Шымкент – қауіпсіз қала
Пятница, 03 Февраль 2017 04:48Ал жол ережесін сақтамағандарға жаза қатаң
Шымкентте «Қауіпсіз қала» акциясы аясында «Автобус» жедел алдын алу рейдтік шарасы өтті. Қаңтар айының 26-28 аралығын қамтыған үш күндік шара барысында құқық қорғау саласының мамандары қоғамдық және жолаушылар тасымалдау көліктерінің жүргізушілері тарапынан орын алған бірқатар жол қозғалысы ережесін бұзу деректерін тіркеуге алды.
ТОҚТА! ЖОЛ ТӘРТІБІН САҚТА!
Шымкент ҚІІБ жергілікті полиция қызметі басшысының орынбасары, полиция майоры Бақдәулет Әуелбековтің айтуынша, аталмыш рейдтік шара қала аумағындағы жолдарда апаттық жағдайларды төмендету, жол қозғалысы ережелерін бұзу жағдайларын болдырмау, жүргізушілер арасында көліктік тәртіпті сақтау мақсатында қолға алынып отыр. Оған полиция қызметімен қатар, көліктік бақылау инспекциясы, мемлекеттік органдар мен қоғамдық ұйым қызметкерлері де жұмылдырылған.
– Көп болып жұмыла жасалған жұмыстар нәтижесін беріп те келеді. Мәселен, бұған дейін қыркүйек айында өткен үш күндік шара барысында қоғамдық және жолаушылар тасымалдау көліктері жүргізушілері тарапынан орын алған жол қозғалысы ережесін бұзудың 864 дерегін анықталған. Оның ішінде тасымалдаушының жолаушылар алдындағы азаматтық-құқықтық жауапкершілігі жөніндегі міндетті сақтандыруының болмауы бойынша 14, заңсыз қайта жабдықтаудың 18, техникалық байқаудан өтпеудің 105, жаяу жүргіншілерге жол бермеудің 50 дерегі тіркелді, – дейді Бақдәулет Артықбекұлы.
ФОТОРАДАР ҚАЙДА ДЕМЕҢІЗ...
Шымкент – қазіргі таңда Қазақстанның өзге ірі қалаларымен салыстыра алғанда «Қауіпсіз қала» ретінде танылып отыр. Статистикалық мәліметтерге сүйенсек, 2016 жылы Шымкентте 20 892 қылмыстық құқықбұзушылық орын алса, бұл көрсеткіш Астана қаласында 39 727-ні құраған. Ал Алматы қаласында 66 913 қылмыстық іс тіркелген. Шымкенттегі қылмыстық құқық бұзушылықтың 60 пайызы ұрлық дерегіне тиесілі. Облыс орталығында ұялы телефондар ұрлығы осы қылмыс түрінің жартысына жуығын құраған.
Бұл ретте, бейнебақылау құрылғыларының көмегімен қала аумағындағы қылмыс деңгейі төмендеп, түрлі қылмыстық іс-әрекеттердің ашылу деңгейі жоғарылаған. Мәселен, 2015 жылмен салыстырғанда қала аумағында қылмыстық құқықбұзушылық саны 7,4 пайызға, өте ауыр қылмыстар 21,4 пайызға азайған. Сондай-ақ, өткен жылмен салыстырғанда аса ауыр қылмыстар 6,1 пайызға, ал ауыр қылмыстар саны 26,9 пайызға төмендеген.
Шымкент қалалық жергілікті полиция қызметі биыл арнайы пилоттық жоба ретінде жылжымалы «КРИС-П» фоторадар кешенін іске қосты. Сала мамандарының берген мәліметінше, бұл құрылғы бірінші кезекте мобильдігімен ерекшеленеді. Яғни, «КРИС-П» жылжымалы фоторадар кешенін пайдалану апат деңгейі жоғары жол учаскелерін автоматты тәртіпте бақылап, жолдағы жалпы ахуалды жақсартуға септігін тигізеді. Қазіргі кезде қала аумағында 3 бірдей жылжымалы фоторадарлық жиынтығы жұмыс істеуде. Ерекшелігі сол, жылжымалы фоторадардың қай жерге қойылатынын алдын ала ешкім білмейді. Өйткені полицейлер оның орнын жиі-жиі ауыстырып отырады. Тіпті қондырғы жанында тәртіп сақшысы мен арнайы белгі де болмайды.
