Шымкент қаласы мәслихатының кезектен тыс қырық тоғызыншы сессиясы өтіп, онда бірқатар мәселелер қаралды, депутаттар тарапынан қолдау тапты.
Бахадыр Салимов төрағалық еткен сессия отырысында бірінші мәселе бойынша Шымкент қаласынан ҚР Парламенті Сенаты депутатының орнына кандидат ұсынылды.

Сессия 5

«Нұр Отан» партиясы фракциясының жетекшісі Бекайдар Төлегенов бұл мәселе бойынша «Шымкент ақпарат орталығы» ЖШС директор-бас редакторы Айгүл Қапбарованың кандидатурасын ұсынды. Мәслихат депутаттары бұл ұсынысты бірауыздан қолдады.

Қала әкімі Ғабидолла Әбдірахымов Қазақстан Республикасы Парламенті Сенатының депутаттығына үміткер болып ұсынылған А.Қапбарованың кандидатурасы лайықты екенін атап өтіп, алдағы жауапты кезеңге сәттілік тіледі.

– Айгүл Жарылқасынқызы – тәжірибесі толысқан, бұл лауазымға жан-жақты дайын кандидат. Қаланың дамуына өз үлесін қосып келеді. Жоғарғы заң шығарушы органда да өз біліктілігін көрсетеді деп ойлаймын, – деді қала әкімі.

Айта кетейік, Айгүл Жарылқасынқызы еңбек жолын облыстық телерадиокомпаниясының редактор-тілшісі болып бастаған. Одан кейін «Оңтүстік Қазақстан» газетінің саясат бөлімінің меңгерушісі болып істеді. Бүгінде «Шымкент ақпарат орталығы» ЖШС директор-бас редакторы қызметтерін абыроймен атқарып келеді.

Сессия отырысында, сондай-ақ, Шымкент қаласы бойынша тексеру комиссиясының мүшесін тағайындау мәселесі талқыланды. Бұл лауазымға Айтуар Балықбаев мүше болып тағайындалды.

Үшінші мәселе бойынша қала мәслихатының «Жергілікті мемлекеттік-жекеменшік әріптестік жобаларының тізбесін бекіту туралы» шешіміне бірқатар толықтырулар енгізілді.

Шымкентте «Nur Otan» партиясынан ҚР Президенттігіне кандидат Қасым-Жомарт Кемелұлы Тоқаевтың қоғамдық штабының ұйымдастыруымен «BIRGE» жалпыұлттық акциясы басталды. Акция Президенттікке кандидаттың сайлауалды бағдарламасын қалыптастыруға азаматтарды тікелей қатыстыруға бағытталған.

DSC 6753

Арбат демалыс аймағында ұйымдастырылған іс-шарада қалалық штаб жетекшісі, «Nur Otan» партиясының қалалық филиалы төрағасының бірінші орынбасары Бахадыр Нарымбетов акцияның негізгі мақсаты мен міндеттері туралы мәлімдеп, қала тұрғындарын сайлауға белсенді қатысуға шақырды.

– Акцияның басты мақсаты – тұрғындардың пікірін, ұсыныстары мен ескертпелерін кандидатқа жеткізу. Жалпы сайлауалды бағдарламаға ұсыныстар мен толықтырулар енгізуге мүмкіндік бар.

Жинақталған пікірлер республикалық штабқа жеткізіледі. Жастарды, көпшілік тұрғындарды осы акцияға белсенді қатысуға шақырамын, - деді Бахадыр Мәдәліұлы.

Акция 2019 жылғы 13 мамырдан 7 маусымға дейін ҚР Президентін сайлау бойынша «Nur Otan» партиясының электоралды науқанының үгіт-насихат кезеңі шеңберінде өтеді.

Төл мерекеде – қоныс тойы

Среда, 08 Май 2019 03:55

Шымкентте Отан қорғаушылар күні қарсаңында бір топ әскери қызметкер баспаналы болды.

1

Тұран шағынауданында орналасқан үйдің пәтерлері «Нұрлы жер» мемлекеттік бағдарламасы аясында беріліп отыр.

