АРДАГЕРЛЕР – АҚЫЛШЫМЫЗ

Среда, 30 Декабрь 2020 04:44

10

Шымкент қаласының әкімі Мұрат Әйтенов ардагерлермен өткен кездесуде осы жылғы атқарылған жұмыстарды саралады. Басқосуда аға буын өкілдері қаланың гүлденуі мен ары қарай дамуы үшін әрқашан кеңесуге дайын екенін жеткізді.

–Індетке байланысты өздеріңізбен ұзақ уақыт жүздесе алмадық. Алайда жаңа жыл қарсаңында шақыртуымызды қабыл алғандарыңыз үшін алғысымды жеткізгім келеді. Қаланы гүлдендіру жолында сіздердің ақыл-кеңестеріңіз бен ой-пікірлеріңіз біз үшін өте маңызды. Алдағы жылы да, әр бастаманы сіздермен кеңесіп, бірлесе жұмыс атқаратын боламыз, - деді қала әкімі.
Мұрат Дүйсенбекұлы келесі жылғы жоспарлар жөнінде де қысқаша баяндады. Сөз соңында ардагерлерді жаңа жыл мерекесімен құттықтады.
Кездесуде барлық санитарлық-эпидемиологиялық талаптар сақталды.

 

a065ee16-9ada-4c38-95ef-ef550e517d24

Шымкент қаласының әкімі Мұрат Әйтеновтің төрағалығымен қалалық Қазақстан халқы Ассамблеясының биылғы қорытынды жиыны өтті. Басқосуға этномәдени бірлестіктердің төрағалары қатысты.

Үшінші мегаполистегі мемлекеттік этносаясаттың жүргізілу барысымен танысып, қатысушылардың ұсыныс, пікірлерін тыңдаған шаһар басшысы алдағы кезеңдерде қаланың өсіп-өркендеуі жолындағы жұмыстарды бірлесе жүзеге асыратынын жеткізді.
– Қазақстан халқы Ассамблеясы ел тәуелсіздігін алған соң Елбасының бастамасымен құрылған болатын. Осы уақытқа дейін ұлтаралық татулықтың ұйытқысы болып келді. Елде қандай жағдай орын алмасын, этнос өкілдері бірге атсалысып келеді. Алдағы уақытта да ұрпақтар сабақтастығы, мемлекеттік тілді дамыту жолында бірлесе жұмыс атқарамыз, - деді қала әкімі.
Кездесуде қаладағы этносаралық ахуал және қоғамдық келісім мен жалпыұлттық бірлікті нығайту бойынша атқарылған жұмыстар жөнінде «Қоғамдық келісім» мекемесінің басшысы Ербол Байқонақов баяндады.
– Пандемия ахуалындағы шектеулерді ескере отырып, жұмыс ауқымын онлайн-форматта жүргізуге басымдық берілді. Мемлекет басшысының «Халық үніне құлақ асатын мемлекет» қағидаты аясында қоғамдық диалог алаңдары құрылды. Сонымен қатар, карантин кезеңінде этнос өкілдерінің қатысуымен «Абай оқулары» эстафетасы, «Әл-Фараби тағылымы» танымдық акциясы, «Мен Туыммен мақтанамын» челленджі, «Қаламның тарихи орындары» онлайн-саяхаты, «Мемлекеттік тіл – тұғырым» вебинары, «Елбасы жолымен» танымдық экспедициясы, «Тәуелсіздік табыстары» лекциялары ұйымдастырылды, - деді Е.Байқонақов.
Айта кетейік, бүгінде Шымкент қаласында 100-ден астам түрлі этнос өкілдері өмір сүреді. Қалалық Қазақстан халқы Ассамблеясының қарамағында 16 этномәдени бірлестік жұмыс істейді.

 

22f1ead8-52b9-40d0-ac1a-c9619f4e3d33

Шымкенттегі отандық аяқ киім фабрикасы жаңа желісін іске қосты. «Lux Shoes» БК» ЖШС-нің аяқ киім табандары өндірісі Шымкент қаласының Кәсіпкерлікті қолдау картасы аясында жүзеге асырылды.

