1 1

Шымкенттегі химия-биология бағытындағы Назарбаев Зияткерлік мектебінде 2019-2020 оқу жылына білім гранттарына құжат қабылдау басталды. «Өркен» ҚР Тұңғыш Президенті атындағы білім грантына 6 сынып оқушылары қатыса алады.

Мектеп директоры
Балқан Қасымовтың айтуынша, нақты білім грантының саны республикалық комиссия отырысында белгілі болады.
– Ол мектептің сыйымдылығы мен бюджетке байланысты бөлінеді. 19 қаңтарға дейін құжаттар қабылданады. Ал білім деңгейін анықтайтын конкурс наурыз айына жоспарланып отыр. Былтыр 120 оқушы қабылданды. Қазақ бөлімін – 80, ал 40 оқушы орыс бөлімін таңдады. Тұрмысы төмен отбасыдан шыққан балалар мен алыс аудандардан келген оқушыларды жатақханамен қамтамасыз етіледі. Жыл санап оқуға түсуге ниетті оқушылардың саны өсіп келеді. Өткен жолы 1 грантқа 10 баладан келді. Бұл жолы олардың саны арта түспек, - деді мектеп директоры.
Назарбаев Зияткерлік мектебіне түсуге іріктеу конкурсына қатысу үшін үміткер мектептегі қабылдау комиссиясына келесі құжаттарды тапсырады:
1) Байқауға қатысу үшін өтініш беру;
2) Сауалнама толтыру;
3) Үміткердің туу туралы куәлігінің көшірмесі, үміткердің ЖСН, бар болған жағдайда жеке бас құжатының көшірмесі, заңды өкілінің ЖСН көрсетілген жеке куәлігінің көшірмесі;
4) 086/У медициналық анықтамасы;
5) Үміткердің тұрғылықты орнынан анықтама (жатақхана бөлу, статисткалық мәліметтер үшін);
6) Үміткердің соңғы оқу жылындағы үлгерімі мен тәртібінің, егер үміткер оқу жылын аяқтамаған жағдайда оқуын жалғастыратын болса, оқу жылының I жарты жылдығындағы үлгерімі мен тәртібінің табелінің көшірмесі. Талап етілген құжаттар оқитын мектеп басшысының қолымен расталып, тиісті білім ұйымының мөрімен бекітілуі керек (Ескерту: құжаттарды 6 сыныптың І жарты жылдығы аяқталғанға дейін тапсырсаңыз, 5 сыныптың табелі қабылданады, 6 сыныптың І жарты жылдығы аяқталған соң тапсырсаңыз, 6 сыныптың І жарты жылдық табелі қабылданады).

Жастар жылы басталды

Пятница, 04 Январь 2019 07:13

...Жастар мен отбасы институтын кешенді қолдау мемлекеттік саясаттың басымдығына айналуға тиіс. Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек.
Келесі жылды Жастар жылы деп жариялауды ұсынамын»...

Елбасы Н.Назарбаевтың
Қазақстан халқына Жолдауы. 2018 жылдың 5 қазаны

DSC 5874

 

Мемлекет басшысы Н.Назарбаевтың бастамасымен жарияланған Жастар жылы да басталды. Президент былтырғы қазан айындағы Жолдауында «Әрбір қазақстандық жүргізіліп жатқан реформалардың мәнін және олардың Отанымызды өркендету жолындағы маңызын жете түсінуге тиіс. Реформаларды табысты жүзеге асыру үшін қоғамымыздың ортақ мақсатқа жұмылуы аса маңызды» деп көрсеткен болатын.

Жастардың қоғамдағы белсенді күш екені белгілі. Жалпы, ел болашағын ақтайды деп сенім артылған жастардың белсенділігі бәсеңдеген емес. Ал 2019 жылдың ресми түрде Жастар жылы деп аталуы еліміздегі жастар саясатының жүзеге асырылуына тың серпін берері сөзсіз.