Салтанатты жиында Ұлттық ұланның 6506 әскери бөлімінің командирі, полковник Қайрат Үмбетов, «Тұрғын үй құрылыс жинақ банкі» АҚ Шымкент қалалық филилалының директоры Құдайберген Сейітмағамбетов, «Бәйтерек девелопмент» АҚ Шымкент қаласындағы өкілі Дәуітхан Дүйсенбаев құттықтау сөз сөйлеп, пәтер кілттерін табыс етті.

– Көптен күткен қуаныштарыңыз қасиетті Рамазан айының басталуымен тұспа-тұс келіп отыр екен. Жалпы қалада 7 500-дей әскери қызметкер бар. «Бәйтерек девелопмент» АҚ Тұран шағынауданынан 501 пәтерді бөлді.

Соның көп бөлігі әскери қызметкерлерге беріледі. Біздің қызметкерлер барлық әскери бөлімдерде 3-4 ай бойы үгіт-насихат жұмыстарын жүргізді. Қоныс тойларыңыз құтты болсын, қуаныштарыңыз баянды болсын, - деді Қ.Сейітмағамбетов.

Бұл күні Шымкент қаласында орналасқан әскери құрылымдарда қызмет ететін 19 офицерге пәтер кілті тапсырылды.

Алдағы уақытта да Қаратау ауданы, 192-орамда орналасқан тұрғын үй кешендерінің пәтерлері кезең-кезеңімен әскерилерге табыс етіледі.

Жиында көршілер мен тұрғындар банк атынан «Жасыл мекен» акциясы аясында сыйға тартылған 60 түп ағаш көшетін аула ішіне егуге атсалысты.

Шымкент қаласы мәслихатының кезектен тыс қырық сегізінші сессиясында бірқатар мәселелер қаралды. Алдымен мәслихаттың «Шымкент қаласының басқару схемасы» туралы шешіміне өзгеріс енгізілді.

58087895 2209835829329371 3076826545499668480 o

Жиында баяндама жасаған қала әкімі аппаратының басшысы Еркеғали Әлімқұловтың мемлекеттік сатып алуды бірыңғай ұйымдастыратын басқарма құру жөніндегі ұсынысы депутаттар тарапынан бірауыздан қолдау тауып, Шымкент қаласының мемлекеттік сатып алу басқармасын құру туралы шешім қабылданды.

Сессия отырысында жергілікті мемлекеттік-жекеменшік әріптестік жобаларының тізбесін бекіту туралы шешімге толықтырулар енгізу мәселесі қаралып, депутаттар жобаның тізімін мақұлдады.

– Заңға сәйкес, жаңа басқарма құру – уақыт талабы. Енді барлық мемлекеттік сатып алу жұмыстарын осы басқарма жүзеге асырады. Жақсы мамандарды жұмысқа қабылдаймыз.

Яғни, мердігерлер бойынша жұмыс жанданып, жалақы төлеу мәселелері шешіледі. Ал мемлекеттік-жекеменшік әріптестік жобаларының барлығы да қаланың дамуына серпін береді.

Биыл Еңбекшi ауданындағы барлық балалар алаңшасы толық жаңартылады, - деді қала әкімі Ғ.Әбдірахымов.

Мәжілісте, сонымен қатар, Шымкент қаласы әкімдігінің жанындағы халық денсаулығын қорғау мәселелері жөніндегі үйлестіру кеңесінің құрамы, әкімдік жанындағы діни бірлестіктермен байланыстар жөніндегі кеңестің құрамы және дербес құрамы, үкіметтік емес ұйымдармен өзара іс-қимыл жөніндегі кеңестің дербес құрамы бекітілді.

Шымкент қаласы бойынша көліктік бақылау инспекциясының басшысы Ержан Жолдасовтың айтуынша, инспекция 2018 жылдың қыркүйек айында құрылған.

Көлік инспекциясы. Брифинг

Бүгінге дейін инспекция мамандары 516 әкімшілік-құқық бұзушылықты анықтап, 75 млн 789 мың теңгеге әкімшілік айыппұл мен жол жүру алымдарын өндірген. Соның 60%-ы инертті материалдарды тасымалдауға арналған карьер автокөліктері екені анықталып отыр.

