«Шымкент-Ташкент» бағытындағы автобустардың жол ақысы арзандады. Бұл туралы автовокзал қызметкерлері мәлімдеді.

Алғашқы кезде көрші елге қатынайтын қоғамдық көліктерде жолаушылар 3200 теңгеден төлесе, енді бір адамға билет құны 2400 теңгені құрап отыр. Ал, жеті жасқа дейінгі балалар үшін жолкіре тегін.

Бүгінде автобустар Ташкент қаласына тәулігіне екі рет, таңертең және кешкісін жүруде. Екі елдің шекарасындағы кеден бекетінен өткеннің өзінде бір бағытқа 3,5 сағаттай уақыт кетеді.

Еске салайық, көп жылдардан кейін Өзбекстан еліне қайта жол ашылып, екі ел арасынан бағыттағы автобустар жолаушы тасымалдай бастаған болатын. Алғашқы автобустардың легі осы жылдың 5 қаңтарында жолға шыққан еді.

Опубликовано в Қала

Қазақ үшін әр жылдың өз несібесі мен сыйы бар. Жаңа 2018 жыл табалдырықтан аттай салысымен-ақ елімізге жауапкершілік жүгі артылып отырғаны мәлім. Қазақ елі бұған дейін көптеген халықаралық іс-шаралардың тізгінін ұстап, төрін ұсынған еді. Биыл қандай іс-шараларды өткізу міндеті тұр?

Қазақстан – тұрақтылық мекені

Рас, 2018 жыл – маңызды оқиғаларға толы жыл. Әлемдік саясатта да, елдің ішкі саясатында да ауқымды шаралар көп-ақ. 

Негізінен, 2018 жылдың сыртқы саясаттағы басты оқиғалардың бірі – Қазақ елінің БҰҰ Қауіпсіздік Кеңесіне төрағалық етуі. Қаңтардың 1-нен 31-не дейін Қазақстан тарихта тұңғыш рет әлеуетті ұйымға төрағалық етеді. 

Былтыр еліміз Біріккен Ұлттар Ұйымы Қауіпсіздік Кеңесінің 2017-2018 жылдардағы тұрақты емес мүшелігіне сайланған-тұғын. Кеңес – Біріккен Ұлттар Ұйымының Жарғысымен «халықаралық бейбітшілік пен қауіпсіздіктің басты жауапкершілігі» жүктелген, тұрақты жұмыс жасайтын орган. 

Бүгінде Қазақ елі халықаралық аренада көптеген іс-шаралардың қатысушысы әрі төрағасы қызметін атқарып келеді. Еліміз Орталық Азиядағы көшбасшы бола отырып, өңірдегі тұрақтылықтың нығаюына үлкен үлес қосуда. 

Қазақстан ЕҚЫҰ-ға төрағалық етіп, Шанхай ынтымақтастық ұйымының тарихи саммитін, Ислам ынтымақтастығы ұйымының Ғылым және технологиялар жөніндегі бірінші саммитін, Сириядағы жағдайды бейбіт реттеуге арналған келіссөздерді өткізді. Қысқы Азияда ойындары, Дүниежүзілік Қысқы Универсиада, ЭКСПО көрмесін де табысты қорытындылады. 

Қазіргі кезде еліміз жаһандық антиядролық қозғалыста жалпыға мойындалған көшбасшы болып саналады. Еліміздің сыртқы саясаттағы негізгі мақсат-міндеттерінің бірі – елдің ұлттық қауіпсіздігін, қорғанысқа қабілеттілігін, егемендігін және аумақтық тұтастығын жан-жақты қамтамасыз ете отырып бейбітшілікті, өңірлік және жаһандық қауіпсіздікті нығайту. 

Елбасының Жарлығымен «Ядролық қарусыз әлем және жаһандық қауіпсіздік үшін» халықаралық сыйлығы да тағайындалған еді. Бұл сыйлық Халықаралық ядролық сынақтарға қарсы күрес күні – 29 тамызда әлемдік саясаттағы беделді тұлғаларға беріледі. 

Биыл да Қазақстан әлемдік саясатта өзіндік бітімгершілік, ынтымақ-бірлікке бастайтын миссиясын танытуға ұмтылады. Тағы да төрағалық ету міндеті жүктеліп отыр. Шын мәнінде, бүгінде әлем елдері Қазақстанның «Бейбітшілік аралы» деген мәртебеге лайық екенін мойындай бастады. 

Ендігі міндет – БҰҰ Қауіпсіздік Кеңесінің тұрақты емес мүшесі ретінде әлемдік саясаттағы алауыздықтарды, шиеленісті дау-жанжалдарды бейбіт жолмен шешу, тұрақтылықты қалпына келтіру процесіне қолдау көрсету.

 

Іс-шаралар тақырыбы ауқымды

Бұл мәртебелі органға төрағалық етудің жауапкершілігі мен міндеттері қандай? Енді осыған келейік. Төрағалық етуші ел Қауіпсіздік кеңесінің жұмысын ашады және жүргізеді. Кеңестің ресми есептеріне қол қояды. Кеңестің ресми мәлімдемелерін жасауға өкілетті. Яғни, БҰҰ Хатшылығының көмегімен Қауіпсіздік Кеңесінің күнделікті үздіксіз жұмысын қамтамасыз етеді. 

