Шымкент келбеті

Шымкентте мемлекеттен қайтарымсыз грант алып, жаңа бизнес идеяларды іске асырған кәсіпкерлердің қатысуымен көрме өтті. Онда 400 айлық есептік көрсеткіш көлеміндегі грантқа ие болып, кәсібін бастаған 150-ден астам шымкенттік азамат өз өнімдерін келушілердің назарына ұсынды.

Жақында Шымкентте жылыту маусымы аяқталды. Биыл қыс қаһарына мініп, сары аяз жұртты әбігерге салғанымен, үшінші мегаполисте жылыту маусымы оқыс оқиғалар мен елеулі апаттарсыз тыныш өтті. Алайда, Екібастұздағы жылу электр станциясындағы апат пен Өзбекстан астанасы Ташкент қаласындағы жағдайлар ірі қалалар үшін энергетикалық қауіпсіздік мәселесінің қаншалықты маңызды екенін тағы бір рет көрсетіп берді.

Шаһарда Бәйдібек би даңғылы мен Арғынбеков көшесінің қиылысында салынып жатқан үш деңгейлі жолайрық құрылысында жұмыстың 70 пайызы атқарылған. Бұл туралы БАҚ өкілдеріне арнап өткізілген баспасөз туры барысында Шымкент қалалық жолаушылар көлігі және автомобиль жолдары басқармасының басшысы Мұхтар Қоқанбаев мәлімдеді.

немесе Шымкентте биыл қайсы жолдар ашылады?

«Жол – экономиканың күре тамыры» деген сөзді жиі айтамыз. Расында, жолдардың сапалы болуы көлік қатынасының жақсаруына, тауар айналымының артуына және еңбек ресурстарының мобильді болуына ықпал етеді. Бұл өз кезегінде экономиканың барлық секторларындағы белсенділіктің артуына жол ашатыны түсінікті. Алайда, жол сапасының маңыздылығы мұнымен де шектелмейді. Өйткені, жолдың сапасы тұрғындардың қауіпсіздігі мен өмірінің жайлы болуына да тікелей әсер етеді. Әсіресе, Шымкент секілді халық саны 1 миллионнан асқан, жедел дамып келе жатқан шаһар үшін жол-көлік инфрақұрылымының маңызы айрықша. Кең, тақтайдай тегіс, заманауи жолдар болса, жол-көлік оқиғалары да, кептеліс те азаятыны мәлім.

Өткен жұмада Шымкент қаласына ҚР Оқу-ағарту министрі Ғани Бейсембаев жұмыс сапарымен келіп, білім саласын дамыту жөнінде кеңес өткізді. Қала әкімі Мұрат Әйтеновпен бірге «Шымкент қаласының 2023-2029 жылдарға арналған білім беру жүйесін дамыту бойынша өңірлік жол картасын» бекіткен министр отандық білім беру жүйесінің алдағы уақытта қалай дамитыны жайлы әңгімеледі.
Осынау келелі кеңестен түйген ойларымызды оқырмандармен бөліссек дейміз...

гендерлік теңдік сол қуатты ел дамуына бағыттайды

Әйел адамның бойында, күлкісінде, оның көзінен төгілген шуақта адам айтып жеткізгісіз сарқылмас энергия бар. Өзіңіз қараңызшы, қай үйде әйел өзін жайлы, бақытты сезінсе, үнемі күліп-ойнап, көтеріңкі көңіл-күймен жүрсе, өз өміріне дән риза болса, сол үйде жарасымдылық та, молшылық та, бақ-береке де болады. Ондай үйдің ер азаматы әрқашан табысты болып, тәрбиелеп өсірген ұл-қыздары да жақсы адам болып өседі.

Шымкент қаласында SEN 1-ші қазақстандық жас әйелдер форумы өтті. Қала әкімдігінің қолдауымен ұйымдастырылған форумға Шымкент қаласының іскер әйелдері қатысты. Форумның мақсаты – жас әйелдерді, қыз-келіншектерді өмірде табысқа жетуге ұмтылдыру.

немесе «Іскер қала» бағдарламасы – бизнеске қолдау көрсетудің тиімді құралы

Қазақстанның қуатты мемлекет болуы өңірлердің өркендеуімен тікелей байланысты. Осы тұрғыдан алғанда алдағы жылдары Шымкент дотациялық аймақтан донор аймаққа айналуы тиіс. Негізінде 2018 жылы республикалық мәртебеге ие болған үшінші мегаполистің алдына ортақ қазынаға қол жайып қарамайтын, Алматы мен Астана сияқты өзін-өзі қамтамасыз ететін, тіпті, қажет болған жағдайда республикалық бюджетке табыс әкелетін қала болу міндеті қойылды. Әрине, мұндай міндеттің ауыртпалығы зор. Ол үшін қалада өнеркәсіп пен кәсіпкерлікті дамыту қажет. Қазір Шымкент қаласының әкімдігі осы бағытта ауқымды жұмыс атқаруда.