– Ауыр салмақты «Хово», «Шансиман» және тағы басқа жүк көліктері қала жолдарымен белгіленген нормадан артық жүк тасымалдауда. Инспекция тарапынан бұл жолдардың барлығына бақылау жүргізу мүмкін болмай тұр. Сондықтан былтыр қала әкімдігімен бірге ауыр салмақты автокөліктерді бақылауға бағытталған 2019 жылға арналған бірлескен Жол картасы бекітілді.

Жұмыс тобы тарапынан жүк көліктерінің қарқындылығына талдау жүргізілді. Нәтижесінде қаланың 7 көшесіне (Ю.Гагарин, Б.Алпысбаев, Н.Исмаилов, Т.Рысқұлов, Т.Өтегенов, С.Бәйтереков, І.Жансүгіров) салмағы 8 тоннадан асатын жүк автокөліктеріне салмақтық шектеу белгілерін қою туралы шешім қабылданып, оны орнату бойынша құзырлы мекемелерге ұсыныс жолданды, - деді инспекция басшысы.

Инспекция мамандары Шымкент қаласы аумағында инертті материалдарды (құм-тас) жинақтайтын 27 заңсыз орынды да анықтаған. Қалалық жер қатынастары басқармасымен бірге атқарылған жұмыс өз нәтижесін берген.

Жол картасына сәйкес, заңсыз жұмыс жасап жатқан құм-тас жинақтайтын орындардың жұмысын тоқтатып, қаланың кіреберісіне салу жөніндегі инспекция ұсынысы Шымкент қаласы әкіміне жолданып, құзырлы мемлекеттік органдармен бірлесіп жұмыстар жүргізілуде.

Электронды билет – оң шешім

Пятница, 19 Апрель 2019 04:14

Қаладағы қоғамдық көліктерге электронды билет жүйесі енгізіледі. Шымкент қаласының Қоғамдық кеңесі «Shymkent» ӘКК АҚ Басқарма төрағасы Рашид Аюповтың осы тұрғыдағы ұсынысын қолдады.

40137863 666954887020331 4092549713587339264 n

– Электронды билет жүйесін енгізу және муниципалды автобус паркін құру бірқатар маңызды мәселелерді шешуге мүмкіндік береді. Мысалы, жол жүру ақысын көлеңкелі айналымнан шығару, ескірген автобустар паркін жаңарту, қалалық жолаушылар тасымалы қауіпсіздігі мен қызмет деңгейін арттыру, өндірістік инфрақұрылым құру және т.б. мәселелер, - деді Р.Аюпов.

«Shymkent» ӘКК осы тұрғыда қоғамдық көлік мәселесін заманауи тұрғыда шешуді ұсынып отыр. Олардың арасында электронды билеттеуді енгізу және муниципалды автопарк құру бар.

«Shymkent ӘКК АҚ Басқарма төрағасы Рашид Аюповтың айтуынша, қазіргі таңда Шымкент қаласында 27 көлік компаниясы жолаушылар тасымалдаумен айналысады, олардың тек 14-інде ғана өз автобустары бар, қалғаны автобусты жалға алады.

Бұған қоса тасымалдау қауіпсіздігі, автобустар паркін жаңарту, жүргізушілер мен кондукторлардың мәдениет деңгейі және осы компанияларда қызмет көрсету сервисі сияқты маңызды мәселелерді оң шешу керек.

Осы орайда «Shymkent» ӘКК АҚ бірқатар жұмысты жоспарлауда. Олардың арасында қалалық муниципалды автобус паркін құру, инфрақұрылымды дамыту, субсидиялау қағидаларын әзірлеу және бекіту, орталық диспетчерлік қызмет, пайдаланушыларға қызмет көрсету орталығы және сервистік-техникалық қызмет секілді бағыттар бар.

Басқарма басшысының бұл ұсыныстары Шымкент қаласының Қоғамдық кеңесі тарапынан қолдау тапты.

