Өткен аптада өңірімізге «Нұр Отан» партиясы Төрағасының Бірінші орынбасары Мәулен Әшімбаев іс-сапармен келді.

DSC 0870

«Нұр Отан» партиясы бүгінде өз қызметін жаңғырту барысында бірқатар тың бастамаларды іске асыруды қолға алған. Олардың қатарында цифрландыру ісіне үлес қосу, халықтың цифрлы сауаттылығын арттыру, жастардың сапалы білім алып, дені сау ұрпақ болып қалыптасуына жағдай жасау сынды жобалар. Және еліміздегі кітапханаларды қазіргі заманғы білім орталықтары ретінде қайта құру жұмыстарына да басымдық беруде. Қазіргі ақпараттық технология заманында «Бәсеке. Сапа. Жеделдік» құндылықтары басты трендке айналып отырғаны белгілі. Осы бағытта «Нұр Отан» партиясы барлық отандық кітапханаларды жаңа заманға лайық, жастардың бәсекеге қабілетті болуын қамтамасыз ететін білім орталығы ретінде қайта жаңғыртпақ.
Бұл орайда Шымкент қаласындағы «Отырар» әмбебап ғылыми кітапханасында коворкинг-орталығы жұмысын бастады. Одан бөлек, орталықта конференц-зал қарастырылған, онда түрлі тақырыптарда семинарлар, дәрістер және тренингтер өткізуге жағдай жасалған. Сондай-ақ демалыс аймағы, кино залы, кофехана, кітап дүкені, ағылшын тілін үйрететін курс және еркін пікірталас аймағы бар. Бүгінде кітпаханаға күн сайын 100-ге жуық жасөспірім келіп, өзін-өзі дамытуда.
«Нұр Отан» партиясы Төрағасының Бірінші орынбасары аталған нысаның жұмысымен танысып, жастар бұл мүмкіндікті тиімді пайдалануы керектігін тілге тиек етті.
– Елбасының «Рухани жаңғыру» бағдарламасының негізгі бағыттарының бірі – халықтың білімге деген құштарлығын арттыру. Осыған орай «Нұр Отан» партиясы еліміздегі кітапханалардың қызметін жаңғыртып, оларды жаңа заманға сай коворкинг-орталық ретінде қайта құру жобасын қолға алды. Себебі, кітапханалар тек кітап оқитын орын емес, түрлі семинарлар, тренингтер, дәрістер өтетін, жастар жиі бас қосатын нағыз білім орталығы болуы тиіс. Сондықтан осындай орталықтарды мазмұнды, мәнді дүниелермен толтыруымыз керек. Бүгінгі жастар әрдайым өз-өздерінің білім-біліктілігін көтеруі үшін осындай орталықтар көптеп қажет. Мұнда тәжірибе алмасады, өз қабілеттерін дамытады. Және өздерінің тұлғалық қасиеттерін дамыту үшін өте маңызды кітаптарды оқуы тиіс,– деді Мәулен Әшімбаев.
Іс-сапар барысында М.Әшімбаев Шымкентте «Рухани жаңғыру» бағдарламасы аясында және бизнестің әлеуметтік жауапкершілігі шеңберінде іске қосылған №37 «Айгерім» балабақшасының тыныс-тіршілігіне де қанықты.