Жалпы, қала мен елдімекен аумағында негізгі жылдамдық мөлшері 60-тан аспауы тиіс. Алайда көлік жүргізушілер бұл заңдылықты ұдайы сақтай бермейді. «Бұл тұрғыда, жаңадан алынған қондырғы осындай заң бұзушылықтың алдын алуға мүмкіндік береді», – дейді тәртіп сақшылары. Қазірдің өзінде орталық көшеде қозғалыс реттеліп қалған. Жолдағы құқық бұзушылықты түгелдей түсіріп алатын жылжымалы фоторадар жеңіл әрі тез құрастырылады. Сондықтан алып жүруге оңай. Оған қоса оны 1,5 шақырымда отырып ноутбуктың көмегімен бақылауға болады. Қондырғы қолайсыз ауа райын да талғамайды. Әрі тәулік бойы жұмыс істейді.
КӨЛІКТІ МАС КҮЙІНДЕ БАСҚАРСА, 483 800 ТЕҢГЕ ТӨЛЕЙДІ
Жергілікті полиция қызметінің материалдық-базасын нығайту мақсатында өткен жылы 35 дана отандық «КІА» автокөлігі, 5 эвакуатор пайдалануға беріліпті. Саланың қажеттілігі бойынша енді 40 дана GPS-қондырғы, 30 дана бейнеқондырғы, 10 дана «Бинар» бейнежазба қондырғысы, 20 дана «Элект» радио және 100 жеңіл автокөлікке ұсыныс жіберілген.
Сондай-ақ, қала әкімінің тапсырмасына орай, «Шымкент – қауіпсіз қала» жобасы аясында қоғамдық қауіпсіздікті қамтамасыз ету бағытында Шымкент ҚІІБ-ның Жергілікті полиция қызметі 280 жасты қоғамдық жұмысқа қабылдауға өтінім жолдаған. Яғни, ақпан айынан бастап Шымкент қаласы әкімдігінің халықты жұмыспен қамту орталығы тарапынан 280 жұмыссыз азамат көмекші ретінде жолданбақ.
Жалпы, жол-көлік қызметінде өткен жылы Шымкентте 121 620 жол қозғалысы ережесін бұзу дерегі тіркеліп, нәтижесінде, мемлекет қазынасына 853 миллион 366 мың теңге өндірілген. Жаңа жылдан бастап айлық есепкіш көрсеткіш (АЕК) мөлшері 148 теңгеге ұлғайып, 1 АЕК мөлшері 2 269 теңгені құрады. Осыған байланысты жолда жүру ережесін бұзғаны үшін салынатын айыппұл мөлшері де артып отыр.
Жолда жүру ережесін бұзып, көлікті мас күйінде басқарғаны үшін салынатын ең жоғарғы айыппұл мөлшері жарты миллион теңгеге жуық. Ол 200 АЕК-ті құрайды, яғни 453 800 теңге. Сондай-ақ, аяғы ауыр келіншектер мен зейнеткерлер сынды әкімшілік арест қолданылмайтын тұлғалардан өзге азаматтар 3 жылдан 5 жылға дейін жүргізуші куәлігінен айырылады.
Одан кейінгі ірі айыппұл көлемі – 50 АЕК, яғни 113 450 теңге. Ол көлікті тоқтатқан кездегі ережелерді бұзғаны үшін және мүгедектерге арналған көлік тұрақтарына көлігін қойған азаматтарға салынады. Былтырғы жылы аталған айыппұл мөлшері биылғыдан 7,5 мың теңгеге төмен еді.
