Мегаполистің кардиохирургтары 38 жастағы азаматтың жүрегіндегі тумасынан тесікті бітеп, сәтті ота жасады. Дәрігерлер емделушіге күрделі отаны үш сағат бойы жасаған.
– Отаның ерекшелігі сол - қабырға арасынан 4-5-қабырға аралықта кішкентай ғана кесіммен 3-4 см эндовидеоторакоскопиялық құрылымның көмегімен іске асады. Бұл әдістің басқа операцияларға қарағанда артықшылығы ота жасалған науқастар 3-4 күннен кейін үйіне шығарылады және оңалу мерзімі өте қысқа болады.
Тағы бір айта кететін жайт, косметикалық тұрғыдан, әсіресе, жас әйелдерге және балаларға ыңғайлы, операциядан кейінгі тыртық білінбейді, - дейді Шымкент қалалық кардиологиялық орталықтың директоры Ермағанбет Қуатбаев.
Күрделі операцияны жасау үшін ақ халаттылар шетелден немесе өзге қаладан білікті маман шақыртпай-ақ өз біліктіліктері арқасында сәтті жүзеге асырған.