Филиал төрағасы сайланды

Мәулен Сағатханұлы «Нұр Отан» партиясының Шымкент қалалық филиалының ұйымдастыруымен өткен XXXIV конференцияға қатысты. Күн тәртібіндегі бірінші мәселе бойынша Мәулен Сағатханұлы сөз алып, филиал төрағалығына қала әкімі Ғ.Әбдірахымовтың кандидатурасын ұсынды. Бұл ұсынысты конференция делегаттары бір ауыздан қолдады. Осылайша Ғабидолла Әбдіраxымов "Нұр Отан" партиясының қалалық филиалының төрағасы болып сайланды.
Бұдан кейін Мәулен Әшімбаев Елбасының Бес әлеуметтік бастамасын іске асыруды бақылау туралы баяндама жасады.
– Шымкент қаласы – ұлтымыздың ұйытқысы, Орта Азиядағы ірі қалалардың біріне айналар мүмкіндігі бар. Осы орайда Елбасының саясатын жүргізуде «Нұр Отан» партиясының аймақтардағы филиалдарына зор жауапкершілік жүктеледі. Мемлекет басшысының Бес әлеуметтік бастамасы және басқа да тапсырмаларын жүзеге асыруға баршамыз жұмылуымыз керек. Партия филиалының төрағасы Ғабидолла Рахматоллаұлы нәтижелі жұмыс атқарады деп сенеміз. Партияны жаңа белеске шығаруда бірлесе жұмыс істейміз, жұмысыңызға сәттілік тілеймін. Ал Өмірзақ Пердебекұлы 12 жыл бойы партия филиалының төрағасы қызметін атқарды. Сіздің қызметіңізге алғысымды білдіремін, – деді Мәулен Сағатханұлы.
Сондай-ақ, Конференцияда «Нұр Отан» партиясының Шымкент қалалық филиалының тексеру-бақылау комиссиясының жаңа құрамын бекіту, Мемлекет басшысының Бес әлеуметтік бастамасының Шымкент қаласында іске асырылуы бойынша жол карталарының жасақталуын үйлестіру және қаулының орындалуына бақылау жүргізуді «Нұр Отан» партиясының Шымкент қалалық филиалының Саяси кеңесіне жүктеу туралы қаулы қабылданды. Сондай-ақ, конференция делегаттары «Нұр Отан» партиясының Шымкент қалалық филиалы Саяси кеңесінің жаңа құрамын сайлады.

23 мыңнан астам оқушы ақпараттық технология бойынша білім алады

«Нұр Отан» партиясы Төрағасының Бірінші орынбасары Мәулен Әшімбаев шаһарда «Цифрлы Қазақстан» бағдарламасы аясында жүзеге асып жатқан жобалармен танысты.
Партия Төрағасының Бірінші орынбасары алдымен партияның бастамасымен ашылған IT-орталықтарда болды. Оңтүстік Қазақстан мемлекеттік педагогикалық университетінен ашылған 80 балаға арналған «IT-сыныптарды аралап, бағдарламалау тілін үйреніп жүрген балғындармен тілдесті. Партия өкілдері бұдан кейін М.Әуезов атындағы Оңтүстік Қазақстан мемлекеттік университетінде орналасқан орталыққа да ат басын бұрды. Партиялық жоба бойынша бұл орталықта өңірдегі информатика пәнінің мұғалімдері бағдарламалау, робот техникалары және 3D модельдеу негіздерін үйренуде. Жылына 40 маман оқытып, біліктілігін арттыру көзделген. IT-орталықтарының үш мақсатына тоқталған «Нұр Отан» партиясы Төрағасының Бірінші орынбасары Мәулен Әшімбаев шырайлы қаладағы жасалып жатқан жұмыстарға оң бағасын берді.
– IT саласының мамандары – ХХІ ғасырдағы қоғамға нағыз керек кадрлар. Алдағы жылдары бұл мамандарға сұраныс арта түспек. Шымкенттегі «Цифрлық Қазақстан» бағдарламасы аясында партияның бастамасымен осы жоғары оқу орталықтарында ашылған ақпараттық технологиялар орталығында болдық. Мұндағы жұмыстар дұрыс ұйымдастырылғанын көріп отырмыз. Балалардың да ынтасы жоғары, – деді Мәулен Сағатханұлы.
Айта кетейік, «Нұр Отан» партиясының бастамасымен қолға алынған, балаларды ақпараттық технологияларға баулитын «IT-сыныпта 2020 жылға дейін 23 500-ге жуық бала жаңа технологияның қыр-сырын меңгерсе, IT-орталықтарда 120 информатика пәнінің мұғалімі білімін жетілдірмек. Орталық жұмыстарына жоғары баға берген Мәулен Әшімбаев ақпараттық саланың мамандарына сәттілік тіледі.

Тағабай ҚАСЫМ,
Азамат ЖАППАР

Елбасы «Болашаққа бағдар: рухани жаңғыру» атты бағдарламалық мақаласы арқылы ел тұрғындарын рухани жаңғыруға үндеп, көп жылдан бері көкейде жүрген мақсат-мұратымызды айқындап берді. 70 жыл бойы, одан қала берді тәуелсіздіктің елең алаңында жоғалтыңқырап алған ұлттық құндылықтарымызды қайта оралтуға деген мұндай қадам – талайымыздың санамызға сәуле түсірген дүние болды.