18 қаңтарда Президент Нұрсұлтан Назарбаевтың төрағалығымен БҰҰ ҚК мүшелерінің «Жаппай қырып-жою қаруын таратпау: сенімді нығайту шаралары» тақырыбында жоғары деңгейдегі тақырыптық пікірталастарын өткізу жоспарланған. 

19 қаңтарда «Қауіпсіздік пен дамудың өзара тәуелділік үлгісі ретінде Ауғанстан мен Орталық Азиядағы өңірлік әріптестікті құру» тақырыбында БҰҰ ҚК-нің министрлік пікірталасы ұйымдастырылмақ. Оған Орталық Азия мен Ауғанстан елдерінің Сыртқы істер министрлері, сондай-ақ БҰҰ Қауіпсіздік Кеңесіне мүше елдердің сыртқы саяси ведомстволарының басшылары қатысады деп күтілуде.

Ал 25 қаңтарда БҰҰ Қауіпсіздік Кеңесінде ұйымға мүше мемлекеттердің Тұрақты өкілдері деңгейінде «Таяу Шығыстағы жағдай, соның ішінде Палестина мәселесі» тақырыбында тоқсан сайынғы ашық пікірталастары өтпек.

ҚР Сыртқы істер министрлігі баспасөз қызметінің хабарлауынша, БҰҰ ҚК мүшелері қазақстандық төрағалықтың бағдарламасын бекітті. Қазақстанның БҰҰ Қауіпсіздік Кеңесіндегі төрағалығы жұмысының алғашқы күні Қауіпсіздік Кеңестің қаңтар айындағы қызметінің бағдарламасы ұсынылды. Дипломаттар қазақстандық төрағалық бағдарламасының сапалы дайындалғанына назар аударған. Жалпы Қазақстанның БҰҰ Қауіпсіздік Кеңесіндегі төрағалығының бірінші жұмыс күні жемісті өтіп, еліміздің және Президент Н.Назарбаевтың халықаралық жоғарғы беделін және құрметін тағы да айғақтады.

БҰҰ Қауіпсіздік Кеңесінде төрағалық ету – жоғары халықаралық мәртебе. Қауіпсіздік Кеңесі мәжбүрлеу шараларына, экономикалық санкцияларға немесе ұжымдық әскери әрекеттерге қатысты шешімдер қабылдай алады. БҰҰ-ның Жарғысына сәйкес Қауіпсіздік Кеңесі бейбітшілік пен халықаралық қауіпсіздікті қамтамасыз ету үшін басты жауапкершілікті өзіне жүктейді және БҰҰ-ның барлық мүшелері оның шешімдеріне бағынуға міндетті. 

2017-2018 жылдары БҰҰ Қауіпсіздік Кеңесінің мүшесі ретіндегі Қазақстанның басымдықтары Президент Н.Назарбаевтың БҰҰ Қауіпсіздік Кеңесіне арналған «Қауіпсіз, әділ және гүлденген әлем құру үшін жаһандық әріптестікті нығайтуға қазақстандық тұжырымдамалық көзқарас» атты саяси жолдауында көрсетілген еді. Қазақстанның БҰҰ Қауіпсіздік Кеңесіндегі басымдықтары мыналар: 

Біріншіден, ядролық қарусыз әлемді жақындату. Екіншіден, жаһандық соғыс қатерін болдырмау және жергілікті жанжалдарды реттеу. Үшіншіден, өңірлік қауіпсіздік пен ынтымақтастықты нығайтуда Орталық Азияның мүдделерін ілгерілету. Төртіншіден, терроризмге қарсы күрес. Бесіншіден, Африкадағы бейбітшілік пен қауіпсіздік мәселелері. Сондай-ақ, қауіпсіздік пен орнықты дамудың арасындағы ажырамас байланыстарды қамтамасыз ету арқылы Қауіпсіздік Кеңесі мен бүкіл БҰҰ жүйесін XXI ғасырдың қауіп-қатерлеріне бейімдеуге назар аудармақ. 

2017 жылы БҰҰ Қауіпсіздік Кеңесінің пікірталастарында Қазақстан Президентінің саяси жолдауы таныстырылған-тын. Сыртқы істер министрі

Қ.Әбдірахманов бұл Жолдаудың Мемлекет басшысының 2016 жылғы 31 наурыздағы «Әлем. ХХІ ғасыр» манифесінің қағидаттарына негізделетінін және оны шығармашылық тұрғыдан дамытатынын атап көрсетті.

 

Жауапкершілік жүгі ауыр

Қазақстанның БҰҰ Қауіпсіздік кеңесінің 2017-2018 жылдардағы тұрақты емес мүшелігіне сайлануына байланысты Қазақстан Республикасының Президенті Н.Ә.Назарбаев үндеу жариялаған-тын. Елбасы Қазақстанның тұрақты емес мүшелігіне сайлануы – Қазақстанның халықаралық аренадағы беделі мен еңбегінің мойындалуы екенін атап өтті. 

– Біздің еліміз бейбітшілікті, қауіпсіздікті және орнықты дамуды жақтайтынын өзінің нақты істерімен дәлелдеп келеді. Оны баршаңыз білесіздер. Семей ядролық полигонын жабу және қуаты жөнінен төртінші зымырандық-ядролық арсеналдан бас тарту туралы шешімімізді бүкіл Жер шары біледі және қолдайды. Бізге әлемдік қоғамдастықтың мұндай сенім көрсетуі мемлекетіміздің қарқынды дамуына және береке-бірлігімізге де байланысты. Бұл тек біздің еліміздің ғана емес, сондай-ақ, халықаралық бейбітшілік пен қауіпсіздікке жауап беретін органда бұған дейін ешқашан өкілеттілік етпеген бүкіл Орталық Азия субөңірінің де табысы. Бұл халықаралық қатынастардағы күрделі кезең болмақ. Дүние созылмалы жанжалдармен қатар, қауіпсіздікке төнген қатердің бұрын-соңды болып көрмеген кең ауқымымен бетпе-бет келіп отыр. Біз жаһандық проблемаларды шешудің жолдарын іздестіруге сүбелі үлес қосатын боламыз, – деген еді Елбасы. 

