ЖҮРЕККЕ ТІЛІКСІЗ ОТА ЖАСАДЫ Избранное

Среда, 28 Октябрь 2020 04:10 Автор  Опубликовано в Қала Прочитано 144 раз

Шымкентте алғаш рет кардиохирургтар жабық түрде жүрегінде ақауы бар науқастың қақпақшасын хирургиялық жолмен ауыстырып берді.

619

 

Пышақсыз жасалатын отаға жергілікті ақ халаттыларға Нұр-Сұлтан қаласы Ұлттық ғылыми кардиохирургиялық орталығынан білікті мамандары көмекке келді.
Ұлттық ғылыми кардиохирургиялық орталығының интервенционды кардиология және радиология бөлімінің меңгерушісі Серік Алимбаев және катетерлеу зертханасының меңгерушісі Абдурашит Мусаевтың қатысуымен 82 жастағы қарт кісінің жүрегіне жабық түрде операция жасалды. Ота кезінде мамандар науқастың аяқ күре тамырына жеткізуші құрылғы арқылы еніп, жүрек қақпашасын хирургиялық жолмен алмастырып берді.
– Ота түрі – аорта қақпақшасын транскатетерлі имплантациялау деп аталады. Операция жұмыс істейтін жүрекке жасалды. Яғни, өкпені жасанды желдетусіз істелді. Сондықтан біз отаның негізгі бөлігі - қақпақшаны алмастыру уақытын 20 секундта жасап бітірдік. Шымкенттік дәрігерлердің мүмкіндігі зор. Кардио орталықта науқастар мен мамандарға қажетті жағдай жасалған, - дейді Ұлттық ғылыми кардиохирургиялық орталығының интервенционды кардиология және радиология бөлімінің меңгерушісі С.Алимбаев.
Операция жасалған 82 жастағы науқасқа «аорта қақпақшасының стенозы» диагнозы қойылған. Әдетте кардиологтар егде жастағыларға жүрегіне ота жасауға кеңес бермейді. Дегенмен бұл жолы білікті мамандар тәуекелге барып, қарт кісінің жүрек қақпақшасын алмастырып берді. Дәрігерлер ота сәтті және тіліксіз өткендіктен, науқас екі-үш күн аралығында оңалады дейді.
Бұл тәжірибе алмасу отасы нәтижесінде жергілікті медицина мамандары жүрек қақпақшасына жабық түрде ота жасауды өз бетінше атқара алатынын айтады.
Айта кетейік, мұндай операцияның түрі медициналық көмектің кепілдендірілген көлемі шеңберінде елдің әрбір азаматына ақысыз түрде көрсетіледі.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.