға абаттандыру және балалар ойын алаңшасын орнату қажет.
Жауап: Толстой көшесі №121А көпқабатты үй ауласын абаттандыру және балалар ойын алаңшасын орнату жұмыстарына қаржы бөлінді. 2020 жылы құрылыс жұмыстары жүргізіледі.

14. Е.Түктібаев – «Тоғыс» т/а тұрғыны:
Сұрақ: Бадам өзені жағалауында су шаю қаупінің алдын алынса?
Жауап: Шымкент қалалық және Еңбекші аудандық төтенше жағдайлар департаметінің, Шымкент «Сушар» МКМ-нің Еңбекші ауданы әкімінің аппаратының, Қазселденқорғау ММ-нің және жобалушы мекеме «Корпорация Асыл-Строй» ЖШС-ның мамандарының қатысуымен «Бадам» өзені бойындағы су шайылған жерлерге зерделеу жұмыстары жүргізіліп, ақау актісі түзіліп, жоба әзірлеуге қаржы бөлу үшін Шымкент қалалық төтенше жағдайлар басқармасы тарапынан ұсыныс енгізілді.

15. Ү.Ұлықбек – «Қарабастау» тұрғын алабының тұрғыны, «Өзге пікір» газетінің тілшісі:
Сұрақ: Біздің тұрғын үйлерді электр қуатымен қамтамасыз ететін трансформатор 40 жыл бұрын қойылған және қуаттылығы 50 тұрғын үйге арналған, алайда қазіргі таңда аумағымызда 300-ден аса тұрғын үй болуына байланысты трансформатордың қуаттылығы жетпей, жарық жиі сөнеді. Аталған мәселені шешіп берсеңіздер?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: «Шымкент қаласы Қарабастау, Қаратөбе (Базарқақпа), Жыланбұзған, Бадам-1 елдімекендерінде 10/0,4 кВ электр желілерінің құрылысы» нысанының құрылысына 2019 жылға 250,0 млн теңге, 2020 жылға 299,4 млн теңге қарастырылған. Нысанның аяқталу жұмыстары 2020 жылдың соңына дейін қарастырылуда.

16. Н.Джанибеков – 2-3 Көксай шағынауданының көше комитеті төрағасы:
Сұрақ: Ж.Нұрлыбаев көшесіне түнгі жарық шамдарын орнатып берсеңіздер?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Ж.Нұрлыбаев көшесіне түнгі жарық шамдарын орнатуға 2020 жылы қаржы қарастырылған, құрылысы 2020 жылдың 2-тоқсанында жүргізілетін болады.

17. Н.Ержанова – «Тоғыс» тұрғын алабының тұрғыны:
Сұрақ: «Тоғыс» тұрғын алабы, Мұнайбарлаушылар көшесін жарықтандыруды сұраймыз?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Мұнайбарлаушылар көшесін жарықтандыруға түнгі жарық шамдарын орнатуға 2020 жылы қаржы қарастырылған, құрылысы 2020 жылдың ІІ-тоқсанында жүргізілетін болады.

18.Ж.Жанарова - «Базарқақпа» тұрғын алап тұрғыны, ауыл биі:
Сұрақ: «Базарқақпа» тұрғын алабының Жанаров, Жамалова көшелерін жарықтандыруды сұраймын?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Жанаров және Жамалов көшелерін жарықтандыру, түнгі жарық шамдарын орнатуға 2020 жылы қаржы қарастырылған,қ ұрылысы 2020 жылдың ІІ-тоқсанында жүргізілетін болады.

19. О.Кенжаев – Шаңырақ ш/а тұрғыны:
Сұрақ: «Шаңырақ» шағынауданының көшелеріне жарықтандыру жұмысы жүргізілсе?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: «Шаңырақ» шағынауданындағы Шымқорған көшесін жарықтандыру жұмыстары бойынша жобалау-сметалық құжаттамасын әзірлеу 2020 жылы жоспарлануда.

20.Сұрақ: «Абдулабад», «Тұрдыабад» тұрғын алаптарындағы электр бағаналары мен желілері ескі, тозығы жеткен, сол себептен электр бағаналарын және желілерін ауыстыру қажет.
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Абдулабад, Тұрдыабад тұрғын алаптарындағы электр жүйелерінің құрылысына сәулет жоспарлау тапсырмасы әзірленді. 2020 жылы бюджеттің кезекті нақтылау барысында ЖСҚ әзірлеуге бюджеттік өтінім беріледі.

21. М.Қаратаев – «Айнатас» тұрғын алап тұрғыны, кәсіпкер:
Сұрақ: «Айнатас» тұрғын алабының орталық көшесі жарықтандырыл са?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: «Айнатас» тұрғын алабының орталық көшесін жарықтандыруға жобалау-сметалық құжаттама әзірлеуге, қаржы қарастыру 2020 жылы жоспарлануда.

22. Г.Жәнібеков – Бадам тұрғын алабының тұрғыны:
Сұрақ: Ә.Кенесарин көшесіне түнгі жарық шамдарын орнатты, алайда жарыққа қоспады, жұмыстар қашан аяқталады?
Жауап: Шымкент қаласының энергетика және коммуналдық шаруашылық басқармасының мәліметіне сәйкес:Кеңесары көшесін Түркістан облыстық ЖКжАЖ басқармасы мен қалалық ЖКжАЖ басқармасының теңгерімінен ЭжКШ басқармасының теңгеріміне өткізу жұмыстары жүргізілуде. Қазіргі таңда жарықтандыру жүйесін уақытша қосу жұмыстары жүргізілуде.

23. Б.Бескемпіров – «Жалын» тұрғын алабының тұрғыны:
Сұрақ: «Жалын» тұрғын алабының жекеменшік электр жүйесінің орнына сапалы электр жүйесін жүргізіп берсеңіздер.
Жауап: Шымкент қаласының экономика және бюджеттік жоспарлау басқармасының мәліметіне сәйкес: Шымкент қаласының энергетика және коммуналдық шаруашылық басқармасы тарапынан Жалын тұрғын алабының электр жүйелерінің құрылысына жобалау-сметалық құжаттамалары әзірленуде. Жобалаушы мекеме – «Улмад» ЖШС-ы. Мемлекеттік сараптама қортындысын алу 2020 жылға қаңтар айына жоспарланған.

24. Б.Алимбеков – Қойкелді батыр көшесінің көше комитет төрағасы:
Сұрақ: Қойкелді батыр көшесін жарықтандыру жұмысы жүргізілсе?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Қойкелді батыр көшесін жарықтандыру бойынша зерделеу жұмыстары жүргізіліп қажеттілігіне қарай ЖСҚ-ын әзірлеу басқарманың 2020-2025 жылдардың жұмыс жоспарына енгізілетін болады.

25. Ж.Жанарова – «Базарқақпа» тұрғын алап тұрғыны, ауыл биі:
Сұрақ: №98 мектебінде оқитын жасөспірімдердін қауіпсіздігін қамтамасыз ету мақсатында баратын жолға жаяу жүргіншілер жолағын (зебра) сызуды сұраймын?
Жауап: Шымкент қаласының экономика және бюджеттік жоспарлау басқармасының мәліметіне сәйкес: Қаладағы жол таңбаларын сызуға 2020 жылға 251,4 млн теңге қаржы қарастырылған.

26. Х.Джамалова – Е.Юсупов атындағы №104 мектептің директоры:
Сұрақ: Оқушылардың қауіпсіздіктерін сақтау мақсатында №104 мектепке баратын Ю.Сареми және Е.Юсупов көшелерінің қиылысына жасанды жол кедергісін орнатып берсеңіз?
Жауап: Шымкент қаласының экономика және бюджеттік жоспарлау басқармасының мәліметіне сәйкес: Қаладағы жол таңбаларын сызуға 2020 жылға 251,4 млн теңге қаржы қарастырылған.

27. И.Эргешов – «Абдулабад» тұрғын алабының тұрғыны:
Сұрақ: «Абдулабад» тұрғын алабындағы орталық көшесіне «Алем Транс Жол» ЖШС-ы тарапынан күрделі жөндеу жұмыстары жүргізілуде, алайда аялдамалар қарастырылмаған, сол себептен қоғамдық көліктер тоқтау кезінде апатты жағдайлар туындауда?
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Облыстық маңызы бар КХ-82 автожол қазіргі таңда, Түркістан облысы ЖК және АЖ басқармасы тарапынан қайта құру жұмыстары атқарылуда. Атқарылатын жұмыстардың ішінде аяқ жол салу сонымен қатар, мектептерге баратын көшелерге аяқ жол салу, жол кедергілері және аялдама орнату жұмыстары қарастырылған.

28. Қ.Ешполова – «Бадам-1» тұрғын алабының тұрғыны:
Сұрақ: «Бадам-1» тұрғын алабындағы Мукуми атындағы №105 мектептің ескі ғимаратын бұзуға ықпал етуіңізді сұранамын.
Жауап: Шымкент қалалық білім басқармасының мәліметіне сәйкес:
«Бадам-1» тұрғын алабындағы Мукуми атындағы №105 мектептің ескі ғимаратын бұзу келесі жылы жүргізіледі.

29. Г.О.Иргибаева – «Жұлдыз» тұрғын алабы, Ю.Гагарин көше комитет төрайымы:
Сұрақ: «Жұлдыз» тұрғын алабының орталықтандырылған кәріз жүйесін жөндеу мәселесін шешіп берсеңіздер?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: «Жұлдыз» тұрғын алабын орталықтандырылған кәріз жүйелерімен қамтамасыз ету мақсатында, жобалау жұмыстарына қаржы қаралып, жобалау жұмыстары басталған. Алайда, жобалаушы мекеме тарапынан өз міндеттерін орындамауына байланысты, сотқа талап арыз жолданып, сот шешіміне сәйкес «АДТ Сервис» ЖШС-сын жобаны аяқтауға міндеттеді.

30. Ж.Жанарова – «Базарқақпа» тұрғын алабының тұрғыны, ауыл биі:
Сұрақ: «Базарқақпа» тұрғын алабындағы кәріз жүйесі қашан пайдалануға қосылады?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Магистралдық кәріз жүйесінің істен шығуына байланысты «Базарқақпа» тұрғын алабындағы кәріз жүйесін қосу мүмкіншілігі жоқ. Қазіргі таңда жаңа магистралдық кәріз жүйесін орнатуға ЖСҚ әзірлеу үшін қалалық энергетика және коммуналдық шаруашылық басқармасы тарапынан техникалық шарттары мен сәулет жоспарлау тапсырмасы әзірленді. Бюджетті нақтылау отырысына қаржы бөлуге ұсыныс енгізіледі.

31. Т.Темірбеков – «Тоғыс» тұрғын алабының тұрғыны, Қазығұрт аумағы бойынша төбе биі, зейнеткер:
Сұрақ: «Маятас», «Тоғыс» тұрғын алабындағы Бадам өзенінен өтетін көпір апатты жағдайда. Осы көпірге жөндеу жұмыстары қашан жүргізіледі?
Жауап: Шымкент қаласының экономика және бюджеттік жоспарлау басқармасының мәліметіне сәйкес: «Маятас» тұрғын алабындағы көпірдің күрделі жөндеу жұмыстарына 2020 жылы 151,1 млн теңге, «Тоғыс» тұрғын алабындағы Бадам өзенінен өтетін көпірдің күрделі жөндеу жұмыстарына 142,9 млн теңге қарастырылған.

32. О.Кенжаев – «Шаңырақ» ш/а тұрғыны:
Сұрақ: «Шаңырақ» шағынауданындағы Шымқорған, Ақорда көшелеріне ирригациялық арықтар жүргізілсе?
Жауап: Шымкент қаласының энергетика және коммуналдық шаруашылық басқармасының мәліметіне сәйкес: Шымқорған және Ақорда көшелеріне ирригациялық арықтар орнату бойынша зерделеу жұмыстары жүргізіліп қажеттілігіне қарай ЖСҚ-ын әзірлеу басқарманың 2020-2025 жылдардың жұмыс жоспарына енгізілетін болады.

33. А.Байдалиева – «Теріскей» ш/а №61 үй комитет төрайымы:
Сұрақ: «Теріскей» ш/а №61 көпқабатты үйдің жолымен жүру мүмкін емес, жолды жөндеп және ирригациялық жүйе орнатып берсеңіздер екен.
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: Теріскей ш/а №61 үй ауласындағы асфальт қабатына, аяқ жолдарына, ирригациялық жүйелеріне орташа жөндеу жұмыстарына 2020 жылға 18,3 млн теңге қарастырылған.

34. Х.Сайпова – Ж.Аймауытов көшесі №109 үй тұрғыны:
Сұрақ: «Жаңа ішек» каналының кейбір жерлеріне бетондау жұмыстары жүргізіліп, кейбір жерлері қалып кеткен. Осы қалып кеткен жерлерге бетондау жұмыстары жүргізіледі ме?
Жауап: Шымкент қаласының жолаушылар көлігі және автомобиль жолдары басқармасының мәліметіне сәйкес: «Жаңа шек» каналына күрделі жөндеу жұмыстарына 2020 жылғабюджеттен 397,5 млн теңге қаржы қарастырылған, жұмыстар 2020 жылдың мамыр-маусым айларында жоспарланып отыр.

35. С.Төлеубаев – поликлиника «Чапаевка» ӨК-нің төрағасы:
Сұрақ: 2016-2017 жылдары аралығында «Оңтүстік» шағынауданында жүргізілген кәріз жүйесі қашан іске қосылады?
Жауап: Шымкент қалалық энергетика және коммуналдық шаруашылық басқармасының мәліметіне сәйкес:
Оңтүстік шағынауданының кәріз жүйелерінің құрылысы (абоненттерді іске қосу) нысаны бойынша «Торлан құрылыс» ЖШС-ы тарапынан құрылыс жұмыстарына 2018 жылы жүргізуге 500,0 мың теңге қаржы қаралған. Жұмыстарды жүргізуге 2019 жылы қаржы қарастырылмады. 2020 жылы қаржы бөлуге бюджетке тапсырыс беріледі.

36.А.Исраилов – «Базарқақпа» тұрғын алабының тұрғыны:
Сұрақ: Базарқақпа тұрғын алабындағы «Қаратөбе клубы» апатты деп танылған, осы клубтың орнына бізге жаңадан мәдениет сарайын салдырып берсеңіздер?
Жауап: Шымкент қаласының мәдениет, тілдерді дамыту және архивтер басқармасының мәліметіне сәйкес: «Шымкент қалалық мәдениет үйі» концерттік ұйымы МКҚК қарасты «Қаратөбе клубы» 1986 жылы күрделі жөндеуден өткен. 12.09.2016 жылы «Конструктор-80» ЖШС-ы сараптама қорытындысына сәйкес, ғимарат жарамсыз деп танылды. Қазіргі таңда аталған клубты бұзып, жаңадан салу үшін Шымкент қаласының мәдениет, тілдерді дамыту және архивтер басқармасы тарапынан 2020 жылы бюджеті нақтылау отырысына ұсыныс енгізіледі.

Еліміздің қарқынды дамуы мен өркендеуі жолында Президентіміз Қ.Тоқаев Қазақстан халқына өзінің Жолдауын арнады. Жолдаудың басты мақсаты – еліміздің экономикасының нығаюына бағытталған.
Жолдауды халық арасында кеңінен насихаттау бойынша ағымдағы жылы басынан бастап 28 рет кездесулер өткізіліп, 25 000-нан астам тұрғын қамтылды.
Сонымен бірге, қазіргі Қазақстанның жаhандық рөлін айқындауға тірек болатын «Болашаққа бағдар: Рухани жаңғыру» және «Ұлы даланың жеті қыры» атты бағдарламаларын насихаттау бойынша аудан тұрғындарымен 14 кездесу өткізіліп, жалғасын табуда.

 каратау ауданы акими

Аудан аумағы

Аудан аумағында орналасқан 17 шағынаудан мен 13 тұрғын алапта 247 мыңнан астам халық тұруда.
Аудан көлемі 32 256 гектарды құрайды.

Ауыз сумен қамтамасыз ету

Аудан бойынша 47 202 жеке тұрғын үй болса, оның 37 511 яғни, 79,5% тұрғын үй тәулік бойы сапалы ауыз сумен қамтылса, 5 211 тұрғын үй, 11,2% – кесте бойынша, ал тасымал сумен қамтылғаны 4 431 үй, бұл – 9,3% құрайды.
Қазіргі уақытта, Сайрам тұрғын алабы жаңақұрылыс аумағы тұрғындарын сапалы ауыз сумен толық қамту мақсатында құрылыс жұмыстары жүргізілуде.
Қазіргі уақытта, Достық шағынауданында ауыз сумен қамту құрылыс жұмыстары атқарылуда. Пайдалануға беру мерзімі 2020 жыл.
Ал, Тассай тұрғын алабы мен Тұран ш/а ауыз сумен қамту жұмыстары қаржы бөлінуне орай 2020 жылы атқарылатын болады.
Сонымен қатар, Асар-2 шағынауданын сапалы ауыз сумен қамтуға ЖСҚ әзірленген. Қазіргі таңда мемлекеттік сатып алу конкурсы өткізілуде.

