Донорлық акцияға Ассамблеядағы этномәдени бірлестіктердің төрағалары, мүшелері – жалпы, 30-дан асам адам қатысты. Игі іс 1 наурыз – Алғыс айту күні қарсаңында қолға алынған және Қазақстан Республикасы тәуелсіздігінің 30 жылдығына орайластырып отыр.
– Бұл іс-шарамыз «Тәуелсіздіктің 30 жылдығына – 30 игі іс» марафоны аясында қолға алынып отыр. Қайырымдылық марафонының өзі бүгіннен бастап қараша айына дейін жалғасады, - деді «Қоғамдық келісім» мекемесінің этномәдени бірлестіктермен жұмыс істеу бөлімінің басшысы Ұлжан Айтубаева.
Қан орталығының мамандары донорларды тіркеп, бірнеше тексеруден өтті. Содан кейін қан тапсыруға қарсы көрсеткіші жоқ еріктілер қан тапсырды. Этномәдени бірлестіктердің мүшелері мұндай игі іске қуана қатысып отырғандарын, өзге жандарға қол ұшын созудың үлкен қайырымдылық екенін атап өтті.