Шымкент қаласының әкімі Ғабидолла Әбдірахымов мегаполистегі барша аруларды 8 наурыз мерекесімен құттықтады. Қала әкімі салтанатты іс-шарада қаланың әлеуметтік-экономикалық дамуына үлес қосып жүрген аналарға алғысын айтып, 20 көпбалалы анаға Алтын алқа мен Күміс алқа төсбелгілерін табыстады.

DSC 7947

Мерекеге орай Түркістан сарайында мерекелік концерт өтті. Салтанатты жиынға тыл еңбеккерлері, көпбалалы аналар мен түрлі салада қызмет етіп жүрген іскер әйелдер қатысты.

– Ұрпақ өсіріп, ұлт тәрбиелеуде аналардың алар орны айрықша. Еліміздегі әрбір бесінші сәбидің Оңтүстікте өмірге келетінін ескерсек, ақ жаулықты аналарымыздың демографиялық дамуға қосып келе жатқан үлесін мақтанышпен айтамыз. Адамзатқа әлемнің жарығын сыйлаған ана алдында барлығымыз бас иемiз.

Асыл аруларымыз отбасы берекесімен бірге, еліміздің әлеуметтік-экономикалық дамуына зор үлес қосып келеді. Қазақстандағы мемлекеттік қызметкерлердің 60 пайызын нәзік жандар құраса, қала әкімдігіндегі қызметкерлердің 42 пайызы – әйел азаматтар, – деді қала әкімі.

Мерекелiк кеште көпшіліктің көзайымына айналған Музарт тобының концерттік бағдарламасы мен жергiлікті дизайнерлердің сән топтамаларының көрсетілімі өтті.

Жалпы, Шымкент қаласында 31 мыңнан астам көп балалы ана бар. Оның ішінде 2 220 «Алтын алқа» иегері, 6056 «Күміс алқа» иегері және 511 Батыр ана бар.

DSC 8235

Шымкентте «Нұр Отан» партиясы қалалық филиалының кезектен тыс ХХХVI конференциясы өтіп, онда бірқатар мәселелер талқыланды. Партияның жасампаз 20 жылдағы жетістіктері сараланып, 10 жылдық бағдарлама жобасы таныстырылды. Конференция жұмысын «Нұр Отан» партиясы Шымкент қалалық филиалы төрағасының бірінші орынбасары Бахадыр Нарымбетов ашып, жүргізіп отырды.

DSC 2804

Конференцияға қала әкімінің бірінші орынбасары, «Нұр Отан» партиясы Шымкент қалалық филиалының Бюро мүшесі Қ. Нұртай, мәслихат хатшысы Ғ.Ташқараев, «Нұр Отан» партиясы Шымкент қалалық филиалы саяси кеңесінің мүшелері, бастауыш партия ұйымдарының төрағалары және өкілдері, партия ардагерлері, мемлекеттік мекеме басшылары және БАҚ өкілдері қатысты.

Алдымен көшбасшы партияның 20 жылдағы жеткен жетістіктері жөнінде М. Әуезов атындағы ОҚМУ ректоры Дәрия Қожамжарова сөз алды.

– «Нұр Отан» азаматтық қоғамның көшбасшысы ретінде елдегі бейбітшілік пен тұрақты орнығудың бастамашысы болып келеді. Жиырма жылда мемлекеттік, стратегиялық бағдарламалардың табысты іске асуына да атсалысты. Бүгінде жүйелілік, кешендік, ашықтықты қамтамасыз ету мақсатында партиялық бағдарламалар мақсатты орындалып келеді.

М. Әуезов атындағы ОҚМУ-да да партия жобалары аясында цифрландыру, рухани жаңғыру бағытында көптеген игі істер жүзеге асты. Өз әлеуетіміз бен шығармашылық қуатымызды отанымыздың гүлденуіне жұмсайтын болсақ, біз бағындырмайтын белес жоқ, – деді Дария Пернешқызы.

Жиында ҚР Президентінің «Қазақстандықтардың әл-ауқатының өсуі: табыс пен тұрмыс сапасын арттыру» атты 2018 жылғы 5 қазандағы Жолдауын Шымкент қаласында іске асыру барысы да сөз болды. Қалалық экономика және бюджеттік жоспарлау басқармасының басшысы Рақымберді Мүлкеманов осы бағыттағы жұмыстарды кеңірек баяндап берді.