Сол себепті де елімізге жүктеліп отырған жауапкершілік жүгі ауыр. Бұл миссия өткен жылы тәуелсіздігінің 26 жылдығын атап өткен ел үшін елеулі оқиға екені сөзсіз.

 

P.S. Өткен жылы Астанада Сирия мәселесін талқылау шеңберінде халықаралық кездесу өтті. Сирия үкіметі, Ресей Федерациясы, Түркия Республикасы мен Иран Ислам Республикасының делегациялары, Америка Құрама Штаттарының және т.б. мемлекеттің өкілдері қатысқан жиын оң нәтижемен аяқталғаны мәлім. ҚР Сыртқы істер министрі Қ. Әбдірахманов «Астана процесіне қатысушылардың мақсатты әрекеттері бірте-бірте маңызды прогреске жол ашуда. Қазақстан елордасындағы келіссөздердің әр раунды жүздеген мың сириялықтардың өмірлеріндегі игі өзгерістермен ұштасатын нақты нәтижелер беріп жатқаны даусыз» деген еді. Отандық дипломаттың айтуынша, жанжалдың ауқымы мен қарқыны едәуір азайды, Сириядағы қажет еткен жандардың барлығына гуманитарлық жәрдем жеткізу үшін жағдайлар жасалды.
Дүние дүрбелеңге толы. Жаңа жыл қарсаңында Иран Ислам республикасында наразылық шерулері басталып кетті. Онда адам өлімі де тіркелген. Негізінен, жанжалдың басты себебі – бағаның өсуі мен тұрмыс деңгейінің төмендеуі. Жиналғандардың айтуынша, бір аптаның ішінде азық-түлік бағасы екі есе өскен. Сонымен қатар шеруге қатысушылар Иранның халықаралық жанжалдарға араласуына қарсы екенін білдіруде.
Мінекей, еліміздің әлемдік аренадағы абыройын асқақтататын төрағалық та басталып кетті. Рас, диалог – бейбітшілікке бастайтын жол. Еліміз осынау мәртебелі төрағалықты абыроймен атқарып, өзінің миссиясының үдесінен шығу міндеті тұр. БҰҰ Қауіпсіздік Кеңесіндегі талқылаулар арқылы да Қазақстан кешенді шаралар қабылдап, кесімді сөз айтарына сенеміз.

Опубликовано в Саясат

БАҚ қызметкерлерін кәсіби мерекесімен құттықтаған облыс әкімі Жансейіт Түймебаев Оңтүстіктің 20 журналисіне Түркияға жолдама тарту еткен болатын. 10 күндік еңбек демалысында әріптестеріміз Түрік журналистикасының көшбасшысы саналатын «ТРТ» медиа холдингі мен әлемнің ең үздік 10 ақпарат агенттігінің бірі «Анадолы»-ның тыныс-тіршілігімен танысып қайтты. Өңір журналистерінің сапардан алған әсерін жариялауды жөн көрдік.

 

Бейсен ТӘЖІБАЕВ,
Облыс әкімінің баспасөз хатшысы, баспасөз орталығының жетекшісі:

20140016 690553191137781 8338684407464095923 n

«Анадолы» агенттігінің ақпаратын аламыз

– Түркияда бізді Қазақстан Республикасының сол елдегі бас консулы Еркебұлан Сәпиев қабылдады. Журналистерге жылы лебізін білдіріп, түрік инвесторлардың негізінен Оңтүстік Қазақстан облысына ерекше қызығушылық танытатынын айтты. Өңіріміздегі Қазақ-Түрік индустриялды аймағы ағайынды екі елдің іскерлік қарым-қатынасын бұдан әрі нығайтпақ.
Саясатқа белсенді түрде араласып, өз ықпалын жүргізуге көшкен Түркияның «Анадолы» ақпарат агенттігі әлемнің 97 елінде өкілдігі бар. Жақында тағы 3 елде ашуды жоспарлапты. Агенттік басшысы Сабри Челебиоғлу мырзаның айтуынша, 1920 жылы құрылған «Анадолы» 2500 адамды қызметпен қамтамасыз етіп отыр. Түркия газеттері ақпараттың 40 пайызын, ал сайттары 60 пайызын осы агенттіктен алады. Күн сайын 1200 ақпаратты 11 тілде таратады және 2500 фото, 310 видео қоса жүктеледі. Агенттік соғыс жүріп жатқан аймақтан ақпарат жинауды үйретеді. Бұл орталықта дайындалған тілшілердің материалын әлемдік және түркиялық БАҚ ақылы негізде сатып алады. Тәжірибе алмасу барысында агенттік басшылығы оңтүстікқазақстандық журналистерге 3 ай көлемінде барлық ақпаратты ақысыз ұсынатынын айтып қуантып қойды.