 

DSC 6011

 

Жыл үздіктері анықталды

2019 жылдың қарсаңында Шымкент жастары күнтізбелік жылды қорытындылап, бас қосты. Мегаполистің қоғамдық-саяси өміріне белсене араласып, түрлі салаларда жетістікке жеткен жастар қала әкімінің «Үздік жастар» премиясымен марапатталды.
Аталған байқауға 14-29 жас аралығындағы 170-ке жуық жас қатысуға өтініш білдірген. Үміткерлердің арасынан жеңімпаздарды арнайы құрылған комиссия анықтап, ел Тәуелсіздігінің 27 жылдығына орай 27 жас өз салаларында үздік атанды.
Республикалық қала атанған мегаполис тарихында алғаш рет ұйымдастырылған байқаудың мақсаты – мәдениет, өнер,білім және әлеуметтік салада жұмыс жасайтын дарынды жастарға қолдау көрсету, жетістіктерін насихаттау.
Сонымен, ҚР Ішкі істер министрлігі ішкі әскер 6506 әскери бөлімінің рота командирі Алмас Құсайнов «Үздік әскери қызметкер» деп танылды. «ACCESS бітіруші» қоғамдық ұйымы жылдың үздігі атанса, үздік шығармашылық ұжым – «Sulu Models Шымкент» модельдік агенттігі. Он жылдық тарихы бар модельдік мектебі ит жылында бірнеше ауқымды жұмыстар атқарған. Бүлдіршіндерге арналған және қала, республика көлемінде сән апталығын ұйымдастырып, әлемнің бірнеше елінде Қазақстанның намысын қорғады. 2013 жылдан бастап дәстүрлі түрде «Шымкент аруы» байқауын ұйымдастырып келеді.
Ал «Үздік журналист» номинациясын редакциямыздың тілшісі Азамат Жаппаров иеленді.
Оңтүстік Қазақстан медицина академиясының студенті Тимур Аманбаев үздік дәрігер, ал үздік ЖОО студенті Закир Антаров деп танылды. М.Әуезов атындағы ОҚМУ студенті ҚР Тұңғыш Президенті-Елбасы қоры стипендиясының 2018 жылғы иегері.
«Үздік жастар жобасы» Вахиджан Хаитметов пен Данагүл Такирге бұйырды. Ваиджан «Этнографиялық аллея», «Фосфор сарайы», «Этно ауыл» жобаларының авторы, ал Данагүл Бақытжанқызы «Гигена және эпидемиология» мамандығының білімгерлері арасындағы «Денсаулықты нығайту және салауатты өмір салтын насихаттау» тақырыбында республикалық жобалар байқауының 1 орын иегері.
Республикалық пікір сайысшылар арасында өткен ішкі турнирдің «Үздік пікірсайысшы-2018» номинациясының жеңімпазы Рахат Арғынбай осы аталымда жылдың үздігі атанды. Үздік орта арнаулы оқы орнының студенті – Тимур Казьмин (политехникалық колледждің студенті). Ал республикалық «Шымқала ашық лига» ойындарының ІІ орын иегері, жоғарғы лига ойындары «Байдың балалары» командасының мүшесі, «Парасат» жайдарман тобының капитаны Әліби Тлеген «Үздік жайдарманшы» атанды. Біраз байқауда топ жарып жүрген қылқалам иегері Әлібек Тішкенбаев «Үздік суретші» номинациясын жеңіп алды.
Зағира Бұғыбаева – жалпы білім беру ұйымында, Бектас Төлебек – арнаулы оқу орнында, Айдана Досбаева жоғары оқу орнының үздік мұғалімі деп танылды. Үздік студенттік өзін-өзі басқару ұйымын Заңғар Жаңабай мен Бекдәулет Тасболатқа, ал үздік жастар комитеті Бәйдібек Атамқұлов, Айсұлу Мұсабаеваға бұйырды. «Үздік волонтер» – Ақарыс Елтай.
Ал «Progroup» компаниясының басшысы Асхат Нұрлыбай жылдың үздік кәсіпкері атанды. Бизнеске епті жастың еншісінде бүгінде 3 дүкені мен «Sanlin» балаларға арналған футбол академиясы бар. «Bal Tekstill» ЖШС қызметкері Рыскен Иманалиев үздік жас өндіріс маманы атанса, үздік мектеп оқушысы – Руслан Назаров.
«Үздік мемлекеттік қызметкер» аталымында Әсел Айхынбаева жеңіске жетті. «Үздік құқық қорғаушы» номинациясын қалалық полиция департаменті Еңбекші ауданды полициясының Тергеу бөлімінің ұйымдастырушылық-аналитикалық бөлімшесінің басшысы Бауыржан Сауғанбаев иеленді. Үздік спортшы – Нұрдәулет Айдархан. Халықаралық гуманитерлық-техникалық университетінің студенті Нұрдәулет Мұқтарбекұлы армрестлингтен әлем чемпионатының төрт дүркін, Азия чемпионатының бес дүркін, Қазақстанның алты дүркін чемпионы. «Үздік өрт сөндіруші» Нұрдаулет Ерғали жеңіп алса, айтыскер ақындар арасында үздігі Мейіржан Жарылқап деп танылды. Үздік жазба ақыны – Сүндет Сейтов. Ал «Шырайлым-Шұбайқызылым» республикалық байқауының ІІ орын иегері, дарынды жас қаламгер Абылайхан Есімбай үздік жазушы атанды. Үздік дизайнер – Саят Аязбеков. «Бейбіт өмір батыры» номинациясы Ермек Қалымбетовке бұйырды. №8 арнаулы әлеуметтік қызмет көрсету орталығының музыкалық жетекшісі 2018 жылы Қытайдың Тайбей қаласында өткен әлем чемпионатына қатысып, жүлделі бірінші орынды қанжығаға байлап қайтқан. Ермек Қазақстанның бірнеше дүркін чемпионы, жеңіл атлетикадан республикалық параолимпиада ойындарының жеңімпазы.
Жеңімпаздарға Шымкент қаласы әкімінің алғыс хаты мен бағалы сыйлықтарды қалалық отбасы, балалар және жастар ісі жөніндегі басқармасының басшысы Жандос Қалтаев табыстады.

