Шымкентте жоғары және орта арнаулы оқу орындарында жатақханамен қамтамасыз ету мәселесі оңтайлы шешілуде. Оңтүстік Қазақстан мемлекеттік педагогикалық университеті филология факультетінің студенттеріне жаңа 350 орындық жатақхана пайдалануға берілді.

Студенттер үйі 12

Жаңа ғимараттың ашылу салтанатына қатысқан қала әкімі Ғ.Әбдірахымов елімізде жастардың білім мен ғылымды игеруіне барлық мүмкіндіктер жасалып жатқанын атап өтті.

– Бүгінде қаладағы 48 оқу орнында 123 мыңнан астам студент білім алуда. Осы оқу орындарына қарасты 39 жатақхана болса, онда 7 600-ге жуық студент тұрады. Бұдан бөлек 8 мыңнан астам студентке жатақханадан орын керек. Қазір 1000 орынды 3 жатақхана салынуда. Алдағы уақытта бұл мәселе толық шешімін табады.

Шымкенттегі жатақхана қажеттілігін жою бойынша тиісті жұмыстарды қолға алып, әкімдік 2021 жылдың соңына дейін студенттерді 100% жатақханамен қамтуды көздеп отыр, - деді қала әкімі.

Айта кетейік, бүгінде оқу орнындағы шетелдік студенттер саны жыл сайын артып, жалпы студенттер саны 5 мыңнан асып отыр. Жатақхана заманауи талаптарға сай, қажетті құрал-жабдықтармен қамтылған. Елбасының 5 әлеуметтік бастамасымен қолға алынған жоба мемлекеттік-жекеменшік әріптестік аясында жүзеге асырылуда.

5555

Үшінші мегаполисте мемлекеттік қызметкерлердің әдептілігі, сөйлесу мәдениетіне қатысты жыл басынан бері 102 шағым келіп түскен. Бұл арыздардың басым бөлігі жер, денсаулық, жол полициясы мен білім салаларына қатысты мекеме қызметшілеріне байланысты болып отыр.

Аталған мәселені шешуде мемлекеттік қызмет істері және сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бастамасымен, «Шымкент – адалдық алаңы» жобалық кеңсесі мен ҚР Президенті жанындағы мемлекеттік басқару академиясының өңірлік филиалы жергілікті атқарушы органдардың мемлекеттік қызметшілеріне халықпен жұмыс барысындағы сөйлесу мәдениетін қалыптастыру мақсатында тәжірибе сағатын өткізді.
Психология ғылымдарының докторы, бизнес-тренер, РФ кәсіби психотерапевтік лигасының халықаралық деңгейдегі ресми оқытушысы және мүшесі Гүлмира Аяпбергенова жүргізген тренинге мемлекеттік қызмет істері және сыбайлас жемқорлыққа қарсы іс-қимыл агенттігінің Шымкент қаласы бойынша департаментінің басшысы Ә.Көмекбаев, Абай ауданының әкімі Б.Парманов, Әл-Фараби ауданының әкімі
Ғ.Мәуленқұлов бастаған 400-ге жуық мемлекеттік қызметкер қатысты.
Кездесу барысында мемлекеттік қызметшілердің іскерлік қарым-қатынасының ерекшеліктері, халықпен жұмыс істеудің психологиялық тетіктері, нақтырақ айтсақ, қызметтік саладағы шиленісті жағдайлардың алдын алу және реттеу себептері мен әдістері талқыланды. Кездесу ашық диалог форматында өтті. Жиын барысында ойындар ойнатылып, аталған мәселе төңірегіндегі мемлекеттік қызметкерлерге сұрақ-жауап ұйымдастырылды.

Қазақстанда орташа есеппен жылына 50 мыңға жуық шаңырақ шайқалып, соңы ажырасумен аяқталады. Сәтсіз неке жанұядағы әрбір жанға ауыр соғып, нәтижесінде балалар жапа шегетіні жанға батады.

52605974 2093877094021837 4393109059650191360 n

Қоғамды алаңдатқан проблеманы шешуде еліміздегі зияткерлік мектептер жүйесінде жаңа жоба пилоттық режимде жүзеге асырылуда. Ол «Тату отбасы» деп аталады.

