Шымкент қалалық ардагерлер кеңесінің төрағасы Исамуддин Рысбай, Әл-Фараби аудандық ардагерлер кеңесінің төрағасы Мұқан Омаров Ұлы Отан соғысының ардагері, 91 жастағы Төрегелді Зорбанов ақсақалдың үйіне барып, жаңа жылдық мерекемен құттықтады.
Қалада 106 соғыс ардагері бар. Бүгінде көпқабатты үйде тұратын ардагерлерге жылу тегін беріледі. Қала әкімдігі мен «Қуатжылуорталық-3» МКК арасында осындай келісім-шарт түзілген.
И. Рысбай мен М. Омаров қадірлі қарияға жылу тарату мекемесінің жасаған сый-сыяпатын да табыс етті.