Фабрика 250 жұп ЭВА, 350 жұп термо және 150 жұп резеңке табанын дайындауға қауқарлы. Отандық аяқ киім өндірісіне маманданған кәсіпорын 2018 жылдың тамызында «Оңтүстік» арнайы экономикалық аймағында жұмысын бастаған еді. Жобаның инвестиция көлемі - 400 миллион теңге. Фабрикада 40 адам жұмыс істейді.
Өндіріс орнында енді балалар, ерлер, әйелдер аяқ киімдерінің, сондай-ақ арнайы аяқ киімдердің табаны өндіріледі. «Қарапайым заттар экономикасы» бағдарламасы аясында өндірісті кеңейтуге 290 млн. теңге инвестиция салынды және жергілікті тұрғындар үшін қосымша 10 жаңа жұмыс орны ашылып отыр.
Арнайы экономикалық аймақтың дайын инфрақұрылым, жер және мүлік салығынан, корпоративтік табыс салығынан босату сынды жеңілдіктері кәсіпорынның тұрақты дамуына және нарықты отандық өніммен қамтуға мүмкіндік береді.

 

WhatsApp-Image-2020-08-29-at-17.25.18

Үшінші мегаполисте тұрғындарды баспанамен қамту мақсатында тұрғын үй құрылысы қарқынды жүріп жатыр.

Бүгінде шаһарда алаңы 1 млн шаршы метрден астам 14 224 пәтерлі 262 көпқабатты тұрғын үйдің құрылысы жүруде. Оның ішінде, жеке құрылысшылар есебінен 6 147 пәтерлі 126 көпқабатты тұрғын үй де бар.
Мемлекет басшысы Жолдауында азаматтардың әлеуметтік әл-ауқаты ең алдымен баспана мәселесіне тікелей байланысты екенін айтқан болатын. Осыған орай Шымкент қаласында бюджет есебінен 8077 пәтерлі 136 көпқабатты тұрғын үйдің құрылысы жүргізілуде. Жыл соңына дейін 280 пәтерлі 5 арендалық, 4 461 пәтерлі 77 кредиттік тұрғын үйдің құрылысы аяқталады.
Құрылыс басқармасының мәліметіне сәйкес, биыл қалада құрылыс жұмысы бойынша жақсы көрсеткішке қол жеткізген. 11 айда 103,3 млрд теңгеге құрылыс жұмысы жүргізіліп, өткен жылдың осы кезеңімен салыстырғанда 159,3 пайызға жеткен.

 

Жемқорлықсыз ел - Гүлденген ел!

Вторник, 29 Декабрь 2020 10:16

Сыбайлас жемқорлық әлеуметтік – экономикалық даму, нарықтық экономиканы құру инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс.

Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты өзінің кезекті Қазақстан халқына Жолдауында «Сыбайлас жемқорлықпен жан-жақты күресу мәселесі күн тәртібінен түскен жоқ» деп атап көрсетті. Яғни бұл мемлекеттің осы жағымсыз құбылысты жою бағытындағы кешенді және жүйелі күрес жүргізу саясаты жанданып, әрі қарай жалғасын табады деген сөз.

Кез-келген өркениетті қоғам үшін сыбайлас жемқорлықпен күрес ең өзекті мәселелердің бірі болып табылады. Сыбайлас жемқорлық мемлекетті ішінен жоюдың бастамасы мен жетістіктерді жоққа шығаратын, ұлттық қауіпсіздікке қауіп-қатер әкелетіндігі күмәнсіз. Сондықтан да Қазақстан Республикасының мемлекеттік саясатының негізгі басымдылықтарының бірі болып осы сыбайлас жемқорлықпен күресу болып табылады.

Жоғарыда аталған жолдаудың 8-ші бағытының басты мақсаты: әділетті мемлекет азаматтардың мүддесін қорғау жолында, яғни заң үстемдігі орнықпаса және азаматтардың қауіпсіздігіне кепілдік берілмесе, әлеуметтік-экономикалық дамудың бірде-бір міндеті табысты жүзеге асырылмайды.

Бұл ретте, «Халық үніне құлақ асатын мемлекет» шын мәнінде «Әділетті мемлекет» құру тұжырымдамасының бастамасы. Сондай-ақ, азаматтардың көтерген жүйелі мәселелеріне қатысты көріп, тыңдап қана қоймай, дұрыс және әділ шешім шығаруды жүзеге асыру керек.

Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруға болады.

Ел болып еңсемізді көтергенімізге, тәуелсіздігімізді алып, шаршы әлемге танылғанымызға жиырма сегіз жыл болуда. Өткенімізге көз салсақ, ел экономикасы мен әлеуметтік жағдайы түзеліп, әлем мемлекеттерінің ортасынан өз орынын айқындады. Бүкіл әлемге өзінің біртұтастығымен, ажырамас бірлігімен танылды. Қоғам дамуының жаңа жолын таңдап, уақыттан туындаған әртүрлі кеселдерден айығуды міндет етіп қойды.

