ЕҢБЕК ҰЖЫМЫМЕН КЕЗДЕСТІ
Среда, 12 Октябрь 2022 05:40Шымкент қалалық қоғамдық кеңес мүшелері мегаполистегі кәсіпорындарды аралады. Қоғам қайраткерлері "Оңтүстік" арнайы экономикалық аймағындағы "Әлем-БТ" кәсіпорнында еңбек ұжымымен кездесті. Кездесу барысында Мемлекет басшысының Қазақстан халқына Жолдауындағы басым бағыттар туралы пікір алмасты.
ДӘНЕКЕР
Среда, 12 Октябрь 2022 05:39Әділетті Қазақстанда әр азаматтың өтініш-тілегі тыңдалады. Оның ішінде кәсіпкерлер мен қаржы ұйымдары арасындағы байланысқа баса назар аударылады. Бұл туралы «Атамекен» кәсіпкерлік палатасының Шымкент қалалық филиалында өткен дөңгелек үстел жиынында айтылды.
ЭКОНОМИКАНЫҢ ДАМУЫНА БАҒЫТТАЛҒАН
Среда, 12 Октябрь 2022 05:36Шымкент қалалық қоғамдық кеңес мүшелерінің шаһардағы еңбек ұжымдарымен кездесуі жалғасуда. Ақпарат-насихат тобының өкілдері «Оңтүстік» арнайы экономикалық аймағында орналасқан «Lux shoes» кәсіпорнының жұмысшыларымен жүздесіп, Президент Жолдауындағы оң өзгерістерді кеңінен тарқатып айтты.
ЖОЛДАУДАҒЫ ЗАҢ ҮСТЕМДІГІ: САРАПШЫЛАР ПІКІР АЛМАСТЫ
Пятница, 07 Октябрь 2022 10:52
"Amanat" партиясының Шымкент қалалық филиалында Мемлекет басшысының Қазақстан халқына арнаған Жолдауындағы басым бағыттарды талқылауға арналған жиын өтті. Партияның Абай аудандық филиалы ұйымдастырған пікірталас "Заң үстемдігі және әділетті қоғам" тақырыбында өтті.
Партияның Абай аудандық филиалының атқарушы хатшысы Есімхан Бертаев жүргізіп отырған жиынға «AMANAT» партиясы Шымкент қалалық филиалы атқарушы хатшысының орынбасары Мұратәлі Қалмұратов, Қазақстан өзбектері «Дустлик» қауымдастығының төрағасы, партия белсендісі Икрам Хашимжанов, Шымкент қаласының жұмыспен қамту және әлеуметтік қорғау басқармасының «Бақытты жанұя» орталығы директорының орынбасары Ерлан Әлжанов, «Болашақ» бастауыш партия ұйымының мүшесі, Жол-көлік колледжі директорының орынбасары Берік Ешимов,
«Ұлағат» бастауыш партия ұйымының мүшесі, партия белсендісі Жақсылық Ембай және мұғалімдер, студенттер қатысты.
– Қазақтың батыр ұлы Бауыржан Момышұлының "Тәртіпке бағынған құл болмайды, тәртіпсіз ел болмайды" деген қанатты сөзі бар. Яғни, кез келген қоғамда тәртіп болмаса, заң үстемдігі орын алмаса, даму болмайтыны баршаға белгілі. Тіпті, хаос орын алуы мүмкін. Сондықтан, қоғамда әрдайым әділеттілік орын алуы тиіс. Мемлекет басшысының Жолдауында да осы мәселелер көтерілді. Президенттің бастамасымен әділетті Қазақстан құру жолында қолға алынған реформалар нәтижесін беріп келеді. Қасым-Жомарт Кемелұлы президенттікке бір адам 7 жылдық мерзімге бір рет сайлануы бойынша өзгеріс енгізді. Бір сөзбен айтқанда, заң үстемдігі болмаса, қоғам дамуы кері кетеді, – деді Мұратәлі Оразәліұлы.
Бұдан кейін сөз алған Икрам Хашимжанов Жолдауда айтылған біртұтас ұлт болып ұйысудың маңыздылығына ерекше тоқталды.