 

Қазақ Елі өз дамуының жаңа кезеңіне өткені – тарихи ақиқат. Елбасы Нұрсұлтан Әбішұлы Назарбаев жыл басындағы халық­қа Жолдауында ел тарихының жа­ңа дәуірі басталғанын айта келіп, Қазақстанның үшінші жаңғыруын жариялаған болатын. 

«Болашаққа бағдар: рухани жаңғыру» – Қазақстан жұртшы­лығына ұсынып отырған Қазақстан Президентінің жаңа дәуір кеңісті­гіндегі ел тағдырын анықтап, мем­лекетіміздің дамуын тануға, бағытбағдарын белгілеуге жаңа кеңістік ашар үшінші жаңғыру дәуірінің іргелі тарихи құжаты екеніне көзіміз жете түсті.

Еліміз жаңа тарихи кезеңге аяқ басты. Ел басының  халыққа Жолдауында Қазақстанның үшінші жаңғыруы басталғанын жариялады. Осылайша, біз қайта түлеудің айрықша маңыз­ды екі процессі - саяси реформа мен эко­номи­калық жаңғыруды қолға алдық. Біздің мақсатымыз айқын, бағытымыз белгілі. Аталған екі жаңғыру процесінің де нақты мақ­сат-міндеттері, басымдықтары мен оған жет­кізетін жолдары бар. Мен көздеген жұмыс­тары­мыздың бәрі дер уақытында және барынша тиімді жүзеге асарына сенімдімін. Бірақ, ойлағанымыз орындалу үшін мұның өзі жеткіліксіз. Мақсатқа жету үшін біздің санамыз ісімізден озып жүруі, яғни одан бұрын жаңғырып оты­руы тиіс. Бұл саяси және экономикалық жаң­ғыру­ларды толықтырып қана қоймай, олардың өзегіне айналады. Рухани жаңғыру тек бүгін басталатын жұмыс емес.

Елбасының «Болашаққа бағдар: рухани жаңғыру» мақаласы Жолдауда айтылған бағыттарды кеңінен тарқатып, мемлекеттік идеологияны анықтайтын, көпке түсінікті, рухани жаңғыртуға бағытталған құжат деп білеміз.

         21 ғасырдағы ұлттық сана туралы күллі жер жүзі біздің көз алдымызда өзгеруде. Әлемде бағыты әлі бұлыңғыр, жаңа тарихи кезең басталды. Күн санап өзгеріп жатқан дүбірлі дүниеде сана-сезіміміз бен дүниетанымымызға әбден сіңіп қалған таптаурын қағидалардан арыл­масақ, көш басындағы елдермен тереземізді теңеп, иық түйістіру мүмкін емес. Өзгеру үшін өзімізді мықтап қолға алып, заман ағымына икемделу арқылы жаңа дәуірдің жағымды жақтарын бойға сіңіруіміз керек.                                         

       Таяу жылдарғы міндеттер қоғамдық сана жаңғырудың негізгі қағи­да­ларын қалыптастыруды ғана емес, сонымен бірге, біздің заман сынағына лайықты төтеп беруімізге қажетті нақты жобаларды жүзеге асыруымызды да талап етеді.

 

         Жаңа жағдайда жаңғыруға деген ішкі ұмтылыс - біздің дамуымыздың ең басты қағидасы. Өмір сүру үшін өзгере білу керек. Оған көнбегендер тарих­тың шаңына көміліп қала береді.

 

       «Жалғандық жарға жығады» дейді қазақ даналығы. Біз – бабалар батасы дарыған, ата аманатын аялаған елміз. Сондықтан Елбасы Тәуелсіздік жылдары қоғамды бос демагогия дертінен арылтуға күш салды. Оның орнына елді өркендетер түбегейлі жаңаруларға жұмылдырды. Білім биігіне, ғибадатты ғылымға, өнімді еңбекке бағдарлады. Бұл – қалыпты өмірді қауіпті өмірге айналдырмаудың және нақты жаңғырудың қамы. Біз ұлтымыз бойындағы тек жақсы қасиеттерді даналы сөйлеп, озық білім мен үздік жаңалықтарды дарытсақ, жымиып күліп, жылмаң сөйлеп, жыландай жылжыған жат идеологияларға лайықты тойтарыс берсек, жерұйықтай мемлекетке айналамыз.