Электр жарығымен қамту

Аудан аумағында жалпы – 47 202 тұрғын үй қоныстанған болса, оның 38 142 үй, яғни (80,8%) - қалалық энергетика және коммуналдық шаруашылық басқармасы мен «Оңтүстік Жарық Транзит» мекемесінің балансындағы, ал, 9 060 үй (19,2%) жекеменшіктегі электр трансформаторлары арқылы электр жарығын пайдалануда.
Сайрам т/а Тассай бөлімшесін сапалы электр жарығымен қамту жұмыстарына бюджет есебінен 93 млн. теңге қаралып, құрылыс жұмыстарын "БАСБИЛДИНГ" мекемесі жүргізді. Бүгінгі таңда 250 отбасы сапалы электр жарығымен қамтылды.
«Оңтүстік Жарық Транзит» ЖШС-і тарапынан инвеститициялық бағдарламасына сәйкес қайта жаңғырту (модернизация) аясында Орманшы тұрғын алабындағы 250 абонентке жаңа электр сымдары мен бағаналы орнатылып, тұрғындар сапалы электр жарығымен қамтылды.
Қазіргі уақытта, шағынауданы мен Тассай тұрғын алабында электр желілерінің құрылыс жұмыстары кестеге сәйкес жүргізілуде.
Сонымен қатар, Асар-2, Достық шағынаудандары мен Тассай,
Шапырашты, Өтеміс тұрғын алаптарын сапалы электр электр желілерінің құрылыс жұмыстары кестеге сәйкес жүргізілуде.
Ал, Қайнарбұлақ тұрғын алабын сапалы электр жарығымен қамту мақсатында «Береке» мекемесі тарапынан әзірленген жоба, сараптама қарауында. Сараптама қорытындысы негізінде құрылыс жұмыстарына қаржы бөлуге бюджетке ұсыныс беріледі.
Қазіргі уақытта, Бозарық шағынауданы аумағынан «Шымкент қаласы Бозарық ПС220/110/10кВ қосалқы стансасының» құрылысы жүргізілуде. Құрылыс жұмыстары аяқталуына орай, аудан аумағындағы шағынаудандар толық сапалы электр жарығымен қамтылатын болады.

Табиғи газбен қамту

Ауданымыздағы жалпы – 47 202 тұрғын үйдің 35 083 яғни 74,3% табиғи газбен қамтылған болса, ал қамтылмағаны – 12 119 үй, бұл 25,6% құрайды.
Бүгінгі таңда Бозарық саяжайын табиғи газбен қамту құрылыс жұмыстары аяқталып, абоненттеу жүргізілуде.
Сайрам т/а Тассай бөлімшесіндегі 250 үйді табиғи газбен қамтамасыз ету мақсатында «Арсенал Юг» мекемесі тарапынан жүргізілуде. Қазіргі уақытта, Асар-2, Достық, Тұран, Тассай шағынаудандарын табиғи газ жүйелеріне қосу мақсатында, жобалар әзірленуде. Алайда, Шымкент қаласында табиғи газ қысымының жетіспеуіне байланысты жобалар уақытша тоқтатылуда.
Осыған орай, қала аумағында табиғи газбен қамту мәселесін шешу мақсатында «АГТС-3» (АГРС-3) стансасының жобалық-сметалық құжаттамасы әзірленген. Қазіргі уақытта мемлекеттік сатып алу конкурсы өткізілуде. Мердігер мекеме анықталуына орай, құрылыс жұмыстары басталады.

Аумақтарда санитарлық тазалықты сақтау

Санитарлық тазалау жұмыстарын ұйымдастыру мақсатында аудан территориясы 10 аумаққа бөлініп, оған аудан әкімі аппаратының жауапты мамандары бекітілген.
2019 жылы жоғарыда аталған жұмыстарды атқаруға 238,6 млн теңге бөлініп, қазіргі таңда «ҚазақСтройЖол» ЖШС тарапынан аудан аумағындағы 8900 куб күл-қоқыс шығарылып, 2 470 шақырым ирригациялық жүйелерді тазалау, 24 000 ағаш түбін әктеу, 1 200 ағашты санитарлық қырқу және 686 гектар аумақтың қураған шөбін ору жұмыстары атқарылды.

Қатты тұрмыстық қалдықтарды шығару жұмыстары

Ауданда бей-берекет қоқыс жиналуына жол бермеу мақсатында қатты тұрмыстық қалдықтарды шығаратын мекемелермен келісім-шарт түзу қажеттігі жөнінде тұрғындарға түсіндіру жұмыстары жүргізілуде. Нәтижесінде, аудан бойынша 2018 жылы қатты тұрмыстық қалдықтарды шығарумен айналысатын мекемелермен тұрғындардың келісім-шарт түзу көрсеткіші - 97%. Аталған көрсеткішті 100 % жеткізу мақсатында жұмыстар атқарылуда.
Сонымен қатар, аудан аумағында жыл басынан 28 рет сенбіліктер ұйымдастырылды. Оған 15 мыңға жуық тұрғындар мен мекеме қызметкерлері қатысты.
2019 жылы «Таза қала» акциясына аудан бойынша «Үлгілі аула» номинациясына 31 көп қабатты тұрғын үй және «Үлгілі көше» номинациясына елді мекендерде орналасқан 21 көше комитеттері өтінім білдіріп, конкурс нәтижесі бойынша жеңімпаздар қаржылай сыйлықтармен марапатталды.
Аудан аумағындағы негізгі көшелерде орналасқан нысандардың қоршауларының қасбеттерін ретке келтіру бойынша түсіндіру жұмыстары жүргізіліп, нәтижесінде 200 нысанның қасбеттері ретке келтірілді.

Жолдар құрылысы

Аудан аумағында жалпы ұзындығы – 1 110 шақырымды құрайтын – 1 272 көше бар. Оның 481 шақырымы, яғни, 375 көше – асфальт, 518 шақырымы, 751 көше – шағал тас, ал, 110 шақырымы топырақ көшелер, бұл – 146 көше.
Ағымдағы жылы қалалық жолаушылар көлігі және автомобиль жолдары басқармасы тарапынан жалпы 15 көшеге күрделі жөндеу жұмыстары жүргізілуде. Оның ішінде Достық шағынауданындағы ұзындығы 15,1 шақырым болатын 10 көшенің құрылыс жұмыстары аяталып, қолданысқа берілді. Ал, Нұртас шағынауданы мен Тассай тұрғын алабындағы көшелердің құрылыс жұмыстары жүргізілуде.
Одан бөлек, Достық, Қайтпас, Асар-2 шағынаудандары мен Қайнарбұлақ саяжайы, Орманшы, Мәртөбе, Қайнарбұлақ тұрғын алаптарындағы жалпы ұзындығы 13,9 шақырым 12 көшеге орташа жөндеу жұмыстары жүргізілуде. Ұзындығы 5,7 шақырым болатын 8 көшенің құрылыс жұмыстары аяқталды. Қалған 8,2 шақырым болатын 4 көшенің құрылыс жұмыстары жүргізілуде.
Қазіргі уақытта, Тұран шағынауданында орналасқан көпқабатты тұрғын үйлерге баратын №1, №2 және №7 көшелерінің құрылыс жұмыстары жүргізілуде.
Ал, Сайрам т/а облыстық маңызы бар 4 көшеде 2018 жылы басталған күрделі жөндеу жұмыстары 2019 жылдың соңында пайдалануға берілетін болады.
Қаратау ауданындағы жалпы ұзындығы 34 шақырымды құрайтын 72 топырақ көшелерге шағал тас төселді. 2020 жылы барлық топырақ көшелерге толығымен шағал тас төселетін болады.

Тұрғын үй коммуналдық-шаруашылық мәселелері

Көп қабатты тұрғын үйлерге 6 сервистік мекеме қызмет көрсетуде. Осы мекемелер тарапынан кіреберістер мен баспалдақтарды тазалау, жертөледегі жиналған суды шығару, үй ауласын тазалау, жертөледегі инженерлік жүйелерді күтіп-ұстау жұмыстары атқарылуда.

Жылумен қамтамасыз ету

Ауданда жалпы 395 көп пәтерлі тұрғын үй болса, оның 315 көп қабатты үйлер орталық жылу жүйесінен, ал 61 автономды жылу жүйесін тұтынады. Қысқы жылу маусымына көп қабатты үйлерді дайындау жұмыстарын «ОҚО үйлерді басқару» ЖШС, «Қызметкер СК» ЖШС, «Алиаскар Б.А.М. Group» ЖШС, «Исабаева» ЖК, «Коммунал сервис КО» ЖШС және «Шымкент Сити» басқарушы мекемелері жүргізіп, жылуға толық қосылды.

Аумақты абаттандыру жұмыстары

Қаратау ауданы аумағында жалпы 352 көп қабатты тұрғын үй 152 аулаға біріктірілген. Қазіргі таңда аудан аумағындағы 57 аулаға біріктірілген 139 көп қабатты тұрғын үй аулаларына заманауи үлгідегі сапалы балалар ойын алаңдары және спорттық жаттығу тренажерлары мен 19 ашық спорт алаңшаларын орнату мен күтіп ұстау жұмыстарын мемлекеттік-жекеменшік әріптестік аясында «Бай-Болашақ» ЖШС-і тарапынан құрылыс жұмыстары жүргізілуде.
Сонымен қатар, «Самұрық траст» корпоративтік қорының демеушілігімен Мирас шағынауданындағы бос жер теліміне әмбебап балалар ойын алаңшасы мен спорт алаңшасы салынды.

Аяқжолдар мен аялдамалар орнату жұмыстары

Аудан аумағындағы жалпы ұзындығы 1,4 шақырымды құрайтын Тассай тұрғын алабындағы 2 көшеге аяқжол салынды.
Сонымен бірге, аудан аумағындағы Нұрсәт, Азат, Достық, Бозарық, Ақжайық, Қайтпас, Нұртас шағынаудандары мен Қайнарбұлақ, Тассай, Таскен, Өтеміс, Шапырашты тұрғын алаптарындағы 66 орынға жаңа аялдама орнатылды.

Қауіпсіздікті қамтамасыз ету жұмыстары

Аудан аумағындағы көп қабатты тұрғын үйлер мен көше бойларында қылмыстардың алдын алу мен қауіпсіздікті қамтамасыз ету мақсатында, 67 орынға бейнебақылау камераларын орнатуға, қалалық полиция департаментіне ұсыныс жолданды. Бейнебақылау камералары қаржы бөлінуіне орай орнатылатын болады.
Сонымен қатар, аудан аумағындағы орталық маңызы бар 79 көшені жарықтандыруға ұсыныс берілген. Нәтижесінде, Ақжайық ш/а – 3 көше, Қайнарбұлақ саяжайы – 1 көше, Қайтпас ш/а – 2 көше, Орманшы т/а – 2 көше, Шапырашты т/а – 2 көшені жарықтандыруға жобалық-сметалық құжаттары әзірленіп бюджетке ұсынылды.

Ретсіз сауда орындары мен жарнамаларды реттеу

Аудан аумағында ретсіз сауда орындарын болдырмау және алдын алу мақсатында Қаратау ауданы ЖПҚ қызметкерлерімен бірлесе тұрақты түрде түсіндіру жұмыстары жүргізілуде.
Шымкент қаласының сәулет және қала құрылысы басқармасы қызметкерлерімен бірлесе аудан аумағындағы заңсыз жарнама иелеріне тұрақты түрде түсіндіру жұмыстары жүргізілуде. 2019 жылдың қала келбетіне сай келмейтін 575 заңсыз жарнама анықталып ретке келтірілді.
Аудан аумағындағы белгіленбеген орындарда орналасқан дүңгіршектер мен киіз үй иелеріне құзырлы мекемелердің қызметкерлерімен бірлесе түсіндіру жұмыстары жүргізілуде. 2019 жылы өз бетінше орналасқан 21 дүңгіршек және 2 киіз үй иелері өз еріктерімен алып тастады.

Әлеуметтік маңызы бар тауарлардың тұтыну бағасын тұрақтандыру

Әлеуметтік маңызы бар 19 түрлі азық-түлік тауарларының бағасын тұрақтандыру мақсатында, аудан аумағындағы 16 ірі сауда үйлерінде мониторинг жүргізіліп және әр аптаның жексенбі күндері Нұрсәт ш/а «Рахима-плаза» сауда үйінің жанында 175 кәсіпкердің қатысуымен азық-түлік жәрмеңкесі тұрақты түрде өткізілуде. Ағымдағы жылдың осы күніне дейін, 52-рет жәрмеңке ұйымдастырылды.
Сондай-ақ, Түркістан облысы Төле би, Түлкібас, Қазғұрт, Созақ ауданы әкімдіктерімен азық-түлік тауарларының бағасын тұрақтандыру мақсатында келісіп, аудан аумағында көшпелі сауда орындары ұйымдастырылды.

Кәсіпкерлік бастаманы ынталандыру

Кәсіпкерлерге қолдау көрсету және заң талаптарына сай құқықтарын түсіндіру және «Мемлекет тарапынан көрсетілетін жеңілдіктер» тақырыбында 35 рет жиналыстар ұйымдастырылды.
2019 жылы Қаратау ауданы аумағында 82 кәсіпкерлік нысан ашылып 586 адам жұмыспен қамтылды.
Сондай-ақ, Қаратау ауданы аумағынан – бұқашық бордақылау, сиыр сүтіне, тағамдық жұмыртқа, асыл тұқымды бұқа және ІКМ селекциялық және асылдандыру жұмыстары үшін 16 кәсіпкер мемлекет тарапынан субсидия алды.
«Shymkent» әлеуметтік кәсіпкерлік корпарациясы» АҚ-ның және Шымкент қаласының кәсіпкерлік индустриалды-иновациялық даму басқармасының 2019-2021 жылдарға арналған «Мен кәсіпкер боламын» атты әйелдер және жастар кәсіпкерлігін дамыту мақсатында Қаратау аудан аумағынан 200 орын ұсынылды.

Қайырымдылық іс-шаралары

Аудан аумағында әлеуметтік жағдайы төмен, аз қамтылған отбасыларына, жетім балалар үйіне және мүмкіндігі шектеулі азаматтарға арналған қайырымдылық іс-шаралары тұрақты түрде өткізіліп келеді.
Жалпы 2019 жылдың Қаратау ауданы әкімшілігінің ұйымдастыруымен, демеушілердің көмегімен 468 отбасыға азық түлік, көмір және құрылыс заттарымен көмек көрсетілді және №4 балалар үйіне жылу құбырлары мен 15 рет мерекелік іс-шаралар ұйымдастырылды.

Нысандардың қасбетін ретке келтіру

Аудан аумағындағы негізгі көшелерде орналасқан нысандардың қоршауларының және кәсіпкерлік нысандардың қас беттерін ретке келтіру бойынша түсіндіру жұмыстары тұрақты түрде жүргізілуде, 2019 жылдың 236 нысан ретке келтірілді.
Кәсіпкерлік нысандарының алдыларына қоқыс құтыларын қою қажеттілігі түсіндіріліп, 345 құты қойылды.

Білім саласы

Ауданда аумағында «Білім күні» қарсаңында Таскен т/а №115 негізгі орта мектеп орнына 300 орындық мектеп, Нұрсат т/а, 1200 орындық мектеп және ағымдағы жылдың желтоқсан айында «Асар» ш/а «Шымкент сити» қалашығында мемлекттік бағдарламамен берілген үйлер жанында 1200 орындық мектеп пайдалануға беру жоспарлануда. Нәтижесінде, ауданымызда 3 ауысымдық оқыту мәселесі біртіндеп өз шешімін табатын болады.
Сонымен қатар, «Тұран» және «Асар-2» ш/а 1200 орындық мектептер құрылысын жүргізілуде, 2020 жылы пайдалануға берілетін болады.

Денсаулық сақтау саласы

Аудан тұрғындарымен кездесу барысында айтылған өтініштер негізінде Қайнарбұлақ, Бозарық саяжайларында және Ақжайық, Тұран шағынаудандарында отбасылық дәрігерлік амбулаторилар салынып, 2018 жылы пайдалануға берілді.
Сонымен қатар, Ақжайық ш/а медициналық жедел жәрдем қызмет көрсету бекеті ашылып, жақын маңдағы елдімекендерге де қызмет көрсетуде.
Ал, Нұртас ш/а құрылысы 2017 жылы басталған 500 адамға арналған қалалық емхананы 2020 жылы пайдалануға беру жоспарлануда.

Әлеуметтік сала

2019 жылдан бастап Елбасының «100 нақты қадам» Ұлт жоспары негізінде Жаңа форматтағы «Атаулы әлеуметтік көмек» жүзеге асырылуда.
Осы көмекті алуға құжат тапсырған 27677 отбасының 24859-на оң қорытынды берілсе, бір реттік әлеуметтік көмек алуға құжат тапсырған 489 отбасының 481-не оң қорытынды берілді. Сонымен қатар, 2019 жылдың қыркүйек айынан бастап Қаратау ауданына көшіп келген 311 отбасының 281-не комиссияның оң шешімі берілді.

Әйелдер істері және отбасылық-демографиялық саясат

«Қазақстан Республикасындағы 2030 жылға дейінгі отбасылық және гендерлік саясат» тұжырымдамасына сәйкес, аудандық әйелдер істері және отбасылық – демографиялық саясат жөніндегі комиссиясымен аудан көлемінде 23 іс-шара ұйымдастырылды.
Сонымен қатар, 2019 жылы аудандағы көп балалы аналарымызға Қазақстан Республикасы Президентінің Жарлығымен  25 – «Алтын алқа», 108 – «Күміс алқа» табыс етілді.

Мерекелік іс-шаралар

Аудан белсенділері мен тұрғындардың қатысуымен ағымдағы жылы 11 мерекелік іс-шара өткізілді.
«Ұлы Жеңіс» күні қарсаңында ауданымыздың 150-ге жуық Ұлы Отан соғысы мен тыл ардагерлеріне арнайы дастархан жайылып, марапаттар мен мерекелік сыйлықтар табысталды.
Барлық ұйымдастырылған мәдени іс-шаралар мен атқарылған жұмыстар БАҚ беттерінде жарияланды.

Ономастика және тілдерді дамыту

Қазақстан Республикасы Президент Әкімшілігінің тапсырмасымен көшелерге кісі есімін беру тоқтатылған (мораторий). Алайда, жер-су, таулардың, табиғи көріністердің атауларын беру жұмыстары жүргізілуде. Бүгінге дейін, аудан аумағындағы көшелерге атау беру мәселесі бойынша тұрғындармен өткізілген жиналыстардың хаттамалары толтырылып, 287 көшенің құжаттары қалалық мәдениет және тілдерді дамыту басқармасына жолданды.
Ал ауданымыздағы атауы жоқ 81 көшеге атау беру бойынша тиісті жұмыстар жалғасын табуда. Сонымен бірге, ауданымыздағы көп қабатты 319 тұрғын үйге «QR-code» үлгісіндегі тақтайша орнату жұмыстары атқарылды.
Сонымен қатар, жаңақұрылыс аумағындағы 14 аялдамаға атау беру бойынша тұрғындармен хаттамалар толтырылып, Шымкент қаласы энергетика және коммуналдық шаруашылық басқармасына жолданды.