– Біз, Қазақстанда тұратын барша отандастар мемлекет қалыптастырушы қазақ халқының маңына топтасып, бірліктің байрағын биіктетсек, мықты ел, дамыған мемлекет боларымыз анық. Осы ұстаным біздің ұранымызға айналуы керек, – деді Икрам Акрамұлы.
Жиында басқа да спикерлер Жолдауға қатысты ой-пікірлерін ортаға салып, өзара сұрақ-жауап алмасты.
Инвестициялық бағдарламаның игілігі көп
Пятница, 07 Октябрь 2022 05:06
Шымкент тұрғындарын коммуналды қажеттіліктермен қамтамасыз ету бойынша кешенді жоспар орындалуда. Оның ішінде абоненттерге таза ауызсу жеткізу жұмыстары қарқын алған. Соның бірі – Құрсай шағынауданы. Елдімекеннің іргесінен таза су қоймасының құрылысы аяқталуға жақын. Нысан пайдалануға берілсе, тұрғындарға тіршілік нәрін жеткізетін құбыр дайын тұр. Шымкент қаласы әкімдігінің су құбыры және кәріз жүйелері басқармасының мамандары осылай деп мәлімдеді.
– Қалалық әкімдіктің 2023 жылға жоспарланып, аяқталып жатқан нысанының бірі – Құрсайдағы су қоймасы. Басқарманың инвестициялық бағдарламасы бойынша осы нысанға жалғанатын құбырды толық пайдалануға өз үлесімізді қосып жатырмыз. Құрсайдағы жекеменшік су құбырларының сапасы нашарлап, тозу деңгейі жоғарылап кеткен. Мысалы, Жандарбеков көшесіндегі диаметрі 315 мм-лік құбырдың тозығы жеткен 450 метрі ауыстырылып бітті. Тұрғындар игілігіне беруге дайын тұр. Құрсайда су проблемасы бар еді, халық пен билік өкілдерінің кездесуінде жиі көтерілетін. Осыған орай, қала әкімінің тапсырмасымен тиісті жұмыс атқарылды. Атап айтқанда, бүгінде осы су қоймасы құрылысының 95 пайызы аяқталған. Енді Жандарбеков пен Байзақов көшелеріндегі құбыр қосылуға дайын тұр. Қазығұрт ауданы бойынша осындай жұмыстарға 16,5 млн теңге жұмсалды, – дейді Су құбыры және кәріз жүйелері басқармасы басшысының орынбасары Бағлан Омаров.
Бұл – басқарманың инвестициялық бағдарламасында қаралған қаржының бір бөлігі. Басқарма жетекшілері ҚР Ұлттық экономика министрлігі Табиғи монополияларды реттеу комитетінің Шымкент қаласы бойынша департаменті өкілдерінің алдында инвестициялық бағдарлама қаржысының жұмсалуы бойынша есеп берді. Жауапты мамандар биылғы тиісті қаржы артығымен игерілгенін мәлімдеді.
– Шымкент қаласы бойынша инвестициялық бағдарламаның 2022 жылға бекітілген қаржысының көлемі 110 млн теңге болса, ол 103 пайызға орындалып, 113 млн игерілді. Департамент бекіткен жұмыс біздің тарапымыздан толық аяқталды. Оған қоса, басқа шағынаудандарда да инженерлік инфрақұрылымды жақсарту жұмыстары атқарылып жатыр. Мысалы, Достық шағынауданы. Онда халықтың тығыз орналасуына байланысты, әсіресе, жаз айларында тұрғындар тарапынан құбырдағы судың қысымы төмендеп кетуіне байланысты арыз-шағым түсіп жататын. Біздің басқарма тарапынан инвестициялық бағдарлама бойынша 60 млн теңгенің жұмысы атқарылып, тозығы жеткен құбырлар жаңасына ауыстырылды. Жалпы ұзындығы 5,2 км құбыр жаңартылып, толық пайдалануға берілді. Келесі жылы Достықта жазда, күн ыстық кезде судың қысымы төмен деген шағым болмайды деп үміттенеміз, – дейді басқарма басшысының орынбасары Бағлан Омаров.