Шымкенттегі химия-биология бағытындағы Назарбаев Зияткерлік мектебінде Біріккен Ұлттар Ұйымының Есірткі және қылмыспен күрес жөніндегі басқармасымен (United Nations Office on Drugs and Crime) бірге бір айлық «Тату отбасы» жобасы ұйымдастырылды.

Бағдарламаның негізгі міндеті – жасөспірімдер тәртібіне әсер ететін отбасылық факторлар санын азайту және олардың ата-аналарымен жақсы қарым-қатынас орнатуына жол ашып, көмектесу.

Жеті бөлімнен тұратын бұл іс-шараны әр аптаның сенбі күндері мектептің педагог-психологтарының ұйымдастыруымен кураторлар жүргізіп отырды.

Семинар барысында ата-аналар мен жастар болып жеке командада ойын көрсетеді. Ал отбасы бөлімінде оқушылар өз ата-анасымен сол ойынды қайта жалғастырады.

Аталған білім ордасындағы 7 сынып оқушылары мен ата-аналар бір ай бойы мектеп психологтары өткізген сабаққа белсене қатысты.

– Ата-аналар кездесулерде жасөспірімдер тап болатын негізгі проблемалар мен күйзеліс туғызатын жағдайлар туралы білсе, оқушылар өз армандары мен мақсаттарын айқындауды үйренді, - дейді педагог-ұйымдастырушы куратор М.Абилова.

Айта кетейік, курс жұмысы ең алғаш АҚШ-та, Айова штатында сапалы зерттеулерден кейін басталды.

Зерттеу жұмысының нәтижелері 2001 жылы Стокгольмде өткен Дүниежүзілік денсаулық сақтау ұйымының Еуроодақтың мемлекеттік конференциясында жарияланған. Ал елімізде алғаш рет солтүстік өңірде жүргізілген.

...Жыл басынан бері қаладағы алғашқы мамандандырылған ХҚО арқылы азаматтарға 45 мың жүргізуші куәлігі берілсе, автокөлікті қайта тіркеу бойынша 200 мыңнан астам қызмет көрсетілді...

111

Үшінші мегаполис тұрғындарына автокөлікті тіркеу, жүргізуші куәлігін алу немесе ауыстыру бойынша мемлекеттік қызметтер қолжетімді бола түсті.

Шымкент қаласы әкімінің орынбасары Д.Жумин, «Азаматтарға арналған үкімет» ҮЕАҚ басшылығы және қалалық полиция департаментінің бастығы Ералы Жұмаханбетовтың қатысуымен қаладағы екінші мамандандырылған халыққа қызмет көрсету орталығы салтанатты түрде ашылды.

– Жыл басынан бері қаладағы алғашқы мамандандырылған ХҚО арқылы азаматтарға 45 мың жүргізуші куәлігі берілсе, автокөлікті қайта тіркеу бойынша 200 мыңнан астам қызмет көрсетілді.

Бұл ретте біз тұрғындардың өтініштерін ескеріп, жаңа мамандандырылған халыққа қызмет көрсету орталығын ашуды ұйғардық,–дейді филиал директоры Бақыт Басымбек.

Ал орталық бөлімінің басшысы Дәулет Дүйсенбековтің айтуынша, мұндағы мамандар бір тәулікте 400 адамның құжатын рәсімдей алады. Көлік жүргізушілеріне автокөліктерді тіркеу және есептен шығару секілді мемлекеттік қызметтер көрсетіледі.

DSC 4539

Сондай-ақ, аз уақыт ішінде жүргізуші куәлігін ауыстыра алады.

– Әзірге A, A1, B, B1, C, C1, D, D1 жүргізуші санаттары бойынша практикалық емтихан тапсыру және медициналық тексерістен өту жұмыстары Достық шағынаудандағы мамандандырылған ХҚО-да ғана жүзеге асырылады, – дейді бөлім басшысы.