Көлемділігі жағынан үшінші орында жылдамдықты 40 км/сағаттан асырған жолаушыларға салынатын айыппұл тұр. Мөлшері – 30 АЕК (68 070 теңге).
Айыппұл мөлшері қандай?
|
Санаты |
АЕК |
теңге |
|
Жылдамдықты 10-20 км/сағатқа арттыру |
10 |
22 690 |
|
Жылдамдықты 20-40 км/сағатқа арттыру |
15 |
34 035 |
|
Жылдамдықты 40 км/сағаттан арттыру |
30 |
68 070 |
|
Бағдаршамның қызыл түсіне тоқтамау |
10 |
22 690 |
|
Көлік кептелісі кезінде жаяу жүргінші жолағына түсу, қиылысқа тұру |
10 |
22 690 |
|
Жаяу жүргіншіге жол бермеу |
10 |
22 690 |
|
Қиылыстан өтерде басым құқығы бар көлікке жол бермеу |
15 |
34 035 |
|
Теміржол шлагбаумы жабық тұрғанда, шлагбаум жабылайын деп қалғанда ескерту белгісіне қарамастан өту |
10 |
22 690 |
|
Жүрейін деп тұрғанда, тоқтағанда, бұрылғанда белгі бермеу |
5 |
11 345 |
|
Тыйым салынғанжолдарда бұрылу, артқа жүру |
10 |
22 690 |
|
Басым құқығы бар көлікке жол бермеу |
15 |
34 035 |
|
Жүргінші жолағындағы қозғалыс |
||
|
Жаяу жүргінші жолағындағы, тротуарлардағы, жол жиегіндегі қозғалыс |
15 |
34 035 |
|
Қарсы бағытқа шығу |
1 жылға жүргізуші |
|
|
Тротурарда, балалардың ойын алаңында, арнайы көліктердің орнына көлікті қою |
15 |
34 035 |
|
Көлікті жол қозғалысына кедергі келтіретін жерге қою |
20 |
45 380 |
|
Мүгедектерге арналған көлік тұрағына көлік қою |
50 |
113 450 |
|
Ішкі істер органы қызметкерлерінің бұйрығын орындамау |
||
|
Көлікті тоқтатуға байланысты |
1 жылға жүргізуші |
|
|
Ішімдік, есірткі қабылдамағаны жөнінде тексерістен өтуге байланысты |
2 жылға жүргізуші |
|
|
Көлікті мас күйінде басқару немесе оны ішімдік ішкен адамға басқаруға беру |
3 жылға жүргізуші |
|
|
Мас күйінде апаттық жағдай туғыза жаздау |
4 жылға жүргізуші |
|
|
Мас күйінде жол-көлік оқиғасына, жол апатына себепкер болу |
5 жылға жүргізуші |
|
|
Жүргізуші куәлігі жоқ азаматтардың көлікті басқаруы |
20 тәулікке әкімшілік арест |
|
|
Жоғарыдағы ережелерді аяғы ауыр келіншектер мен зейнеткерлер сынды әкімшілік арест қолданылмайтын азаматтар бұзған кезде |
200 |
453 800 |
|
Жүргізуші куәлігі немесе жүргізуші куәлігінің орнына берілген уақытша куәліктің жүргізушімен болмауы |
5 |
11 345 |
|
Міндетті сақтандыру келісім-шартына қол қоюдан бұлтару |
20 |
45 380 |
|
Көлік категориясын басқаруға рұқсат беретін жүргізуші куәлігінің болмау |
15 |
34 035 |
|
Жүргізуші куәлігінен айырылған адамның көлік жүргізуі |
10 |
22 690 |
|
Мемлекеттік немесе міндетті техникалық бақылаудан өтпеу |
5 |
11 345 |
|
Көлік құралындағы ластану деңгейі немесе дауысы бекітілген нормадан асып кетуі |
2 |
4 538 |
|
Мемлекеттік ережеде бекітілген нөмірлерге сәйкес келмейтін нөмірлі көлікті басқару |
5 |
11 345 |
|
Мемлекеттік нөмірсіз немесе тіркелмеген нөмірсіз көлікті басқару |
