БАЛАҢЫЗДЫ ҚАРАУСЫЗ ҚАЛДЫРМАҢЫЗ

Пятница, 15 Ноябрь 2019 04:00

Шымкенттік полицейлер «Қайыршы» жедел-профилактикалық іс-шарасын өткізуде. Бұл туралы Шымкент қаласы ПД-нің Баспасөз қызметі хабарлады.

Бұл шара 9-16 қараша аралығын қамтиды. Шымкент қаласы Полиция департаментінің ювеналды полиция, учаскелік полиция инспекторлары, патрульдік және көші-қон қызметінің қызметкерлері рейдті кәмелетке толмағандардың қайыршылықпен айналысу фактілерінің жолын кесу және олардың құқықтарын бұзуға жол бермеу мақсатында өткізуде.
Айта кетерлігі, алғашқы 4 тәулік нәтижесінде қайыршылық жасаған 3 жасөспірім анықталды. Ата-анасының бақылауынсыз жүрген 43 жасөспірім Кәмелетке толмағандарды бейімдеу орталығына орналастырылды.
Балаларын тәрбиелеу және оқыту бойынша міндеттерін орындамағаны үшін 12 ата-анаға ҚР ӘҚБтК-нің 127-бабымен, қоғамдық орында тиісу, қайыршылық жасау және өзге де әрекеттер жасау арқылы мазалап өтініш білдірген 82 тұлғаға ҚР ӘҚБтК-нің 449-бабымен әкімшілік хаттама толтырылды.
Қазақстан Республикасы көші-қон саласындағы заңнамасын бұзғаны үшін 46 шетел азаматына да ҚР ӘҚБтК-нің 517-бабы бойынша осындай әкімшілік шара көрілді. Қабылдап-тарату орталығына 50 тұлға орналастырылды.

«АЙНА» БАЗАРЫНДА ОРТАЛЫҚ АШЫЛДЫ

Пятница, 15 Ноябрь 2019 03:58

«Nur Otan» партиясы жанындағы «Jas Otan» Жастар Қанаты Шымкент қалалық филиалының ұйымдастыруымен «Айна» базары маңында «Кеңес орталығы» ашылды.

75233724 2365655623747390 7052363697628381184 o

Қазіргі таңда Шымкентте ірі 9 базар бар. Бұл орталықта базарға келушілері мен жұмыскерлер сала мамандарынан, басшыларынан тұрғын үй, кәсіпкерлік, жұмыспен қамту, заң құқықтары, денсаулық сақтау мәселелері жөнінде тегін консультативті кеңестер алады.
Аталған орталықта тұрғын үй және тұрғын үй инспекциясы басқармасының маманы, Шымкент қаласы «Жастар ресурстық орталығы» КММ-нің бөлім басшысы Әлсейіт Оңласын, сондай-ақ «Nur Otan» партиясы Еңбекші аудандық филиалы төрағасының бірінші орынбасары Жандос Қамбарбеков жастарды қолдауға бағытталған мемлекеттік бағдарламалар бойынша түсіндіру жұмыстарын жүргізді.
«Jas Otan» ЖҚ Шымкент қалалық филиалының жетекшісі Арман Әлібековтың айтуынша, алдағы уақытта қалаға қарасты 4 ауданның ірі базарларында осындай орталықтар ашылмақ.
«Кеңес орталығы» аптасына екі рет, яғни сейсенбі және жұма күндері 11:00-ден 17:00-ге дейін қызмет көрсетеді.

Алғаш рет Шымкент қаласында тоғызыншы Орталық Азия сауда форумы өтті. Екі күнге жалғасқан халықаралық бизнес іс-шараны Шымкент қаласы әкімдігінің қолдауымен АҚШ Халықаралық даму агенттігі өткізді.

DSC 8020

«Жеміс-көкөніс секторындағы инновациялық және инвестициялық тәсілдер» тақырыбында өтіп жатқан ауқымды шараға қала әкімі Ерлан Айтаханов пен АҚШ-тың Қазақстандағы елшісі Уильям Мозер, сондай-ақ 500-ден астам компания басшылары, мемлекеттік сектор өкілдері мен Орталық және Оңтүстік Азия, Еуропа және АҚШ-тың салалық сарапшылары қатысты.