Сыбайлас жемқорлыққа қарсы күрес жұмыстары

Сыбайлас жемқорлықпен күрес – бүгінгі күн талабы және ол әрбір азаматтың міндеті. Осы мақсатта «2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі» іс-шара жоспарына сәйкес, құзырлы мекемелермен бірлесіп 10 дөңгелек үстел, 7 семинарлар 176 құқықтық сабақ өткізілді. Іс-шаралар барысында арнайы бейнероликтер көрсетіліп, ақпараттық парақшалар таратылды.

Дін саласы

Аудан аумағында жалпы 41 діни бірлестіктер тіркелген. Оның 38-і исламдық (20 жұма оқылатын мешіттер, 18-і жұма оқылмайтын мешіттер), 3-і исламдық емес діни бірлестіктер. 2019 жылы Қаратау ауданы бойынша «сәләфилік» ағымын жақтаушылардың жалпы саны- 67, лидерлері-4 азамат. Діни экстремизмнің, кереғар діни ағымдар мен секталар іс-әрекетін алдын-алу мақсатында 2019 жылы жоғарғы және орта оқу орындары студенттері мен оқушылар және тұрғындар арасында 52 дөнгелек үстелдер мен семинар кездесулер ұйымдастырылды.

Қаратау ауданы әкімі аппаратының алдағы уақытта жоспарланып отырған 5 маңызды міндеттері

1. Қазақстан Республикасы
Президенті Қ.Тоқаевтың халыққа арналған Жолдаулары мен бағдарламаларын кеңінен насихаттау, басым бағыттары бойынша жұмыс жүргізу;
2. «2020 жыл – Еріктілер жылы» болып жариялануына орай, аудандағы дарынды, ерікті жастарды қолдау мақсатында түрлі форматтағы іс-шаралар ұйымдастыру;
3. 2020-2025 жылдарға арналған «Қаратау ауданы аумағындағы тұрғын алаптар мен шағынаудандардағы туындаған өзекті мәселелер мен оларды шешу жолдары» бойынша жұмыстарды уақытылы атқару;
4. Өскелең ұрпаққа білім, тәрбие, отансүйгіштікке баулу, салауатты өмір салтын ұстану жұмыстарын жалғастыру;
5. Ауданның санитарлық тазалығын тұрақты түрде қамтамасыз ету және аулаларды абаттандыру.
6. Шымкент 2020 жылы ТМД-ның мәдени астанасы, Абайдың 175 жылдығы, Әл-Фарабидің 1150 жылдығы, Шымкент қаласының 2200 жылдығы аясында жоспарланған іс-шараларды жоғары деңгейде өткізу.
Құрметті аудан тұрғындары! Алдымызға қойылып отырған міндеттер жылдан-жылға артып келеді. Атқарылған істер аз емес, бірақ алда атқарылатын істер одан да көп.
Сондықтан халықтың әл-ауқатының артуы үшін сіздермен біздер болып жұмыла жұмыс жасауға шақырамын.

Қаратау ауданының әкімі А.Аликуловтың аудан тұрғындарының
алдында есеп беру кездесулерінің 
КЕСТЕСІ
 

     Кездесу өтетін орын

     Күні

     Уақыты

1.

№70 жалпы орта мектебі, Шапырашты тұрғын алабы, С.Бекбосынов атындағы Б.Төлебаев көшесі №39

17.01.2020 ж.

         11-00

2.

№89 мектеп-лицейі, «Асар» шағын ауданы,

н/з

21.01.2020 ж.

         11-00

3.

№72 жалпы орта мектебі, «Нұртас» шағын ауданы, н/з

24.01.2020 ж.

         11-00

 

Шымкент қаласы Қаратау ауданы тұрғындарының ұсыныстарын, ескертулерін,  
ой-пікірлерін жинақтауды қамтамасыз ету үшін арнайы жәшіктер
төмендегі мекен-жайларда орнатылсын:

   №

                                  Мекен-жайы

1.

«Нұрсәт» шағынауданы, Бәйдібек би даңғылы №60, Қаратау ауданы әкімі аппаратының ғимараты,

2.

«Қайнарбұлақ» тұрғын алабы, №106 жалпы орта мектебі,  Ә.Бөлешов көшесі №31/1

3.

Шапырашты тұрғын алабы, С.Бекбосынов атындағы №70 жалпы орта мектебі, Б.Төлебаев көшесі №39

4.

«Нұртас» шағынауданы, Алматы тас жолы н/з, № 72  жалпы орта мектебі

5.

«Асар» шағынауданы, уч. №2001,  №89 мектеп-лицейі

6.

«Сайрам» тұрғын алабы, Ә.Темір көшесі н/з, Қаратау ауданы әкімі аппаратының ғимараты

Қазақстан Республикасының Президенті Қасым-Жомарт Кемелұлы Тоқаевтың 2019 жылғы 2 қыркүйектегі Қазақстан халқына «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауында мемлекетті нығайту, отандық бизнесті қолдау, халықты әлеуметтік қорғау және экономиканы дамыту мәселелеріне тоқталды.

аким

Негізгі мәлімдеме болашақ азаматтық қоғам жөнінде болды.
Жолдауда азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру міндеті қойылды.

Қазақстан Республикасының Президентінің Жолдауы

Қазақстан Республикасының Президенті Қасым-Жомарт Кемелұлы Тоқаевтың 2019 жылғы 2 қыркүйектегі Қазақстан халқына «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауын аудан тұрғындарына кеңінен насихаттау және талқылау мақсатында 58 кездесу өткізіліп, жалпы саны 7 мыңға жуық тұрғын қамтылды.

Сыбайлас жемқорлыққа қарсы іс-қимыл туралы

Сыбайлас жемқорлыққа қатысты әрекеттерді болдырмау және алдын алу мақсатында аудан әкімі аппаратының ұйымдастырумен 2019 жылы мемлекеттік әкімшілік қызметшілері арасында және аудан аумағындағы білім беру, денсаулық сақтау мекемелерінде, кәсіпкерлер мен тұрғындар арасында (семинар-кеңестер, дөңгелек үстелдер, құқықтық сабақтар, жиналыстар) жалпы 32 іс-шара ұйымдастырылып өткізілді.
Өткізілген іс-шараларда Қазақстан Республикасының Конституциясы мен заң талаптарын сақтау, азаматтар мен заңды тұлғалардың құқықтарын, бостандықтары мен заңды мүдделерінің сақталуын және қорғалуын қамтамасыз ету, мемлекеттік тәртіп пен еңбек тәртібін сақтау, қоғам тарапынан сеніп тапсырылған міндеттерді адал атқаруға ерекше мән беруге бағытталып отыр.
2018 жылдың қорытындысы бойынша аудан әкімінің есепті кездесулерінде түскен 91 ұсыныс пен өтініштердің 30-на кездесу барысында толыққанды жауап берілді, қалған 61 ұсыныстар бойынша іс-шаралар жоспары түзіліп, атқарылған жұмыстардың мәліметтері тоқсан сайын жергілікті баспасөз беттерінде және аудан әкімі аппаратының ресми сайтында жарияланып отыр.

Құжат айналымы туралы

2019 жылдың өткен мерзімінде аудан әкімі аппаратына 3600 кіріс құжаттары түсіп, 4034 құжат жолданды, жеке және заңды тұлғалардан 347 жазбаша өтініштер тіркелді.
Жыл басынан аудан әкімі мен аудан әкімі орынбасарларының жеке қабылдауларында 225 азамат болды. Қала әкімінің шешімімен аудан әкімі азаматтарды жеке қабылдауды күнделікті жүргізді.
Қазақстан Республикасының «Жеке және заңды тұлғалардың өтініштерін қарау тәртібі туралы» Заңының талаптарына сәйкес барлық өтініштер мен арыздар уақтылы қаралып, жауаптар берілді.
2019 жылдың өткен мерзімінде қала әкімі тарапынан 125 тапсырма берілген, одан орындалғаны – 68, тұрақты бақылауда – 55, орындалу мерзімі бар – 2.

Индустриялық-инновациялық даму, шағын және орта кәсіпкерлік

Аудан аумағында 212 өндірістік өнеркәсіп орындары орналасқан. Оның ішінде 2019 жылы үдемелі индустриялды-инновациялық даму бағдарламасы аясында «Оңтүстік» индустриалды және «Оңтүстік» арнайы экономикалық аймақтарында құны 4 193,0 млн теңгені құрайтын 5 өндірістік кәсіпорын 140-нан астам жаңа жұмыс орындарымен іске қосылды және 1 500,0 млн теңгеден астам жеке инвестиция негізінде 1 сауда үйі, 1 демалыс аймағы ашылды.
Шағын және орта кәсіпкерлікті қолдау мақсатында, кәсіпкерлікті дамыту бойынша төмендетілген пайызбен несие беретін мекеме мамандарының қатысуымен жеке кәсіпкерлер мен кәсіпкерлікке ынталы азаматтарға 2 семинар-кеңес, 6 жиналыс өткізілді.

Әлеуметтік маңызы бар тауарлардың бағасын тұрақтандыру

Аудандағы 1 базар мен 13 үлкен сауда үйлерінде әлеуметтік маңызы бар азық-түлік тауарлар бағаларын тұрақтандыру мақсатында тұрақты мониторинг жүргізіледі. Базар және үлкен сауда үйлерінің басшыларына бағаны негізсіз өсірмеу туралы түсіндіру жұмыстары тұрақты жүргізілуде.
«Айна» базарының автотұрағында тұрақтандыру қоры арқылы төмендетілген бағада қажеттілігіне қарай бірінші қажетті азық-түлік өнімдері (картоп, пияз, сәбіз, рошки, күріш, шекер, ұн) сатылуда. «Әсел» базарының алдындағы автотұрақта әр жексенбі күні және «Фосфоршылар» үйінің алдында әр сәрсенбі күні отандық тауар өндірушілерді қатыстыра отырып, жәрмеңке өткізілуде.

Заңсыз сауда және жарнамаларды жою

Аудан әкімінің 2019 жылға бекіткен жұмыс кестесіне сәйкес аудан әкімі аппаратының мамандары, Шымкент қаласының жер қатынастары, аудандық мемлекеттік кірістер басқармасы, аудандық жергілікті полиция қызметі бөлімшесінің қызметкерлерімен бірлесе 2019 жылы 87 рейдтік іс-шаралар ұйымдастырды. Қазақстан Республикасының «Әкімшілік құқық бұзушылық туралы» кодексінің 204-бабына сәйкес аудандық жергілікті полиция қызметі бөлімшесі тарапынан заңсыз сауда жасаушы азаматтарға 796 хаттама толтырылып, 353 500 теңге айыппұл салынды.
2019 жылы ауданда заңсыз орналасқан 4 дүңгіршек, бақша және басқа да өнімдер бойынша 117 заңсыз сауда орындары жойылып, құрылыс материалдарын сататын 49 сауда орындары ретке келтірілді.
Қазақстан Республикасының «Жарнама туралы» Заңына және аудан әкімі аппаратының 2019 жылға бекітілген жұмыс кестесіне сәйкес аудан әкімі аппаратының мамандары Шымкент қалалық сәулет және қала құрылысы, аудандық мемлекеттік кірістер басқармасы мамандарының, аудандық жергілікті полиция қызметі бөлімшесінің қызметкерлерімен бірлесе 2019 жылы 91 рейдтік іс-шара ұйымдастырылды. Нәтижесінде 451 заңсыз жарнама (плакаттар) мен 127 штендерлер, жалпы саны 578 заңсыз жарнамалар жойылды.
Рейд барысында коммерциялық құрылым иелеріне жарнамаларын заңдастыру жөнінде түсіндіру жұмыстары жүргізілді.

Салық туралы

Әлеуметтік мәселелерді шешу үшін бірінші кезекте қаржы мәселесі шешілуі тиіс. Аудан бойынша бюджет түсімдері жылдан жылға ұлғаюда. Жергілікті бюджетке 50 719,6 млн. теңге жиналып, 2018 жылмен салыстырғанда 33% артты.

Аумақты көріктендіру және санитарлық тазалық

Ауданды көріктендіру, көгалдандыру – бұл, аудан тұрғындарына қолайлы орта жасау және қонақтардың жақсы көз-қарастарын қалыптастыру үшін көңіл аударатын ең басты мақсатымыздың бірі болып табылады.
Аудан аумағындағы санитарлық тазалық жұмыстарын мердігер мекемелер «Ақсемсер-Строй Сервис», «Арнаулы автокөлік», «Нұр-Сат» ЖШС-лары, «Байтерек-Л.Б.», «Income» ЖШС-лары көпқабатты секторда аптасына 3 рет, ал жеке секторда аптасына 2 рет жүргізді. Аталған мекеме қалалық қоқыс полигонына 6366м3 қоқыс шығарып, 505км ирригациялық жүйелер тазаланды. Қала әкімінің тапсырмасына сәйкес, негізгі көшелердің бойында орналасқан 51 жеке тұрғын үйлер мен 28 коммерциялық нысандардың қасбеттері, қоршаулары ретке келтіріліп және жол бойындағы тас үйінділерді тегістеу жұмыстары жүргізілді.
Аудандағы мекемелерге, кәсіпорындарға бекітілген аумақтарында санитарлық тазалау жұмыстарын ұйымдастыру үшін 7 қалалық, 3 аудандық сенбіліктер өткізілді. Сенбіліктерге 24100 астам адам қатысып, 72 автокөлік тартылды, 39,4 шақырым аяқжолдар тазаланып, қалалық қоқыс полигонына 267м³ қоқыс шығарылды.
Есепті кезеңде «Нөлдік төзімділік» қағидасының орындалуы бойынша аудандық ЖПҚБ-ның учаскелік полиция инспекторлары тарапынан ҚР ӘҚБтК-ның 434 бабы бойынша 110 хаттама толтырылып, оның ішінде 1 132 463 теңге айыппұл өндірілді. Шымкент қаласы Еңбекші ауданы тауарлар мен көрсетілетін қызметтердің сапасы мен қауіпсіздігін бақылау басқармасы тарапынан барлығы 295 азаматқа 30 187 125 теңге айыппұл салынып, 28 974 375 теңге өндірілген.

«Таза қала» акциясы

2019 жылы Шымкент қаласы әкімдігі мен «Шымкент қаласының Азаматтық Альянсы қауымдастығының ұйымдастыруымен өткізіліп жатқан «Таза қала» акциясына аудан бойынша «Үлгілі аула» номинациясына 53 көпқабатты тұрғын үй, «Үлгілі көше» және «Үлгілі аудан» номинациясына жеке секторда орналасқан 23 көше комитеттері өтінім білдірді.
Конкурс нәтижесінде көпқабатты тұрғын үйлер бойынша жеңімпаздар:
І орын – 16 ш/а №54 үй, ІІ орын – «Теріскей» ш/а №43 үй, ІІІ орын – Ш.Уәлиханов №190А үй, жеке сектор бойынша: І орын – Аблязимов көшесі, ІІ орын – «Ұлағат» ш/а Айдын көшесі, ІІІ орын – Тоғыс т/а Ж.Арзымбетов көшесі көшесі.
Ынталандыру сыйлықтары бойынша: 18 ш/а №№62,64 үйлер, «Теріскей» ш/а №49 үй, Түркістан көшесінің тұрғындары иеленді.
«Таза қала» акциясының қорытындысымен Еңбекші ауданы «Үздік аудан» номинациясының иегері болды.

Тұрғын үй, коммуналдық-шаруашылық мәселелері

Ауданда 2019 жылы «Өңірлерді дамыту-2020 жылға дейінгі» мемлекеттік бағдарламасын іске асыру мақсатында көпқабатты тұрғын үй тұрғындарының қатысуымен жиналыстар өткізілді 35 көпқабатты тұрғын үйлердің тізімі «Тұрғын үй Шымкент» ЖШС-ы мен Шымкент қаласының тұрғын үй және тұрғын үй қатынастары басқармасына ұсынылып, 6 көпқабатты тұрғын үйлерге («Күншығыс» №№2,95, Қ.Сарымолдаев №1Б, Қаратөбе тас жолы №№38,42, Ш.Уалиханов №190А) күрделі жөндеу жұмыстары жүргізілді.
Аудандағы 528 көпқабатты тұрғын үйлер орталықтандырылған жылумен қамтамасыз етілген. 2019-2020ж.ж. қысқы жылу маусымына көпқабатты тұрғын үйлерді сапалы және уақытылы дайындау үшін аудандық жұмыс штабы құрылды. «Қуат жылу орталық-3» МКК-мен бірлесе тұрғын үйлерді қысқа дайындау іс-шарасы бекітілді. Бекітілген іс-шара жоспарына сәйкес, әр үйде жиналыс ұйымдастырылып, тұрғындар арасында кіреберіс есіктерді, жертөлелерді тазалау, түтін тартқыштарды тазалау туралы түсіндіру жұмыстары жүргізілді. Ауданда қызмет көрсететін 12 сервистік компаниялар («Теплокомсервис», «Thallos», «Шымкент Элит Сервис», «СпецКомплектСервис», «Қуатжылусервис», «Абико компания», «Нұр-Арыстан», «Nur-D» ЖШС-лары және «Молиз», «Шоманбаев» «Аскар», «Аширбеков» ЖК-рі) көпқабатты үйлердің тұрғындарымен тұрғын үй инженерлік жүйелерін 2019-2020ж.ж. қысқы жылу маусымына дайындау мақсатында 404 келісім-шарттар түзілді. Қалған 124 үй қысқы жылу маусымына өз күштерімен дайындалды.
Көпқабатты тұрғын үйлерді қысқы 2019-2020ж.ж. жылу маусымына дайындау мақсатында тұрғындармен 316 жиналыс, сервистік компаниялармен 3 дөңгелек үстел өткізілді және тұрғындар өз тараптарынан жұмыс жүргізбейтін, яғни қиын үйлер бойынша аудан мамандары БАҚ өкілдерімен бірлесе жасалған 4 репортаж телеарналарда көрсетілді.