Ойын алаңшалары көбеюде

Пятница, 04 Январь 2019 06:59

aula 3

Шымкент қаласындағы көпқабатты үйлердің аулалары жаңа кейіпке еніп, күн сайын абаттандырылған аулалар мен балалар ойын алаңшаларының саны артып келеді.

Нақты айтқанда 2018 жылы қала бойынша көпқабатты 50 үйдің ауласы абаттандырылып, балалар ойын алаңшасы мен спорттық жаттықтыру құралдары орнатылды. Бұл жұмыстар Елбасының өмір сүруге жайлы орта қалыптастыру, спорт пен дене шынықтырудың қолжетімділігін арттыру тапсырмасының негізінде жүзеге асырылуда.
Жаңа жылдық мереке қарсаңында мегаполистегі Әл-Фараби ауданы, Қарасу шағынауданының №1, 3 және 56 көпқабатты үйлер тұрғындары мен балаларына Жаңа жыл мерекесі қарсаңында жаппай спортпен шұғылдануға арналған жаттығу алаңшасы мен балалар ойын алаңы пайдалануға берілді.

Аулалардың ашылу салтанатына қатысқан қала әкімі Ғабидолла
Әбдірахымов тұрғындарды келе жатқан Жаңа жыл мерекесімен құттықтады. Аяз ата мен Қарша қыз және ертегі кейіпкерлері балғындардың көңілдерін көтерді.
Айта кетейік, бұл аулаларда түрлі жастағы балғындарға лайықты ойын элементтерімен қоса шағын футбол алаңшасы да ашылып отыр.
Жалпы 2018 жылы Әл-Фараби ауданында 22 аула абаттандырылды. Енді 2019 жылы 171 ауланы абаттандыру жоспарлануда. Тұрғындар Мемлекет басшысына және қала әкіміне жүргізілген жұмыстар үшін алғыс білдірді. Іс-шара барысында қала әкімі балаларға спорттық бұйымдар мен тәттілер сыйға тартты.