 

Уәли ҚЫДЫРОВ,
«Қазақстан» РТРК» АҚ Оңтүстік Қазақстан облыстық филиалының директоры:

IMG-20170803-WA0005

Халық қаржыландыратын телеарна

– Түркияда біз «ТРТ» медиа холдигі мен «Анадолы» ақпарат агенттігінде болдық. «ТРТ» медиа холдингі мемлекеттік, бірақ, қаражат бөлу жағы Түркия Конституциясымен бекітілген. Яғни, халықтың электр энергиясына төлеген қаражатының 2%-ы және әрбір сатылған теледидардың 1% ақысы «ТРТ» медиа холдингін қаржыландыруға аударылады. Холдингтің түрлі салаға бағытталған 16 телеарнасы бар. Онда радиоқұрылым қызметкерлерін қоса есептегенде 8,5 мың адам жұмыс істейді. Ал біз 1500 адам қызмет ететін Ыстамбұлдағы өкілдігінің жұмыс барысымен таныстық. Қаражат мәселесінің керемет шешімін тапқаны қызықтырды. Ондағы журналистер қаржыландырушы белгілі бір тұлғаға немесе мекемеге жалтақтап отырмайды, халық үшін дер кезінде дәл ақпаратты 40 тілде таратады. 

Ал «Анадолы» агенттігінің қызметкерлері от пен оқтың арасынан да ақпарат алып келе алады. Оларды бұған арнайы жаттықтырып үйретеді. Есесіне журналистер тек құнды ақпарат үшін тер төгеді. «ТРТ» медиа холдингінде ағылшынның әйгілі саясаткері әрі банкирі Натан Ротшильдтың «Ақпарат кімнің қолында болса, әлемді сол билейді» деген сөзін сезінуге толық мүмкіндік бар.

Журналистерді қолдап, осындай сапарға жіберген облыс әкімі Жансейіт Түймебаевқа айтар алғысымыз шексіз. Мұндай іс-сапарлар жалғасын тапса, біздің журналистикаға зор серпін берері анық.

 

Бақтияр ТАЙЖАН,
«Егемен Қазақстан» газетінің Оңтүстік Қазақстан облысындағы тілшісі:

19990426 1644991355510870 5890779298705857311 n

Саяхатшыға деген құрметті сезіндік

– Журналистикада ғана емес, жалпы халықта сананың еркіндігі басым. Мемлекет басшысы ағылшын тілін үйренуге шақырса, біз «қос тіл тек жыланда болады» деп жауап береміз де барлық мүмкіндіктерге жол ашатын есіктерді іштен тарс жауып аламыз. Түркияның «Анадолы» ақпарат агенттігінде көбірек білуге біздегі тіл білімінің жетіспеуі салмақты ой салды.

Өткен жылы Риода фотоаппаратымды жоғалтып таба алмай қайтқанмын. Түркияда Асхат есімді әріптесіміз фотоаппаратын бір жерде ұмыт қалдырып, таба алмай қалды. Бірақ «жоғалды» деп ойлағанымыз бекер екен, қонақүйге келсек, Асхаттың фотоаппаратын ресепшнге қалдырыпты. Бір қуанып, бір таңданып әсерленіп-ақ қалдық. Иманның тазалығы, саяхатшыға деген адалдық, құрметті сезіндік. Ондай елде саяхаттап жүргенде өзіңді де қауіпсіз сезінеді екенсің. 

Біздің елде де туризмді дамытуға аз қаражат бөлініп жатқан жоқ. Біздегі бітпейтін жөндеу, қайта құру жұмыстары туризмнің дамуын тежеп қойды. Қазақтың көрнекті жазушысы Дулат Исабектің «Яссауидің кесенесі мен бала кезде жөнделіп жатқан, қазір 70-ке келдім, әлі жөнделуде» деген сөзі бар. Сонау алыстан жер басып келген саяхатшыға бір есігін ашып, екіншісін жауып «мұнда жөндеу жұмыстары жүргізілуде» деген жауап айту мәдениетке қайшы. Сондайда кереметімізді көрсете алмай жүргеніміз қарын аштырады.

 

Роза БЕКЕТАЕВА, «Замана» газетінің тілшісі:

20624328 1644946152206912 951447890 n

Түркияға жылына 33 млн турист келеді

– Бауырлас мемлекеттің ТРТ медиа холдингі мемлекеттік болғанмен, оны халық қаржыландырады. Ыстамбұлдағы өкілдігінің жетекшісі Абдулxамит Авсар сөз арасында былтырғы теракт кезінде басқыншылар осы медиахолдингті басып алмақ ниетте болғанын да айтып қалды. Сонда оны от пен оқтан қорғау үшін халық кеудесін тосқан! Бұл жергілікті тұрғындардың өз ақпарат айдынына деген сенімі мен құрметін көрсетеді емес пе? Конституция мен халқының өзі қолдап-қорғап отырған ақпарат таратушының әлеуетін осыдан түсіне беріңіз. 

Ал Түркия еліне жылына 33 миллион турист барады екен. Ел кірісінің 5/1 бөлігін осы сала толтырып отыр. Саяхатшылар естелік ретінде жергілікті қолөнер шеберлерінің бұйымдарына тапсырыс беріп жатады. Яғни бір сала өзге салаларды «сүйреуші» есебінде жұмыс істейді. Туризмді дамытуда біз бір-бірімен сабақтаса өрілген осы тәжірибені енгізсек, ұтылмасымыз анық. 

Туристің көптігіне қарамай экологиялық тазалық сақталған. Табиғатқа, қоршаған ортаға деген қамқорлығынан үлгі алуымыз керек.