Іс-шараның ашылуында сөз алған қала басшысы Е.Айтаханов халықаралық форумның маңыздылығына тоқталып, Шымкент қаласының инвестициялық және экспорттық әлеуетін атап өтті.

– Шымкент – Қазақ елінің сауда, өнеркәсіп орталықтарының бірі. Бүгінгі форум бизнес-қауымдастыққа 70 миллионнан астам клиенттері бар Орталық Азияның дамып келе жатқан нарығындағы жеміс-көкөніс саласындағы жаңа әлеуетімен танысуға және Шымкент қаласына көптеп инвестиция тартуға мүмкіндік береді.

Біз мемлекет қорынан бөлінетін қаржыға қарап қалмай, әлеуметтік және кәсіпкерлік, ауылшаруашылық пен туризм саласына әлемнің барлық елінен инвестиция тартып, қаланың әлеуметтік-экономикалық дамуын жоғарылатуымыз қажет. Шымкент қаласы 2020 жылғы ТМД-ның мəдени астанасы атанғаны белгілі.

Осыған орай қазір Шымқалада бірқатар жобалар қолға алынуда. Бүгінде қаламызда азық-түлік сақтайтын бірнеше қойма бар. Олардың қатары əлі артады. Болашақта Шымкент қаласы сауда өнеркəсібі дамыған ірі орталыққа айналатын болады, - деді Ерлан Қуанышұлы.

Форум аясында халықаралық және отандық журналистер мен блогерлердің қатысуымен арнайы баспасөз-конференциясы өтті. Онда БАҚ өкілдері АҚШ-тың Қазақстандағы елшісі Уильям Мозер мен шаһар басшысы Ерлан Айтахановқа өздерін қызықтырған сауалдарын жолдады. Жиында елші Уильям Мозер Шымкенттың қонақжай қала екенін айтып, өз алғысын білдірді.

Әрі Қазақ Елінің Орталық Азиядағы негізгі экономикалық серіктесі екенін атап өтті. «АҚШ үкіметі аймақтағы сауда мен инвестицияның өсуіне жəне Орталық Азия халықтарының əл-ауқатының жақсаруына қолдау көрсетеді», – деді ол.

Сауда форумы – Орталық және Оңтүстік Азиядағы, сондай-ақ басқа да аймақтардағы сауда-саттықтың даму мәселелерін талқылау үшін мүмкіндік беретін алаң. Бұл форумға түбі бір туысқан қырғыз ағайындар да келіпті. Мақсатымыз – тəжірибе алмасу дейді олар.

– Алып Алатаудың арғы беті мен бергі бетін жайлаған қазақ пен қырғыз ежелден бауыр халық. Форумға жан-жақтан мықты бизнес өкілдері келді, тиісінше мол тəжірибе алдық. Бізден шығатын бақша өнімдері өздеріңізде де жеткілікті. Шымкентте лимон, құрма да өсіріп жатырсыздар. Біз жеміс-жидекті көбіне Ресейге экспорттаймыз. Қазақстанмен де осы бағытта алыс-берісті ұлғайта берсек деген ниет бар, – деді Қырғызстан өкілі Төлесін Бектеміров.

Форумға қатысушылар жаңа технологиялар, инвестициялық мүмкіндіктер, сауда ынтымақтастығы мен жаңа серіктестерді іздеу үшін нетворкингтің перспективалары туралы ақпарат алды. Сонымен қатар, іс-шараны ұйымдастырушылар қатысушыларға экспортты дамыту және сапа жағынан менеджмент бойынша практикалық сабақтар өткізді.

DSC 7558

Шымкентте азық-түлік белдеуін қалыптастыруға үлкен мүмкіндік бар

 DSC2034

Дана Абай өзінің төртінші қара сөзінде: «Әуелі құдайға сыйынып, екінші өз қайратыңа сүйеніп, еңбегіңді сау, еңбек қылсаң, қара жер де береді, құр тастамайды» дейді. Әрине, еңбек етіп, егін еккен адамға жер-ананың бермейтіні жоқ. Шыбық шаншысаң, шынар шығатын Шымшаһарда егін егіп, жылыжайын баптап, диқаншылық кәсіпке бет бұрғандардың қатары аз емес.

