100-ші науқастың бүйрегі алмастырылды Избранное

Пятница, 08 Июнь 2018 04:33 Автор  Опубликовано в Әлеумет Прочитано 105 раз

Шымкенттің дәрігерлері жүзінші рет бүйрек алмастыру операциясын жасады.

DSC 0042

Бірнеше сағатқа созылған ота сәтті өткен. Бұл жаңалықпен Шымкент қалалық жедел медициналық көмек көрсету ауруханасының трансплантолог-дәрігерлері журналистермен баспасөз мәслихатын өткізіп, бөлісті.
Бүйрек ауыстырған науқастардың барлығының денсаулығы бірқалыпты. Соның ішінде, медициналық туризмді дамыту мақсатында, аурухана базасында 8 шетелдік азаматқа (Германия, Канада, Израиль, Румыния) тірі донордан алынған бүйректі алмастыру отасы жасалған болатын. Бүгінде ол науқастардың жағдайы да қанағаттанарлық. Донорлар және реципиенттер амбулаториялық емдеуге жіберілген. Оталардың барлығы аурухананың білікті трансплантолог-дәрігерлерінің күшімен жасалды.
Жалпы, Шымкент қалалық жедел медициналық көмек көрсету ауруханасында бүйрек трансплантациясы оталары 2013 жылдан басталды.
– Мұндай операцияның бағасы 4 млн теңгедей тұрады. Еліміздің азаматтары үшін отаны квота арқылы тегін жасау қарастырылған. Дәрігерлеріміз білікті, медициналық құрал-жабдық қоры жеткілікті, сервистік палаталармен қамтамасыз етілген. Сондықтан шетелдік азаматтар да қызығушылық танытып отыр, – дейді трансплантолог Абылай Донбай.
Аталған аурухананың дәрігерлері, сондай-ақ, 15 рет бауыр трансплантациясын өткізгенін атап өтті. Еске сала өтсек, бүгінде өңірде 700-ге тарта науқас бүйрек, 500 адам бауыр жеткіліксіздігімен трансплантация отасына мұқтаж.

Айгүл КЕРІМҚҰЛОВА

2004жылы ОҚГА журналистика факультетін бітірген. Еңбек жолы «Шымкент келбеті» газетінде басталған. «Ұстаз жаршысы», «Денсаулық құпиясы», «Оңтүстік Рабат» газеттерінде, «Отырар» телеарнасында жұмыс істеген. 2017 жылдың тамыз айынан бастап  қалалық «Шымкент келбеті» саяси-қоғамдық газетінің тілшісі.