Жаңа орталықта 52 қызметкер жұмыс істейді. Ал дайын құжаттарды қабылдау және беру қызметінде 20 маман бар. Ғимарат алдында 150 автокөлікке тұрақ қарастырылса, мүмкіндігі шектеулі азаматтар үшін пандустар мен шақырту түймелері орналасқан.

Электронды бақылау жүйесі қосылған ғимарат толық автоматтандырылған.

Аталған ХҚКО аптаның алты күнінде сағат 9:00-ден 20:00-ге дейін үзіліссіз жұмыс істейді. Ол мемлекеттік корпорацияның Шымкент қаласындағы тұрғындарға мемлекеттік қызмет көрсететін он бірінші фронт-офисі болып отыр.

Шымкентте Елбасының «Болашаққа бағдар: рухани жаңғыру» бағдарламалық мақаласын насихаттау аясында ауқымды жұмыстар атқарылуда. Осы орайда М.Әуезов атындағы Оңтүстік Қазақстан мемлекеттік университетінде арнайы жобалық кеңсе құрылып, өскелең ұрпақтың ұлттық санасын жаңғыртуға үлес қосып келеді.

Рухани жан

Аталған бағдарламаның «Тәрбие және білім» кіші бағдарламасын жүзеге асырылуын қолға алған Қоғамдық сананы жаңғырту жөніндегі кеңсесінің мамандары студент жастардың көшбасшылық қасиеттерін арттыру және шығармашылық қабілеттерін дамытуды көздейді.

– Бұл бағдарламаның мақсаты – біртұтас ұлттың бәсекеге қабілетті, патриот және белсенді тұлғасын қалыптастыру, болашақтың іргетасы тәрбие мен білім беру салты болып табылады.

Тұтастай білімнің жаңғыруына негізделген бағытта жастардың рухани жігерін патриотизммен байланыстырған, – дейді ОҚМУ Қоғамдық сананы жаңғырту жөніндегі жобалық кеңсесінің басшысы Гүлнара Жанысбекова.

DSC 7419

Гүлнара Әмірбайқызының айтуынша, кеңседе аталған жобаны жүзеге асыру мақсатында арнайы 11 жоба қабылданып, мәдени іс-шаралар мен кездесулер ұйымдастырылуда.

– Қалалық деңгейде желілік кесте арқылы іс-шаралар жоспары нақтыланды. Бұған дейін «Төле би – Төбе би» кешенді жобасын өткіздік. Оның ішінде көпшіліктің көңілінен шыққан «Мен таныған Төле би» студенттік батлы, Ted-Х шарасын атап өтуге болады.

«Гид волонтер» жобасы аясында өңіріміздегі тарихи орындар мен қасиетті мекендерге саяхат жасадық. Бұл іс-шара әр аптаның жұма күні сайын өтіп отырды. Қазақстанның киелі жеріне енген 30-ға жуық орында болып, үлкен әсер алып қайттық.

Жалпы, әр студентті жеке тұлға ретінде қарауымыз тиіс. Олар әр саланың мамандары атанып, елдің даму үдерісіне өзіндік үлес қосатын кадрларымыз. Университеттегі әрбір факультетте бекітілген жалпы 13 жауапты маман арнайы бекітілген желілік кесте бойынша жұмыс істейді.

75 жылдық тарихы бар жоғары оқу орны «Болашаққа бағдар: рухани жаңғыру» бағдарламасын жүзеге асыру үдерісіне белсенді түрде қосылып, нақты идеялар мен жобалар ұсынуда. Биыл кеңседе 40 жоба әзірленіп, республикаға ұсынылған.

Оның ішінде «Шымкент қаласы – рухани болмыс қайнары» портфельдік жобасын атап өтуге болады. Жоба жетекшісі – университет ректоры Дәрия Пернешқызы.

Бұдан бөлек академик Мекемтас Мырзахметұлы сынды елге белгілі авторлардың жобалары республикалық комиссияға жолданған.
Бұл ретте жоғарғы оқу орнындағы магистрлар мен студенттерді қамту жоспарланған. Сонымен қатар «4.0 университет» үлгісін енгізуді мақсат етіп отыр.