Бұл ретте, қызмет өкілеттігін теріс пайдалану, билікті не қызметтік өкілеттікті асыра пайдалану, пара алу, пара беру, парақорлыққа делдал болу, қызметтік жалғандық жасау, көрінеу жалған сөз жеткізу, сеніп тапсырылған бөтен мүлікті иеленіп алу немесе ысырап ету, көрінеу жалған жауап беру, сарапшының жалған қорытыңдысы немесе қате аудару, жалған жауап беруге немесе жауап беруден жалтаруға, жалған қорытынды беруге не қате аударуға сатып алу, лауазымды адамдардың сот үкімін, сот шешімін немесе өзге де сот актісін орындамау, осындай қылмыстардың барлығы жемқорлық сыбайластық байланыстарды пайдалану арқылы жасалады.

Сондықтан сыбайлас жемқорлықпен күресу барлық Қазақстан Республикасы азаматтарының азаматтық борышы деп біле отырып, жемқорлықсыз қоғамды бірлесе құрайық.

 

 

Айгул Абдикулова

Шымкент қаласының

Әділет департаментінің

әкімшілік бөлімінің

бас маманы

40055e7b-3179-4b0f-b0ca-247671b70df3

КҮН ТӘРТІБІНІҢ НЕГІЗГІ ТАҚЫРЫБЫ — СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ

ANTIKOR.NEWS: ШЫМКЕНТ ҚАЛАСЫНЫҢ АКТИВІМЕН КЕЗДЕСУДЕ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ШАРАЛАРЫ ТАЛҚЫЛАНДЫ

Шымкент қаласының әкімі М.Әйтеновтың төрағалығымен өңірдегі сыбайлас жемқорлыққа қарсы іс-қимыл мәселелері жөнінде кеңес өтті.

Іс-шараға Сыбайлас жемқорлыққа қарсы іс-қимыл Агенттігінің қалалық департаментінің басшылығы, қала әкімінің орынбасарлары, аудан әкімдері, аумақтық департаменттер мен басқармалардың басшылары қатысты.

Алғы сөзінде әкім М.Әйтенов сыбайлас жемқорлыққа қарсы іс-қимыл шараларын күшейту аясында аталған іс-шараның маңыздылығын атап өтті.

Ол еңбек ұжымдарында сыбайлас жемқорлыққа қарсы мәдениетті қалыптастырудағы мемлекеттік органдар басшыларының рөліне назар аударып, бірқатар нақты тапсырмалар берді.

Өз кезегінде Сыбайлас жемқорлыққа қарсы іс-қимыл Агенттігінің қалалық департаментінің басшысы А. Жұмағали жемқорлық ұлттық қауіпсіздікке қауіп деп танылғанын және оған қарсы күрес мемлекеттік саясаттың негізгі басымдықтарының бірі болып айқындалғанын атап өтті.

«Сыбайлас жемқорлықтан ада қоғамды қалыптастырудағы қайсарлық пен ымырасыздық ел басшылығының саяси еркі мен азаматтық қоғам, бизнес және қатардағы қазақстандықтардың кеңінен қолдауы арқылы туындап отыр. Бұл аспектіде мемлекеттік саясатты тиімді іске асыруға бағытталған мемлекеттік қызметшілер маңызды рөл атқарады. Бұл жерде күш-жігерді біріктіру және бірлескен шаралар арқылы сыбайлас жемқорлықтың себептерін, яғни олардың алғышарттарын жою қажет» - деді Асхат Жұмағали.

c86ae1a1-7dd8-436f-adf0-4ef03b181062

Жыл басынан Департаментпен 123 қылмыс тіркелгендігін, олардың басым бөлігі парақорлық, алаяқтық және бюджет қаражатын талан-таражға салу фактілеріне тиесілі екендігін атап өтті.

Сыбайлас жемқорлық көріністері білім беру саласында көбірек кездеседі. Аталған салада 32 қылмыс тіркеліп, 7 тұлға жауапкершілікке тартылған.

Қылмыстың өсуінің теріс үрдісі денсаулық сақтау саласында да байқалады. Аталған салада 10 қылмыс анықталып, оларды жасағаны үшін 4 медицина қызметкері сотталған.

Бұл тізімде жер қатынастары және әлеуметтік қорғау саласы да бар.

Сондай-ақ, кеңес барысында бюджет қаражатын жымқырған деген күдікпен Шымкент қаласының сәулет және қала құрылысы басқармасының бұрынғы басшысына қатысты ҚР ҚПК 200-бабы тәртібінде ұсыну қаралды.

