ЖАҢА СПОРТТЫҚ НЫСАН – ЕЛ ИГІЛІГІНДЕ Избранное

Пятница, 27 Январь 2023 09:42 Автор  Опубликовано в Қала Прочитано 1039 раз

Шымкент қаласында спорттық нысандар саны жаңа орталықпен толықты. Заманауи талаптарға сай үстел теннисі орталығы салтанатты түрде ашылды. Жаңа нысанның құрылысы 2022 жылдың қазан айында аяқталған болатын. Құрылыстың жалпы құны – 1,2 млрд теңге. Қазіргі таңда орталық Шымкент қаласының үстел теннисі федерациясына қарасты.

67

 

Шымкент қаласының әкімі Мұрат Әйтенов, белгілі кәсіпкер Серікжан Сейітжанов жаңа нысанның лентасын қиып, орталықтың мүмкіндігімен танысты. Сондай-ақ, спорт кешенінің ашылуына орай, үстел теннисінен «SHYMKENT CUP» республикалық ашық турнирі басталды.
– Шымкентте спорттық инфрақұрылымның жағдайы жыл сайын жақсарып келеді. Бүгін, міне, жоспарға сай әлеуетті теннис орталығы ашылып отыр. Бұл нысан қалада бұқаралық спорттың дамуына өз септігін тигізеді. Шаһарда үстел теннисімен жалпы 2000-ға жуық спортшы шұғылданады. Ал бірінші республикалық ашық турнир дәстүрге айналып, ауқымы кеңейе беруіне тілектеспіз. Бүгінгі жарыста тек мықтылар жеңсін! – деді қала әкімі.
26-29 қаңтар аралығына жоспарланған республикалық турнирге Ресей, Өзбекстан, Қырғызстан, Әзірбайжаннан және еліміздің өңірлерінен 230-дан астам спортшы келген. Турнирдің жалпы жүлде қоры – 5 700 000 теңге.

Тағабай ҚАСЫМ

Л. Гумилев атындағы ЕҰУ-дің 2010 жылғы түлегі. 2012-2013 жылдары облыстық «Оңтүстік Рабат» газетінің, 2014-2016 жыл аралығында республикалық «Спорт» газетінің тілшісі қызметін атқарды. 2013 жылдың тамыз айынан бері «Шымкент келбеті» газетінде тілші болып жұмыс істейді.

Другие материалы в этой категории: « «ҚЫС ҚАМЫҢДЫ ЖАЗ ОЙЛА» КҮШІМІЗ – БІРЛІКТЕ »