Қазіргі таңда Шымкент қаласы мен Түркістан облысында экологиялық таза өнiмдер жеткiлiктi мөлшерде өндiрiледi. Бiрақ, өкiнiшке қарай, сауда және көлiк-логистикалық кешенінiң дамымауы – бiздiң тауарлардың сыртқы нарыққа үлкен ауқымда шығуына қолбайлау болып отырғаны жасырын емес. Осы олқылықтың орнын толтыру мақсатында бірнеше жыл бұрын Шымкентте аумағы 92 гектар жерге әлемдік стандартқа сай заманауи сауда-логистика орталығының құрылысы басталған болатын.

Күні кеше Шымкент қаласының әкімі Ерлан Айтаханов қаладағы бірқатар өндіріс ошақтарына жасаған сапарын ең алдымен осы сауда-логистикалық орталығынан бастап, онда орналасқан қоймалардың жұмысымен танысты.

2014 жылы көктемде басталған сауда-логистика орталығының құрылысы бірнеше жыл баяулап қалғаны рас. Дегенмен, қазір құрылыс жұмыстары қызу. Тіпті бірнеше қойма жұмыс істеп тұр. Сауда-логистика орталығының аумағында әкімшілік, кеңсе, зертханалар, кедендік рәсімдеудің барлық процедураларын жүргізетін бекеттер салынған. «Шымкент» ӘКК басқарма төрағасы Әбілсейіт Рабаевтың айтуынша, бүгінде мұнда 6 жоба, атап айтқанда, «Kazakhstan Logistics group», «Зерде ҒӨБ», «Continental Logistics Shymkent» ЖШС, «Eurotransit Terminal» ЖШС және «Waimea group kz» ЖШС және «Арман Юг Групп» компанияларының жобалары іске асырылып жатыр.

 DSC2087

Жаңадан бой көтеріп жатқан сауда-логистикалық орталықтың тиімділігі, ол – тоғыз жолдың торабында орналасқандығы. Географиялық тұрғыдан алғанда, бұл аумақ өте ыңғайлы. Яғни, әуежайдан 3 шақырым, «Батыс Қытай – Батыс Еуропа» халықаралық транзиттік автомагистралынан 4 шақырым жерде орын тепкен. Сонымен қатар, темір жол желісінен 500 метр жерде орналасқандығы да сауда-логистикалық орталығының болашағына зор серпін беретіні анық.

Қазір сауда-логистикалық орталығына инфрақұрылым құрылыстары жүргізіліп, барлық коммуникациялық жүйелер жеткізілген. Мұндағы қоймаларда бір ғана картопты 9 айға дейін, пиязды 6 айға дейін реңін, дәмін бұзбай сақтауға мүмкіндік бар. Жалпы азық-түліктің барлық түрі сақталатын болады. Мұздатқыш қойманың жалпы ауданы 47 мың 240 шаршы метрге арналған. Ал тоңазтқыш қойма – 47 мың 740 шаршы метр. Құрғақ қойма – 100 мың 080 шаршы метр, бұдан бөлек кеңсеге т.б., арналған 47 мың 440 шаршы метр бар. Байқасаңыздар, көлемі әрине, аз емес.

Шаһар басшысы Ерлан Айтахановтың айтуынша, сауда-логистика орталығы көршілес елдердің, сосын Шымкентке жақын өңірлердің, яғни Түркістан, Жамбыл, Қызылорда және Алматы т.б. облыстарының да тауар өндірушілері мен өңдеу саласының дамуына оң ықпалын тигізеді.

– Байқап тұрсаңыздар, сауда-логистика орталығы «Батыс Қытай – Батыс Еуропа» тас жолының бойында, темір жол да бар, авиатасымалдың да маңызы зор. Бұдан бөлек, бұл орталықтың ерекшелігі – бағаны тұрақтандыру бойынша елеулі рөл атқаратындығы. Қоймадағы қыруар азық-түлік тұрғындардың сұранысын да қамтамасыз етіп, бағаны реттеп отырады, яғни бағаның негізсіз көтерілуінің алдын алады. Әрине, экспорт, импортқа да ерекше назар аударатын боламыз.