Оның айтуынша, қалада Жолдауды іске асыру мақсатында 5 ақпараттық-насихаттық топ құрылды. Жалпы, 421 кездесу ұйымдастырылған. Қалада коммуналдық қызметтердің тарифтерін төмендету, білім сапасын арттыру, медициналық қызметтерді электронды түрде көрсету, азаматтарды баспанамен қамту бойынша нақты жұмыстар атқарылуда.

Қазіргі таңда қалада бұқаралық спортпен шұғылданушы халықтың үлесі – 27, 3 пайызға жетіп отыр. Алда тұрғындардың өмір сүру сапасын жақсарту бойынша жұмыстар атқарыла бермек.

Конференцияда «Нұр Отан» партиясының 2030 жылға дейінгі Бағдарламасы жобасының негізгі ережелері талқыланып, Партия Жарғысына өзгерістер мен толықтырулар енгізу бойынша ұсыныстар айтылды.

Партияның Шымкент қалалық филиалы төрағасының бірінші орынбасары Бахадыр Нарымбетов онжылдықтағы басым бағыттарды атап берді. Шымкент қаласында алдағы уақытта «Өмір сапасын ұзарту орталығы» ашылады.

«Нұр Отан» партиясының «Кедергісіз келешек», «Ардагерлерді ардақтайық» жобалары аясында Шымкент қалалық партия филиалы «Қазақстан халқы Ассамблеясы», жұмыспен қамту және әлеуметтік қорғау, денешынықтыру және спорт басқармаларымен бірлесе отырып осындай орталық ұйымдастырмақ. Ол зейнеткерлер мен әлеуметтік әлсіз топтағы адамдарды қолдауды күшейту, мүмкіндігі шектеулі азаматтардың денсаулығын нығайтуға жағдай жасауға бағытталған.

– Жиырма жыл ішінде халықтың әл-ауқаты артты. Алдағы 10 жылда да маңызды мақсаттарды көздеп отырмыз. Белсенді саясатқа көшуіміз керек. Бұл ретте жұмыспен қамту, қауіпсіз еңбек жағдайларын қамтамасыз ету. білім беру инфрақұрылымын дамыту, медицина қызметкерлерінің еңбекқасын көтеру, дәрі-дәрмек бағасын төмендету саясатына назар аударамыз.

Сондай-ақ, азаматтардың қолайлы өмір сүруіне жағдай жасау, жастарды қолдау, жастардың бизнес бастамаларын қолдау, шығармашылықтарын дамыту да басты назарда. Жалпы, нақты істердің партиясы екенін дәлелдеу міндеті тұр, – деді
Б. Нарымбетов.

Жарыссөзге шыққан бірқатар азаматтар партияның 20 жылдағы жетістіктері, 10 жылдық бағдарламасының ұтымдылығы, төңірегінде ойларын ортаға салды.

Шымкент қаласында 21 845 партия мүшесі бар, олар 43 бастауыш партия ұйымдарында тіркелген. Қалалық филиал конференциясына 334 делегат сайланып, оның 321-і қатысты.

Конференция жұмысын Шымкент қаласы әкімінің бірінші орынбасары Қ. Нұртай қорытындылады.
– Қалада барлық салада бақылау күшейтілуде. Бағдарламада айтылған мақсаттардың бәрі де өзекті. Айтылған мәселелердің бәрі зерделенеді. Ең басты мақсат – халықтың өмір сүру сапасын арттыру, экономикалық өсімді молайту.

Қала активіне алдағы атқарылатын жұмыстар бойынша нақты тапсырмалар беріледі. Алда партияның 20 жылдық жетістігіне арналған тарихи сьезді өтпек. Осынау маңызды жиынға қатысатын делегаттарға сәттілік тілеймін, – деді қала әкімінің бірінші орынбасары.

Жиында «Нұр Отан» партиясының кезекті ХVІІІ съезіне «Нұр Отан» партиясы Шымкент қалалық филиалынан 60 делегат сайланды. Делегаттардың бәрі де тізім мүшелерін бірауыздан қолдап, дауыс берді.

Страница 3 из 13