Бұл жолы Шымсити шағынауданындағы көшелерге 1000 түп ағаш отырғызылды. Аталған іс-шараны ұйымдастырушы әрі демеушілік жасаған – «Мейірім шуағы» қоғамдық қоры болды.
«Мейірім шуағы» қоғамдық қорының жетекшісі Асқар Молдабек: «Жүз жылдығын ойлаған ағаш егеді» деген. Іс-шараның өтуіне ат салысып жатқан азаматтардың барлығы елім деген жанашырлар, қала белсенділері. Барлығымыз қаланың гүлденгенін қалаймыз», - деді.
Шаһар басшысы қала тіршілігіне бейқам қарамайтын белсенді тұрғындарға өз алғысын жеткізді. Бұдан бөлек, елімізде жарияланған төтенше жағдай кезінде қордың атынан медицина мекемесіне ИВЛ аппараттары мен тұрғындарға дәрі-дәрмек, азық-түлік үлестірілгенін де атап өтті.
Жалпы, «Мейірім шуағы» қоғамдық қорының мақсаты көпбалалы, жалғызбасты ана, тұрмысы төмен отбасыларға әлеуметтік және моральды көмек көрсету арқылы олардың қоғамның өзін-өзі қамтыған отбасылар қатарына қосылуына ықпал ету. Бүгінгі таңда мекеме балаларды реабилитациялық-түзету, дамыту жұмыстарымен айналысады. Онда қазір тірек-қимыл аппараты бұзылған 120-130 балаға медициналық қызмет көрсетіліп жатыр.