10 |
22 690 |
|
Көлікке жалған нөмір орнату |
20 1 жылға жүргізуші куәлігінен айыру |
45 380 |
|
Тежеуіші істен шыққан немесе рөлі басқарылмайтын көлікпен жүру |
15 |
34 035 |
|
Арнайы рұқсатсыз жинақталған көлік |
15 |
34 035 |
|
Көліктің алдыңғы жағына қызыл түсті жарық орнату, жарықты қайтаратын қызыл түсті құралдар орнату |
15 |
34 035 |
|
Көлікке арнайы рұқсатсыз жарықтық белгілер мен дыбыстық белгілер қою (қауіпсіздіктің дыбыстық белгісі кірмейді) |
25 |
56 725 |
|
Көліктің түсін арнайы қызметтік көліктермен бірдей қылып бояу |
25 |
56 725 |
|
Басқа көліктердің жылдамдығын, бағытын күрт өзгертуіне әкеліп, жол-көлік оқиғасына себепкер болу |
10 |
22 690 |
|
Жол ережесін бұзу салдарынан өзге көліктерге, жолға, жол белгілеріне өзге де мүліктерге материалдық зиян тигізу |
10 9 айға жүргізуші куәлігінен айыру |
22 690 |
|
Адамның денсаулығына жеңіл түрдегі зиян келтіру |
15 1 жылға жүргізуші куәлігінен айыру |
34 035 |
|
Жүргізуші куәлігінсіз адамның жол-көлік оқиғасына себепкер болуы |
20 |
45 380 |
Зардап шеккендерге жәрдем көрсетілуде
Среда, 11 Январь 2017 04:57Шымкент қаласында жеке тұрғын үйдегі газ-ауа қосындысы салдарынан 2 қабатты жеке тұрғын үйде жарылыс болды.Оқыс оқиға кезінде бір адам опырылып құлаған үйінді астында қалып, көз жұмды. Құтқарушылар қиранды топырақтың арасынан тағы төрт адамды шығарып алған.
Оқиға орнына жедел келіп жеткен облыс әкімі Жансейіт Түймебаев жергілікті БАҚ өкілдеріне зардап шеккен отбасылар үшін материалдық көмек көрсетілетінін, қосымша әлеуметтік қорғау шаралары қарастырылатынын айтты. Бұл мақсатта арнайы комиссия құрылған. Сондай-ақ, қайтыс болған отбасы мүшесі үшін қажетті жәрдем көрсетілетін болады.
Оқыс жағдай 8 қаңтарда шамамен түнгі сағат 03.30-да Шымкент қаласында Халықтар достығы көшесінде орналасқан екіқабатты үйлердің бірінде орын алған. Апаттық-құтқару жұмыстарына ОҚО ТЖ департаменті, жедел-құтқару жасағы, өрт сөндіру және авариялық-құтқару жұмыстары және жедел медициналық қызметінің мамандары жұмылдырылды. Тәртіп сақшылары сол маңды дереу қоршауға алып, коммуналдық мекеме қызметкерлері көгілдір отын мен электр энергиясын ажыратты.
Құлаған үй туралы хабарламаны ести салысымен бірінші боп жедел жәрдем қызметінің 13 бригада дәрігерлері келіп жетті. Құтқарушылардың келуін күтпей-ақ, олар оқиға орнында жылаған дауысы шығып жатқан сәбиді үйінді астынан шығарып алған. Құтқару жұмыстарына дәрігер Михаил Явров, Тахир Османов пен Ғалым Айтуғанов есімді фельдшерлер қатысқан. Бүлдіршіннің денесі қауіпті жарақат алмай, қирандының астынан аман шығуына бесіктің көмегі тиген, – дейді қалалық жедел жәрдем көрсету қызметі мекемесінің меңгерушісі Үрия Қалназарова.