Өрт қауіпсіздігі

2019-2020 ж.ж. жылдың қысқы жылу маусымында аудандағы орналасқан жеке жылу беру жүйелерін қолданатын көпқабатты және жеке тұрғын үйлерде құрылғыларды қауіпсіз пайдаланып, газбен уланудың алдын алу және тұрмыстық өрт қауіпсіздігін сақтау мақсатында аудан әкімі аппаратының мамандары, аудандық төтенше жағдайлар бөлімінің қызметкерлері, аудандық полиция басқармасы, «ҚазТрансГазАймақ» АҚ-ы мамандары «Отырар», «NAR-TV», «Оңтүстік» телеарналарының тілшілерімен бірлесе тұрғындар арасында рейдтік іс-шаралар өткізді.
Газбен уланудың алдын алу және өрт қауіпсіздігін сақтау бойынша тұрғындармен профилактикалық жиналыс өткізудің іс-шара жоспары бекітіліп үй комитеті төрайымдары, тұрғындары және мектеп оқушыларымен «Қауіпсіз қала – тұрғындардың саулығының кепілі» тақырыбында аудандық төтенше жағдайлар бөлімінің, «ҚазТрансГазАймақ» АҚ-ның мамандарымен бірлесе 8 жиналыс өткізіліп, жадынамалар таратылды.
2019 жылға «Шымкент қаласының жекелеген аумақтық бірліктері бойынша (шағынаудан, тұрғын алаптар) 2017-2021 жылдар аралығында сейсмикалық жаттығуларды өткізуді ұйымдастыру туралы» перспективалық жоспарға сәйкес жер сілкінісі орын алған жағдайда халықты іс-әрекеттерге дайындау мақсатында ауданда 7 сейсмикалық оқу-жаттығуы өткізілді.

Инфрақұрылым және көріктендіру

Ауданды инженерлік жүйелермен қамтамасыз ету мақсатында қамтылмаған аумақтардың сызбасы мен анықтамалары қалалық энергетика және коммуналдық шаруашылық басқармасына тапсырылды, Аудандағы аумағындағы тұрғын алаптардағы өзекті мәселелер және оларды шешу жолдары бойынша 2019-2022 жылдарға арналған іс-шаралар жоспары келісілді.
Ауыз сумен қамтамасыз ету:
Қамтылғаны 92,5% (61291 аб.), қамтылмағаны 7,5% (4953 аб.).
– Бадам тұрғын алабының ауыз су жүйелерінің құрылысына ЖСҚ әзірленіп, (жоба 301,24 млн теңге) 2020 жылға қаржы бөлінді.
– Бадам-1, Бадам-2 тұрғын алаптарына (жоба құны 196,5 млн 2019 жылға 1 млн теңге) құрылыс жұмыстарын «Лидер строй проект 2002» ЖШС-ы бастады. Нысан 2020 жылға өтпелі.
– Базарқақпа тұрғын алабында «Ынтымақ бес Арыс» ЖШС-ы, Тұрдыабат тұрғын алабында «Омега строй» ЖШС-ы, Абдуллабат тұрғын алабынбында «Авто рем строй ЛТД» ЖШС-ы ауыз су жүйелерінің ағымдағы жөндеу жұмыстарын жүргізді.
– Базарқақпа (2-ші кезек), Абдуллабад (2-ші кезек), Бадам-1, Жыланбұзған, Тоғыс, Айнатас тұрғын алабтарының ауыз су жүйелеріне ағымдағы жөндеу жұмыстарына жобалық сметалық есептері әзірленуде.
Электр жарығымен қамтамасыз ету:
Мемлекеттік жүйе 88,1% (58358 аб.), жекеменшік жүйе 7,0% (8658 аб.), қамтылмағаны 4,9% (3228 аб.).
– Тоғыс тұрғын алабында 24 көпқабатты үйлерге және Шаттық, Тәуелсіздік, Жаңақұрылыс көшелеріндегі жүйелерді қайта құру жұмыстарын (жоба құны 254,2 млн құрылыс құны 165,34 млн теңге) «Қуат құрылыс» ЖШС-ы жүргізді. Нысан пайдалануға тапсырылды.
– Бадам тұрғын алабында (195 орам) электр жүйелерінің құрылыс жұмыстарын «Омега строй» ЖШС-ы (жоба құны 255,3 млн,шарттың құны 220,7 млн. теңге) жүргізіліп, абоненттеу жұмыстары атқарылуда.
– Жыланбұзған, Базарқақпа, Қарабастау, Бадам-1 тұрғын алаптарына электр жүйелерінің құрылыс жұмыстарын «А.Мерей и К» ЖШС-і (жоба құны 581,72 млн 2019 жылға 250 млн теңге) жүргізуде. Нысан 2020 жылға өтпелі.
– Жұлдыз, Жалын тұрғын алабтарын электр жүйесімен қамтамасыз ету мақсатында ЖСҚ (жоба әзірлеу құны 10,08 млн теңге) әзірленіп, сараптамаға тапсырылды.
Табиғи газбен қамтамасыз ету:
– Бадам тұрғын алабына «Строй Проект-Инвентаризация» ЖШС-і ЖСҚ әзірледі (Жоба құны 344,4 млн). Құрылысына 2020 жылға қаржы бөлінді.
Кәріз жүйелерімен қамтамасыз ету:
– Тоғыс тұрғын алабында «Торлан құрылыс» ЖШС-ы құрылыс монтаждау жұмыстарын жүргізіп (Жоба құны 276,5 млн., шарт құны 226,3 млн теңге), пайдалануға тапсырды;
– Ұлағат, Мирас, Шапағат-2, Солтүстік шығыс шағынаудандарына «Форс проект» ЖШС кәріз жүйесімен қамтамасыз ету үшін ЖСҚ әзірлеуде.(жоба әзірлеу құны 54,7 млн теңге). Нысан 2020 жылға өтпелі.

Жолдар және көпірлер

Ауданда ұзындығы 613,17км құрайтын 611 даңғылдар, көшелер мен өткелдер орналасқан.
2019 жылы 167,8 млн теңге қаржы бөлініп, 8,74 шақырымға асфальттау жұмыстары жүргізілді. (Рысқұлбеков, Нысанбайұлы, Момышұлы, Жұманұлы, Көктал, Ягодная, Қалмырзаев, Данов, Шапағат, Халықтар достығы, Майбұлақ, Тленшин көшелері).
– Бадам шағынауданындағы 9 көшеге және «Оңтүстік» шағынауданындағы Еламан көшесіне ЖСҚ-ға сәйкес құрылыс құны 366 млн теңге құрайды, 2019 жылы 50 млн теңге бөлініп, Сарыарқа, Жаңару Үшқұдық, Үшқұдық-2, Керемет, Өнеге көшелерінде асфальт қабатын төсеу жұмыстары жүргізілді. Нысан 2020 жылға өтпелі.
– Базарқақпа тұрғын алабында Абдуллабад және Ю.Сареми көшелеріне Түркістан облысының жолаушылар көлігі және автомобиль жолдары басқармасы тарапынан күрделі жөндеу жұмыстары жүргізілуде. Құрылыс құны 1 724 млн тенге. Нысан 2020 жылға өтпелі.
– Аудандағы 26,4 шақырым жолға шағал тас төсеу жұмыстары жүргізілді.
– Бадам-2 тұрғын алабындағы көпірдің құрылыс жұмыстарына қаржы бөлініп, «Корпорация Береке-А» ЖШС-і «Бадам» өзенінен өтетін көпірдің құрылыс жұмыстарын жүргізді. (Жоба құны 1 161 млн. теңге.)
– Қарабастау тұрғын алабына өтетін «Бадам» өзенінің үстіндегі көпірге қайта құру жұмыстарын «Арт құрылыс» ЖШС-і жүргізуде (Жоба құны 607,509 млн теңге).
– Маятас тұрғын алабындағы «Бадам» өзенінің үстінен өтетін көпірге жобалық сметалық құжаттары әзірленіп, сараптама қорытындысы алынды (Жоба құны 159,51 млн).
– Тоғыс тұрғын алабындағы «Бадам» өзенінің үстінен өтетін көпірге ЖСҚ әзірленіп, сараптама қорытындысы алынды (Жоба құны 151,416 млн).
– Ленгер тас жолындағы «Сайрам су» өзенінің үстінен өтетін көпірді қайта құру жұмыстарын «Корпорация Береке-А» ЖШС-і жүргізуде. (Жоба құны 433,87 млн. 2019 бөлінген қаржы 200 млн теңге). Нысан 2020 жылға өтпелі.

Абаттандыру және жарықтандыру

Абаттандыру: 2019 жылы «Шымкент қаласы Еңбекші ауданы аумағындағы балалар, спорт және жаттығу алаңшаларын абаттандыру мен күтіп ұстау» мемлекеттік-жекешелік әріптестік жобасын «STRONG SERVISE» ЖШС-ы іске асырды. Тартылған инвестиция құны – 1млрд 210,9 млн теңге. Бұл жобада 20 көпқабатты тұрғын үй аулаларына 13, тұрғын алабтарда 4 балалар ойын алаңшасын орнату, 33 ашық спорт, 13 воркаут және тренажер алаңшалары орнату, 24 ашық спорт және 8 тренажер алаңшалары жөндеуден өткізілді.
Жарықтандыру: Ж.Алдияров, Жанқожа батыр, А.Пшеничных, Н.Төреқұлов, Ж.Нұрлыбаев, Бекет батыр, Жамалов, Жанаров, Мұнайбарлаушылар, Бахриз Рамиз көшелеріне жарықтандыру жұмыстарын жүргізуге ЖСҚ әзірленді, 2020 жылға қаржы бөлінді.
Суағар арықтар (ирригация): Аудан аумағындағы 6 нысанда ирригация жүйелеріне «Старт строй» ЖШС-ы құрылыс жұмыстарын жүргізді. (Жоба құны 36,9 млн теңге, 157 метр)
– 18 шағынауданы №№14, 15, 16, 17, 20 (652 метр);
– «Күншығыс» шағынауданы №106 үй (240 метр);
– Жанкожа батыр көшесі (155 метр Безделев – Түркістан көшелерінің қиылысы);
– Мельникайте көшесі (Казбакалейторг аумағы 140 метр).
– Ж.Алдияров, Жанқожа батыр көшелері (330 метр).

Әлеуметтік көмек көрсету

ҚР «Мемлекеттік атаулы әлеуметтік көмек туралы» Заңына сәйкес құзырлы мекеме мамандарының қатысуымен 4 семинар-кеңестер өткізілді.
Мемлекеттік атаулы әлеуметтік көмектің шартты және шартсыз түрлерін тұрғындарға кеңінен түсіндіру мақсатында арнайы іс-шара жоспары бекітіліп, №31,34,96,120,127 және қалалық №7 емханасының ғимараттарында көпбалалы аналар мен аз қамтылған аналар арасында түсіндіру жұмыстары өткізілді.
2019 жылдың І тоқсанында мемлекеттік атаулы әлеуметтік көмекке үміткер 1281 отбасының 1106-на «мұқтаж» деген қорытындылар берілді.
2019 жылдың сәуір айынан бастап бүгінгі күнге дейін атаулы әлеуметтік көмекке 16683 отбасы өтініш білдірді. Оның ішінде 14347-не «мұқтаж» деген қорытынды берілді. Жалпы жыл басынан бері 17964 отбасының құжаттары қаралды.
Қазақстан Республикасы
Үкіметінің 21.05.2013 жылғы «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» №504 қаулысына және Шымкент қалалық мәслихатының 29.03.2019 жылғы №47/369-6с шешіміне сәйкес, бір реттік әлеуметтік көмек алуға тапсырған 491 отбасының 434-не «мұқтаж» деген қорытынды берілді.
Мүмкіндігі шектеулі азаматтарға қолжетімді орта құруға кәсіпкерлерді жұмылдыру мақсатында, ауданда жұмысшы тобы құрылды. Жұмысшы топ, аудандағы мекемелер мен коммерциялық нысандарға мониторинг жұмыстарын жүргізіп, 69 көшеде, 18 шағынаудандар мен Жұлдыз, Қаратөбе, Қазығұрт аумақтардағы орналасқан 1535 мекемелер мен коммерциялық нысандардың басшыларына мүмкіндігі шектеулі азаматтардың қол жетімділігін жақсарту бағытында құрылғылармен қамтамасыз ету жөнінде түсіндіру жұмыстарын жүргізді.
Мүмкіндігі шектеулі азаматтарға әлеуметтік инфрақұрылымдық қол жетімділікті қамтамасыз ету бойынша 130-на пандус және 137-не арнайы қоңырау белгілері орнатылды.

Діни экстремизмнің, нашақорлықтың алдын алу

Діни экстремизмнің керағар діни ағымдар мен секталар іс-әрекетінің алдын алу мақсатында тұрғындар, студенттер мен оқушылар арасында 108 кездесу өткізілді.
«Нашақорлыққа және есірткі бизнесіне қарсы күрестің 2019 жылға арналған іс-шаралар» жоспарына сәйкес оқушылар мен студенттер арасында 98 түсіндіру жұмыстары жүргізілді. Кездесуде 17000-нан астам адам қамтылды.
Аудан әкімінің, аудан прокурорының, «NurOtan» партиясының аудандық филиалының, аудандық полиция және қалалық білім басқармаларының бірлескен бұйрығына сәйкес құрылған 8 мобильдік топ 98 семинар-кеңестер өткізді.
Жасөспірімдердің түнгі уақытта ойын-сауық орындарында болуына жол бермеу, қылмыстылықтың алдын алу мақсатында 75 түнгі рейд ұйымдастырып, ҚР «Әкімшілік құқық бұзушылық туралы» кодексіне сәйкес 920 хаттама толтырылды. Оның ішінде: 791 ата-анаға ескерту, 24 ата-анаға айыппұл және 18 ойынхана иелеріне хаттама толтырылып, 9-ы сот шешімімен қысқартылып, ал қалған 9 кәсіпкерлерге 359 813 теңгеге айыппұл салынды.

Білім саласы

Шаңырақ шағынауданында 600 орындық мектептің құрылыс жұмыстары аяқталып, пайдалануға берілді.
№63 мектепке спорт зал, асхана, шеберхана және Абдулабад тұрғын алабындағы №101 мектепке қосымша 300 орындық құрылыс жұмыстарына қаржы бөлініп, «Отан ЛТД» және «Отырабат Құрылыс» ЖШС-лары құрылыс жұмыстарын жүргізді нысандар 2020 жылы пайдалануға беріледі.

Демографиялық саясат және іс-шаралар

Аудан әкімі жанындағы әйелдер істері және отбасылық-демографиялық саясат жөніндегі комиссиясы «Nur Otan» партиясының аудандық филиалы және «Ару Аналар» қоғамдық бірлестігі, «Аналар кеңесі» және аудандық әжелер алқасының мүшелерімен бірлесе «Тұрмыстық зорлық-зомбылық профилактикасы туралы», «Отбасылық тәрбие», «Бақытты болу өз қолыңда», «Адам саудасының құрбаны болмаудың жолдары» тақырыптарында оқушылар мен студенттер арасында 37 семинар-кеңестер өткізді.
Ауданда жалпы 580 ана «Алтын алқа», 1571 ана «Күміс алқа» алқаларымен марапатталған. 2019 жылы 19 анаға «Алтын алқа», 63 анаға «Күміс алқа» алқалары салтанатты түрде табысталды.
2019 жылы аудан әкімі аппаратының ұйымдастыруымен 8 мемлекеттік және ұлттық мерекелер өткізілді.
Қазіргі таңда 9 спорт мектебі мен орта мектептердегі 39 спорттық секцияларға 10 мыңнан аса оқушылар мен студенттер қатысады.
Бұқаралық спортты дамыту және тұрғындар мен жастардың уақытын тиімді пайдалы өткізу мақсатында жасөспірімдер арасында кіші футбол, «Тұңғыш Президент күні» мерекесіне орай мемлекеттік мекеме қызметкерлері арасында үстел теннисі өткізілді. Дәстүрлі турнирлерге 1000-ға жуық жасөспірімдер мен қызметкерлер қатысты. Жарыстар демеушілер есебінен өткізілді.

Ономастика және тілдерді дамыту

Ауданда жалпы 611 көшелер мен даңғылдар бар. Идеологиялық тұрғыдан ескірген және атауы жоқ 75 көшенің тұрғындарымен өткен жиналыстың хаттамалары, қалалық мәдениет, тілдерді дамыту және архивтер басқармасына ұсыныспен берілді. Қалалық мәслихат отырысында 4 шағынауданның атауын заңдастыру мен 38 көшенің атауы өзгертілді, 37 көше атауы қаралуда.
Қазақстан Республикасының
«Қазақстан Республикасындағы тіл туралы» Заңын орындау мақсатында коммерциялық нысандардағы маңдайша мәтіндері мен түнгі уақытта толық жанбауына 609 коммерциялық құрылымдарда талдау-сараптау жұмыстары ұйымдастырылды. Нәтижесінде 83 нысан маңдайшаларынан кемшіліктер анықталып, оның 62-і түзетілді, 27-і бойынша тиісті жұмыстар атқарылуда.
2019 жылы Қазақстан Республикасының мемлекеттік Елтаңбасының, Туының, Әнұранының ғимараттарда орнату тәртіптері, түсі, диаметрі, өлшемімен үлгілерінің Қазақстан Республикасының стандарттарына сәйкестігі жөнінде 184 мекемеге мониторинг ұйымдастырылды. Нәтижесінде 39 кемшіліктер анықталып, бір жұмыс күні ішінде жойылды.

