Версия для печати

КАРАНТИН МЕРЗІМІ – 10 КҮН Избранное

Среда, 26 Январь 2022 04:10 Автор  Опубликовано в Қала Прочитано 1112 раз
Оцените материал
(0 голосов)

Елімізде жақын байланыста болған және симптомсыз науқастар үшін карантин мерзімі қысқартылды. Үкімет отырысында ҚР Денсаулық сақтау министрі Ажар Ғиният осылай деді.

101

 

«Омикрон» штамынан туындаған коронавирус инфекциясының таралу жылдамдығы мен ағымының ерекшеліктерін ескере отырып, карантин және «Ашықтағы» мәртебенің өзгеру мерзімдері қайта қаралды. Сонымен, жақын байланыста болған және сиптомсыз науқастар үшін карантин мерзімі 14-тен 10 күнге дейін қысқартылды. Бұл ретте 7 тәуліктен кейін ПТР-зерттеудің теріс нәтижесі болған кезде карантин аяқталады», – деді министр. Ведомство басшысының айтуынша, егер қандай да бір себептермен 7 тәулікке арналған ПТР-тест тапсырылмаса, онда карантин тестті қосымша тапсырусыз оныншы күні аяқталады. «Бұл өлшем-шарттар Бас мемлекеттік санитариялық дәрігердің шектеу шаралары жөніндегі және жұмыс ережелері мен «Ашықтағы» мәртебенің өзгеруін айқындайтын қаулыларында көрініс тапты», – деді Ажар Ғиният.
Шымкентте өткен тәулікте коронавирустың 85 жағдайы тіркелді. Оның ішінде 46 адамда ауру белгілері болса, 39-да белгілері жоқ. Індет жұқтырған 21 адам инфекциялық стационарға жатқызылып, 64 адам үй бақылауына алынды.
Қазіргі таңға мамандандырылған инфекциялық стационарларда төсек-орын толымдығы 47 пайызды құрайды. Инфекциялық стационарда 394 науқас, 48 науқас жансақтау бөлімінде емделуде.
Қала аумағында санитарлық-эпидемиологиялық талаптардың сақталуына мониторинг жүргізетін 40 мобильді топ 24 қаңтар күні 106 нысанға тексеру жұмыстарын жүргізді. Оның ішінде карантин режимінің талаптарын бұзған нысандар анықталмады.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.