 

Нұрбек БАЙБОСЫНОВ,
«Хабар» арнасының Оңтүстік Қазақстан облысындағы меншікті тілшісі:

20139674 690553054471128 6067645222282226965 n

Кеңсеге барып уақытын жоғалтпайды

– Түркиялық әріптестердің технологиясы біздіңкіне ұқсас болғанымен жүйесі басқа. Мұндағы әріптестер бір оқиғаға куә болса, оператор, камера іздеп әбігерге түспейді. Бірден оқиға орнынан ақпарат таратуға толық жағдай жасалған. Біз күнделікті пайдаланып жүрген әлеуметтік желінің тікелей эфирі смартфонымыздың камерасымен жақсы түсірілмейді. Ал Ыстамбұлдағы әріптестердің смартфоны өте сапалы. Камерасы осы салада жұмыс істеуге арналған. Мұның бір жақсы жері, журналистер кеңсеге барып, келіп уақытын жоғалтпайды. Кез келген жерден ақпаратты дайындап бере алады. Ол дайындаған ақпарат алдымен редактордың поштасына түседі. 

Менеджменттің бір түрі – саяхатшыға сенім артады. Танымайтын адамға да қарызға зат береді. Мысалы, дүкен аралап жүрген туристің бір затты ұнатқанын байқаса, түскен қонақүйін сұрайды. «Ақысын кейін әкеліп бересің ғой» деп сеніп, әлгі затты қолына ұстатып жібереді. Тұрғын тұрмақ, шетелден келген туристке сенім артқан олардың таза көңілінен ұялып затты да аласың, ақысын да ұмытпай апарып бересің. Майда-шүйде дүние, десек те туристпен байланысты арттырудың тиімділігі осында шығар?!

Опубликовано в Қоғам

Ташкент қаласының әкімдігі Шымкенттен жеке сауда орталығын ашуды жоспарлап отыр. Осылайша Шымкент пен Ташкент қаласының ынтымақтастығы одан әрі дами түспек. Өзбекстан делегациясының облысымызда өткен екі күндік тауар өндірушілер көрмесі барысында екі қала басшылығы осындай меморандумға қол қойды.

 DSC4015

Мұндай жаңалықты өзбекстандық Podrobno.uz. сайты да жариялады. Екіжақты құжат Шымкентте сауда үйін ашуды, сондай-ақ сауда-экономикалық және мәдени байланыстарды одан әрі нығайтуды көздейді.

Шымкентте екі күн бойы өзбекстандық тауар өндірушілердің көрмесі ұйымдастырылған-ды. Оның аясында шымкенттіктердің назарына ташкенттік артистердің өнері, өзбек асханасының фестивалі ұсынылды.

Опубликовано в Саясат

Өзбекстан астанасы Ташкентте және облыс орталығы Шымкент қаласында фармацевтика компанияларының өнімдері сатылатын сауда үйі ашылмақ. Бұл келісімге Астана қаласында өткен қазақ-өзбек бизнес форумынан кейін қол жеткізілді.

Өзбекстанда ашылатын сауда үйінде ОҚО фармацевтика компанияларының өнімдері сатылса, Шымкент қаласында ашылатын сауда үйінде өзбекстандық фарм өнімдері саудаланады.

Бүгінде Оңтүстікте фармацевтика кластері дамып келеді. Республикадағы өндіріліп жатқан фармацевтикалық препараттардың жартысына жуығы Оңтүстіктің үлесінде екені белгілі.

Естеріңізге сала кетсек, өткен аптада Өзбекстан Республикасының Президенті Шавхат Мирзиеевтың Қазақстанға мемлекеттік сапары шеңберінде Астанада қазақ-өзбек бизнес форумы өткен болатын. Онда В2В форматында келіссөздер жүргізіліп, оңтүстікқазақстандық делегаттар фарм өнімдері нарығының өрісін кеңейтуді талқылаған еді.

Опубликовано в Қала

Түркиядағы Анталия индустриалды аймағының делегациясы өңірімізде жұмыс сапарымен болды. Делегация мүшелері алдымен Шымкенттегі арнайы экономикалық аймақ пен индустриалды аймақтың жұмысымен танысып, ондағы кәсіпорындарды аралады.

 turik kaspikerleri

Өңірдің экономикалық әлеуетімен танысқан түрік кәсіпкерлері аймақтағы атқарылып жатқан жұмыстарды оң бағалап, болашақта бірлесе жұмыс істеуге ниетті екендіктерін жеткізді. 

Түркиялық кәсіпкерлердің өңірімізге іссапарының мақсаты – ауыл шаруашылығындағы жаңа технологияларға инвестициялар тарту, осы саладағы орта және шағын бизнесті дамыту. Осы сапар аясында түркиялық үш компаниямен – «Çitello» (кептірілген жемістер және азық-түлікке арналған қаптама өнімінің өндірісі), «SiMGETEK A.S.» (жылыжайға арналған жабдықтарды өндіру және орнату) және «CUBO» (құрғақ құрылыс қоспаларын және бояу өнімдерін өндірісі) компанияларымен Оңтүстік Қазақстан облысында бірлескен жобаларды жүзеге асыру туралы келісімге қол жеткізілді.

Түрік кәсіпкерлері Оңтүстікке сапары аясында жергілікті кәсіпкерлермен B2B кездесулер өткізді.

