Дүниеге үшем келді

Среда, 21 Февраль 2018 04:34 Автор  Опубликовано в Әлеумет Прочитано 522 раз

Шымкент-тік дәрігерлер шала туылған үшемнің өмірін аман алып қалды. Бұл сәбилер Оңтүстікте биыл алғаш дүниеге келген үшемдер.

DSC 3784

16 қаңтарда сайрамдық 20 жастағы Гузал Нурмимова ауыр халде қаламыздағы №2 перинаталдық орталыққа келіп түседі. Ақ халаттылардың біліктілігінің арқасында жүкті әйел үш сәбиін дүниеге аман-сау алып келеді. Небәрі 1,5 салмақпен туылған нәрестелер орталықтағы дәрігерлердің қатаң бақылауының және күтімінің арқасында бір жарым айда 1 келіден салмақ қосыпты. 

– Шақалақтар мерзімінен бұрын дүниеге келді. Өкпелері дұрыс дамымағандықтан үшеуі бірдей жасанды таныс алу аппаратына жатқызылды. Қазір анасы мен балалардың денсаулығы өте жақсы. Осы уақыт аралығында жас анаға емізу және мерзімінен туған балаларды қалай күту қажеттігін үйреттік,– дейді бөлім меңгерушісі Гүлнара Сапиева.

Алғаш рет ана атанған Гузал Нурмимова дәрігерлердің жанкешті еңбектері үшін алғысын білдірді. Күндіз-түні жанымыздан табылып, саулығымызды бақылауда ұстап, бар көмегін аямады, дейді үшемдердің анасы. Қазір Зухра, Захра, Хасан палатаға анасының жанына шығарылған, олардың өміріне еш қауіп жоқ. 

Гузал үшемдерін бауырына басып, кеше отбасының ортасына келді.

Айгүл КЕРІМҚҰЛОВА

2004жылы ОҚГА журналистика факультетін бітірген. Еңбек жолы «Шымкент келбеті» газетінде басталған. «Ұстаз жаршысы», «Денсаулық құпиясы», «Оңтүстік Рабат» газеттерінде, «Отырар» телеарнасында жұмыс істеген. 2017 жылдың тамыз айынан бастап  қалалық «Шымкент келбеті» саяси-қоғамдық газетінің тілшісі.