 

Ж.Пазылов

Шымкент қаласы Әл-Фараби аудандық

Әділет басқармасының инспектор-

 тіркеушісі, «Қазақстан заңгерлер

одағы» ОҚО филиалының мүшесі

 

Ел болып, етек жеңін жинап, болашақтың сара жолына түсіп бой түзеп, Елбасының еңселі көрегендікпен жоспарланған елулі саясатының, жалынды Жолдауларына негіз болған мақсат мүдделеріне сай, Қазақстан көркейіп өсіп, экономикалық , әлеуметтік хал аһуалы адымдап алға шықандығы баршаға мәлім.

 

Ел экономикасының дамуындағы елулі көрсеткіштерді саралап, баға беретін, одан әрі ілгерілеуге ықпал жасап екпіндететін әлемдік аренада беделді рейтингтердің бірегейі - «Doing Business» рейтингі.  Қазақстаннның осы  сарапталудан өтуінің  белді себептерінің бірі - қай саланың кем тұстарының дамытуда көрсетілетін қызмет түрінің сұрыпталуында, екіншіден, инвесторларды тарту мақсатында қолайлы жағдай туғызу себептерін анықтауда қолайлы, өйткені кез-келген инвестор қаржы құймас бұрын құқықтарының қаншалықты қорғалатындығын, елдегі бизнестің дамуына жасалған қолдау, жеңілдіктерді, талаптарды  анықтап  барып   іске  кірісері  белгілі.
Осы ретте Қазақстан Республикасының аталған рейтингке қатысуы  арқылы бизнестің дамуына  қолдау  жасау  мақсатында қоланыстағы  бірқатар  заңнамларға түбегейлі өзгерістер енгізілді.
Айталық, бизнесті тіркеу мәселесі бойынша келесі өзгерістер мен жеңілдіктер қарасытырылған:
Кәсіпорын  ашу  мақсатымен мемлекеттік  тіркеуден  өту   электронды үкімет порталы арқылы электронды нұсқада әділет органдары қызметкерлерінің қатысуынсыз 1 сағат ішінде жүргізіледі;
Тіркеу барысында жарғы және тұрған орнын растайтын құжат ұсынылмайды;
Куәлік порталда кез-келген уақытта, кез-келген данада басып шығаруға болатын анықтамамен алмастырылған;
Кіші және орта кәсіпкерлік субъектілерін алғашқы тіркеу мен таратуды тіркеу алымсыз жүргізіледі;
Бизнестің мөрі міндетті түрде болу керек деген заң талабы жойылды;
Бизнестің бастапқы жарғылық капиталы нөлмен теңестірілді;
Орта кәсіпкерлік субъектісі құрылтайшыларының арасындағы құрылтай шарт нотариалды куәландыру туралы заң талабы жойылды.
Демек, Әділет министрлігі тарапынан  бизнесті тіркеуде және қызметін кедергісіз бастауда  көрсетіліп  жатқан  жеңілдіктер  мен  қолдауда,  азаматтар мен мемлекеттік қызметкерлердің уақыты мен қаражатын үнемдеп, сыбайлас жемқорлықтың алдын алу, сондай ақ, шағын кәсіпкерлік субъектілеріне бизнесте жол ашу  арқылы  еліміздің экономикасын қарқындату көзделген. Келешекте де, қолданыстағы  заңнамаларға бизнесті қолдау және одан әрі дамытуға бағытталған өзгерістер  мен  толықтырулар енгізу  мәселелері  талқыланып  қарастырылуда.

Шымкент қаласы Еңбекші аудандық

әділет басқармасының бөлім басшысы
«Қазақстан заңгерлерінің одағы»
РҚБ-нің мүшесі  П.Ермаханқызы

Сыбайлас жемқорлық  - заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де орасан зор нұқсан келтіріп отыр.

