–Үшінші мегаполисте екінші дүниежүзілік соғыс ардагерлеріне берілетін бірреттік қаржы көлемі белгілі болды. Бұл қаражат ардагерлердің есепшоттарына аударылады. Оны алу үшін ешқандай құжат жинаудың қажеті жоқ. Себебі, біз зейнетақы төлеу орталығынан арнайы тізім аламыз. Сондай-ақ, қалада соғыс ардагерлеріне теңестірілген азаматтар бар. Оларға 36 АЕК – 110 260 теңгеден төленеді. Бұдан бөлек, 2500-ден астам тыл ардагеріне 12 АЕК беріледі, ол –
36 756 теңге. Бұл қаражаттар да бірреттік есепшоттарына түседі»,- дейді қалалық жұмыспен қамту және әлеуметтік қорғау басқармасының бөлім басшысы Ұлдана Бекбау.
Қаржылай көмектен бұрын аталған азаматтарға шипажайларға да жолдамалар беріледі. Сондай-ақ жылына екі рет басылымдарға жазылуға мүмкіндігі бар. Айта кетейік, қаладағы ардагерлер саны жыл санап азайып келеді. Олардың ең қарты биыл желтоқсан айында 100 жасқа толады. Ал, өткен жылы осы уақытта 21 соғыс ардагерінің көзі тірі еді.
