«Қағазға екінші өмір сыйла!». Бұл - шаһар тұрғындарының экологиялық сауаттылығын көтеруге бағытталған жобаның бастамасы. Бүгінде экологиялық қоқыс жинауға арналған 500 қорап денсаулық сақтау, білім басқармаларына қарасты мекмелер мен 35 мектепке қойылған.
– Жүз келі макулатура бір ағаштың кесілмеуіне себеп болады. Экобоксқа жиналған қағазды айына бір рет алмастырып отырамыз. Келер жылы қаладағы саябақтар мен адам көп шоғырланатын орындарға қоқысты сұрыптап тастайтын арнайы жәшіктер орнатамыз. Көктемде көгалдандыру бойынша ағаш отырғызу жоспарда тұр. Қайырымдылық шараларын ұйымдастыруға дайынбыз, - дейді жас кәсіпкер Бақытжан Сансызбай.