 

 

«Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер әр салада жүзеге асырылуда. Әсіресе, халық парақорлық дертімен жиі бетпе-бет келеді. Сондықтан, кез келген ортада пара беру мен пара алудың жолын кесуде қоғам болып белсенділік танытуымыз қажет.
Парақорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады. Қазақстан Республикасының «Сыбайлас жемқорлыққа қарсы күрес туралы» Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс. Мемлекеттік органдардардың ұжымдардың, жергілікті өзін-өзі  басқару органдарының басшылары өз өкілеттігі шегінде кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті.
Мемлекеттік қызметшілердің сыбайлас жемқорлық  қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен қызметшілердің білім деңгейінің, әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың  дендеуіне септігін тигізуде. Сондай-ақ, кейбір мемлекеттік орган басшыларының сыбайлас жемқорлыққа қарсы заң талаптарын атқаруда ынта танытпай, жұмыс жүргізбеуі де жемқорлықтың тамырын тереңдете түседі.
Сыбайлас жемқорлық әрекеттері бойынша тиісті шара қолданудың негізі – ол азаматтардың арыз-шағымы. Мемлекетіміздің әрбір азаматы Қазақстан Республикасының Конституциясын және заңдарын сақтауға, басқа адамдардың құқықтарын, бостандықтарын, абыройы мен қадір-қасиетін құрметтеуге міндетті.
Елбасы жолдауында: «Заңды бұзған екенсің,оның баптарына сәйкес жауапқа тартыласың» дейтін нақты ереже бар. Олай болмаған күнде біз кеңестік кездегі «заң қалай бұрсаң, солай бұралатын тәртенің» керін қайталайтын оламыз», - деп атап көрсеткен. Ендеше, жемқорлықты жоюды мақсат еткен сот жүйесі де жолдауда беілген тапсырмалардың шындыққа айналып, заңнамалардың талапқа сай орындалуына мүдделілік танытуды міндеті санайды.
Сыбайлас жемқорлық әлеуметтік – экономикалық даму, нарықтық экономиканы құру инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс. Елбасы биылда «Қазақстан халқының әл-ауқатын арттыру – мемлекеттік саясаттың басты мақсаты» атты өзінің Қазақстан халқына Жолдауында «демократиялық қоғам жағдайында қылмыс пен сыбайлас жемқорлыққа қарсы күрес ерекше мәнге ие болады» деп атап көрсетті. Яғни бұл мемлекеттің осы жағымсыз құбылысты жою бағытындағы кешенді және жүйелі күрес жүргізу саясаты жанданып, әрі қарай жалғасын табады деген сөз.
Сонымен қатар сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттыру керектігінің маңызы зор. Халық өздерінің құқықтарын, өздеріне қарсы қандай да бір құқыққа қайшы іс-әрекет жасалған жағдайда қандай іс-қимыл қолдану керектігінің нақты жолдарын толық білулері қажет. Конституциялық тәртіпті қорғау, сыбайлас жемқорлықпен күрес аясында тиімді, бірыңғай жалпы мемлекеттік саясат жүргізу, мемлекет пен азаматтардың өмір сүруінің барлық салаларында сыбайлас жемқорлық пен оның көріністері деңгейін төмендету, қоғамның мемлекетке және оның институттарына сенімін нығайту бүгінгі күндегі басты мақсат болып табылады.
Кез-келген өркениетті қоғам үшін сыбайлас жемқорлықпен күрес ең өзекті мәселелердің бірі болып табылады. Сыбайлас жемқорлық мемлекетті ішінен жоюдың бастамасы мен жетістіктерді жоққа шығаратын, ұлттық қауіпсіздікке қауіп-қатер әкелетіндігі күмәнсіз. Сондықтан да Қазақстан Республикасының мемлекеттік саясатының негізгі басымдылықтарының бірі болып осы зұлымдықпен күресу болып табылады.
Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруға болады.
Ел болып еңсемізді көтергенімізге, тәуелсіздігімізді алып, шаршы әлемге танылғанымызға жиырма жылдай  уақыт өтті. Өткенімізге көз салсақ, Елбасымыз Нұрсұлтан Әбішұлы Назарбаевтың көреген саясатының арқасында мемлекетіміздің тамыры тереңге тартып, нығая түсуіне бағытталған құқықтық заңнамалар мен іс-шаралар қабылданып, ел экономикасы мен әлеуметтік жағдайы түзеліп, әлем мемлекеттерінің ортасынан өз орынын айқындады. Бүкіл әлемге өзінің біртұтастығымен, ажырамас бірлігімен танылды. Қоғам дамуының жаңа жолын таңдап, уақыттан туындаған әртүрлі кеселдерден айығуды міндет етіп қойды. Ол жол - Президенетіміз Нұрсұлтан Әбішұлының бастауымен алға қойылған сыбайлас жемқорлықпен күрес жолы.
Сондықтан сыбайлас жемқорлықпен күресу барлық Қазақстан Республикасы азаматтарының азаматтық борышы деп білу керек.