Кешікпей оның 1987 жылы туған әкесі табылып, жедел медициналық жәрдем көрсетілді. Өкініштісі, құтқарушылар нәрестенің анасын ажалдан арашалап қала алмады. Жалпы үйінді астында бес адам қалған. Жәбірленушілер жер үйдің жанынан салынған қос қабатты шағын үйді жалдап тұрған көрінеді. Ауруханаға жеткізілген 3 адамның біреуі медициналық жәрдемнің көмегінен бас тартқан. Медицина қызметкерлері ем қабылдап жатқан өзге жандардың денсаулық жағдайы тұрақты екенін айтады.
Сала мамандары апаттың негізгі шығу себебі ретінде, табиғи газ қондырғыларының дұрыс пайдаланылмағанын болжап отыр. Тазалау жұмыстарын жүргізу барысында үйінді астынан қазіргі таңда кеңінен қолданысқа ие болып отырған Иранның «Камен» аталатын құрылғысының, сонымен қатар, электр тоғына жалғанатын құрылғылардың қалдықтары анықталған. Ендігі істің мән-жайы арнайы құрылған комиссияның зерделеу жұмыстарынан соң нақтыланбақ.
P.S. Биылғы жылу маусымында өңірде осындай келеңсіздіктердің 35 дерегі тіркеліпті. Салдарынан 91 адам зардап шеккен. Оның 34-і қайтыс болды. Өкінішке қарай, жекелеген көрсеткіштер бойынша бұл деректер өткен жылу маусымымен салыстырғанда, бірнеше есеге артқан.
Қолданысқа берілген қос ғимарат
Среда, 28 Декабрь 2016 05:34Халыққа жедел әрі сапалы қызмет көрсетеді
Осы аптада Шымкентте қос бірдей мамандандырылған Халыққа қызмет көрсету орталығы пайдалануға берілді. «Достық» шағынауданында орналасқан нысанның ашылу рәсіміне облыс басшысы Жансейіт Түймебаев пен қала әкімі Ғабидолла Әбдірахымов қатысты.
Ендігі жерде көлік құралдарын тіркеу және жүргізуші куәлігін беру қызметтері қолжетімді болмақ. Мамандандырылған орталықтағы теориялық және тәжірибелік емтихандарды тапсыру процестерін автоматтандыру адами факторларды толықтай жойып, оны барынша айқын етуге мүмкіндік береді. Сонымен қатар, мамандандырылған орталық қызметі азаматтардың уақытын үнемдеуде өте қолайлы. Енді автокөлікті электрондық кезек талонын алған сәттен бастап бір сағат ішінде тіркеуге болады. Ал жүргізуші куәлігін алуға теориялық және тәжірибелік емтиханды тапсыру уақытын қоса алғанда орта есеппен 2 сағат уақыт кетеді.
А, А1, В, В1, С, С1, D, D1 категориялары бойынша тәжірибелік емтиханды тапсыруға қажетті 3 жеңіл автокөлік, жүк көлігі, 2 автобус және 2 мотоцикл орталық меншігіне беріліп отыр. Мамандандырылған ХҚКО ғимаратында жүргізуші куәлігін алу үшін медициналық тексеруден өтуге болады.
Сондай-ақ, Жансейіт Түймебаев және Ғабидолла Әбдірахымов «Оңтүстік» шағынауданындағы (Қапал батыр көшесі, 4) №8 Халыққа қызмет көрсету орталығының салтанатты ашылу рәсіміне де қатысты.
Бүгінде Еңбекші ауданының 254 мыңнан аса тұрғыны бар. Аудан халқы үшін №8 ХҚКО арқылы 530 мемлекеттік қызмет түрі көрсетіледі. Оның ішінде электронды түрде 315 мемлекеттік және 215 дәстүрлі мемлекеттік қызмет түрі ұсынылады. Пилоттық жоба арқылы қосымша 53 мемлекеттік қызмет түрін көрсету жоспарланған.
