Қазіргі таңда «ҚазақСтройЖол» ЖШС мердігер компаниясы Ә.Молдағұлова көшесіндегі №44 үй мен Кремль көшесіндегі №11 көпқабатты үйдің аулаларында құрылыс жұмыстарын бастап кетті. Тағы бір алаңша Қатынкөпір шағын ауданындағы Теміртау көшесінде бой көтереді.
– Аудан аумағындағы көпқабатты тұрғын үйлердің аулаларын абаттандыру және балалар ойын алаңшасын орнату жұмыстарын жүргізу мақсатында 49 аулаға жобалық-сметалық құжат дайындалып, биыл соның ішінде 10 аулаға бюджеттен қаржы қарастырылады, - дейді Абай ауданы әкімінің орынбасары Нұрлан
Тілеш.
Әкімдік өкілдерінің мәліметінше, қазіргі таңда ауданда құрылыс жұмыстарын жүргізу үшін мемлекеттік сатып алу конкурсы өтуде.