Опубликовано в Қала
Понедельник, 27 Март 2017 04:22

Облыс делегациясы Өзбекстанда болды

Оңтүстік Қазақстан облысының әкімі Жансейіт Түймебаев бастаған, құрамында Шымкент қаласының әкімі Ғабидолла Әбдірахымов, сонымен қатар, индустрия, кәсіпкерлік, ауыл шаруашылығы саласына жауапты өкілдері бар жұмыс тобы Өзбекстанға іссапармен барды, – деп хабарлайды ҚазАқпарат ХАА тілшісі.

uzbeks

Оңтүстікқазақстандық делегация мүшелері алдымен Ташкенттің сәулеттік сәнімен танысты. Бауырлас елдің мәдени-рухани байланысы бойынша бірқатар кездесулер өтті. Аймақ басшысы Өзбекстан Республикасы Премьер-Министрінің орынбасары - Ауыл және су шаруашылығы министрі Заир Мирзаевпен кездесті. 

– Оңтүстік Қазақстан облысын Өзбекстанда жақсы дамыған жеңіл өнеркәсіп, өндіріс, ауыл шаруашылығы салаларындағы жетістіктер қызықтырады. Аталған салаларда тәжірибе алмасып, бірігіп еңбек етсек, қос мемлекетке де тиімді жобалар жүзеге асады деген сенімдемін. Мәселен, Сіздерде шығарылатын ауыл шаруашылығы тракторларын сатып алып, Өзбекстанның сауда үйін ұйымдастыруымызға болады. Немесе арнайы жұмысшы тобын құрып, шекаралық аймақтағы кейбір мәселелерді реттеуге атсалыссақ деген ұсынысым бар. Өйткені, Қазақстан Сіздер үшін өзге мемлекеттерге шығатын қақпа іспеттес. Мәселен, өткен жылдың өзінде, 9 млн 400 адам қазақ-өзбек кеден бекетінен өтіп, өзге елдерге бет алыпты. Сондықтан, Оңтүстік өңірі мен Өзбекстан Республикасы барлық салада мүмкіндіктерін біріктіруі керек деп есептеймін, – деді облыс әкімі. 

Өзбекстанға сапары кезінде облыс әкімі Жансейіт Түймебаев Ташкент қаласының әкімі Рахманбек Усмановпен кездесті. Көрші ел астанасы әкімімен болған әңгімеде Ташкенттің сәулеттік сәні де сөз болды. Бұл бойынша қазақстандық тарап бірлескен жобаларды қолға алуға болатынын айтты. Көрші елдің сан саладағы үздіктерін облыс басшысы өңірге арнайы шақырды. Сәуір айының соңына қарай Оңтүстік Қазақстанда өзбекстандық тауар өндірушілердің көрмесін ұйымдастыру бойынша келісімге келді.

Сапар барысында оңтүстікқазақстандық делегация трактор шығаратын зауыт пен жеміс-жидектерден құрғақ өнім дайындайтын өндіріс орындарын, табиғи тас алатын карьерді аралады. Туысқан елдегі Жоғарғы Шыршық ауданы мен Алмалық қаласында болды. Ондағы қандастарымыздың наурыз дастарханынан дәм татты.

Опубликовано в Саясат
Среда, 08 Февраль 2017 08:13

Түркия тәжірибесі қолайлы

Облыс әкімінің тапсырмасына сәйкес, Түркияға тəжірибе алмасуға барған өңірдің 15 медицина қызметкері Анталия қаласындағы 6 клиниканы аралап, заманауи технологияның озық үлгілерімен танысуға мүмкіндік алды. Бұл жөнінде ОҚО Аймақтық коммуникациялар қызметінде жергілікті БАҚ өкілдеріне арнайы ұйымдастырылған брифингте облыстық эндокринология диспансерінің дәрігер-эсперті, топ жетекшісі Қалкөз Қасымбекова мәлім етті.

turkia

Қалкөз Бақытқызының айтуынша, өңірден барған арнайы топ Анталиядан 80 шақырым қашықтықта орналасқан Испарта қаласындағы 750 орынға арналған аурухана ғимаратын аралаған. Онда тұрғындарға жоғары мамандандырылған көмек көрсететін медициналық құрылымдардың жүйеленген жұмыстарымен танысып, коронароангиографиялық, клиника-диагностикалық, рентген-аритмологиялық зертханалары мен науқастарды қабылдау бөлімдерінде болды. Ондағы бір ерекшелік – тұрақты электрокардиостимуляторлар, кардиовертер-дефибриллятор, СРТ – Д құрылғылары орнатылған кардиология саласындағы коронография, стенттеу оталары АҚШ тәжірибесі негізінде жүргізіледі. Жекеменшік иелігіндегі 120 адамға арналған «OZEL OFM» клиникасында бір айда 30 адамның жүрегіне ота жасалады екен.

Ал Анталия қаласындағы «Training Hospital» клиникасының бір мезгілде 2200 адамды қабылдауға мүмкіндігі бар. Мұнда 2016 жылы 2,5 миллион науқас ем қабылдаған болса, соның 1,5 миллионға жуығы шетелдіктер.

– Түркияда бізде енді-енді қолға алынып жатқан сүйек кемігі науқастарына транспантациялау оталары көптеп жасалады екен. Транспантология өте қатты дамыған. Әрбір азаматы – тегін донор. Көлік жүргізуші куәлігін алар кезде олар саналы түрде өздерінің ағзасындағы бір мүшесін донор ретінде беруге келісім береді. Аталған келісім белгісі жүргізуші куәлігінде көрсетіледі. Егер ол жол апатынан қайтыс болса, медицина мамандары шұғыл түрде іске кірісіп, зақымданбаған сау мүшесін қажет ететін науқасқа тегін трансплантациялайды. Донор тапшылығы жоқ, – дейді Қалкөз Бақытқызы.