А.СӘДУӘЛІ

Мегаполиске – жаңа автобустар

Пятница, 04 Январь 2019 06:53

Автобустар 4

Жаңа жыл қарсаңында Шымкент қаласына жаңа автобустар жеткізіліп, қаланың қоғамдық қызмет көрсету саласы 39 қоғамдық көлікпен толықты. Жаңа автобустар қаланың шалғай аймақтарына әлеуметтік маңызды бағыттармен жүреді деп күтілуде.

Алдағы уақытта көлік компаниялары жолаушыларды тасымалдау бойынша конкурсқа қатысуды жоспарлауда. Айта кетейік, бүгінде Шымкентте күнделікті 1151 автобус тұрғындарға қызмет көрсетеді. Оның басым бөлігі 7 жылдан бері бағыттарда жүр. Қалалық жолаушылар көлігі және автомобиль жолдары басқармасы мамандарының айтуынша, 2018 жылы қалаға 41 жаңа автобустар әкелінген. Алдағы жылы басқа да көлік компаниялары жаңа автобустар алуды жоспарлауда. Осылайша шаһардағы қоғамдық көлік мәселесі рет-ретімен шешімін таппақ.
«Ютонг» маркалы бұл автобустар «Евро 5» санатына жатады. Сыйымдылығы жоғары, заманауи және қолайлы. Бұл компанияның автобустары бұған дейін де қала көшелерінде қатынауда. Осылайша «T-bus» пен «МАН - Оңтүстік» компаниясының өкілдері қаладағы жолаушы тасымалдау қызметінің сапасын жақсартуға үлес қоспақ.

Сыбайлас жемқорлыққа жол жоқ

Суббота, 29 Декабрь 2018 10:04

ҚР «Сыбайлас жемқорлыққа қарсы күрес туралы» Заңына сәйкес сыбайлас жемқорлықпен күресті барлық мемлекеттік органдар мен лауазымды тұлғалар жүргізуі тиіс. 

Мемлекеттік органдардың, ұжымдардың, жергілікті өзін-өзі басқару органдарының басшылары өз өкілеттігінің шегінде өздерінің кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті деп көрестілген.
Сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестициялар тарту процесін тежейді. Демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді. Қазақстанның мемлекеттік саясатының негізгі басымдықтарының бірі сыбайлас жемқорлықпен күрес болып табылады. Барлық елдерде оның трансұлттық сипаты танылып, оған қарсы экономикалық, құқықтық және басқада шаралар қолданылуда.
Салық төлеушілер мен мемлекеттік кірістер органдарының қызметкерлері сыбайлас жемқорлыққа қарсы біріге күрес жасап жоғарыда айтылып кеткен қағидаларды орындап, заң бұзушылықтардың алдын алуы тиіс.

Г.Мамаева,
Еңбекші ауданы бойынша мемлекеттік
кірістер басқармасының бас маманы

Сыбайлас жемқорлықпен күресу әр мемлекеттің ең өзекті мәселесіне айналған. «Іштен шыққан жау жаман» деген халық даналығындай, сыбайлас жемқорлық та мемлекетті ішінен жойып, заман ағынымен бірге өсіп-өркендеп, қандай да болсын бір тегеурінді қарсылықтарға төтеп беріп, мол қаражат қайда болса, сол жерден тереңге тамыр жайып, тұтас бір мемлекеттің жетістіктерін жоққа шығаратын, бүгінгі күнге дейін жойылмай келе жатқан індеттің бірі.