Еңбекші ауданы әкімі аппаратының 2020 жылғы негізгі міндеттері

Қазақстан Республикасының Президенті Қасым-Жомарт Кемелұлы Тоқаевтың Қазақстан халқына Жолдаған «Сындарлы қоғамдық диалог-Қазақстанның тұрақтылығы мен өркендеуінің негізі» бағыты бойынша жұмыс жүргізу.
Аудан әкімі аппаратының жұмысының басты мақсаты халыққа өмір сүруге қолайлы жағдай жасауға, жаңа жұмыс орындарын ашуға ықпал ету, халықтың әлеуметтік қорғалмаған топтарына әлеуметтік көмектерді ұйымдастыру.
Аудан аумағын абаттандыру мен санитарлық тазалығын қамтамасыз ету, көпқабатты сектордағы аулаларды көріктендіру. Жасөспірімдер арасындағы қылмыстың алдын алу, оның ішінде спорт алаңшаларын салу, аула клубтарының санын, оған қамтылатын балалар санын көбейту.
Тұрғындарды сапалы ауыз су, газ, электр қуаты, жылумен қамтамасыз ету, жолдарды жөндеу жұмыстарын жалғастыру.

Еңбекші ауданының әкімі Ғ.Ильясовтың аудан тұрғындарының алдында
2019 жылдың қорытындысы бойынша есеп беру кездесулерінің
КЕСТЕСІ

р/с

Кездесу өтетін орындар

Өтетін күні

Уақыты

  1. 3.

№127 жалпы орта білім беретін мектеп, Еламан көшесі, 142

14.01.2020ж.

11:00

 

№94 жалпы орта білім беретін мектеп, Жұлдыз тұрғын алабы, Дегерес көшесі, 30/1

16.01.2020ж.

11:00

 

С.Ерубаев атындағы №24 мектеп-лицейі,

15 шағынауданы, Ж.Шаяхметов көшесі, 2А

17.01.2020ж.

11:00

Шымкент қаласы Еңбекші ауданы әкімінің халықпен есеп беру кездесулеріне ұсыныстарын
мен ескертулерін арналған жәшіктердің  орналасқан мекен-жайлары

                                    Мекенжайы

 

№127 жалпы орта білім беретін мектеп, Еламан көшесі, 142

 

№94 жалпы орта білім беретін мектеп, Жұлдыз тұрғын алабы, Дегерес көшесі, 30/1

 

С.Ерубаев атындағы №24 мектеп-лицейі, 15 шағынауданы, Ж.Шаяхметов көшесі, 2А

 

Шымкент қаласы Еңбекші ауданы әкімінің аппараты, Толстой көшесі, 119

 

Еңбекші ауданы әкімі аппаратының  Жұлдыз аумағы бойынша халықпен жұмыс жүргізу бөлімі, Қапал  батыр  көшесі,  84а

 

Еңбекші  ауданы  әкімі  аппаратының  Қаратөбе   аумағы  бойынша  халықпен  жұмыс  жүргізу  бөлімі, Ш.Шахайдаров   көшесі, 2

 

Еңбекші ауданы әкімі аппаратының  Қазығұрт  аумағы  бойынша  халықпен  жұмыс  жүргізу  бөлімі, Ж.Арзымбетов  көшесі, 30

«Шымкент қаласының Еңбекші ауданы әкімінің аппараты» ММ WhatsApp әлеуметтік желісі 87475109055 арқылы сын-ескертпелер мен өтініштерді қабылдайтынын аудан тұрғындарының назарына ұсынады. 

Қазақстан Республикасының Президенті Қасым-Жомарт Тоқаевтың 2019 жылғы 2 қарашада Қазақстан халқына Жолдауында «Сындарлы қоғамдық диалог-Қазақстанның тұрақтылығы мен өркендеуінің негізі» атты Үндеуін жариялады.

IMG 3739

Осыған орай, Мемлекет басшысының Жолдауын аудан аумағында түсіндіру жұмыстары бойынша жұмысшы тобы құрылып, желілік кесте бойынша насихаттау жұмыстары жүргізілді.
2019 жылдың қаңтар айында аудан әкімінің тұрғындар алдында есеп беру кездесулері 3 жерде өткізілді. Кездесу барысында тұрғындардан 94 сұрақ пен ұсыныс түсіп, олардың 7-не кездесу барысында жауап алды. 87-сі бойынша іс-шара жоспары түзіліп, құзырлы мекемелермен бірлесіп жұмыс жүргізіліп, жауаптары жолданды. Оның ішінде 21-і 2020 жылға өтпелі. Түскен өтініштердің орындалуы бойынша әр тоқсан сайын, мәліметтер аудан әкімінің ресми сайтында және «Шымкент келбеті», «Панорама Шымкента» газеттерінде жарияланып тұрды.
Аудан әкімінің аппаратына жеке және заңды тұлғалардан 2019 жылы 954 өтініш түсті, оның ішінде 88 - заңды тұлғалардан, 438-жеке тұлғалардан, 429 - аудан әкімі және орынбасарларының жеке қабылдауында түскен өтініштер. Барлық өтініштер мен арыздар Қазақстан Республикасының «Жеке және заңды тұлғалардың өтініштерін қарау тәртібі туралы» Заңына сәйкес қаралды. Сонымен қатар аудан әкімінің аппаратына 2019 жылы - 3214 құжат түсіп, 3473 құжат жіберілген.
Шымкент қаласы Әл-Фараби ауданында халық саны 218 865, ауданында 60-қа жуық ұлт және ұлыс өкілдері тұрады, 15 ұлттық-мәдени орталық, 14 діни бірлестіктер, 73 өндірістік мекемелермен кәсіпорындар, 44 мемлекеттік мекемелер мен ұйымдар, 672 көпқабатты тұрғын үйлер және 13545 жеке үйлер орналасқан.

Ауыз су, табиғи газ, электр қуатымен қамту мәселесі

Әл-Фараби ауданы қаламыздың ең орталық ауданы болғандықтан, тұрғындардың ауыз су, табиғи газ және электр қуатымен қамту көрсеткіші 99,7% құрап отыр.
Шымкент қаласының әлеуметтік-экономикалық даму картасына сәйкес, инфрақұрылыммен толықтай қамтамасыз етуді қажет ететін, Сайрам ауданынан қосылған «Бадам» тұрғын алабын (195 орам) инфрақұрылыммен қамтамасыз ету 2020 жылға және «Сәуле» шағынауданы (276 орам) жаңақұрылыс аумағын 2020-2021 жылға қамтамасыз ету жоспарлануда. Бұл елді мекенде егжей-тегжей жоспарына сәйкес, жеке тұрғын үй салу үшін 600 жер учаскесі берілген. Бүгінгі таңға, 300 тұрғын үй құрылысы жүргізілген, халық саны 1280 адам.
Биылғы жылы «Бадам» шағынауданын (195 орам) электр жарығымен қамтамасыз ету үшін, құрылыс жұмыстарын жүргізуге бюджеттен 253,0 млн теңге қаралып, жарықтандыру жүйелері мен бағаналар орнатылуда.Аталған жұмыс 2020 жылға өтпелі. Ал, сапалы ауыз сумен қамту үшін 301,2 млн. теңге, табиғи газбен қамту үшін 344,3 млн. теңгені қажет етеді. Құрылыс жұмыстарын 2020 жылы атқару жоспарлануда.
Сонымен қатар, Сайрам ауданынан қосылған «Сәуле» шағынауданының (276 орам) жаңақұрылыс аумағында шамамен 153 тұрғын үй құрылысы жүргізілген, халық саны 680 адамды құрайды. Бұл аумаққа сәулет-жоспарлау тапсырмасы (АПЗ) әзірленіп, инженерлік-инфрақұрылыммен қамтамасыз ету мақсатында, 2020 жылы жобалық-сметалық құжаттамасын дайындауға 59 млн теңге қаржы қарастыру жоспарлануда.
(Аталған аумақты электр жүйесімен қамтамасыз ету мақсатында, демеушілер тарапынан 25 бағана, 2 шақырым сым және қуаттылығы 160 кВт көтеретін трансформатор орнатылып, 150-ге жуық жеке тұрғын үйлер электр қуатымен қамтамасыз етілді. Одан бөлек, жоғарыда аталған аумақты сапалы ауыз сумен қамтамасыз ету үшін демеушілер тарапынан 350 метрге жуық су құбырының қазба жұмыстары жүргізіліп, сапалы ауыз су жүйесі тұрғындардың игілігіне пайдалануға берілді.)

Аумақты абаттандыру жұмыстарытуралы мәлімет

Әл-Фараби ауданында жалпы 400 аула бар. Оның ішінде 217 аула абаттандарылған. 2019 жылы мемлекеттік-жекеменшік әріптестік аясында 100 аула абаттандырылуда. Қалған 83 ауланың 49 ауласын 2020 жылы, 17 ауласын 2021 жылы, 17 ауласын 2022 жылы абаттандыру жоспарлануда. Аулаға балалар ойын элементтерін орнату үшін сметалық құжаттамалары әзірленіп, бюджеттік өтінім ұсынылды.
Шымкент қаласы мәслихатының 2019 жылғы 6 қыркүйектегі №55/459-6с шешімінің негізінде Әл-Фараби ауданы аумағындағы 100 көпқабатты тұрғын үйдің ауласын мемлекеттік жекеменшік әріптестік аясында абаттандырып, балалар ойын алаңшасын орнату үшін 12 жобаға жалпы сомасы 2,3 млрд теңге мөлшерінде мемлекеттік міндеттеме қабылданып, 2019 жылғы 16 қыркүйектегі №1/123/17-28 келісім-шарттар түзілген.
Екі жақты бекітілген өндірістік кестеге сәйкес 95 аулада демонтаж жұмыстары аяқталып, 40 аулада жұмыстар жүргізілген. Жалпы 22 аулаға 6312 м2 брусчатка төселіп, 8 аулаға резіңке қабаты жабылған.
Әлеуетті жеке серіктеспен жұмыстың барысы талқылау бойынша 5 рет кездесу өткізілген. Қазіргі таңда, 11 жұмысшы, 5 техникамен қамтылған. Абаттандыру және балалар ойын алаңшасын орнату жұмыстары 2020 жылдың І жарты жылдығында атқару жоспарлануда.
Аудан аумағында 33 спорт алаңшасы орнатылған. Оның ішінде, 18 спорт алаңшаларын жөндеу мақсатында, бюджеттен қаржы қарастырылды. Жөндеу жұмыстары 2020 жылы атқарылатын болады. 33 спорт алаңшасы аудан тұрғындары үшін жеткіліксіз. Сондықтан, спорт алаңшаларын орналастыруға мүмкіншілігі бар 15 жер телімі анықталып, оларға мемлекеттік актісін (сәйкестендіру құжатын) алу жұмыстары жүргізілуде.

Жолдар құрылысы

Аудан бойынша 404 көше орналасқан, жалпы ұзындығы 281,8 шақырымды құрайды. Оның ішінде 204,6 шақырымы асфальт жабынымен, 39,9 шақырымы тас жол, қалған 26,6 шақырымы топырақ жол.
Жыл басынан бері 34 көшеге ағымдағы жөндеу және 3 көшеге қайта құру жұмыстарын жүргізуге бюджеттен 1,678 млн. теңге қаржы қаралып, құрылыс жұмыстары жүргізілді.
Сонымен қатар, А.Байтұрсынов көшесіне оң жақты бұрылыс, аяқжол, велосипедшілерге арналған жол және асфальттық бетон жабындысына 1,3 млн теңге қаржы қарастырылып, орташа жөндеу жұмыстары жүргізілуде. Аталған көшенің аяқталу мерзімі 2020 жылға өтпелі. Ж.Шәймерденов және Халықтар достығы көшелерінің орташа жөндеу жұмыстарына бюджеттен 4,83 млн теңге қаржы бөлініп, асфальттау жұмыстары толығымен атқарылды.
Орталық көшелерде көлік кептелісін және жол апаттарының алдын алу мақсатында, бюджеттен жалпы соммасы 97 млн теңге қаржы қаралып 4 көшенің қиылысына оң жақ бұрылысы орнатылды. Атап айтқанда, Ұ.Арғынбеков және С.Байтереков көшелерінің қиылысы, Д.Қонаев даңғылы – Желтоқсан көшесінің қиылысы, Ғ.Іляев – Қ.Рысқұлбеков көшелерінің қиылысы, Әл-Фараби алаңы – Түркістан көшесінің қиылыстары.
Сонымен қатар, аудан аумағындағы 54 көшенің бойында орналасқан 92 жаяу жүргіншілерге арналған жолақтар (зебра) қайта сызылып, қалпына келтірілді.
Одан бөлек, ағымдағы жөндеу жұмыстарына бюджеттен 50,0 млн теңге қаржы қарастырылып, 30 көшеге ағымдағы жөндеу жұмыстары жүргізілді. Атап айтқанда, Республика даңғылы, Д.А.Қонаев гүлзары, Ғ.Иляев, Желтоқсан, А.Байтұрсынов, Ә.Жангелдин, Ш.Қалдаяқов, Ә.Молдағұлова, Қ.Рысқұлбеков, Әйтеке би, Төле би, Анаров, Ө.Жәнібеков, Т.Рысқұлов, М.Мәметова, Амангелді, Рашидов, Володарский, В.Быковский көшелері және «Сәуле» шағынауданының Тәуке хан, Жеңістің 50-жылдығы, Ғ.Мұратбаев, Көктөбе, Өндірістік, Ж.Жабаев, Балдәурен, Қ.Рысқұлбеков, Д.А.Қонаев, Қазығұрт, Азаттық көшелері.
Аудан аумағына шағал тас төсеу үшін бюджеттен 32,1 млн теңге қарастырылып, «Бадам» шағынауданы 195 орам аумағының тиісті жолдарына 1110 метр, «Сәуле» шағынауданы 276 орам аумағына 890 метр, «Текесу» тұрғын алабына 1250 метр, жалпы 3250 метршағал тас төсеу жұмыстары жүргізілді.

Көріктендіру және санитарлық тазалық жұмыстары туралы

Аудан аумағын санитарлық тазалау, көркейту және көгалдандыру жұмыстарын жүргізу әрқашан да басым міндеттер қатарына кіреді.
Аудан аумағындағы көп қабатты тұрғын үйлердің санитарлық тазалық жұмыстарын, аула, ішкі орам жолдарын тазалау бойынша 7 учаскеге бөлінген, әр учаскеге аудан әкімі аппаратының жауапты мамандары бекітілген.
2019 жылы көп қабатты тұрғын үйлердің санитарлық тазалық жұмыстарын, аула, ішкі орам жолдарын тазалау, шағынаудандардағы кенеттен пайда болған қоқыс қалдықтарын тазалау жұмыстарын 5 мердігер мекемелер тарапынан атқарылды. Аталған мердігер мекемелер 2019 жылы 6522 м² аяқжолдар, 37 271 ш.қ. ирригациялық арықтар және 128 115м² ішкі орамдардың санитарлық тазалау жұмыстары жүргізіліп, 10 018 м³ қоқыс полигонға шығарылды.
Аудан аумағындағы қураған ағаштарды санитарлық қырқу, ағаштардың түбін әктеу және шөп ору жұмыстарын Қазақ соқырлар қоғамамдық бірлестігі «Шымкент» корпоративтік қоры тарапынан атқарылды. Аталған мекемемен 2019 жылы 756м² жасыл желектер мен 7349 тал санитарлық қырқылып, 51 985,11м² шөп орылды және 54 700 ағаш түптері әктелді.

Сенбілік жұмыстары

Аудан аумағында 2019 жылы, жалпы алғанда 28 рет сенбілік ұйымдастырылды. Сенбілікке 38300 астам тұрғындар мен мекеме қызметкерлері және 97 техника жұмылдырылып, 113 шақырым ирригациялық арықтар тазартылды, 6300 түп ағаш көшеттері отырғызылып, 8700 түп ағаш әктелді және 1970 м3 күл-қоқыс шығарылды.
Әл-Фараби аудан аумағындағы «Бадам магистраль» каналының тазалығын қамтамасыз ету және аумағына ағаш көшеттерін отырғызуға арналған «КӨРІКТІ АЙМАҚ» бастамасын жүзеге асыру мақсатында, Әл-Фараби ауданы әкімінің аппараты, «ШымкентСуШар» МКК және Қазақстан Республикасы ІІМ «Б.Момышұлы атындағы оқу орталығы» арасында үш жақты өзара түсіністік және ынтымақтастық туралы меморандум түзілді. Аталған меморандумға сәйкес «Бадам магистраль» каналының бойына жыл басынан 3 рет арнайы сенбіліктер мен асарлар ұйымдастырылып, канал бойына ағаш көшеттері отырғызылып, канал ішіне санитарлық тазалық жұмыстары жүргізілді.
Сонымен қатар, аудан әкімі аппараты қызметкерлері, ауданның белсенді жастарымен бірлесе аудан аумағындағы «Қошқар ата» өзенінің жағалауына «Экологиялық акция» тақырыбында сенбілік жұмыстары ұйымдастырылыды. Өткізілген сенбілікте 5 арнайы техникамен 200-ден астам адам санитарлық тазалау жұмыстарына қатысып, 27 м3 күл-қоқыс шығарылып, 110 ағаш түптері әктелді.
Әл-Фараби ауданы әкімі аппараты мен Дендропарк тарапынан өзара түсіністік және ынтымақтастық туралы меморандум түзілді. Бекітілген меморандумға сәйкес, көктем-күз айларында тұрғындармен ұйымдасқан түрде, аулаларға ағаш отырғызу жұмыстары ұйымдастырылды.
Мұндағы мақсатымыз тұрғындардың аулаларға көшет отырғызып, ағаш өсіруге деген ынталы қызығушылығын арттыру болып табылады.