Жауапты мамандардың мәліметінше, қазіргі таңда Шымкент қаласы тұрғындарының 97 пайызы таза сумен қамтамасыз етілген. 2023-2024 жылдары бұл көрсеткіш 100 пайызды құрайды деген жоспар бар.
Сонымен қатар, шаһардағы кәріз жүйелерінің сапасын арттыру бойынша да тиісті жұмыстар орындалуда. Мысалы, Төлеметов көшесіндегі кәріз жүйесі бойынша мәселе шешілді. Ақжайық шағынауданында кәріз сору станциясы болатын. Одан шығатын жағымсыз иіске жергілікті тұрғындар шағымданған. Оған қоса, станция жылына 3,5 млн теңге электр энергиясын тұтынып келген. Осы мәселені шешу бойынша сорғы алынып тасталып, электр энергиясына жұмсалатын қаржы үнемделген. Әрі жағымсыз иіс те жоғалды. Ал, қалдық су өздігінен ағатын жүйеге жалғанып, Сырым батыр көшесіндегі диаметрі 500 мм кәріз коллекторына барып қосылған. Мұның барлығы инвестициялық бағдарлама қаржысының игілігі.
– Заң талабына сәйкес, ҚР Ұлттық экономика министрлігі Табиғи монополияларды реттеу комитетінің Шымкент қаласы бойынша департаменті тарапынан базалық ірі субъектілерге 5 жылға немесе одан ұзақ мерзімге инвестициялық бағдарламалар, тарифтер бекітіледі. Су құбыры және кәріз жүйелері басқармасына 2021-2026 жылдарға барлығы 750 млн теңгеге инвестициялық бағдарлама бекітілді. Ең бастысы – бағдарламаның сапалы әрі тиісті орындалуы. Биылға 7 шақырым су және кәріз жүйесі жаңартылды. Қосымша сорғы, су реттегіш сияқты жабдықтар сатып алынған, жаңартылған. Барлық жұмыс кесте бойынша орындалуда. Қосымша айтарымыз, жыл соңына дейін су және кәріз жүйесін пайдалануға бекітілген тариф өзгеретін себеп жоқ. 2023 дылдың 1 шілдесінен жаңа тариф күшіне енеді, – дейді Департамент басшысының орынбасары Айсұлу Әлібекова.
Жалпы, Су құбыры және кәріз жүйелері басқармасының 2021-2025 жылдарға арналған ивестициялық бағдарламасына 750 млн 248 мың теңге бекітілген. Соның аясында атқарылған жұмыстардың нәтижесінде нормативтік-техникалық шығын 0,18 пайызға, ал құбырлардың тозу деңгейі 0,5 пайызға төмендеген.
Жоғарыда атап өтілген, биыл игерілген 113 млн теңгенің ішінде 103 млн теңгеге жуығы су желілерін қайта құруға, 3,8 млн теңгесі кәріз желілерін қайта құруға жұмсалса, 340 мың теңгесіне негізгі құралдар сатып алынған.
Қаладағы коммуналды қызмет сапасын жақсарту бағытындағы жұмыс тоқтамақ емес. Себебі, басқарма өкілдерінің мәліметтінше, жыл сайын қаладағы су және кәріз желісінің қызметін пайдаланушы абонент саны артып келеді.
«Таза қала» акциясы: үздіктер анықталды
Пятница, 07 Октябрь 2022 04:40
Үшінші мегаполисте «Таза қала» акциясы мәресіне жетті. Дәстүрлі конкурс қала тазалығын сақтауға, қоршаған ортаны абаттандыруға үндейді. Биыл оныншы жыл қатарынан өткізіліп келе жатқан акцияға Шымкент қалалық әкімдігінің ішкі саясат және жастар істері жөніндегі басқарма ұйытқы болып отыр.
Акцияның қорытындысы Шымкент қалалық Азаматтық Альянстың ресурстық орталығында шығарылды. Комиссия құрамында басқарма өкілі мен Азаматтық Альянстың мүшелері, қаладағы төрт аудан әкімдігінің қызметкерлері бар. Әр аудан өкілі өз ауданы үміткерлерінің жұмысын бағалауға қатыса алмайды.