Ана болуды жоспарлау жүйелі түрде жүзеге асады. Түсік жасауға мемлекеттік деңгейде қатаң тыйым салынған. Әйелдің өміріне қауіп төнетіндей жағдай болмаса, мүлдем рұқсат етілмейді екен.
Медицина саласында әлемдік кеңістікте жоғары жетістіктерге қол жеткізген Түркияның бүгінгі бағдарын саралаған өңір дәрігерлері енді көңілге түйгенін жүзеге асыруға бейілді.

Опубликовано в Саясат

Республика аясында Түркия елі мен Қазақстан арасындағы іскерлік байланыс өңірлерде алғаш рет ұйымдастырылып отыр. Осы орайда«Қазақстан-Түркия инвестициялық форумы» Оңтүстік Қазақстан облысында басталды. 1-3 ақпан аралығында өтетін бұл жиынға бауырлас елден 200-ге жуық делегат қатысуда.

Түріктер оңтүстікке инвестор болмақ

Түркиялық кәсіпкерлер делегациясын Түрік Кеңесі Бас хатшысының орынбасары Омер Коджаман мен Түркия Республикасы Ұлттық экономика министрінің кеңесшісі Тарык Сонмез бастап келді. Форумның алғашқы күні «RIXOS Khadisha Shymkent» қонақ үйінің «BallRoom» мәжіліс залында облыс әкімі Жансейіт Түймебаевтың төрағалығымен «ОҚО-ның инвестициялық әлеуеті» тақырыбында конференция өтті.

– Оңтүстік Қазақстан облысында жүзеге асқалы тұрған инвестициялық жобалармен танысу форумына түрік елінің ірі бизнес өкілдері арнайы келіп отыр. Бүгін өңірімізге қадам басқан бауырларымызбен игі істі қолға аламыз. Бұл біз үшін зор қуаныш. Түркі топырағына қош келдіңіздер, – деді форумды ұйымдастыру ісіне тікелей ықпал еткен облыс әкімі.

Алқалы жиынға ҚР Инвестициялар және даму министрлігінің инвестициялар Комитетінің Төрағасы Сапарбек Тұяқбаев, сондай-ақ Оңтүстіктегі кәсіпкерлік саласының жетекші мамандары қатысып, өңірдің экономикасын, инвестициялық ахуалын және осы бағыттағы мемлекеттік бағдарламаларды таныстырып өтті.

– Қазір Министрлікте де Түркия елімен инвестициялық жобаларды қолға алу бағдарламалары дайындалуда. Әйтсе де, бұл бағытта ертерек іске кіріскен Оңтүстіктегі оң істерді Министрлік тарапынан қолдаймыз. Бұл өңірдің саяси ахуалы тұрақты, экономикалық өсу қарқыны жоғары, инвестиция тартуға өте қолайлы. Қазірдің өзінде 40-тан астам кәсіпорын ашылып, өз жұмысын жүргізуде. Нарық айналымы кең. Ресей мен Қытайға экспорт жасайды. Батыс Еуропа – Батыс Қытай арасында да ішкі өнімді ұсына аламыз. Салық бойынша экономикалық аймақтарда жеңілдіктер қарастырылған. Білікті мамандар да жеткілікті. Кәсіпкерлік саласындағы жастарымыз үш тілде сөйлейді, – деді Сапарбек Тұяқбаев.

«Шымкент – біздің бауырлас қаламыз»

Екі елдің кәсіпкерлік саладағы мүмкіндіктері мен жетістіктері таныстырылған жиында Түрік Кеңесі Бас хатшысының орынбасары Омер Коджаман түрік халқының инвестор болудағы мақсаттарын атап өтті.

– Түркия әлемдегі дамыған 10 елдің қатарына ену мақсатында инвестициялық жобаларды қолға алуда. Осы бағытта халықаралық форумдардың бірі Әзірбайжанда өткен болатын. Келесі V форумды перспективасы жоғары әрі біздің бауырлас қаламыз Шымкентте ұйымдастыруды жөн көріп отырмыз. Түрік Кеңесінің құрған механизмдерін негізге ала отырып, алдағы уақытта бірлесе әрекет жасайтын боламыз. Сондықтан, келесі форумды өз жауапкершілігімізге алуға рұқсат етіңіздер, – деп Омер Коджаман іскерлік байланысқа зор ықылас танытты.
Оңтүстік өңіріне арнайы келген түрік кәсіпкерлеріне алғысын білдірген өңір басшысы Ж.Түймебаев бұл форумның Елбасы Жолдауында айтылған міндеттерді орындауда маңызы зор екеніне тоқталды. Қазіргі таңда Түркия Қазақстанның саяси және экономикалық тұрғыдағы ең жақын және сенімді серіктесіне айналғанын жеткізген аймақ басшысы екі жақты кездесудің жемісті боларына сенім білдірді. Сондай-ақ, жиында Түркия Республикасы Ұлттық экономика министрлігінің кеңесшісі Тарық Сонмез, Түркиядағы «OSТІМ» индустриалды аймақтарды басқару және құру халықаралық операторының басқарма төрағасы Орхан Айдын, Түркияның Сакария қаласындағы сауда-өнеркәсіп палатасының басқарма төрағасы Махмут Косемусул баяндама жасады.