«Өңірлерді дамытудың 2020 жылға дейінгі» бағдарламасы

«Тұрғын үй-коммуналдық шаруашылығын жаңғырту мен дамытудың 2011-2020 жылға дейінгі» қабылданған бағдарламасын жүзеге асыру мақсатында, аудан бойынша 2011 жылдан бастап жалпы көпқабатты 52 тұрғын үйге күрделі жөндеу жұмыстары жүргізілді. 2019 жылдың басынан 4 үйге күрделі жөндеу жұмыстары жүргізілді. Қаржы қаралған жағдайда 44 көпқабатты тұрғын үйге күрделі жөндеу жұмыстарын жүргізуге дайын.
Сонымен қатар, аудан аумағындағы басты көшелер бойында орналасқан 9 көпқабатты тұрғын үйлердің қасбеттері және 3 үйдің шатыры демеушілер тарапынан ретке келтірілді.

Жылумен қамтамасыз ету

Аудан аумағында жалпы көпқабатты 672 тұрғын үй бар. Оның ішінде көпқабатты 622 тұрғын үй орталықтандырылған жылу жүйесіне, қалған 50-і үй автономды жылу жүйесіне қосылған.
Көп қабатты тұрғын үйлердің келбетін, тазалығын және жылуын сақтау мақсатында 2018-2019 жылғы жылу маусымына дайындық кезінде 106 жұмыс істемейтін тікқұбырлар толығымен ауыстырылып, 55 кіреберіс алаңдарының есігі және 322 м² кіреберістегі терезелер орнатылып, жылуға толық қосылған.
Сонымен қатар, жылу энергиясын үнемдеу мақсатында аудан тұрғындарына жылу есептегіш құралының тиімділігі туралы түсіндіру жұмыстары жүргізіліп, көпқабатты 63 тұрғын үйге жылу есептегіш құралы орнатылды.

Аудан тұрғындарымен кездесу

Ауданда айына бір рет «Үй басқарушылар күнін» өткізу жүйелі түрде жолға қойылған. Аталған жиынға барлық коммуналдық салалардың өкілдерін қатыстыра отырып, тұрғындар, орам және көше басқарушылары тарапынан туындаған барлық мәселерді орнына шығып, мәселелердің дер кезінде шешілуі жүйелендірілген.
Атап айтқанда, өткізілген жиындарда, тұрғындар тарапынан түрлі мәселелер бойынша 164 өтініш түсті, оның ішінде 113 өтініші толық орындалып, шұғыл шешуді қажет ететін 32 мәселе дер кезінде шешілді. Қалған сұрақтар қосымша мерзімді талап етуіне байланысты тұрақты бақылауға қойылып, кезең-кезеңімен өз шешімі табылылуда.

Белгіленбеген орындардағы сауда туралы мәлімет

2019 жылдың І-ші жарты жылдығы бойынша 346 тұлғаға Әкімшілік құқық бұзушылық туралы Кодексінің 204-бабына сәйкес әкімшілік хаттама рәсімделген.
Аудан аумағында орналасқан заңсыз дүңгіршектер бойынша аппарат қызметкерлері тарапынан күнделікті анықтау жұмыстары жүргізілуде. 2019 жылы 19 заңсыз дүңгіршектер алынып, 3 дүңгіршек бойынша сотқа дейінгі реттеу тәртібімен құжаттар жинақталуда.

Заңсыз автотұрақтар туралы ақпарат

Аудан аумағындағы тоқтауға тыйым салынған белгі орнатылған жерді заңсыз автобекет ретінде пайдаланып тұрған көлік иелеріне жол потрульдік полиция бөлімімен бірлесе іс-шаралар өткізілді. Атап айтсақ: Әйтеке би көшесі «Ескі қала» аумағы, Ш.Рашидов көшесі, Төле би көшесінің бойындағы «Әскери комиссариат» аялдамасының жаны, Ә.Молдағұлова көшесінің бойы, Түркістан көшесі, «Қазпошта» аумағы және Т.Әлімқұлов көшесінің бойы. Сонымен қатар, аудан аумағындағы орналасқан автобекеттер бойынша мониторинг жасалып, қалалық жолаушылар көлігі және автомобиль жолдары басқармасына ұсынылды. Қазіргі таңда аталған жерлерде «Шымкент паркинг» ЖШС «ақылды тұрақ» пилоттық режимінде жұмыс атқаруда.

Ретсіз орналастырылған жарнамалар туралы мәлімет

Шымкент қалалық сәулет және қала құрылысы басқармасының мамандарымен бірлесе рейдтік іс-шаралар ұйымдастырылып, аудандағы негізгі көшелерде және коммерциялық нысандарда, сауда орындарында орналасқан жарнамаларды ретке келтіру мақсатында түсіндіру жұмыстары жүргізілді. Бүгінгі таңда жыл басынан 300 жуық ірі жарнама және 800 жуық хабарлама ретінде жапсырылғын ұсақ жарнамалар алынған жеке кәсіпкерлерге жарнамаларын заңдастыру қажет екендігі туралы түсіндіру жұмыстарының жүргізілу нәтижесінде, төлемақы төлеушілер мен салық салу объектілері туралы мәліметіне сәйкес, 80 заңды тұлға тіркелген.
Жалпы аудан аумағында заңды тұлға ретінде тіркелген кәсіпкерлерден 2019 жылдың (қаңтар, ақпан, наурыз, сәуір) айларына сыртқы (көрнекі) жарнама бойынша бюджетке түскен түсім көлемі 55,5 млн теңгені құрады.

Өз бетінше иеленген жер телімдері бойынша ақпарат

Әл-Фараби ауданы бойынша жалпы жерді өз бетінше иеленген азаматтар және ауыл шаруашылық мақсаттағы жер телімдерінің саны: жалпы 213 жер телімі.
Онын ішінде: тұрғын үй - 46, құрылысы аяқталмаған үй саны -37,фундамент соғылған жер телімдерінің саны - 58, ауылшаруашылық мақсатындағы жер саны – 72.
Жоғарыда аталған жерді өз бетінше иеленген азаматтарды үйлерін заңдастыру бойынша, Шымкент қаласының жер қатынастары және жердің пайдаланылуы мен қорғалуын бақылау басқармасына жалпы саны 11 тұрғын үйдің құжатын заңдастыру бойынша жер коммиссиясына тапсырылды. Сонымен қатар қосымша 11 тұрғын үй бойынша тиісті жұмыстар атқарылып жер комиссиясына тапсыруға құжаттары рәсімделуде.

Түнгі тыныштықты бұзбау және қоғамдық тәртіпті сақтау бойынша мәлімет

«Шымкент-қауіпсіз қала» жол картасы аясындағы іс-шара жоспарына сәйкес, Әл-Фараби ауданында 21:00-ден кейін алкогольдік ішімдіктерді сатуға шектеу қою және 23:00-ден кейінгі түнгі тыныштықты бұзбау және қоғамдық тәртіпті сақтау бойынша түсіндірме жұмыстары жалғасуда. Аталған іс-шара, аудандық мемлекеттік кірістер басқармасының мамандарымен, аудандық әділет басқармасы өкілдерімен және жергілікті полиция басқармасының қызметкерлерінің қатысуымен тұрақты түрде жүргізілуде.
Заңталаптарын сақтамау түрінде жасалған құқық бұзушылық үшін кәсіпкерлік субъектісінің санатына сәйкес, жиырма бестен бастап, алты жүз айлық есептік көрсеткіш мөлшерінде айыппұл салуға әкеп соғады (ҚР ӘҚБтК 200,282,463 баптары). Жыл басынан ҚР ӘҚБтК-нің 200 бабына сәйкес 7 кәсіпкерлік субъектісіне айыппұл салынған, 282 бабына сәйкес 15 кәсіпкерлік субъектісіне шара қолданылған, 463 бабына сәйкес 28 тұлға жауапқа тартылған.

Тәуліктік пәтерлер бойынша жұмыстар

Әл-Фараби ауданы әкімі аппаратының ұйымдастыруымен, Шымкент қаласы әкімдігінің бекіткен «2017-2018 жылдарға Шымкент қаласының бюджетінің түсім көздерін ұлғайту мақсатында уәкілетті органдар арасындағы қарым-қатынасты күшейту бойынша іс-шаралар жоспарына сәйкес» бірқатар мемлекеттік мекемеледің өкілдерімен жұмысшы топ құрылды.
Аталған жұмысшы топтың қатысуымен жыл басынан бері тұрақты түрде тәуліктік пәтерлер бойынша, Айбергенов және Жангелдин көшелерінде орналасқан жалдамалы пәтер беретін кәсіпкерлерге, заңды түрде тіркелу бойынша түсіндірме жұмыстары жүргізілуде.
Бұған қоса, Қазақстан Республикасы Парламент Мәжілісіне 2017 жылғы 25 желтоқсандағы №120-VI ҚРЗ Қазақстан Республикасының «Салық және бюджетке төленетін басқа да міндетті төлемдер туралы» кодексінің (Салық кодексі) 685-бабының мүлікті жалдауға (жалға) беруге патентті алу тәртібіне қосымша талаптар енгізу жөнінде ұсыныс жолданды.

Мемлекеттен берілетін жәрдемақылар туралы ақпарат

2019 жылдың 27 сәуірінде өткен «Нұр Отан» партиясының XVIII съезінде Елбасы Нұрсұлтан Әбішұлы
Назарбаев жаңа әлеуметтік іс-шараларға бастау берді. Басты басымдықтарының бірі – азаматтарымыздың тұрмыс сапасын арттыру және Қазақстанды әлеуметтік бағыттағы мемлекет ретінде дамыту қажет екенін атап өтті.
Ауданымыздағы көп балалы және аз қамтылған отбасылардың үйлерін аралап, әр отбасының құрамы, олардың жұмыс жасайтындығы, жасамайтындығы, қандай әлеуметтік көмектер алатындығы, тұрып жатқан үй жағдайы және ол отбасыға қандай көмек қажеттігі туралы мәліметтер толтырылып әлеуметтік картасы жасақталды. Осы ақпараттың барлығы Е-халық жүйесіне енгізілді. Аталған жүйе арқылы әлеуметтік көмек алу үшін отбасыдан бір ғана құжат – жеке куәлік талап етіледі.
Сонымен қатар, Атаулы әлеуметтік көмекке келер болсақ, аталған көмекті тағайындау және төлеу мәселелерінде бірқатар өзгерістер енгізілді.
Атаулы әлеуметтік көмекті тағайындау үшін критерий күнкөріс деңгейінен 50%-дан (14849 теңге) 70%-ға (20789 теңге) дейін өсті. Отбасының жиынтық табысын есептеу кезінде бірге тұратын кәмелетке толмаған төрт және одан көп балалары бар отбасыларға төленетін арнаулы мемлекеттік жәрдемақы, «Алтын алқа» және «Күміс алқа» алқасымен марапатталған көп балалы аналардың жәрдемақысы, баланың мүгедектік жәрдемақысы және шәкіртақы алынып тасталды.
Аудан бойынша 2019 жылы 10415 отбасы өтініш білдіріп, оның 1220 отбасы «Мұқтаж емес» деп танылса, 9195 отбасы «Мұқтаж» деп танылып, оларға 2,852 млн теңге берілді.

Қайырымдылық іс-шаралары

Аудан аумағында әлеуметтік жағдайы төмен, аз қамтылған отбасыларға, жетім балалар үйіне және мүмкіндігі шектеулі азаматтарға арналған қайырымдылық іс-шаралары тұрақты түрде өткізіліп тұрады.
Ағымдағы жылдың 1 маусым «Балаларды қорғау күніне» орай мүмкіндігі шектеулі және аз қамтылған отбасылардан шыққан 1130 балаға Зоосаябақ пен циркке және «Funky town» ойын алаңында әртүрлі ойындар ұйымдастырылып мерекелік дастархан жайылды.
Ұлы Отан соғысының 74 жылдығына орай, мерекелік іс-шара ұйымдастырылып, ардагерлерге сыйлықтар табысталды және Ұлы Отан соғысы ардагерлеріне дәрі-дәрмек алуға демеушілер тарапынан 20000 теңгелік сертификаттар берілді. Одан бөлек, 90, 95, 100 жасқа толған 7 Ұлы Отан соғысы мен 23 тыл ардагерлеріне сый-сияпаттар берілді.

Ономастика мәселесі

Цифрлы Қазақстан жобасын жүзеге асыру мақсатында аудан аумағында орналасқан 672 көпқабатты тұрғын үйлерге 1344 дана «QR-code» және индексі жазылған жаңа үлгідегі тақтайшалар орнатылды. 2020 жылы аталған тақтайшалар жеке сектордағы жаңадан атау берілген 75 көше бойынша тұрғын үйлерге де орнатылатын болады.
Аудан бойынша 404 даңғыл, көше мен өткелдер бар, оның 253 атауы заңдастырылған, 110 көше хаттамамен расталған және жаңадан 41 көшеге атау беру үшін тиісті басқармаға ұсыныс жолданды. Сонымен қатар, ауданда 15 шағынаудан орналасқан. Оның ішінде 5 шағынауданның атауы заңдастырылған, қалған 10 шағынауданның атауын заңдастырыға тиісті басқармаға ұсыныс жолданды.

Құқық бұзушылықтың алдын алу

«Шымкент-қауіпсіз қала» жоба аясында аудан әкімі аппаратының ұйымдастыруымен түнгі мезгілдегі кәмелет жасына толмағандардың заңды өкілінсіз жүруін анықтау бойынша 27 рет рейд өткізіліп, 75 тұлғаға Әкімшілік құқық бұзушылық туралы Кодексінің 442-бабына сәйкес, хаттама толтырылды.
Сонымен қатар, А.Жангельдин, Т.Айбергенов көшелерінің бойында орналасқан жалдамалы пәтер беретін кәсіпкерлерге аудандық кірістер басқармасына заңды түрде тіркелу бойынша түсіндірме жұмыстарының нәтижесінде Әкімшілік құқық бұзушылық туралы Кодексінің 449 бабына сәйкес, 75 тұлғаға әкімшілік хаттама толтырылып, 412 757 теңге айыппұл салынды.

Мемлекеттік қызмет көрсету

Спорттық атақтар, разрядтары және біліктілік санаттарын беру нормалары мен талаптарын бекіту туралы Қазақстан Республикасы
Мәдениет және спорт министрінің м.а. 2014 жылғы 28 қазандағы № 56 бұйрығына сәйкес аудан әкімінің аппаратымен төмендегідей спорт атақтары берілді:
Жасөспірімдердің I-санаты бойынша 234 спортшыға, жасөспірімдердің II-санаты бойынша 195 спортшыға, жасөспірімдердің III-санаты бойынша 55 спортшыға, II спорт санаты бойынша 53 спортшыға, III спорт санаты бойынша 59 спортшыға және біліктілігі жоғары деңгейдегі екінші санатты жаттықтырушы 6 тұлғаға, біліктілігі жоғары деңгейдегі екінші санатты әдіскер 3 тұлғаға, 12 спорт төрешiсi біліктілік санаттары берілді.

Демалыс аймақтары

Өздеріңізге белгілі аудан қаламыздың орталығында орналасуына байланысты, демалыс аймақтары мен мәдени нысандардың көбісі аудан аумағында орналасқан, атап айтар болсақ 13 саябақ, 18 гүлзар, 17 ескерткіш және 11 субұрқақ бар. Аталған нысандар тұрақты түрде зерделеніп, анықталған кемшіліктерді ретке келтіру бойынша тиісті жұмыстар жүргізілуде.
Сонымен қатар, А.Байтұрсынов көшесінің бойында орналасқан Т.Тәжібаев аллеясы абаттандырылып, жөндеу жұмыстары жүргізілуде. Бейбітшілік көшесінің бойындағы Арбат қала тұрғындары мен қонақтарының сүйікті демалыс орнына айналып отыр. Аталған демалыс аймағында құзырлы мекемелер еріктілердің ұйымдастыруымен мәдени іс-шаралар мен халықтың сауатын арттыру акциялары және түрлі салалар бойынша халыққа тегін кеңестер өткізіліп тұрады. «Орталық саябаққа» ағымдағы жөндеу жұмыстары және Асанбай Асқаров ескерткішінің аумағы мен «Дендросаябақ» аумағына абаттандыру жұмыстары жүргізілді.
Елбасының тапсырмасына сәйкес ауданымызда тарихи маңызы зор Шымкент қалашығын (Цитадель) қалпына келтіру жұмыстары басталды.
Ескі қаланың аумағында табылған экспонаттардан тұратын мұражай-экспозициясы және бекініс қабырғалары бар Оңтүстік қақпаларды қалпына келтіру жұмыстары жүргізіп, 200 шаршы метрге Визит-орталығын орналастыру жоспарлануда.
Өздеріңізге белгілі келесі жылы Шымкент ТМД-ның мәдени астанасы болады. Біз үшін бұл үлкен жауапкершілік. Аудан қаламыздың орталығында орналасуына байланысты, демалыс аймақтары мен мәдени нысандардың көбісі аудан аумағында орналасқан сол себепті де өтетін іс-шаралар мен бағдарламаларды өз деңгейінде өткізу біз үшін үлкен жауапкершілік талап етеді.

Мәдени-ағарту саласы

Әл-Фараби ауданы әкімі аппаратының ұйымдастыруымен бекітілген жоспарға сәйкес, 2019 жылы мемлекеттік маңызы бар 11 мерекелік іс-шара, 15 кәсіби, 25 қайырымдылық іс шаралар өткізілді.
Аудан әкімінің аппаратымен өткізілген барлық іс-шаралар мен атқарылған жұмыстар бұқаралық ақпараттар құралдарында және Әл-Фараби ауданы әкімі аппаратының «facebook» және «instagram» парақшалары мен ресми сайтында(Alfarabi-shym.gov.kz) тұрақты түрде жариялануда.
Салыстырмалы түрде айтқанда, 2018 жылы аудан әкімі аппаратының атқарылған жұмыстары жөнінде ақпараттарды әлеуметтік желідегі ресми парақшаларында жалпы 100-ге жуық мақала жарияланса, 2019 жылы 200-ден астам мақала жарияланды.