Әлемде сыбайлас жемқорлықпен күресуді күшейту жұмысы үздіксіз жүргізіліп, әрдайым жетілдірілу үстінде және сыбайлас жемқорлықпен күресу механизмінің барлық елдерге тиімді болатын бірегей жинағы жоқ. Дегенмен, әр мемлекет қолданатын сыбайлас жемқорлықпен күресу әдіс-тәсілдерінің жиынтығы өзгеше, ол елдің саяси және экономикалық тұрақтылығына ғана емес, сонымен қатар әдет-ғұрпы мен салт-дәстүрлеріне, діни ерекшелігі мен құқықтық мәдениет деңгейіне және аумағы бойынша алатын жеріне, халқының саны мен орналасу тығыздығына да байланысты.
Қазақстан Республикасы ТМД мемлекеттерінің ішінен алғашқылардың бірі болып 1998 жылдың 2 шілдесінде «Сыбайлас жемқорлыққа қарсы күрес» туралы заңын қабылдады. Бұл заң барлық мемлекеттік органдардың мақсаты және міндеттерімен қатар, олардың сыбайлас жемқорлыққа қарсы іс-қимыл шараларын айқындады. 2011 жылдың 31 наурызында № 308 Қазақстан Республикасы Үкіметі қаулысымен бекітілген Қазақстан Республикасындағы сыбайлас жемқорлыққа қарсы іс-қимыл жөніндегі 2011-2015 жылдарға арналған салалық бағдарламасын іске асыру бес жылдық мерзімге есептелген және іс-шараларды бір кезеңде жүзеге асыруды көздеді. Бағдарламаның мақсаты сыбайлас жемқорлыққа қарсы іс-қимылдың тиімділігін арттыру болып табылды. Сондай-ақ, халықаралық ынтымақтастықты кеңейту және сыбайлас жемқорлыққа қарсы іс-қимыл мәселелері бойынша ұлттық заңнаманы жетілдіру. Сыбайлас жемқорлыққа қарсы іс-қимыл,сыбайлас жемқорлық қауіптерін азайту жөніндегі мемлекеттік органдар қызметінің тиімділігін арттыру көзделді. Сыбайлас жемқорлыққа қарсы көзқарасты жоғарылату және көлеңкелі экономика деңгейін төмендету назарда болды.
Осыған байланысты, Елбасы Н.Ә.Назарбаевтың 2014 жылдың 26 желтоқсанындағы №986 жарлығымен Қазақстан Республикасының 2015-2025 жылдарға арналған Сыбайлас жемқорлыққа қарсы стратегиясы жария етілді. Елбасы «Мемлекет пен қоғам біртұтас майдан құрып жемқорлыққа қарсы шығуы тиіс. Жемқорлық - жай құқық бұзушылық емес. Ол мемлекеттің тиімділігіне деген сенімді сетінетеді және ұлттық қауіпсіздікке төнген тікелей қатер болып табылады» деген болатын. Осы қатердің алдын алу аясында біздің мемлекетіміз де сыбайлас жемқорлыққа қарсы күрес мемлекеттік саясаттың негізгі бағыттарының бірі ретінде айқындалған. Осыған байланысты елімізде көптеген іс-шаралар өткізілуде, оның ішінде Шымкент қаласы Әл-Фараби ауданы әкімінің аппараты да өз үлесін қосуда.
Сонымен қатар Қазақстан Республикасы Президентінің 2015 жылғы 14 сәуірдегі «Сыбайлас жемқорлыққа қарсы күресті күшейту, мемлекеттік органдар мен лауазымды адамдар қызметіндегі тәртіп пен реттілікті нығайту жөніндегі шаралар туралы» № 1550 Жарлығын іске асыру мақсатында Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңы қабылданды. Бұл заңның ерекшеліктерінің бірі – билік басындағы лауазым иелерінің қызмет бабын жеке басының мақсаттарына пайдалануына, заңсыз әрекеттеріне тосқауыл қою болып табылады. Лауазым иесінің қызметтік міндетіне жатпайтын әрекеттер, мысалы, жеке тұлғаның немесе заңды тұлғаның, үшінші бір адамның пайдасына бағытталған іс-әрекеттері қылмыстық белгі құрамауы мүмкін. Сондай жағдайда заңсыз әрекеті әшкере болған лауазым иесі аталған заң негізінде жауап береді. Мемлекеттің мүддесіне, халықтың мемлекетке деген сеніміне нұқсан келтіретін лауазым иесінің теріс әрекеті жазасыз қалмау керек.