Сыбайлас жемқорлық құқық бұзушылық жасаған адамдар үшін шартты түрде мерзімінен бұрын босатуға тыйым салуды белгілеу, құқық қорғау органдары қызметкерлері мен судьялардың сыбайлас жемқорлық үшін жауапкершілігін күшейту, сондай-ақ мемлекеттік қызметшілерге, Парламент депутаттары мен судьяларға шетелдік банктерде шоттар ашуға және иеленуге тыйым салу туралы заңнама нормалары түсіндірілді.

Шымкент қаласы білім басқармасына қарасты білім мекемелерінде жұмыс істейтін педагог қызметкерлердің ұлттық біліктілік тестілеу қорытындысымен берілген анықтамалары мен Қазақстан Республикасы Білім және ғылым министрлігі «Ұлттық тестілеу орталығы» Республикалық мемлекеттік қазыналық кәсіпорыны (бұдан әрі - ҰТО) ОҚМПУ филиалының хаттамаларындағы, сонымен бірге ҰТО-ның http://testcenter.kz ресми сайтындағы ұлттық біліктілік тест нәтижелері арасындағы анықталған айырмашылыққа сәйкес, артық төленген бюджет қаражаттарының, Қазақстан Республикасы заңнамасы нормаларының сақталуына мемлекеттік аудиторлық іс-шара жүргізілді.

Аудиторлық іс-шара нәтижесінде: Басқармаға қарасты осы аудиторлық есепте көрсетілген 64 (алпыс төрт) мектептің педагог-мамандарымен, «Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы» Қазақстан Республикасы Білім және ғылым министрінің 2016 жылғы 27 қаңтардағы №83 бұйрығының «Бастауыш, негізгі орта және жалпы орта білімнің жалпы білім беретін оқу бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу тәртібі мен шарттары» көрсетілген 2-параграфы 23-тармағының талаптары бұзылғаны анықталды.

Бұл ретте, аудиторлық есеппен қамтылған 64 мектептің педагог-мамандары аттестаттаудың бірінші кезеңінде, ұлттық біліктілік тестілеуден өтпегендіктен, аттестациялық комиссиямен берілген «педагог-модератор», «педагог-сарапшы», «педагог-зерттеуші» санаттары негізсіз болады.

Нәтижеде, осы аудитпен Қазақстан Республикасы Үкіметінің «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» 2015 жылғы 31 желтоқсандағы №1193 қаулысы 4-қосымшасының талаптары сақталмай, жалпы сомасы – 194 777 920 тенгенің қаржылық бұзушылығы анықталды.

Департамент тарапынан анықталған заң бұзушылықтарды жою және оларға жол берген тұлғалардың жауапкершілігін қарау туралы нұсқама жолданып, негізсіз артық төленген жалпы соманың бүгінгі күнге 22 960 296 теңгесі бюджетке кері қайтарылды.

 

 

Шымкент қаласы бойынша Ішкі мемлекеттік аудит департаментінің қаржылық есептілік аудиті бөлімінің бас маман-мемлекеттік аудиторы Н.Исмаилов

 

Шымкент қаласы бойынша Ішкі мемлекеттік аудит департаменті (бұдан әрі–Департамент) тарапынан Қазақстан Республикасы Президентінің хаттамалық тапсырмасын орындау үшін жолданған ҚР ҚМ Ішкі мемлекеттік аудит комитетінің 07.08.2020 жылғы №КВГА-03-КВ/1307-И және 19.09.2020 жылғы №1-КВ/1569-И тапсырмалары негізінде, Қазақстан Республикасының 12.11.2015 жылғы №392–V «Мемлекеттік аудит және қаржылық бақылау туралы» Заңының 14 бабының 2 тармағы және 18 бабының 5 тармағы 1-тармақшаcына сәйкес, «Шымкент қаласының Денсаулық сақтау басқармасы» ММ-не – дағдарысқа қарсы іс-шаралар бойынша бөлінген қаржылардың игерілуін Қазақстан Республикасы заңдарының талаптарына сәйкес келуіне мемлекеттік аудиторлық іс-шара жүргізіліп, нәтижесінде жалпы 250 923,7 мың теңгеге бұзушылықтар анықталды. Оның ішінде қаржылық бұзушылықтар-54 987,6 мың теңгені және рәсімдік сипаттағы бұзушылықтар- 195 936,1 мың теңгені құрайды. Сонымен қатар, бүгіңгі таңға 39 050,0 мың теңге қалпына келтірілді.

 

 

           Шымкент қаласы бойынша Ішкі

           мемлекеттік аудит департаментінің

№2 сәйкестік аудиті бөлімінің

бас маман-мемлекеттік аудиторы

Ж.Тастанов

 

Камералдық бақылау бөлімінің

бас маманы А.Әбдісаит

Страница 6 из 445