Бетперденің қолжетімділігі мен бағасы бақылауға алынады

Пятница, 20 Март 2020 18:58 Автор  Опубликовано в Қала Прочитано 468 раз

Бүгінде қала аумағындағы киім тігетін фабрикалар шұғыл түрде дезинфекциялық заттар шығаратын кәсіпорынға айналды.

Шымкент қаласы мәслихатының хатшысы Ғани Ташқараев, депутат Ермек Дәрменов пен «Атамекен» кәсіпкерлер палатасының директоры Нұрлан Қабыштаев режимдік жұмыс барысында бетперде мен дизинфекциялық заттар шығаратын бес кәсіпорынды аралап, қолдау қажет етіп отырған мекемелердің қаржы немесе құжат рәсімдеу мәселелерінің шешу жолдарын қарастырды.
Қазіргі таңда «Оңтүстік» арнайы экономикалық аймағында орналасқан «АГФ групп» ЖШС кәсіпорны күніне 5000-ға жуық антиаллергенді маска тігіп, тұрғындарды бетперделермен қамтуды қолға алды. «Экофарм» ЖШС 1,5 млн медициналық маскаға жететін шикізатпен қамтамасыз етуге дайын, ал «ALATEX» фабрикасының өкілдері 70-ке жуық жұмысшымен күніне 100 мыңға дейін маска тігіп шығаруға мүмкіндігі бар екенін жеткізді.
Сондай-ақ, антисептик шығаратын кәсіпорын да өз өнімдерінің мөлшерін арттырып жатыр. Енді дәріханаларға түсетін көп реттік маскалардың қолжетімділігі мен бағасы бақылауға алынады.

Последнее изменение Воскресенье, 22 Март 2020 19:23
Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.