Сакария – түрік инвестициясының отаны

Түркия ұйымдасқан индустриялық аймақ кұру бойынша бай және сәтті тәжірибе жинаған республика. Соңғы жылдары құрылыс, ауыл шаруашылық өнімдерін өңдеу, фармацевтика, медицина салаларында аса белсенділік танытып келеді. Атап айтқанда, Түркия елінде 200-ге жуық индустриалық аймақ бар. Ондағы 300 мыңнан астам зауыт-фабриканың әрбірі кемінде 100 адамды жұмыспен қамтып отыр. Бір ғана Сакария қаласында 10 индустриалды аймақ, 15 мың компания жұмыс істеуде. Отандық пойыз өндіру ісі жолға қойылған. Автокөліктер жасап шығару ісі бойынша әлемдегі 7 орында тұрған түркиялықтар бұл ретте де 5 орыннан көрінуді межеге алған. Ал Қазақстанда, әсіресе, Оңтүстік Қазақстан облысында түрік фирмалары мен компанияларының саны 30-ға жетіп, өзінің даму үрдісін ұсынып келеді.

Мұның бәрі екі ел арасындағы сауда-экономикалық қарым-қатынастың жоғары дәрежеде дамып отырғанын көрсетеді. Сонымен қатар, соңғы 3 жылда түркиялық әріптестермен құны 33,7 миллион АҚШ долларын құрайтын 4 жоба іске қосылған. Жалпы сомасы 2,7 млрд АҚШ долларын құрайтын 18 жобаның 6-уы түркиялық кәсіпкерлердің қатысуымен іске асырылуда. «OSТІМ» индустриалды аймақтарды басқару және құру халықаралық операторының басқарма төрағасы Орхан Айдын инвестиция тарту кезінде «XAY OSTIM» атауын екі елдегі кәсіпорындарға да орнататынын мәлімдеді.

IMG-20170201-WA0035

– «XAY» – «Қожа Ахмет Яссауи» деген мағынаны білдіреді. Түркияда Яссауиға арналған 1000-нан астам кітап жарық көрген. Түркістандық ғұламаның есімі берілген 10 лицей, 100-ден астам көше және көптеген қорлар жұмыс істеуде. Бүгінде экспорттағы айналымға шығарған 2,5 млрд долларды екі есеге ұлғайтуды көздейміз. Ертеңгі жетістіктерді бүгіннен бастап қолға алу қажет, – деді Орхан Айдын.
Қазақ-түрік инвестициялық форумында облыстың индустриалды және арнайы экономикалық аймақтарын дамыту жайлы ынтымақтастық меморандумы түзіліп, қос тарап өкілдері қол қойып келісімдер жасасты.
2 ақпан күні «Көрме» орталығында 80-нен астам отандық тауар өндірушілер мен туризм саласының, ОҚО Даму институттары мен өңірдегі инвестициялық жобалардың бірлескен көрмесі түрік кәсіпкерлерінің назарына ұсынылды. Туристік саладағы В2В форматында ұйымдастырылған екіжақты кездесулердің соңғы күні 3 ақпанда туристік сапармен жалғасатын болады. Ол күні түрік делегаттары «Шымкент-Отырар-Түркістан» туристік бағыты бойынша жолға шығып, тарихи жерлерге саяхаттайды.

Опубликовано в Қоғам

Аймақ басшысы Ж. Түймебаевтың тапсырмасына сәйкес, өңірдің қаржы, жол құрылысы, энергетика, туризм салаларының мамандары мен БАҚ өкілдері, жалпы 22 адамнан тұратын делегациясы Түркия Республикасында тәжірибе алмасып қайтты.

ankara shymkent 10

Анкараға жасаған сапардан алған әсері мен нәтижесі бойынша ОҚО Аймақтық коммуникация қызметінде Шымкент қаласы әкімінің орынбасары Н. Көшеров, Экономика және бюджеттік жоспарлау басқармасы басшының орынбасары Қ. Тастанов, сәулетші Н. Архабаев ой бөлісті.

Брифингте белгілі болғандай, өңірден барған делегаттарды Анкара қаласы мэр орынбасарының көмекшісі Юнус Алуч күтіп алып, қаланың тарихы мен қазіргі таңдағы жағдайы туралы және алдағы даму жоспарларымен таныстырған. Сонымен қатар, оңтүстікқазақстандықтарды Анкара қаласының мэры М. Гекчек пен Түркия Республикасының Анкара қаласындағы Қазақстан елшілігінің үшінші хатшысы М. Отарбаев қабылдаған. 

Сапар барысында делегаттар «Дикмен» шатқалына, «Солтүстік Анкара» жобасы бойынша көпқабатты тұрғын үйлердің құрылысы және шатқалдарды абаттандыру барысымен танысты. Мамандар аралау барысында Анкарадағы құрылыстың қысқа мерзімде және үш жолақты көшелердің құрылысы 5 ай мерзімде аяқталатынын жеткізді. Сонымен қатар, олар ірі өндіріс орындары шоғырланған «Синджан» индустриалды аймағында болып, бірқатар кәсіпорынның жұмысын аралап көріпті. 

Айта кетейік, бұған дейін де 110 адамнан құралған арнайы делегация Түркия Республикасында тәжірибе алмасып, білімін шыңдап келген болатын.

Опубликовано в Саясат
Страница 1 из 2