Шымкент қаласы Әл-Фараби ауданы әкімінің аудан тұрғындарына есеп беру кездесулерінің кестесі

Өткізілетін орны

Күні

Уақыты

1

№129 орта мектеп

Сәуле шағынауданы, н/з.

13.01.2020ж.

11-00

2

ҚР ІІМ-нің Б.Момышұлы атындағы оқу орталығы

Т.Рысқұлов көшесі н/з.

15.01.2020ж.

11-00

3

Жастар ресурстық орталығы

Түркістан көшесі,1

20.01.2020ж.

11-00

Шымкент қаласы Әл-Фараби ауданы әкімінің аудан тұрғындарына есеп беру кездесулеріне арналған ұсыныстар мен ескертпелер үшін арнайы жәшіктердің орналасқан мекенжайлары 

р/с

Жәшіктер орнатылатын орындар

Мекенжайы

1

Әл-Фараби ауданы әкімі аппаратының ғимараты

Ж.Тыныбаев көшесі, 49

2

Н.Төреқұлов атындағы №62 орта мектеп

Түркістан шағынауданы, н/з.

3

Р.Мырзашев атындағы №76 негізгі орта мектеп

Сәуле шағынауданы Абай көшесі, н/з.

4

Қ.Спатаев атындағы №7 мектеп-лицейі

Республика даңғылы, 3

5

Айбек атындағы №14 жалпы орта мектеп

А.Диваев көшесі, 46

6

Циолковский атындағы №84 жалпы орта мектеп

195 орам, К.Тұрсынбаев көшесі, н/з.

7

№121 «Текесу» негізгі орта мектеп

Текесу тұрғын алабы,

Текесу көшесі,57

8

Ж.Баласағұн атындағы №6 жалпы орта мектеп

В.Суриков көшесі, н/з.

9

Т.Тажибаев атындағы №47 мектеп-гимназия

А.Байтұрсынов көшесі, н/з.

Қазақстан Республикасы Президентінің 2016 жылғы 05 ақпандағы «Орталық атқарушы органдар басшыларының, әкімдердің, ұлттық жоғары оқу орындары ректорларының кездесулерін өткізу туралы» №190 Жарлығына сәйкес, барлық деңгейде әкімдердің 2019 жылы атқарған жұмыстары туралы халық алдында есеп беру кездесулері мен 2020 жылға негізгі міндеттері айқындалуда. Өз кезегінде Шымкент қаласы Абай ауданының әкімі аудан аумағындағы 3 елді мекенде 2019 жылдың қорытындысы бойынша есеп береді.

 аким Абай

Өткен 2019 жылы аудан әкімінің халыққа есеп беру жиналысында тұрғындар тарапынан 40 өтініш түскен, оның ішінде 17 өтініш жыл ішінде толық шешімін тауып, 16 өтініш орындалу барысында, ал 7 өтініш бақылауда тұр. Яғни, ол өтініштерде биыл құрылыс жұмыстары жүргізілетін, жоба-сметалық құжаттар әзірленетін, заңсыз жер телімдерінің құжаттарын рәсімдеу өз шешімін табатын өтініштер.
2019 жылғы 2 қыркүйекте Қазақстан Республикасы Президенті Қ.К.Тоқаевтың халыққа арнаған «Сындарлы қоғамдық диалог - Қазақстанның тұрақтылығы мен өркендеуінің негізі» атты Жолдауы жарияланды. Аудан тұрғындарына кеңінен насихаттау мақсатында 30 жиналыс өткізіліп, жалпы 6 500 адам қамтылды.
2019 жылы аудан әкімі аппаратында 3228 кіріс құжаттары және 3003 шығыс құжаттар рәсімделіп, аудан әкімі мен аудан әкімі орынбасарларының жеке қабылдауында 399 азамат жазылды. Жеке қабылдауда көтерілген мәселелердің себептері талқыланып, шешу жолдары қарастырылып, арыз иелеріне уақтылы жауаптар берілді.
Ауданының әлеуметтік-экономикалық дамуын қамтамасыз ету, аймақтық бағдарламаларды жүзеге асыру шеңберінде бірқатар жұмыстар атқарылды.

Санитарлық тазалық және көріктендіру жұмыстары

Абай ауданы бойынша 2019 жылы 453 көпқабатты тұрғын үйдің 258 ауласы мен 727 көшенің санитарлық тазалау және ирригациялық жүйелерін қоқыстан тазартуға 307 млн 692 мың теңге қаржы қарастырылып, «Ақсемсер-Стройсервис» мекемесі қызмет көрсетті.
Сонымен қатар, аудандағы көпқабатты тұрғын үй аулалары мен ішкі орамдық көшелердегі қураған талдарды бұтау, шөптерді ору жұмыстарына 67 млн 498 мың теңге қаржы бөлініп, «Қазақ соқырлар қоғамы» бірлестігі жұмыс атқарды.
Ауданда қатты тұрмыстық қалдықтарды шығарумен «Спецавтотранспорт» ЖШС-і айналысты.
Аудан аумағындағы 453 көпқабатты тұрғын үй аулаларына қатты тұрмыстық қалдықтар тасталатын 112 контейнер алаңшасы бар. Осы алаңшаларға 485 контейнер қойылған.
Мердігер мекеме көпқабатты тұрғын үйлердің ауласындағы қоқыс контейнерлерін күніне 2 рет, жеке тұрғын үйлерді аптасына 1 рет тазалап, алып отырады.
Сонымен қатар, халық тығыз шоғырланған 8 шағынаудан, Республика даңғылы мен А.Асқаров, Б.Момышұлы және Ю.Гагарин көшелері бойындағы көпқабатты тұрғын үйлердің аулаларында орнатылған контейнер алаңшаларына қосымша контейнер қойылып, тозығы жеткен 67 контейнер ауыстырылды. 2020 жылы жаңа типті 150 евроконтейнер сатып алуға 19,5 млн теңге қаржы бөлінді.
Қоқыс алаңшаларының жер телімдерін заңдастыруға жергілікті бюджеттен 8 млн 416 мың теңге бөлініп, құжаттары рәсімделуде.

Жылумен қамту

Ауданда көпқабатты 453 тұрғын үй орналасқан. 424 көпқабатты тұрғын үй орталық жылу жүйесіне қосылған болса, 29 көпқабатты үй, атап айтқанда: - Жаңаталап тұрғын алабында 5 үй;
– Қызылжар тұрғын алабында 16 үй;
– аудан орталығында 8 тұрғын үй жеке қазандыққа көшкен.
2019-2020 жылғы жылу беру маусымында көпқабатты 424 тұрғын үйді қысқа дайындау, үйдің ішкі жүйелерін сығымдау және жөндеу жұмыстарын жүргізу бойынша «Қуатжылусервис» ЖШС, «Жилкомхоз Шымкент» ЖШС сервистік мекемелері қызмет көрсетті. Өткен жылы аудан әкімдігі мен сервистік мекемелер қызметкерлері бірлесіп, тұрғындармен кездесу ұйымдастырылды.
Кездесу барысында:
– «Қуатжылусервис» мекемесімен - 242 үй;
– «Жилкомхоз Шымкент» мекемесімен - 49 көпқабатты тұрғын үйлер (барлығы: 292 үй) келісім-шартқа отырды.
Биылғы жылы тұрғындар күшімен дайындалған 133 көпқабатты тұрғын үйді сервистік мекемелермен келісімшартқа отырғызу жұмыстарын қолға алу жоспарлануда.

Балалар және спорт ойын алаңшалары

Аудан аумағындағы 453 көпқабатты тұрғын үйлер 258 аулаға біріктірілген. Өткен 10 жыл көлемінде 219 аулаға балалар ойын алаңшалары мен 50 спорт алаңшасы орнатылған болатын.
Шымкент қаласы әкімдігінің 2019 жылғы 15 сәуіріндегі «Шымкент қаласының көпқабатты тұрғын үйлер аулаларын абаттандыру туралы» №309 қаулысының 1.1. тармақшасына сай, аудандардағы көпқабатты тұрғын үйдің аулаларын абаттандыру және балалар ойын алаңшаларын орнату жұмыстарын мемлекеттік-жекешелік әріптестік аясында жүргізу тапсырылған болатын.
Осы қаулыға сәйкес, 2019 жылы аудан аумағындағы 45 аулаға 1 411,6 млн.теңгеге балалар ойын алаңшаларын орнату үшін ЖСҚ дайындалып, конкурс жарияланды.
Конкурс қорытындысымен «Бай-Болашақ» ЖШС анықталып, құрылыс жұмыстарын аяқтап, тұрғындардың пайдалануына берілді.
Аяқталған жұмыстарды қабылдауға аудан әкімдігі тарапынан арнайы комиссия құрылып, құрамына аудан әкімдігі, аудандық «Нұр Отан» партиясы, үй комитеттерінің төрағалары және қоғамдық бірлестік өкілдері енгізілді.
Мемлекеттік-жекешелік әріптестік тәртібіне сәйкес аталған қаржы мердігерге 3 жыл көлемінде қайтарылатын болады.
Енді ағымдағы жылы:
– 41 аулаға балалар ойын алаңшасын орнату жұмыстарына 637 ,4 млн теңге;
– 8 спорт алаңшасын салу жұмыстарына 131, 5 млн теңге;
– 24 спорт алаңшаларының жөндеу және қалпына келтіру жұмыстарына 114, 5 млн теңге қаржы қаралып, жұмыстар жоспарлы түрде жүргізілетін болады.

Ауыз су

Аудан аумағы бойынша 22 елді мекен ауыз сумен қамтылса, ал 12 елді мекен құдық және тасымалды ауыз суларын пайдаланады.
2019 жылы 2 елдімекенде ауыз су жүйелерінің құрылыс жұмыстары жүргізіліп, Ақжар тұрғын алабындағы 650 үйді (жоба құны - 360,7 млн теңге) ауыз сумен қамту құрылысы толық аяқталып, пайдалануға тапсырылды. Ал, Айкөл тұрғын алабындағы 66 үйге (жоба құны- 168,1 млн теңге) ауыз су жүйлері толық тартылып, қазіргі таңда абоненттерді қосу, құжаттарды рәсімдеу жұмыстары жүруде.
Нәтижесінде 2019 жылдың соңында аудан аумағы бойынша 24 елдімекен (78,5%), толық ауыз сумен қамтылды.
Ағымдағы жылы шалғай орналасқан елдімекендерді ауыз сумен қамтамасыз ету мақсатында, Жиделібайсын мен Гагарин көшелерінің қиылысынан Көкбұлақ тұрғын алабына дейінгі магистралды су жүйесінің құрылыс жұмыстарын «Лидер Строй Проект-2002» мекемесі (жоба құны - 424,7 млн теңге) бастауды жоспарлап отыр.
Сонымен бірге, 6 елдімекенге:
– Жаңаталап тұрғын алабына - 676 үй (жоба құны - 818, 5 млн тг.);
– Қызылжар тұрғын алабына - 684 үй (жоба құны -186, 5 млн тг.);
– Игілік тұрғын алабына - 1319 үй (жоба құны - 634,7 млн тг.);
- Тәуелсіздікке 20 жыл тұрғын алабына - 716 үй (жоба құны - 237 ,5 млн тг.);
– Көкбұлақ тұрғын алабына - 312 үй (жоба құны - 291,8 млн тг.);
–Батыс шағын ауданына – 2500 үйге (жоба құны - 2 214,8 млн тг.) биылғы жылы ішкі орамдық ауыз су жүйелерінің құрылыс жұмыстарын жүргізу үшін қалалық энергетика және коммуналдық шаруашылық басқармасы тарапынан мемлекеттік сатып алу конкурсы өткізілуде.
Осы құрылыс жұмыстары аяқталған жағдайда, ауданда ауыз сумен қамтылатын елдімекендер саны 30-ға жетіп, 85% құрайтын болады.
Сонымен қатар, төмендегі елді мекендерді сапалы ауыз су жүйесімен қамтамасыз ету мақсатында 3 елдімекенге:
– Ақтас тұрғын алабындағы -115 үйге («Су жоба құрылыс» ЖШС);
– Солтүстік саяжай шағын ауданындағы - 1025 тұрғын үйге (4875 жер телімі) («Су жоба құрылыс»ЖШС);
– Ынтымақ-2 шағынауданындағы - 1794 үйге («Конструктор 80» ЖШС) бюджеттен жоба дайындауға 86,1 млн теңге қаржы қарастырылды. Ағымдағы жылы жобалық-сметалық құжаттар әзірленген соң, құрылыс жұмыстарына қаржы қарастыруға бюджеттік өтінім берілетін болады.
Сонымен бірге, Арғымақ шағын ауданындағы - 2000 жер теліміне (35 тұрғын үй) орналасқан тұрғын үйлерді ауыз сумен қамту бойынша жоба дайындауға ұсыныс берілді.

Электр жүйесі

Аудан аумағындағы 22 елді мекен мемлекеттік электр жарығымен қамтылған. 12 елдімекен жеке меншік трансформатор жарығын пайдаланады.
2019 жылы екі елдімекенде құрылыс жұмыстары жүргізілді, атап айтқанда, Құрсай шағынауданы аумағындағы 2216 үйді (жоба құны - 651,6 млн тг.) электр қуатымен қамтамасыз ету құрылыс жұмыстарын мердігер «Электромонтаж» АҚ мекемесі толық аяқтап, пайдалануға тапсырылды және Самал-3, Солтүстік батыс шағынаудандарындағы 4896 үйді (жоба құны - 1 663 млн тг.) электр қуатымен қамтамасыз ету құрылыс жұмыстарын жүргізіп, бүгінгі таңда тұрғын үйлерді жаңа жүйеге қосу жоспарлануда.
Нәтижесінде аудан аумағындағы 24 елдімекен (67,1%) мемлекеттік электр жарығымен қамтылды.
Сонымен қатар,
– Ақтас-2 тұрғын алабындағы - 115 үйге («ЭТЛ Энерго сервис» ЖШС);
– Солтүстік саяжай шағынауданындағы - 4875 жер теліміне («Су жоба құрылыс» ЖШС);
– Ынтымақ 2 шағынауданындағы - 1794 үйді («Конструктор-80» ЖШС);
– Ақжар тұрғын алабындағы - 650 үйді («А-Строй проект» ЖШС);
– Айкөл тұрғын алабындағы - 66 үйді («А-Строй проект» ЖШС);
– Жаңаталап тұрғын алабындағы - 676 үйді («Ұлмад» ЖШС);
– Игілік тұрғын алабындағы - 1319 үйді («А-Строй проект» ЖШС);
– Тәуелсіздікке 20 жыл тұрғын алабындағы - 716 үйді («А-Строй проект» ЖШС) жаңа электр жүйелерімен қамтамасыз ету мақсатында 2019 жылы бюджеттен 130,0 млнтеңге бөлініп, жобалық-сметалық құжаттары дайындалуда.
Сонымен бірге, Арғымақ тұрғын алабындағы 2000 жер теліміне (35 тұрғын үйде 115 адам тұрады) электр жүйелерімен қамтамасыз етуге қалалық энергетика және коммуналдық шаруашылық басқармасына ұсыныс жолданған.

Табиғи газ

Аудан бойынша 25 елдімекен (82,2%) табиғи газ жүйесімен қамтылған.
9 елдімекен көмір отынын пайдаланады. Аталған елдімекендерде бірқатар тұрғын үй иелері 250-300 мың теңге көлемінде қаржы жинап, жекеменшік газ жүйелерін тартып алған.
2020 жылы Алтынтөбе тұрғын алабындағы 218 үйге мердігер «Жылу строй Ремонт» ЖШС (жоба құны-113,1 млн тг) табиғи газ жүйесі құрылыс жұмыстарын жүргізетін болады.
Көкбұлақ тұрғын алабындағы 312 үйге табиғи газ жүйесін тарту үшін 12,6 млн теңгеге «Марк Гарант» ЖШС мекемесі жобалық-сметалық құжаттарын дайындауда, мемлекеттік сараптама қорытындысын 2020 жылы алу жоспарлануда. Сонымен қатар,
– Ынтымақ-2 (Батыс) шағын ауданындағы - 4294 үйге;
– Солтүстік саяжай шағынауданындағы - 1025 үйге (4875 жер телімі)
– Ақтас шағынауданындағы - 495 үйге;
- Тәуелсіздікке 20 жыл тұрғын алабындағы -716 үйге;
– Арғымақ шағынауданындағы - 35 тұрғын үйге (2000 жер телімі)
– Айкөл тұрғын алабындағы -66 үйге;
– Ақтас тұрғын алабындағы - 115 үйлерге табиғи газ жүйесін тарту мақсатында, жоба-сметалық құжаттар дайындауға қалалық энергетика және коммуналдық шаруашылық басқармасына ұсыныс берілген.

Жол құрылысы

Аудан аумағындағы көшелер саны-1025 (1034 шқ.), оның ішінде:
– асфальт жол - 596 (58,1 %) 581,4 шақырым (56,2%);
– тас жол - 326 көше (31,9 %); 373,65 шақырым (36,2% );
– топырақ жолдар - 103 көше (10,0%); 79 шақырым (7,6%).
Аудан аумағында бірқатар ірі нысандардың құрылыс жұмыстары жүргізілуде:
– Әл-Фараби көшесінің жалғасының құрылысын «Отау Строй» ЖШС мекемесі жүргізуде. Жобаның құны - 3 663,5 млн.теңге. Нысан 2020 жылы жалғасын табуда.
– Бадам өзенінің үстінен өтетін көпір құрылысын «ЖБИ-С» ЖШС тарапынан атқарылуда. Құрылыс монтаж жұмыстарына қаралған қаржы 1895,5 млн.теңге. Аяқталу мерзімі 2020 жылға жоспарланған;
– Темірлан тас жолы мен Мангелдин көшелерінің қиылысындағы жер үсті жаяу жүргіншілер өткелі құрылысының жоба құны - 226,1 млн. теңге. Мердігер «Алеф-А» мекемесі. Нысанды аяқтау мерзімі 2020 жыл.
– Төлеметов көшесінен Ынтымақ шағын ауданына дейінгі аралықтағы А-2 жолын «Отау строй» ЖШС-і құрылыс жұмыстарын жүргізуде.
Жобаның құны - 1 771, 438 млн теңгені құрайды.
2019 жылы 21 көшеге (27,5 шақырым) жалпы соммасы 864,6 млн теңгеге асфальт төсеу жұмыстары басталып, 10 көшеде құрылыс жұмыстары аяқталып, 11 көшеде құрылыстары жалғасуда.
2020 жылға аудандағы 48 көшеге (42,4 шақырым) оның ішіндегі шалғай жатқан елдімекендердегі 20 көшеге (19,32 шақырым),
Сонымен қатар, ішкі орамдық 28 көшеге (23,1 шақырым) (жоба құны - 646, 838 млн тг) асфальт төсеу жұмыстарын жүргізуге қалалық экономика және бюджетті жоспарлау басқармасына ұсыныс берілді.

