Қазақстан Журналистер одағы Шымкент қалалық филиалының жиынында қарымды қаламгерге арнайы төсбелгі табыс етілді. Жиынға Шымкенттегі Журналистер Одағының мүшелері, ардагер қаламгерлер қатысты.
Асхан Майлыбаева Оңтүстік өңіріне ғана емес, республикаға танымал тәжірибелі журналист. Баспасөз саласында 40 жылдан астам уақыт жемісті еңбек етіп келеді, ақындық қарымымен де танылған қаламгер. Қаламы қуатты, сөзі алымды әріптесіміз бұған дейін облыстық «Оңтүстік Қазақстан» газетінде бас редактордың 1-ші орынбасары қызметін абыроймен атқарып, көптеген шәкірт тәрбиеледі.
Асхан Қожакелдіқызының мерейлі атаққа ие болуы «Шымкент келбеті» газетінің ұжымы үшін де үлкен мерей.