Қазіргі таңда мемлекеттік қызметшілермен сыбайлас жемқорлық заңнамасы және мемлекеттік қызмет заңнамасының сақталуы бойынша жұмыстар жүргізілуде. Сонымен қатар «Мемлекеттік қызмет туралы» Заңына сәйкес сыбайлас жемқорлықпен құқық бұзушылықтарды жасаған тұлғалардың мемлекеттік қызметке түсуіне тиым салынғаны жөнінде нормалардың сақталуы қамтамасыз етіледі.
Шымкент қаласы Әл-Фараби ауданы әкімі аппаратында да құқық бұзушылықты болдырмау, қылмыстың алдын алу және сыбайлас жемқорлыққа қарсы күрес туралы жылдық іс-шара жоспары жасалып, жұмыстар атқарылып жатыр. Барлық бөлімдерде сыбайлас жемқорлыққа қарсы заңнаманы және мемлекеттік қызмет туралы заңнаманы сақтау бойынша іс-шаралар көзделген: кірістер және мүлік туралы декларацияларды жыл сайынғы тапсыруы, мемлекеттік қызметке түсу кезінде шектеулерді қабылдауы, әкімшілік мемлекеттік лауазымының бос орнына конкурстардың өткізілуі, азаматтарды жеке қабылдауы, жеке және заңды тұлғалардың өтініштерін уақытылы қарауы, құқықтық жалпы оқу бойынша сабақтар мен семинарлардың өткізілуі өз деңгейінде жүргізілуде. Шымкент қаласы Әл-Фараби ауданы әкімі аппаратының әкімшілік ғимаратының баршаға көрінетін жерлерінде Қазақстан Республикасы Президентінің Жолдауы жөніндегі, мемлекеттік қызметшілердің Ар намыс Кодексінің, жеке және заңды тұлғалардың өтініштерін қарау тәртібі туралы заңнамасы бойынша стендтер бар. Сонымен бірге мемлекеттік органдарымен көрсетілетін мемлекеттік қызметтер көрсету туралы ақпараттарымен стендтер де орналасқан.
Сыбайлас жемқорлықпен күрестің басты бағыттарының бірі - оның алдын алу. Осы мақсатта Шымкент қаласы Әл-Фараби ауданы әкімі аппаратының мемлекеттік қызметкерлері аудан аумағының тұрғындарының қатысуымен құқықтық сабақтар мен жиналыстар өткізіп отырады және әр тұрғынды мұқият тыңдап, мәселелерін тиімді жолмен шешуге ықпал жасап бағыт-бағдар беріп және ол тұрғынмен қарым-қатынаста мәдениеттілік таныту, әдептілік сақтау әр қызметкердің тікелей жауапкершілігі мен міндеті болып табылады.
Елбасымыз өз Жолдауында «Мемлекеттік органдар қызметінің тиімділігін түбегейлі арттыру», «Сыбайлас жемқорлықпен белсенді күрес жалғасатын болады» деп атап өткен. Ашықтық пен жариялылықтың сипатын қолға алып, «Цифрлық Қазақстан» бағдарламасы – халықтың әл-ауқатын арттыруға бағытталған жоба аясында Шымкент қаласы Әл-Фараби ауданы әкімі аппаратының әлеуметтік желілердегі ресми парақшалары (Facebook,Instagram) арқылы аудан аумағындағы кез келген тұрғын жүгініп, ауданға қарасты кем-кетістіктерді немесе жетістіктерді, мемлекеттік қызметкерлердің әдеп сақтамауы, тағы да басқа құқық бұзушылықтар орын алса, дер кезінде тиісті іс-шара қабылдап, әрекет етуге мүмкіндік беріп халықтың мемлекеттік органдарға сенімін нығайтуға оң әсерін тигізеді. Бұл да бір сыбайлас жемқорлықтың алдын алудың басты механизмі. Себебі, жемқорлықсыз қоғам – жарқын болашақ кепілі.