Ресейге, Тәжікстанға тағы басқа көрші елдерге, Түркістан облысынан басқа өңірлерге өнімдерімізді жедел тасымалдауға, кедендік рәсімдеуге мүмкіндік қарастырылған. Қазір 92 гектарда жұмыс нәтижесіз емес. Дегенмен құрылысты әлі де жандандыруымыз, яғни өз қуаттылығына сай болуы керек. Себебі, Түркістан облысы да, Шымкент қаласы да ауыл шаруашылығы саласына бағдарланған аймақ. Біздің жергілікті кәсіпкерлерге де ерекше қолдау болмақ. Бұл ретте жаңа жұмыс орны ашылады деген сөз.

Сондай-ақ, қазір Шымкент қаласының да халқы өсіп жатыр, миллионды қаламыз. Осы орайда қала тұрғындарының азық-түлікке деген сұранысын қамтамасыз етуде орталықтың тигізер пайдасы көп, – деді Ерлан Қуанышұлы.

Жиында шаһар басшысы таяу болашақта 137 гектар аумақта агро-индустрия аймағының құрылысын жүргізу де жоспарда тұрғанын да айтты.

– Алдағы уақытта осы маңайда 137 гектар аумақта агро-индустрия аймағын салу жоспарымызда бар. Онда жылыжайлар, қарқынды бау қолға алынады. Бұл жоба жүзеге асқан жағдайда өңірімізде өндірілген сан түрлі азық-түлік өнімдері мен шикізаттар еш кедергісіз тиісті бағытқа жол тартатын болады. Біздің мақсатымыз – Шымкент қаласының айналасында азық-түлік белдеуін қалыптастыру. Одан шыққан өнімді қалаға, тұтынушыларға жіберіп, базарлар мен сауда орталықтарына делдалсыз ұсыну, ал қалған өнімді экспортқа бағыттаймыз, – деді қала әкімі.

Бұдан соң Шымкент қаласының әкімі Ерлан Айтаханов қаладағы «Оңтүстік» және «Тассай» индустриялды аймақтары мен «Оңтүстік» арнайы экономикалық аймақтың жұмысымен танысып, онда орналасқан бірқатар өндіріс ошақтарына барды. Сонымен қатар, жаңадан құрылып жатқан «Жұлдыз» және «Агро-индустриалды» аймақтардың алдағы даму жоспарын талқылады.

Атап айтқанда, шаһар басшысы «Asia Trafo» трансформатор зауытында, «Бал Текстиль» мен «Назар Текстиль» кілем фабрикаларында, сондай-ақ энергетикалық сусындар мен шырындар шығаратын «Болашақ 7», Azala Cotton және «SHYMKENT TEMIR» ЖШС-да болды.

Аймақтардың жұмысымен танысу барысында қала әкімі алдағы уақытта қосымша инвестиция тарту, тың жобаларды игеру және осында қолға алынған жобалар мен «қарапайым заттар экономикасын» дамыту жайына ерекше тоқталды. Өнеркәсіптік өндіріс көлемін арттыру бойынша жүргізіліп жатқан жұмыстармен танысу кезінде Ерлан Айтаханов индустриялық-инновциялық даму мемлекеттік бағдарламасы аясында іске қосылған бүгінде өнімдерін экспортқа шығарып отырған бірқатар кәсіпорындарды аралап көрді.

Айта кетсек, қазіргі уақытта Шымкент қаласында сәтті жұмыс істеп келе жатқан «Оңтүстік» және «Тассай» индустриялды аймақтарда 114,6 млрд. теңге болатын 121 жоба жүзеге асырылуда. Бүгінгі таңда 121 жобаның 67 жобасы іске асырылып, 4,5 мың жұмыс орны құрылған. Ал, «Оңтүстік» арнайы экономикалық аймағында бүгінгі күнге инвестициялық сомасы 29,5 млрд. теңгені құрайтын жалпы 13 жоба іске асырылған. Нәтижесінде 1560 жаңа жұмыс орны ашылған.