 

Шымкент қаласы Еңбекші аудандық
әділет басқармасының жетекші маманы
Темірхан Бекмурзаев
«Қазақстан Заңгерлер Одағы»
РҚБ-ң ОҚО филиалының мүшесі.

 

«Әкімшілік құқық бұзушылық туралы кодексіне өзгерістер мен толықтырулар енгізу туралы» Қазақстан Республикасының 2017 жылғы 28 желтоқсандағы № 127-VI Заңымен Қазақстан Республикасы кодексіне бірқатар өзгертулер мен толықтырулар енгізілді. (бұдан әрі - Кодекс) «Жылжымайтын мүлікке құқықтарды мемлекеттік тіркеуге құжаттарды беру мерзімін бұзу» 460-бабына өзгертулер енгізілді. Соның ішінде өзіміздің әділет органдарына қатысты біршама өзгертулер мен толықтырулар орын алды.

 

Атап айтсақ, «Жылжымайтын мүлікке құқықтарды мемлекеттік тіркеу туралы» Қазақстан Республикасы Заңының 9-бабына сәйкес осы баптың 4 және 5-тармақтарында көзделген жағдайларды қоспағанда, тұлға құқық (құқық ауыртпалығы) туындауы үшін негіз болып табылатын заңдық факт басталған, оның ішінде шартты нотариат куәландырған, сот шешімі күшіне енген, өзге де құқық белгілейтін құжаттар берілген кезден бастап алты айдан кешіктірмей мемлекеттік тіркеу туралы өтінішпен жүгінуге міндетті. Жеке және (немесе) заңды тұлғалардың осы баптың 1-тармағында белгіленген мерзімді бұзуы Қазақстан Республикасының заңында көзделген жауаптылыққа әкеп соғады. Осыған дейін Кодекс бабының нормасы айыппұл түріндегі әкімшілік жауапкершілікті қарастырса, қазір аталған заңмен бастапқы бұзушылық кезінде «ескерту» түріндегі жаза қарастырылған. Жаңа редакцияда Кодекстің 460-бабы былай көрсетілген: Жеке және (немесе) заңды тұлғалардың жылжымайтын мүлікке құқықтарды мемлекеттік тіркеуге құжаттарды берудің "Жылжымайтын мүлікке құқықтарды мемлекеттік тіркеу туралы" Қазақстан Республикасының Заңында белгіленген мерзімін бұзуы – ескерту жасауға әкеп соғады. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған дәл сол әрекет –жеке тұлғаларға – он, заңды тұлғаларға жиырма айлық есептік көрсеткіш мөлшерінде айыппұл салуға әкеп соғады. Келтірілген статистикадан байқалғандай, айтарлықтай болмаса да өткен жылы қозғалған істер мен айыппұл түрінде ақша салумен әкімшілік жауапкершілікке тартылған тұлғалардың өскені көрінеді. «Ескерту» түріндегі Кодекске өзгерістерді қабылдау дүниежүзілік экономикалық форумның жаһандық бәсекеге қабілеттілік индексінің «Меншік құқығы» рейтингісінде Қазақстанның позициясын көтеру үшін Әділет министрлігінің шараларының бірі болып табылады.

 

 Шымкент қаласы Еңбекші аудандық 
әділет басқармасының бас маманы 
Маматаева Майра Ауесбековна
«Қазақстан Заңгерлер Одағы»
 РҚБ-ң ОҚО филиалының мүшесі.

 

Шымкенттегі аудан әкімдері халықпен күн сайын кездеседі. Қала активінің отырысында шаһар әкімі Ғабидолла Әбдірахымов осындай тапсырма берді.