Жаңа нысанда 25 қызметкер тұрақты жұмыспен қамтылып отыр. Аумағы 719 шаршы метрді құрайтын ғимараттың 40 автокөлікке арналған автотұрағы да бар.
Шырайланып шырша тұр
Среда, 21 Декабрь 2016 06:16Кеше кешке Әл-Фараби алаңында Шымкенттің бас шыршасының шамы жағылды. 18 метрлік сәнді шыршаның шамын жағу рәсіміне облыс әкімі Жансейіт Түймебаев пен қала әкімі Ғабидолла Әбдірахымов қатысты.
Өңір басшысы облыс тұрғындарын келе жатқан жаңа жылмен құттықтады.
Ж. Түймебаев өтіп бара жатқан жылдың өңіріміз үшін жемісі мен жеңісі көп жыл болғандығын айта келе, оңтүстікқазақстандықтарға алдағы уақытта да үлкен жақсылықтар мен жетістіктер тіледі.
Әсем шырша кешін тамашалаушылар нағыз қысқы ертегі кейпіне еніп кетті. Олар ертегі кейіпкерлерімен бірге ән салып, би билеп, Аяз ата және Ақшақармен суретке түсіп жатты.
Биыл мұндай «жасыл ару» қалада үш жерде – Әл-Фараби алаңында, Шәмші аллеясында және Әкімшілік-іскерлік орталығында бой түзеді.
Суреттерді түсірген
Д.ҚОЖАБЕКОВ, М. ШАҒЫРБАЕВ
Мейірім мерекесі
Пятница, 09 Декабрь 2016 06:31Мұхаммед (с.ғ.с.) Пайғамбардың туған күні желтоқсан айының 12-жұлдызына сәйкес келеді. Осыған орай, Қазақстан мұсылмандары діни басқармасының Оңтүстік Қазақстан облысы бойынша өкілдігі Мәулет мерекесіне арналған ауқымды шараларды қолға алуда.
Атап айтқанда, «Қош келдің, Мәуліт» атауымен өңірдің барлық аудан-қалаларында рухани кештер ұйымдастырылмақ. Онда ақындар айтысы, уағыз, сахналық қойылымдар орындалып, ұлттық салт-дәстүрімізді насихаттайтын көрме жұмыстары жасақталады. Қайырымдылық шарасы аясында 3550 аз қамтылған отбасыларға қажетті материалдық жәрдем көрсетіледі.
Мереке аясында «Мешітке кітап сыйла» акциясы аталып өтпек. Яғни, жомарт жандар «Көкжиек» баспасы ұсынған 13 түрлі діни кітаптар жинағын 10 мың теңгеге сатып алып, мешіттерге тарту жасауға мүмкіндігі бар. Осы арқылы мешіттің өз кітап қорын ұлғайтып, оқырмандарын табуына игі жағдай туындамақ.
Саланың табысы сараланды
Пятница, 09 Декабрь 2016 06:21Биылғы жылдың өткен 11 айында Шымкент қаласының ауыл шаруашылығы саласында 18 миллиард теңгенің өнімі өндірілген. Бір ғана жылыжай кешендерінің аумағы 141 гектарға ұлғайып, межеленген жоғары көрсеткіштерді еңсерді.
ҚР Тәуелсіздік күні мерекесі қарсаңында елеулі жетістіктерге жеткен бірқатар сала еңбеккерлері Шымкент қаласы әкімінің «Алғыс хатымен» марапатталды.
Атап айтқанда, ҚР Ауыл шаруашылығы министрлігінің тағайындаған «Ауыл шаруашылығы үздігі» төсбелгісімен «Сайрам агро» ЖШС-нің басшысы Хали Сарманов марапатталса, «Ауыл шаруашылығын дамытуға қосқан үлесі үшін» «Агросервис БМБ» ЖШС-нің басшысы Бақтыбай Бекбауовқа «Құрмет грамотасы» табыс етілді. Сондай-ақ, қалалық ауыл шаруашылығы және ветеринария бөлімінің нұсқаушысы Ағабек Мұратовқа «Облысқа сіңірген еңбегі үшін» медалі берілді.