Жалпы, сегіз айдың қорытындысы бойынша өнеркәсіп өнімінің көлемі 359,6 млрд теңгені құрап, 20,3 пайызға артқан.

Сапар барысында халықтың әлеуметтік әлеуетін көтеруде жеңіл өнеркәсіптің рөлі басым екенін айтқан қала басшысы жергілікті тұрғындардың, әсіресе, әйелдердің арасындағы жұмыссыздықты жоюдың бірден-бір тиімді жолы жеңіл өнеркәсіп саласын дамыту болып табылатынын атап өтті. Сонымен қатар, қала әкімі халық тұтынатын тауарлар өндірісін ұлғайту бойынша жұмыстарды күшейтуді, оның ішінде шығарылатын өнім көлемі мен құнына баса назар аударуды тапсырды.

– Қазір елімізде кәсіпкерлік саласын мемлекеттік тұрғыда қолдауға көп көңіл бөлінуде. Әсіресе, ауыл шаруашылығын дамытуға қолдау ерекше. Бүгінгі заман - бәсекенің заманы. Кәсіпкерлік тұрғысынан айтсақ, тіршілігі қайнаған Шымкент қаласының әрбір өнімі бәсекеге қабілетті болуы тиіс. Ең бастысы, қаламызда халық тұтынатын тауарлар өндірісін ұлғайту қажет, – деді қала әкімі.

Суретті түсірген С.ҚОСАЕВ

Темірлан тасжолы мен Мангелдин көшесі қиылысындағы жаяу жүргіншілерге арналған жерүсті өткелінің құрылысы биыл, яғни жыл соңына дейін аяқталады.

DSC 4187

Бұл туралы қала әкімдігінде өткен баспасөз брифингінде Шымкент қалалық жолаушылар көлігі және автомобиль жолдары басқармасының басшысы Қуатжан Жұматаев мәлімдеді.

Аталған жерүсті өткелінің құрылыс жұмыстары 2016 жылы басталған болатын. Сол кезде құрылыс жобасымен және жұмыс барысымен танысқан əкімдіктегі жауапты мамандар тұрғындардың шағымына орай бірқатар өзгеріс енгізді. Осыған сәйкес көпір жобасында поликарбонаттан жасалған шатыр, қимыл мүмкіндігі аз тұрғындарға арналған жеделсаты орнатылып, тірек бөліктері кеңейтілетін болды. Бұл өзгеріс болашақта көпірге эскалатор орнату үшін енгізілді.

Қазіргі таңда өткелдің құрылысы қызу жүргізілуде. Құрылыс нысанында жерасты коммуникациялары мен ирригациялық жүйе орнатылған. Бүгінде жолдың барлық бөліктеріне тіреулер орнатылып біткен. Қала әкімдігіндегі жауапты мамандардың мәлімдеуінше, өткел жыл соңында ел игілігіне берілмек.

Сондай-ақ, брифингте А.Байтұрсынов көшесіндегі жол құрылысы, Бәйдібек би – М.Дулати аялдамасындағы кешкі кептеліс және қаладағы ескі газелдер мәселесі сөз болды. Басқарма басшысының мәлімдеуінше, алдағы уақытта «Колос», «Кабиско», «Бекжан базары», «Гипер Хаус» қаладан шығар бағыттағы аялдамаларға «Сергек» камерасы орнатылады.

– Аталған төрт бағыт бойынша кешкі уақытта орын алатын өзекті мәселенің бірі – жүргізушілер тоқтауға тиым салынған жерлерде тоқтап, адам мінгізетіндіктен көлік қозғалысына кедергі келтіруде. Қазіргі таңда аталған төрт бағытқа «Сергек» камераларын орнатуды жоспарлап отырмыз, - деді Қ.Жұматаев.

