Версия для печати

«ЖАСЫЛ ДӘЛІЗ» ТӘУЛІК БОЙЫ ЖҰМЫС ІСТЕЙДІ Избранное

Пятница, 03 Апрель 2020 06:16 Автор  Опубликовано в Қала Прочитано 1776 раз
Оцените материал
(0 голосов)

111

Бекеттерден тіршілікті қамтамасыз ететін көліктер мен транзиттік машиналар кедергісіз өтуі керек. Бұл туралы Шымкенттегі бірқатар бекетті аралап шыққан қала әкімі Мұрат Әйтенов айтты.

Әкім халықаралық маңызға ие «Ташкент – Алматы – Термез» тасжолындағы «Ақжар», «Шымкент – Самара» бағытындағы, қаладан Түркістанға шығатын «Бадам» бекеті мен Батыс Еуропа – Батыс Қытай көлік дәлізіне қосылатын «Бозарық» бекеттерін аралап көрді.
Мұрат Дүйсенбекұлы бірінші кезекте барлық бекеттерде «жасыл дәліз» ұйымдастыруды тапсырды. Ол жерден тіршілікті қамтамасыз ететін көліктер, азық-түлік тасымалдаушы машиналар мен транзиттік жүк көліктері, басқа да арнайы техникалар кедергісіз өтеді.
Көлік жүргізушілері мен салондағы жолаушылар міндетті түрде тіркеуге алынып, медициналық құрылғымен тексеріліп өткізіледі. Блок-бекеттерде медициналық қызметкерлер мен құзырлы орган өкілдері, әкімшілік қызметкерлері ауысыммен тәулік бойы қызмет атқаруда.
Мұрат Әйтенов блок-бекеттерде тұрған жолаушыларға шектеу кезіндегі талаптарды сақтап, үйлеріне қайтуға кеңес берді. Өйткені қала аумағы үлкен, миллион халқы бар. Оған қоса шектеу қойылған күннің өзінде қала арқылы арлы-бері 200 мыңға жуық халық қатынайды екен.
Шымкент тоғыз жолдың торабында жатыр. Сондықтан қала әкімі қауіпсіздік шараларын барынша күшейтуге шақырды. Қазір қалада 18 блок-бекет тәулік бойы жұмыс істеп тұр.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.