Шағал тас

2019 жылы аудан аумағындағы Самал-3, Қызылжар, Ақтас, Құрсай, Ынтымақ, Ынтымақ-2, Агрофирма, Солтүстік саяжай, Ақжар, Арғымақ елдімекендеріндегі 85 көшеге 26,49 шақырым шағал тас төселді.
2020 жылға аудан аумағындағы 103 көшеге 79,0 шақырымға шағал тас төсеу жұмыстарына қаржы қарастыру үшін қалалық экономика және бюджетті жоспарлау басқармасына ұсыныс берілді.
Дегенмен, елдімекендердің жаңақұрылыс аумақтарында пайда болып жатқан көшелерге қажеттілігіне қарай қосымша ұсыныстар берілетін болады.

Аяқжолдар

2019 жылы 5 көшеге 5,3 шақырымға - 50,9 млн.теңгеге аяқ жол салу жұмыстары жүргізілді. Олар:
– Самал-3 шағым ауданы Ізгілік көшесі-1,5 шақырым;
– Ынтымақ шағынауданы Ташкент көшесіне -1,8 шақырым;
– 4 шағынауданы Қабылбеков көшесі - 0,5 шақырым;
– Жайлау шағынауданы Алмаханқажы көшесі - 0,8 шақырым;
– Ақсуат көшесі - 0,75 шақырымға.
2020 жылға 9 көшеге 6,34 шақырымға - 84,8 млн теңгеге аяқ жол салу қалалық жолаушылар көлігі және автомобиль жолдары басқармасына ұсыныс жолданып, бүгінгі таңда қаржы қарастыру мәселесі қаралуда.

Көшелерді жарықтандыру

Аудан бойынша жалпы 55 көшеге (125,8 шақырым) жарық бағаналары орнатылып, орталық жарықтандыру жүйесіне қосылған.
2020 жылға аудан аумағындағы әлеуметтік нысандар орналасқан 13 көшеге 24,6 шақырымға (342,3 млн теңге) жарықтандыру жұмыстарының құрылысын жүргізуге бюджеттен қаржы бөлініп құрылыс жұмыстарын бастау жоспарлануда.
Сонымен қатар, аудан аумағындағы әлеуметтік нысандар орналасқан 29,6 шақырымды құрайтын 18 көшені жарықтандыру бойынша энергетика және коммуналдық шаруашылық басқармасына жоба дайындау үшін ұсыныс жолданды.

Сейсмонығайту жұмыстары

2019 жылға дейін аудан аумағындағы 7 көпқабатты тұрғын үйлерде сейсмонығайту жұмыстары жүргізілсе, ағымдағы жылы 2 көпқабатты тұрғын үйлерде Асқаров көшесі №43 үйде (100 пәтер) «Сиқым-Олжас» ЖШС (жоба құны - 6,5 млн тг) және 3 шағынауданы №3 үйде (90 пәтер) «Бірлік-КМ» ЖШС (жоба құны – 51 млн тг) сейсмонығайту жұмыстары жүргізілуде. Нысан 2020 жылға өтпелі.
2020 жылы 3 шағынауданы №6 үй (90 пәтер) мен Абай даңғылы №33б көпқабатты тұрғын үйлерге (36 пәтер) сейсмонығайту жұмыстарын жүргізу жоспарлануда.
Сонымен қатар, Темірлан тас жолы №30, Құрманбеков көшесі №32, Мангельдин көшесі №33, Гагарин көшесі №48 көпқабатты тұрғын үйлерге сейсмонығайтудың қажеттілігін анықтау үшін, зерделеу жұмыстары жүргізілуде.

Аудан аумағына қарасты білім беру нысандары туралы

Аудан аумағында 2019 жылы 4 мектептің құрылыс жұмыстары жүргізілуде, оның ішінде 1 мектеп пайдалануға берілді, атап айтқанда;
– Қызылжар шағынауданында 900 орындық мектеп құрылысы (пайдалануға берілді),
– Самал-3 шағынауданындағы №6 емхананың жанында 1200 орындық мектеп құрылысы,
– Самал-3 шағынауданында №87 орта мектепке қарсы бетте 1200 орындық жалпы білім беретін мектеп құрылысы,
– №23 мектепке жапсарлас оқу корпусының құрылысы.
Мектептер саны – 36, оның ішінде оқушы- 57 634. Балабақшалар – 157 (29 мемл. 128 жеке) – 17 858 оқушы. Жоғары оқу орындары – 3, колледж – 9, студент саны – 30 076;

Денсаулық сақтау нысандары

Аудан аумағында жалпы 10 мемлекеттік медициналық ұйым, оның ішінде 6 емхана, 1 орталық аурухана, 1 офтальмологиялық аурухана, 1 эндокринологиялық диспансер және 1 ЖИТС орталығы жұмыс атқарады.

Ретсіз сауданы жою жұмыстары

Аудан аумағында орналасқан ретсіз сауданы жою жұмыстарын жүргізу мақсатында құзырлы органдармен өткізілген рейдтер нәтижесінде аудандық ЖПҚБ-ң тарапынан ретсіз сауда бойынша 2019 жылдың басынан әкімшілік құқық бұзушылық кодексінің 204 «Белгіленбеген орындарда сауда жасау» бабына сәйкес барлығы 621 хаттама толтырылған, оның 409-не ескерту берілді, 1 280 450 теңге көлемінде айыппұл салынып, өндірілгені 145 250 теңге.
Сонымен қатар, Әкімшілік құқық бұзушылық кодексінің 505 бабына яғни, «Қалалар мен елдімекендердің аумақтарын абаттандыру қағидаларын бұзу, сондай-ақ қалалар мен елдімекендер инфрақұрылымы объектілерін бұзу, жасыл екпелерін жою және бүлдіру» бабына сәйкес барлығы 119 хаттама толтырылған, оның 114-не ескерту берілді, 126 250 теңге көлемінде айыппұл салынды.

Жәрмеңке

Кәсіпкерлікті қолдау бөлімінің мамандарының ұйымдастыруымен және жәрмеңкеде жол қауіпсіздігі мен қоғамдық тәртіптің сақталуын қамтамасыз ету мақсатында аудандық ЖПҚБ (жергілікті полиция қызметі бөлімшесінің), ЖППП қызметкерлерінің кезекшілігін ұйымдастырып, Гагарин көшесі «1000 ұсақ-түйек» дүкенінің алдындағы алаңда әр сенбі сайын 40-қа жуық ауылшаруашылығы өнімдерін сататын жеке кәсіпкерлердің қатысуымен тұрақты түрде 2019 жыл басынан 48 рет жәрмеңке өткізілді.

Атаулы әлеуметтік көмек

«Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі №246 Заңына сәйкес, Абай ауданы әкімі аппаратында 10 учаскелік комиссия құрылып, құрамына 51 адам тартылған.
2019 жылдың басынан мемлекеттік атаулы әлеуметтік көмектің шартты және шартсыз ақшалай көмекке 33 158 отбасы өтініш білдірген.
Оның ішінде: учаскелік комиссиялардың шешімімен 26 011 мұқтаж, 7 147 мұқтаж емес деп танылды. Көмекке тапсырушылар саны 2018 жылғы көрсеткішпен салыстырғанда, 3,9 есеге көбейген.

«Біз біргеміз» акциясы

Аудан аумағында мүмкіндігі шектеулі азаматтарға қолжетімді орта құру мақсатында «Біз біргеміз» акциясы ұйымдастырылды. Акция барысында мемлекеттік және коммерциялық 245 нысанға зерделеу жұмыстары жүргізіліп, пандус орнату қажеттігі жайлы ескертпелер таратылды. Нәтижесінде, 71 нысан бойынша мүмкіндігі шектеулі азаматтарға қолжетімді орта құрылып, жалпы бейімделген нысан саны – 752 жетті.

Алқа

Абай ауданы бойынша «Алтын алқа» және «Күміс алқа» иегерлерінің саны - 3 430 оның ішінде: 1297 «Алтын алқа», 2121 «Күміс алқа» иелері.
2019 жылдың басынан бері көпбалалы аналарға 29 алтын, 101 күміс алқа табысталды, 285 көп балалы аналардың құжаттары «Алтын» және «Күміс» алқаларымен марапаттауға ұсыныс жолданды.

Қайырымдылық іс-шаралар

2019 жылдың басынан жалпы 1886 отбасына қайырымдылық көмек көрсетілді. Оның ішінде:
– 440 әлеуметтік жағдайы төмен отбасының балаларына мерекелік іс-шаралар барысында концерттік бағдарлама, зообаққа қыдырту, кинотеатрға бару шараларына қатыстырылды;
– 180 аз қамтылған отбасының балаларына «Мектепке жол» науқаны кезінде мектеп формасы мен кеңсе заттарымен қамтылды.
– 7 аз қамтылған, көпбалалы отбасылар «Менің кәсібім» атты әлеуметтік жобасына қатысып, депутаттардың демеушілігімен қажетті тігін машиналары, нан пісіру пештері, көлік жууға арналған техникалық құрал-жабдықтар, шикізаттармен қамтамасыз етіліп, өз жеке кәсіптерін ашуға мүмкіндік алды.
– 1259 отбасына аудан кәсіпкерлерінің демеушілігімен әлеуметтік жағдайы төмен аз қамтылған көпбалалы отбасыларға, жетім балалар және мүмкіндігі шектеулі азаматтарға арналған азық-түлік, киім-кешек, қатты отынмен, инфрақұрылыммен қамту бойынша қайырымдылық көмектер көрсетілді.

Құқықбұзушылықтың алдын алу

Шымкент ПД Абай аудандық ПБ жергілікті полиция қызмет бөлімшесінде штат бойынша барлығы 132 қызметкерлерінен құралған.
Оның ішінде:
– жұмысты ұйымдастыру тобының инспекторлары - 1;
– учаскелік полиция инспекторлары - 92;
– кәмелетке толмағандар істері жөніндегі инспекторлары 35;
– әйелдерді зорлық-зомбылықтан қорғау жөніндегі инспекторы – 1.
Қылмыстардың саны 2018 жылмен салыстырғанда 4461-тен 3590-ға төмендеп, 19,5 пайызға кеміген.
Аудан аумағында орналасқан орта мектептерде жасөспірімдер арасындағы құқықбұзушылықтың, нашақорлықтың алдын алу және салауатты өмір салтын қалыптастыру мақсатында жергілікті полиция қызметкерлерінің, психолог-дәрігерлердің қатысуымен барлығы 51 кездесу өткізілді.
Халық көп шоғырланатын орындарда кәмелетке толмағандардың заңды өкілінсіз жүруін анықтау бойынша 77 түнгі рейдтер өткізіліп, рейдтің қорытындысымен 833 жасөспірімнің ата-аналарына хаттама толтырылды.

Ономастика

Аудан бойынша жалпы 1025 көшелер мен өткелдер бар. Оның ішінде атауы бар-761, атауы жоқ-264 көше. Атауы жоқ 154 көшеге атау беру және атауы қайталанатын 17 көшенің атауын өзгерту бойынша қалалық мәдениет және тілдерді дамыту басқармасына ұсыныс беріліп, қалалық ономастика комиссиясының оң қорытындысын алып, республикалық ономастикалық комиссиясына жолданды.
Аудан аумағындағы 453 көпқабатты тұрғын үйге Қазақстан Республикасының Ақпарат және коммуникациялар министрлігі ұсынған жаңа пошта индекстері мен QR-code көше аншлагтарын (тақтайшалар) орнатуға бюджеттен 5 млн. 708 мың теңге бөлініп, 906 тақтайшалар орнатылды.
Самал-3, Солтүстік-батыс, Құрсай және Қызылжар шағы аудандарындағы 103 көше қиылыстарына бағыттағыш белгілер орнатуға 3 млн теңге бөлініп, қаржы толық игерілді.
2020 жылға аудан аумағындағы 81 көшеге 6880 тақтайша орнатуға бюджеттен 20 млн 640 мың теңге қаржы бөлінді.

Мерекелік іс-шаралар

Мемлекеттік мерекелік іс-шараларды аудан аумағында атап өтуге 8 млн 137 мың қаржы бөлініп, 13 мерекелік іс-шара өткізілді.

Абай ауданының әкімі Ғ.Төлеповтың аудан тұрғындарының алдында
2019 жылдың қорытындысы бойынша есеп беру
кездесулерінің
КЕСТЕСІ

           Кездесу өтетін орын

    Күні

Уақыты

1

№122 орта мектеп, «Ақжар»

тұрғын алабы,

Ғ.Мұратбаев көшесі, 5а

15.01.2020ж.

11-00

2

№81 жалпы орта мектеп, «Жаңаталап» тұрғын алабы, Т.Айдарқұл көшесі , 27

17.01.2020ж.

11-00

3

№52 мектеп-лицей, Қатынкөпір шағынауданы, Әл-Фараби көшесі,102

22.01.2020ж.

11-00

Шымкент қаласы Абай ауданы тұрғындарының ұсыныстарын, ескертулерін және ой-пікірлерін жинақтауды қамтамасыз ету үшін арнайы жәшіктер төмендегі мекенжайларда орнатылған.
Әлеуметтік желілер арқылы сын-ескертпелер мен өтініштер қабылдайтынын аудан тұрғындарының назарына ұсынады.
WhatsApp – тел.: 8-777-489-86-84, 53-03-16

 №

Мекен жайы

 

Абай ауданы әкімінің аппараты, Тауке хан даңғылы 3а,

 

Әкімшілік ғимарат, «Қатынкөпір» шағынауданы, Әл-Фараби көшесі, нөмірсіз

 

Әкімшілік ғимарат, «Қазығұрт» шағынауданы, К.Жандарбеков көшесі, 179

 

2019 жылдың қараша айында дәрілік заттар мен медициналық бұйымдардың бірыңғай дистрибьюторы базасында «СК-Фармация – Адалдық алаңы» жобалық кеңсесі ашылды.

Жобаның негізгі мақсаты – «СК-Фармация» ЖШС қызметінде парасаттылық қағидаттары мен комплаенс саясатын енгізу.
Жобалық кеңсенің алдына серіктестік қызметінде қазіргі заманғы цифрлық технологиялар мен сыбайлас жемқорлықтың алдын алу құралдарын енгізу және парасаттылық қағидаттарына негізделген HR-менеджмент стратегиясын әзірлеу жөніндегі міндеттер қойылды.

Денсаулық сақтауды цифрландыру аясында 2018 жылдан бастап дәрі-дәрмекпен қамтамасыз ету саласында электрондық сатып алуды енгізу бойынша жоба іске асырылуда.
Қағаз тасығыштардағы жұмыс толығымен жойылады. Сатып алудың электрондық форматы кезінде Бірыңғай дистрибьютор қызметкерлері мен әлеуетті өнім берушілер арасындағы тікелей өзара іс-қимыл толығымен алынып тасталады. Бұл сатып алудың сыбайлас жемқорлық деңгейін төмендетеді, ал әлеуетті өнім берушілердің де, тендерлік комиссия мүшелерінің де әрбір іс-әрекеті жүйеде электрондық із қалдырады.

2019 жылы сервистік қызмет көрсетуді талап ететін медициналық бұйымдарды сатып алу да электрондық форматқа ауыстырылды.
Қызметтерді сатып алу бойынша тендерлік рәсімдердің ашықтығын және транспаренттілігін қамтамасыз ету үшін Бірыңғай дистрибьютор Facebook әлеуметтік желісіндегі өзінің ресми аккаунтында негізгі тендерлік рәсімдердің онлайн көрсетілімін ұйымдастырады.

Сондай-ақ, тегін берілетін қажетті дәрі-дәрмектерді жеткізу мерзімі мен күні туралы ақпаратты ұсынатын 1439 нөмірі бойынша байланыс орталығы жұмыс істейді.
Бақылау үшін нақты еңбек дәрі-дәрмек науқастарға бірлескен жоба шеңберінде Денсаулық сақтау министрлігі, ӘМСҚ, Республикалық электрондық денсаулық сақтау және «СК-Фармация» жобасы бойынша SMS-хабарлама тарату арқылы пациенттердің мәліметтері көрсетілген ақпараттық жүйесі дәрі-дәрмекпен қамтамасыз ету. Жалпы тарату 3 млн.телефон нөмірін қамтитын деректер базасы бойынша жүргізілді.

Пациенттердің SMS-жіберіліміне жауап ретінде 2881 жауап келіп түсті. Осылайша, 441 пациент аталған препараттарды алмаған, 32 адам диспансерлік есепте тұрмаған және ешқашан тегін дәрі-дәрмек алмаған, тағы 10 пациентке жартылай дәрі-дәрмек берілді. Бұл жұмысты тұрақты негізде жүргізу жоспарланып отыр.

Сондай-ақ, медициналық ұйымдарда тегін дәрілердің болуы бойынша бірыңғай электрондық анықтамалық іске қосылды. Ол интерактивті карта форматында орындалды, онда пациенттер өздері медициналық ұйымдардың дәрілік заттарға өтінімі бойынша барлық ақпаратты онлайн-режимде көре алады.

Страница 2 из 355