Шымкентте жаңадан ашылғалы тұрған №130 жалпы орта мектептің директоры ашық конкурспен тағайындалды. Конкурсқа барлығы 12 үміткер қатысты.
Үміткерлердің еліміздің заңдарын қаншалықты білетіні, құқықтық нормативтік құжаттар, ұжымды басқарудағы, оқу әдістемелік процесін жақсарту жолындағы біліктілігі сарапқа салынды.
Нәтижесінде басшылық лауазымға комиссияның барлық сұрақтарынан сүрінбей өткен Нұрлан Мырзатаев лайықты деп танылды. Ол бұған дейін №51 Төлеби атындағы орта мектептің, №25 Т. Рұсқұлов атындағы мектеп-гимназиясының директоры лауазымдарын атқарған.