Ғ.Мәуленқұлов,
Шымкент қаласының
Әл-Фараби ауданы әкімі

Шымкенттің дәрежесі заңмен бекітілді. Сонымен қоса Түркістан облысының құрылуы мен оның әкімшілік орталығын Шымкент қаласынан Түркістан қаласына көшіру де заң жүзінде бекітілді.

ШЫМКЕНТ-1

ҚР Парламенті Сенатының пленарлық отырысында депутаттар «ҚР әкімшілік-аумақтық құрылымы мәселелері бойынша ҚР кейбір конституциялық заңдарына өзгерістер мен толықтырулар енгізу туралы» ҚР Конституциялық заңын қабылдады. Сонымен қатар «ҚР әкімшілік-аумақтық құрылымы мәселелері бойынша кейбір заңнамалық актілерге өзгерістер мен толықтырулар енгізу және көлеңкелі экономикаға қарсы тұру туралы» өзгерістер топтамасын қабылдады.
Депутаттардың пленарлық отырысында бұған қоса жекелеген заңдардың жекелеген нормаларын әкімшілік-аумақтық өзгерістерге сай етуге бағытталған тиісті заң қабылданды. Бұл құжат бойынша 11 кодекс пен 40 заңға өзгерістер мен толықтырулар енгізу қарастырылған. Нақты айтқанда Шымкент және Түркістан қалаларының салық мөлшерлемесін өзгерту бойынша Салық кодексіне өзгерістер енгізілмек. Бұл өзгерістерді бірден емес, ауыспалы кезең арқылы 2020 жылдың 1 қаңтарынан бастап енгізу ұсынылуда.

Шымкент-2

Заңды қабылдау халыққа мемлекеттік қызметтерді кедергісіз көрсетуді және үздіксіз әлеуметтік қамтамасыз етуге жағдай жасайды дейді заңды құрастырушылар. Соның нәтижесінде Шымкент қаласы мен Түркістан облысындағы мемлекеттік органдардың жұмысы жұмылған жүйеге келтірілмек.

Хабарландыру

Пятница, 28 Декабрь 2018 06:56

Шымкент қаласының Әділет департаменті Абай ауданының Әділет басқармасында қала тұрғындарының назарына, Қазақстан Президентінің 29.12.2015 жылғы № 153 Жарлығымен бекітілген Қазақстан Республикасы мемлекеттік қызметшілерінің Әдеп Кодексін бұзу, сондай-ақ әділет органдарының қызметкерлерінің сыбайлас жемқорлыққа және басқа да құқық бұзушылық фактілері жөнінде хабарлау қажеттігін жеткізеді.

         Шымкент қаласы Абай ауданының Әділет басқармасында 56-29-46 телефоны бойынша тікелей және басқармада бақылау кітабына жазылу арқылы мына мекен-жай бойынша: Шымкент қаласы, Ш.Қалдаяқов көшесі, №12 хабарласуға болады.

         Қазақстан Республикасы Әділет Министрлігінің «Аумақтық әділет органдарының сенім телефоны қызметін ұйымдастыру ережесін бекіту туралы» бұйрығына сәйкес, Әділет басқармасында белгіленген жауапты қызметкердің күн сайынғы кезекшілігімен сенім телефоны қызмет атқаруда.

                                                                                                                                                                    Шымкент қаласы

                                                                                       Абай ауданының әділет

                                                                                        басқармасы басшысының м.а.

                                                                                        «20» желтоқсан 2018 жылғы

                                                                                      № 17 бұйрығымен бекітілген

                                              

2019 жылғы 1-ші тоқсандағы Шымкент қаласы Абай ауданының әділет басқарма басшысының жеке тұлғаларды және заңды тұлғалардың өкілдерін жеке қабылдау

КЕСТЕСІ

А.Т.Ә

Атқаратын

қызметі

Азаматтарды қабылдау күні

Қабылдау

уақыты

Байланыс телефоны

1.

Искаков Бахытжан Арипжанович

Басқарма басшысының міндетін атқарушы

Сәрсенбі:

Бейсенбі:

10:00-12:00

15:00-17:00

56-67-70

 

Ескертпе:

  1. 1.Азаматтарға күнделікті кеңес беру Шымкент қаласы Абай аудандық Әділет басқармасы Ш.Қалдаяқов көшесі, №12 үй мекен жайында жүргізіледі.
  2. 2.Басқа қалалардан, елді мекендерден келген азаматтар күнделікті сағат 9-00-ден 18-00-ге дейін қабылданады.
Страница 9 из 283