Жаңа кесте

Осылайша бұған дейін азаматтарды аптасына бір рет қабылдап келген аудан әкімдері ендігі жерде жаңа кесте бойынша жұмыс істейтін болады.
- Бұрын азаматтарды аптасына бір рет, белгіленген кесте бойынша қабылдап келген болсаңыздар, ендігі жерде күн сайын таңертеңгі сағат 9:00-10:00 аралығында жергілікті тұрғындармен кездесу ұйымдастыратын боласыздар. Яғни, тұрғындар өздерін толғандырған өзекті мәселелер бойынша аудан әкімінен тікелей жауап ала алады. Қарапайым халықпен көбірек жұмыс жасаңыздар. Егер тұрғындардың сенімін ақтасаңыздар, дұрыс жұмыс жасағандарыңыз. Халықтың сенімін ақтау - жұмыстың басты көрсеткіші, - деп атап өтті Ғабидолла
Әбдірахымов.Қала əкімі, сондай-ақ, аудан басшыларына өздеріне сеніп тапсырылған аумақтағы халықтың өмір сүру сапасына жеке жауапты екендерін де ескертіп өтті. Айта кетейік, бұған дейін қаладағы 3 ауданға жаңа әкімдер тағайындалған болатын.

А.СӘДУӘЛІ

Тіркеу кезінде заңды тұлғаның құрылуының, филиал мен өкілдікті ашудың мақсатқа сай екендігі туралы мәселе назарға алынбайды, оның өндірістік-шаруашылық қызметін бақылауға алу және оған араласу мақсат етіп қойылмайды.

Заңды тұлғаларды мемлекеттік тіркеу және филиалдар мен өкілдіктерді есептік тіркеу:заңды тұлғаны құру, қайта тіркеу, құрылтай құжаттарына енгізілген өзгерістер мен толықтырулардың тіркеу, қайта ұйымдастыру және қызметін тоқтату, сондай-ақ филиалдар мен өкiлдiктердi құру, есептік қайта тіркеу, құжаттарына енгізілген өзгерістер мен толықтыруларды тіркеу және қызметiн тоқтату фактiсiн куәландыру;

Қазақстан Республикасының аумағында құрылған, қайта тіркелген, қайта ұйымдастырылған және өз қызметiн тоқтатқан заңды тұлғаларды, сондай-ақ құрылған, есептік қайта тіркеуден өткен және есептік тіркеуден шығарылған филиалдар мен өкiлдiктердi есепке алу; заңды тұлғалар, олардың филиалдары мен өкiлдiктерi туралы жалпыға қолжетімді ақпаратты (қызметтiк немесе коммерциялық құпияны құрайтын ақпаратты қоспағанда) Қазақстан Республикасының заңнамасында белгіленген тәртіппен өткізу мақсатында жүзеге асырылады. Өздерiнiң құрылу мақсатында, өз қызметiнiң түрi мен сипатына, қатысушылар (мүшелер) құрамына қарамастан, Қазақстан Республикасының аумағында құрылатын барлық заңды тұлғалар мемлекеттiк тiркеуге жатады.  Заңды тұлғалардың Қазақстан Республикасының аумағында орналасқан филиалдары мен өкiлдiктерi, оларға заңды тұлға құқығы берiлмей-ақ есептiк тiркеуге жатады.
Заңды тұлғаларды мемлекеттік тіркеуді және филиалдар мен өкілдіктерді есептік тіркеуді әділет органдары (тіркеуші орган) жүзеге асырады. 
Банктерді, республикалық және өңірлік мәртебесі бар қоғамдық және діни бірлестіктерді, сонымен қатар, саяси партияларды, шетел және халықаралық коммерциялық емес үкіметтік емес бірлестіктерді мемлекеттік (есептік) тіркеу, қайта тіркеу және таратуды тіркеуді Қазақстан Республикасының Әділет министрлігі (бұдан әрі - Министрлік) жүзеге асырады

 Қуандық Нұрсана Ермекбайқызы

ОҚО Әділет департаментінің

Заңды тұлғаларды тіркеу жұмысын
Ұйымдастыру бөлімінің инспектор
Іс-жүргізушісі, ҚР Заңгерлер одағы
ОҚО филиалының мүшесі

 

Қазақстанда Президент Нұрсұлтан Назарбаев тапсырған, бес институционалдық реформаларды іске асыру үшін 100 нақты қадамды анықтап берген, жалпыұлттық  жоспарды  жүзеге асыру барысы толықтай жүргізіліп келеді.