– Бұған дейінгі университеттердің миссиясы тек біреу: білімді сақтап, белгілі бір әлеуметтік деңгейді құру болды. Кейін олар ғылыми зерттеулер жүргізу міндетін де қосып алды да, екі бағытта жұмыс жүргізе бастады: жаңа білім енгізу және студенттерге сол білімді меңгеру техникасын үйрету.

Өткен ғасырдың аяғында университеттердің өздері орналасқан қала, мемлекет, ел экономикасының дамуына көмек беріп, болып жатқан процестерге етене араласып, түлектерінің болашақта барып жұмыс істейтін салаларының өзгерістерінен хабардар болып отыру қажеттілігі туындады.

Мемлекет жоғарғы оқу орындарының экономиканы дамытуға салмақты үлес қосып, жаңа технологияларды құру, толыққанды жоғары интеллектуалды өнімдер даярлауын талап етіп отыр.

Мұндай университеттер кәсіпкерлік немесе «3.0 университет» деген атауға ие болды. Ал «4.0 университет» моделі бойынша жоғарыда аталғандарға: әлеуметтік жауапкершілік, рухани-адамгершілік компоненті қосылады, – дейді кеңсе басшысы.

Үшінші мегаполисте Наурыз мерекесі аясында «Ұлы дала хикаялары» атты заманауи өнер туындыларының жылжымалы көрмесі ашылды.

122

Бейнелеу өнері мұражайында еліміз бен шетелдерге белгілі Саид Атабеков, Смаил Баялиев, Сәуле Дүйсенбина, Виталий Симаков, Әлібай Бапанов, Рашид Нүрекеев, Молдағұл Нарымбетов, Алмагүл Меңлібаева сынды суретшілердің 100-ден астам туындысы көрермен назарына ұсынылып отыр.

Көрменің ашылу салтанатына халықаралық тәуелсіз тәлімгер, өнертанушы, «Asia Contemporary Art Week» директоры Лиза Ахмади, көрме тәлімгері, өнертанушы, арт-сыншы Юлия Сорокина қатысты.

Төрт экспозиция залына жасақталған өнер иелерінің шығармаларына Елбасының «Ұлы даланың жеті қыры» бағдарламалық мақаласы арқау болған.

Көрмеде дәстүрлі скульптура, көркем сурет, графика, сәулет қол өнер техникалары, сондай-ақ, инсталляция, преформанс, бейне және медиа-арт жанрларындағы дүниелер мен түрлі техникаларда орындалған еңбектер топтастырылған.

Айта кетейік, қала әкімдігінің ұйымдастыруымен басталған көрме 15 сәуірге дейін жалғасады.

Шымкенттегі «Тассай» индустриялдық аймақта құны 235 млн теңге болатын жаңа кәсіпорын іске қосылды.

zavod 5

Биотехнологиялық кешенде жүгеріден глюкоза-фруктоза шәрбәті, қантсыз сусындар мен кондитерлік тәттілер, жеміс консервілері шығарылады. Бұған қоса бөлек шикізат қалдықтарынан үй жануарларына жем тартылмақ.

Бұл жоба ҚР Білім және ғылым министрлігі, М.Әуезов атындағы Оңтүстік Қазақстан мемлекеттік университетінің химиялық технология және шикізаттық кешенді өңдеу ғылыми зерттеу институтының бір топ ғалымдары мен «АлиКа групп» ЖШС-нің үш жақты келісімімен жүзеге асырылып отыр.

Жоба 2016 жылы «Ғылым қоры» АҚ ұйымдастырған ғылыми жұмыстар байқауында грант жеңіп алған.
Қазақстандағы алғашқы глюкоза-фруктоза шәрбәтін шығаратын биотехнологиялық кешеннің ашылу салтанатына Шымкент қаласының әкімінің орынбасары Данат Жумин, «Ғылым қоры» АҚ төрағасы Әнуарбек Сұлтанғазин қатысты.

М.Әуезов атындағы ОҚМУ химиялық технология және шикізаттық кешенді өңдеу ғылыми зерттеу институтының директоры Абдуғани Азимовтың айтуынша, қант қоспасынсыз шығарылатын отандық өнім алдағы уақытта нарыққа шығарылады.