Жиында белгілі болғандай, Шымкент қаласында бірнеше ірі айналма жол салынады. Соның бірі – «Бекжан» базары маңынан орын тебетін Алматы-Ташкент бағытындағы Темірлан тас жолының жолайрығы. Қазіргі таңда онда 2-ші кезеңнің құрылыс жұмыстары қызу жүргізілуде. Мұнда 1-ші кезең бойынша, «Бекжан» базары маңындағы жолайрық құрылысы былтыр пайдалануға берілген болатын.

– Тұрғындар «айналма жол салынғанымен, бәз-баяғыша кептеліс болып жатыр» дегендей пікір айтуда. Мұнда қазір 1-ші кезеңнің ғана жұмыстары аяқталды. Оған сәйкес, уақытша бағдаршам орнатылды. Қазір 2-ші кезең бойынша құрылыс жұмыстары қызу жүруде. Жол құрылысы 2020 жылдың екінші жартысында толық аяқталып, пайдалануға беріледі.

Барлық жұмыстар жоспарға сәйкес атқарылуда. Ол жұмыстар аяқталған соң Темірлан жолындағы бағдаршамды алып тастаймыз. Сосын көліктердің қозғалысы жақсарып, кептеліс болмайды, – деді басқарма басшысы Қуатжан Жұматаев.

Шымкент қаласына жұмыс сапарымен келген ҚР Парламенті Мәжілісінің депутаты, «Nur Otan» партиясы фракция мүшесі Бақытбек Смағұл «Болашақ 7» ЖШС-нің жұмысымен танысты.

мажилис депутаты-1

Энергетикалық сусындар мен шырындар шығаратын жаңа өндіріс орны «Тассай» индустриалды аймағында орналасқан. Зауыттың өзіндік құны – 1 млрд теңге. «Бизнестің жол картасы – 2020» мемлекеттік бағдарламасы шеңберінде қолдау тапқан кәсіпорын заманауи қондырғылармен жабдықталған. Депутат зауыт жұмысымен танысып, зауыт жұмысшылармен кездесті.

- «Болашақ 7» ЖШС-дегі өнімдердің шикізатының 80 пайызы өз елімізден. Зауыт соңғы технологиямен жабдықталған, өніміміз сапалы болғандықтар сұраныс бар. Ағымдағы жылдың ақпан айынан бастап іске қосылған зауытта 80-нен астам жұмысшыны тұрақты жұмыспен қамтып отырмыз. Жалақы 140 - 160 мың тенге көлемінде. Одан бөлек 50 жуық жұмысшы өнімді таратуға тартылған, - дейді кәсіпорын директоры Ерлан Омаров.

Сусындардан дәм татқан Мәжіліс депутаты зауыт өнімінің сапасы мен тауар белгісі жоғары екенін баса айтты.
– Темір құтыдан өнім шығаратын еліміздегі бірден-бір өндіріс осындай қарқынмен жұмыс істеп жатқаны қуантады. Зауыт басқа да өте сапалы сусындармен елімізді қамтамасыз ете отырып, оны шетелге де экспорттайды. Жұмысы, товар айналымы қарқынды.

Өкінішке орай, шетелге, көршілес Өзбекстан еліне үлкен сұранысы бар біздің өнімдердің барлығына олардың салығы 4 есе қымбат. Ал, біздің елге кіріп жатқан шетелдіктердің өнімдерінің салығы аз. Ондай жағдайда Парламентте Nur Otan партияcымен бірге салық мәселесін шешетін боламыз. Еліміздің дамуына үлес қосып отырған осындай кәсіпорындарға, мекемелерге ықпал жасау - біздің басты міндетіміз, - деді депутат.

Сондай-ақ, депутат өндіріс орны жұмысшыларымен кездесіп, олардың сұрақтарына жауап берді.

Спортшылардың төл мерекесін Шымкент қалалық дене шынықтыру және спорт басқармасына қарасты мекемелердің қызметкерлері ерекше салтанатпен атап өтті.

381

МЕМОРАНДУМҒА ҚОЛ ҚОЙДЫ

Среда, 14 Август 2019 05:30

Шымкент қаласының әкімдігі мен Қазақстан кәсіподақтар федерациясы арасында ынтымақтастық туралы меморандумға қол қойылды.

325

Страница 1 из 21