Жалпыға Ортақ Еңбек Қоғамы идеясының көтерілуі басым бағыттардың бірі болып табылады. Жоба «Қазақстан-2050» стратегиясын іске асыруға және мемлекеттік саясатты индустрияландыру қажеттіліктеріне жауап беретін, жұмысшы және кәсіптік-техникалық мамандықтар қоғамындағы әйгілілікті және беделдерін арттыруға бағытталды.

Жалпыға Ортақ Еңбек Қоғамы идеясының негізінде нақты өндірістік еңбек жатыр. Жобаны жүзеге асыру барысында тәуелсіздік жылдарында мемлекет саясатының себебімен еңбек, кәсіпкердің, ғылыми-оқу және басқа да кәсіптік қызметтердегі ең жоғары нәтижелерге жеткен, қазақстандықтардың (бүгінгі күннің қаһармандары) жетістіктерінің жеке дара тарихы кеңінен түсіндіріледі.

ҚР Президенті Нұрсұлтан Назарбаев өзінің 2012 жылғы 10 шілдедегі «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» атты тұжырымдамалық бағдарламасының мақаласында  Жалпыға Ортақ Еңбек Қоғамы идеясын жариялады және оны республиканың әлеуметтік жаңғыртылу саясатының негізі деп атады. Елдің әлеуметтік жаңғыртылуының мәні біреудің асырауында болушылықтан белсенді өмірлік орнына жетуге - азаматтардың санасын түбегейлі өзгерту тұспалданады.

Мемлекет басшысы мақалада ХХ ғасырдың 60-шы жылдары кеңінен насихатталған, тұтынушылар қоғамының тұжырымдамасының  бұлдыры бар екені туралы айтты.

«Бүкіл әлем бұл тұтуыну идеологиясы құртатын болып табылатынына, барлық әлем ерекше шиеленіске көздерін жеткізді. Ол әлемнің дамыған елдерінде бұқаралық әлеуметтік біреудің асырауында болуды тудырды және дағдарыстың ең басты себебінің бірі болып табылады. Бұндай жалған идея тек қана бүкіл әлемде емес сонымен қатар дамыған елдерде де іске асырыла алмайтын, құрылымдық баламаны тауып алуға болады. Бұндай балама Жалпыға Ортақ Еңбек Қоғамының идеясы болып табылады», - деді Назарбаев.

Оның пікірінше, шетелдік тәжірибе осы үдеріс азаматтардың күшеюін қолдайтынын, олардың шығармашылықты шамаларын ашатынын көрсетеді. Назарбаев – «Сондықтан адамдардың өз құқықтары мен еркіндіктерін белсенді қорғауға деген ұмтылысын көбейтеді, қоғамды өздігінен ұйымдастыру деңгейін арттырады», - деп өзінің мақаласында жазды.

Ол сондай-ақ қоғамда мемлекеттің шексіз емес екенін, ол азаматтардың жағдайының жақсаруына ықпал ететін серіктес деп түсіну керек екенін айтты.

Сондықтан да Президенттің Жалпыға Ортақ Еңбек Қоғамының идеясын құру туралы  идеясы өзінің мазмұны мен мағыналық жағынан ұлттық трендті көрсетеді. Бұл әр қазақстан халқы үшін де, мемлекеттік және қоғамдық құрылымдар үшін де әрекетке өзгеше жетекшілік ету.

Осы стратегиялық құжат тағы да мемлекет басшысының біздің елді дамыту бағытын дұрыс алып келе жатқанын көрсетеді. Бұл құжат маңызды және өзекті салаларды – еңбекті, білімді, жастардың әлеуметтік бағыттарын, денсаулықты, үй мәселелерін қозғайды. Сондықтан елімізде жаңа мектептер,  ауруханалар, мәдени орталықтар салынып жатыр, бұған мемлекеттік кешенді бағдарламалар бағытталды. Әлемдік экономикадағы белгісіздікке қарамастан, оның ішінде сыртқы нарық, Қазақстан оң өзгеріске қол жеткізді.

Қозиев Саят Жасұзақұлы 
Шымкент қаласы Еңбекші аудандық 
әділет басқармасының бас маманы 
және 
«Қазақстан заңгерлерінің одағы»
РҚБ-нің мүшесі 

Страница 9 из 259