– Биылғы үміткерлерді бес номинация бойынша қарастырып отырмыз. Олар – үздік аула, үздік көше, үздік үй, үздік аула тазалаушы және үздік тұрғын алаптар.
Бұл акцияға қатысуда шектеу болған жоқ, кез келген тұрғын немесе үй төрайымы қатыса алады. Алдымен әр ауданда өзара үздігін анықтап, осы комиссия отырысында қарауға жібереді. Мұндағы мақсатымыз – қала тазалығын сақтауға үндеу, – дейді ҚР Президенті жанындағы ұлттық комиссияның мүшесі, Шымкент қалалық әйелдер кеңесінің төрайымы Баян Айтбекқызы.
Ұйымдастырушылардың айтуынша, акцияның биылғы ерекшелігі – 5 номинацияның әр аудан бойынша өз үздігі бар. Сонымен, комиссия қорытындысы бойынша жеңімпаздар толық анықталды.
«Үздік аула» номинациясы:
Абай ауданы – 1 мамыр көшесі, №35 үй;
Әл-Фараби ауданы – Әлімбетов көшесі, №45 В үй;
Еңбекші ауданы – 16 шағынаудан, №54 үй;
Қаратау ауданы – «Шымкент-Сити», 189-орам №13 үй.
«Үздік көше» номинациясы:
Абай ауданы – Қатынкөпір шағынауданы, Молдабаев көшесі;
Әл-Фараби ауданы – Рабат көшесі;
Еңбекші ауданы – Түркістан көшесі, №210 үй;
Қаратау ауданы – Асар шағынауданы, №36 көше.
«Үздік шағынаудан» номинациясы:
Абай ауданы – Жайлау шағынауданы;
Әл-Фараби ауданы – Отырар шағынауданы;
Еңбекші ауданы – 12-шағынаудан;
Қаратау ауданы – Асар шағынауданы.
«Үздік үй» номинациясы:
Абай ауданы – Ш.Қалдаяқов көшесі, №27;
Әл-Фараби ауданы – Тоғызбаев көшесі, №26;
Еңбекші ауданы – Аблязимов көшесі;
Қаратау ауданы – Нұрсәт тұрғын алабы, №20.
«Үлгілі коммуналды қызметкер» номинациясы:
Абай ауданы – «It invest» ЖШС аула сыпырушысы Алима Мырзабекова;
Әл-Фараби ауданы – «Мад группс» ЖШС, Шерзад Ташниязов;
Еңбекші ауданы – «Жасыл-Жер» ЖШС аула сыпырушысы Зейнекүл Тұрғынбаева;
Қаратау ауданы – Базарбай Ұзақбаев.
Жеңімпаздарға ақшалай жүлделер табысталады.
ЖАҢА ОРТАЛЫҚ – ТЫҢ МҮМКІНДІКТЕР
Среда, 28 Сентябрь 2022 04:55Үшінші мегаполисте көпфункциялы «Shymkent Tower» кешенінің жобасы бастау алды. Қала әкімі Мұрат Әйтенов Қонаев даңғылы бойында бой тіктейтін «Shymkent Tower» сауда-іскерлік орталығы құрылысының басталуына орай ұйымдастырылған іс-шараға қатысты. Бұл жобаның негізгі инвесторы – «САУТС-Ойл» компаниясы, ал құрылысын салушы – бас мердігер «Koç Construction».
ДИПЛОМАТИЯЛЫҚ БАЙЛАНЫСҚА – 30 ЖЫЛ
Среда, 28 Сентябрь 2022 04:52Шымкентте Қазақстан және Өзбекстан Республикалары арасындағы дипломатиялық байланыстардың орнатылғанына 30 жыл толуына орай халықаралық конференция өтті. «Қазақстан халқы Ассамблеясының халықаралық қатынастарды дамытудағы рөлі» тақырыбы аясында өрбіген басқосу Достық үйінде ұйымдастырылды.