Жерден несібесін терген еңбеккерлерге қала әкімінің «Алғыс хатын» тапсырған қала әкімінің орынбасары Тимур Баймұханов сала мамандарына алдағы уақытта да биік белестерді бағындырар жолда толайым табыстар тіледі. Айта кетейік, бүгінде Шымкент қаласы аумағында барлығы 4152 ауыл шаруашылығы нысаны тіркелген.
Пәтер иелері кооперативтерін құру – маңызды міндет
Пятница, 09 Декабрь 2016 05:50Қыркүйек айында қала әкімі Шымкентте пәтер иелері кооперативін құру жөнінде сала мамандарына нақты тапсырмалар жүктеген еді. Жыл соңына дейін жүйеленуі тиіс болған жұмыстардың барысы қала әкімі Ғабидолла Әбдірахымовтың төрағалығымен өткен мәжілісте кеңінен талқыланды.
Айта кетейік, мұндай тәжірибе бүгінде Алматы, Астана қаласында жүйелі жолға қойылған. Пәтер иелері кооперативі тұрғындарға ағымдағы жөндеу, жылу жүйелерінің қызметі, санитарлық-техникалық тазалау, электрлі-техникалық жұмыстардың сапалы орындалуына қолайлы жағдай жасайды.
Қала әкімі аппаратының бас инспекторы Дадахан Юнусметовтің келтірген мәліметі бойынша, қаладағы 2 мың көпқабатты тұрғын үйдің 1526-сы кондоминиум нысаны ретінде тіркелген. Бұл жалпы көрсеткіштің 79 пайызын құрайды. Осы орайда, қала әкімі Ғабидолла Әбдірахымов жұмыс ауқымына кері әсерін тигізіп отырған жауапты тараптардың қызметін қатаң сынға алды.
– Ең алдымен, қалалық тұрғын үй инспекциясы мамандарының бей-жай әрекеті үлкен мәселелерді туындатуда. Осыған орай, арнайы комиссия құрамын белгілеп, қызметтік сараптама жүргізуіміз қажет. Тұрғын үй инспекциясы басшысының өз ісіне деген жауапкершілігі қаралып, қызметіне қаншалықты лайықты екенін анықтайтын боламыз, – деді Ғабидолла Рахматоллаұлы.
Күн тәртібіне сәйкес, қала аумағындағы белгіленбеген сауда орындарын жою жұмыстарының жағдайы туралы кәсіпкерлік бөлімінің есебі тыңдалды. Кәсіпкерлік бөлімі басшысының міндетін атқарушы Әсет Абдрахановтың айтуынша, ағымдағы жылы ретсіз сауда орындарын жоюға бағытталған 180 рейдтік шара ұйымдастырылған. Белгіленбеген орындарда сауда жасаған 3 626 тұлғаға әкімшілік хаттама толтырылып, жалпы сомасы 6 миллион 395 мың теңге айыппұл салынған.
Жиынды қорытындылаған қала әкімі Ғ. Әбдірахымов күн тәртібіндегі мәселенің маңызы жоғары екенін айта келе, алдағы уақытта тиісті жұмыстардың атқарылатынын жеткізді. Сонымен қатар, кәсіпкерлік бөліміне жаңа жыл мерекесіне дейін баға тұрақтылығын сақтауға тапсырма берді. Жүктелген міндеттердің орындалу барысын өз қадағалауына алатынын айтты.
Ескі көлік орнына өтемақы алыңыз...
Среда, 07 Декабрь 2016 05:55Шымкенттен 1150 көлік қабылданады
Істен шығып, өзінің жүру мерзімін өтеген көліктерді де енді кәдеге жаратуға болады. 21-қарашадан бастап елімізде тозығы жеткен көліктерді қабылдау бағдарламасы жүзеге асырылуда. Жоба аясында ел азаматтарының тозығы жеткен көліктерін арнайы орындарға өткізіп, белгіленген сомаға ие болу мүмкіндігі бар.