Биотехнологиялық кешеннің қуаттылығы тәулігіне 3 тонна глюкоза-фруктоза шәрбәтін, 6 тонна сусын, 4 тонна кондитерлік өнім мен жеміс консервілері, 2,5 тонна биокорм өндіруге жетеді. Шикізатқа өңіріміздің өнімдері қолданылады. Айта кетейік, жаңа кәсіпорында 40 жұмыс орны ашылып отыр.

Топ жарған Тоғжан!

Среда, 06 Март 2019 04:56

Соңғы жылдары елімізде көркем гимнастикамен шұғылданатын қаракөздеріміздің қатары артып келеді. Оның ішінде шымкенттік гимнастшылардың үлесі басым. 16 жасар Тоғжан Молдаханова – жақсы нәтижелер көрсетіп, болашағынан үміт күттіріп жүрген жастардың бірі. Осы кезге дейін көптеген жарыстан жүлделі оралып, жаңа белестерді бағындыруға тер төгіп жүр.

IMG-20190304-WA0016

Спорт шебері Тоғжан Молдаханова көркем гимнастикаға 4 жасында келген. 12 жыл бойы осы спортты серік етіп келеді. Спорттың нәзік те сұлу түрі - көркем гимнастика.

– Әдемі жүріс, ерекше киім үлгісі, ептілік, ырғақпен қозғалу. Өзгеге нәзік көрінгенмен, гимнастшы шымыр болу керек», - дейді ол. – Төрт жасымнан бастап ата-анамның қалауымен көркем гимнастика үйірмесіне бардым. Балалықтан болар, бастапқыда қиын көрінді. Ал кейін үйреніп кеттім.

Он екі жылдан бері кәсіби түрде осы спортпен айналысып келемін. Қазір аптасына алты күн жаттығу жасап, халықаралық жарыстарға дайындалып жүрміз. Жақында ғана Астанада өткен ҚР чемпионатында 2-орын алып келдім. Бұл – нағыз қыздарға арналған спорт түрі. Әуеннің ырғағымен түрлі қимыл-қозғалыс жасау маған ұнайды.

Қазақ көркем гимнастикасының қаһарман қызы Әлия Юсупова атындағы спорт мектебінен тәлім алып шыққан жас спортшының бағындырған белестері мен жеткен жетістіктері де аз емес. Ол 2016 жылдан бастап халықаралық сайыстарда бақ сынап, байрақты бәсекелерде жүлделі орындармен оралып жүр.

Түркия, Ресей, Белоруссия, Өзбекстан, Қырғызстан, Біріккен Араб әмірліктері мен елімізде өткен біріншіліктерде алдыңғы үштіктен көрінген ол енді Грекияда өтетін жарысқа дайындалуда.

– Ол турнирге қаламыздан 7 қыз барғалы жатыр. Мені Ольга Екатерина жаттықтырып жүрсе, хореографиядан Светлана Виторовна көмектесуде. Қазір барлық күш-жігерімді дайындыққа жұмсап жатырмын. Өйткені әзірлеп жатқан биіміз күрделірек. Үмітті ақтап, жүлделі ораламыз деп сенемін, - дейді жас спортшы.

Болашақта универсиада мен Олимпиада ойындарында өнер көрсетіп, ел мерейін асқақтатуды көздеген Тоғжанның спорттағы жетістігін оқу орны да лайықты бағалап жүр. Бүгінде ол академик Ә.Қуатбеков атындағы Халықтар достығы университетінде дене шынықтыру және спорт мамандығы бойынша бірінші курста тегін оқиды.

Жас спортшы көктемнің мерекесі – 8 наурыз Халықаралық әйелдер күнімен барша нәзік жандыларды құттықтауды ұмытпады.
– Қаламыздың барлық арулары мен апа-әпкелерімді шын жүректен төл мерекелерімен құттықтаймын.

Шаңырақтың ұйытқысы бола білетін әйел затының қоғамда алар орны ерекше екенін ескеріп, барша ханымдардың дендеріне саулық, отбасыларына амандық тілеймін! Бейбіт заманда берекелі жанұялар көбейсін!

Страница 10 из 24