Осы орайда, Шымкент қаласының әкімдігі бағдарламаны жүзеге асырушы тарап – Өндірушілердің кеңейтілген міндеттемесі Операторымен бірлесе отырып, жергілікті БАҚ өкілдері үшін арнайы пресс-тур ұйымдастырды. Пресс-тур аясында ел аумағында жаңа қолданысқа енген бағдарламаның өзіндік шарты мен тиімділігі сараланды.
Ескі көлік алып, есі шыққан жүргізушінің бірі ордабасылық Дәулет Босынбек бағдарлама жөнінде алғаш көгілдір экран арқылы ақпар алған соң, Оператор өкілдігімен хабарласқанды жөн көріпті. Нәтижесінде, біраз уақыттан бері аулада жөндеуді қажет етіп, бос қаңтарылып тұрған көлігі 150 мың теңгеге бағаланған. Белгіленген шарт аясында қажетті құжаттарды толық рәсімдеген көлік жүргізушісі енді өзіне тиесілі сомаға алдағы 10 жұмыс күні уақыт ішінде иелік етеді.
– Шынымды айтсам, көлігімнің қызмет өтіліне де 24 жыл уақыт болыпты. Бір жерін жөндесең, екінші жерінен ақау табылып жатады. «Ескіні алып, есім шыққан тұста» көлігін бағалауға ұсынған алғашқылардың бірі мен болдым, – дейді Дәулет.
Айта кетейік, бағдарлама шарты бойынша көлік иесінің немесе сенім білдірген тұлғаның жеке куәлігі, көлік иесі болмаған жағдайда өтініш берушінің сенімхаты және екінші деңгейлі банктен шот ашылу керек. Ал төленетін ақы көліктің жиынтығына байланысты болмақ. Яғни, қозғалтқышы, есіктері мен берілу қорабы сынды бөлшектері түгел болса, 150 мың теңгеге бағаланады. Олай болмаған жағдайда көлік иесіне 48 мың теңге беріледі. Қазіргі таңда аталған бағдарлама аясында елімізде 800 көлік жиналған. Ондағы 40 көлік Оңтүстік өңіріне тиесілі. Жоба аясында елімізде ескі көліктерді қайта өңдеуден өткізетін 3 зауыт салынады деп күтілуде. Жиналған техникалар сонда іріктеліп, кәдеге жарайтын болады.
– Бағдарламаның негізгі мақсаты – тозығы жеткен көліктерді қайта өңдеуден өткізу, осы арқылы елдегі экологиялық ахуалды жақсартуға бағытталған. Биыл утилизацияға тек жеңіл көліктер қабылданса, келер жылдан бастап жүк көліктерін де өткізуге болады, – дейді Өндірушілердің кеңейтілген міндеттемесі Операторының ОҚО бойынша өкілі Дінмұхаммед Абдуллаев.
Өкілдің айтуынша, бағдарламаны жүзеге асыру барысында елдегі 10 мың ескі көлік жоюға қабылданады деп күтілуде. Жобаны іске асыру үшін «ӨКМ Операторы» ЖШС-гі биыл 1 миллиард 250 мың теңге көлемінде қаржы жұмсамақ.
Бұл ретте, ескі көліктерді қабылдауға бөлінген квотаның саны бойынша Оңтүстік өңірі ел аумағында үшінші орында тұр. Мамандардың айтуынша, мұнда шығарылғанына ширек ғасырдан асқан 40 мыңдай көлік бар. Бөлінген квота бойынша өңірден 1150 көлік қабылданбақ. Осы мақсатта Оператордың өңірдегі өкілдігі мобильді жылжымалы бекет жобасы аясында желтоқсанның 8-і күні Түркістан, 12-сінде Сарыағаш қаласында ескі көліктерді қабылдау күнін өткізбек.