Шымкентте медицина қызметкерлерінің кәсіби мерекесі атап өтіліп, дәрігерлерге пәтер кілті табысталды. Салтанатты жиынға Шымкент қаласының әкімі Ғабидолла Әбдірахымов, Шымкент қаласы мәслихатының хатшысы Ғани Ташқараев, «Nur Otan» партиясының Шымкент қалалық филиалы төрағасының бірінші орынбасары Бахадыр Нарымбетов және медициналық ұйымдардың қызметкерлері, ардагер-дәрігерлер қатысты.

DSC 4764

Қала әкімі дәрігерлерді кәсіби мерекесімен құттықтап, медицина саласында атқарылатын жұмыстарға тоқталды.

– Елбасының тапсырмасына сәйкес, 1 маусымнан бастап дәрігерлердің жалақысы 30 пайызға көтерілді. 2 қалалық аурухана мен қалалық перзентхана күрделі жөнделуде және мемлекеттік-жекеменшік әріптестік аясында 8 емхана салынады. Жуырда шет елдік инвесторлармен келіссөз жүргізілді. Нәтижесінде 1200 орындық көпсалалы аурухана салынады.

Дәрігерлердің әлеуметтік жағдайын жақсартуда баспанамен қамтамасыз ету мәселесі шешіледі. Дәрігердің шетелдерде біліктілігін арттыруға жағдай жасалады. Жыл соңына дейін жедел жәрдем стансалары 100 санитарлық көлікпен қамтамасыз етіледі, – деді Ғабидолла Әбдірахымов.

Салтанатты жиында қала әкімі 9 маманға пәтер кілтін табыстады. Соның ішінде қалалық кардиологиялық орталықтың екі дәрігеріне қызметтік пәтер берілді. Сондай-ақ, медициналық ұйымдардың 30-дан аса қызметкері Шымкент қаласы әкімінің, қалалық мәслихат, «Nur Otan» партиясы және денсаулық сақтау министрінің марапатына ие болды.

Шымкент қаласы денсаулық сақтау басақрмасының басшысы Асхан Байдувалиев та дәрігерлерге игі тілегін жеткізіп, үздіктерді марапаттады. Қалалық онкологиялық орталық «Үздік аурухана ұйымы» атанса, №3 емхана - «Үздік емхана ұйымы», қан орталығы - «Үздік медициналық ұйым» деп танылды, терепевт, хирург, педиатр, акушер-гинекологтар арасынан жылдың үздіктеріне құрмет көрсетілді.

Айта кетейік, Шымкентте мемлекеттік 36, жекеменшік 69 медициналық ұйымда 12 мыңнан астам қызметкер халыққа қызмет көрсетеді.

Кезектен тыс Президент сайлауының әділ өтуіне атсалысқан Шымкенттегі «Аманат» азаматтық платформасының бақылаушылары саяси додада өрескел заңбұзушылықтарды тіркеп, ескертулер жасаған.

5959595

Бұл туралы «Аманат» азаматтық платформасының Шымкент қаласы бойынша жетекшісі Ербол Дайрашев сайлау қорытындысын журналистермен бөліскен басқосуда жеткізді.

– Біздің бақылаушылар қаладағы 241 сайлау учаскесінде бақылау жүргізді. Арасында заңсыздықтарға жол берген учаскелер кездесті. Соның ішінде 5 сайлау учаскесінде өрескел заң бұзушылықтар тіркелді. Олардың арасында бюллетенді топтап салу, жеке куәліктің көшірмесімен дауыс беру, учаскенің уақтылы ашылмау фактілері болды. Кейбірінде фото және видио жасауға рұқсат берілмеген.

Сонымен қатар халықтың дауыс беруіне ыңғайлы жағдай жасалмаған учаскелер анықталды. Нәтижесінде екі бақылаушыға жедел жәрдем қызметін шақыруға тура келген. Оларға қатысты тиісті акт толтырылды. Бұдан бөлек, 8 ауызша ескерту жасалды, - деді Ербол Дайрашов.

Жетекшінің айтуынша, «Аманаттың» Шымкенттегі штабы 500 байқаушыны дайындаған. Саяси дода уақытында қосымша 18 мобильді капитан үйлестіру жұмыстарын жүргізген. Жиын барысында азаматтық платформа мүшелері де өздері жүргізген бақылау нәтижелерімен бөлісіп, сайлаудың ашық өткенін жеткізді.

Айта кетейік, «Аманат» платформасы қоғам белсенділерімен БАҚ өкілдері және басқа да қоғамдағы белсенді азаматтардың қатысуымен құрылған болатын.

1 маусым - халықаралық балаларды қорғау күні мерекесі аясында Арбатта балалар жәрмеңкесі өтті.

ярмарка

Бизнес жəрмеңке «Shymkent» әлеуметтік кәсіпкерлік корпорациясының қолдауымен осымен екінші рет ұйымдастырылды. Бұл жолы айтулы іс-шараға 6 мен 14 жасқа дейінгі 90 бала-кəсіпкер қатысуға өтініш берген. «Shymkent» ӘКК басқармасының басшысы Рашид Аюпов балаларды мерекемен құттықтап, олардың балалық шағы бақытты өтуіне тілектестік білдірді.

- Шымкентте керемет ауа райы мен еңбекқор халық бар. Сондықтан балаларымызды жастайынан кәсіпкерлікке үйретуді мақсат еттік. Өткен жәрмеңкеге қатысқан 70 баланың саны бұл жолы 90-ға артты. Балалардың жұмысын саралай келе, келешекте оларды бейіміне қарай топтастырып, шығармашылық еңбегін дамытуға қолдау жасаймыз, - деді Рашид Аюпов.

Жәрмеңкені аралап, балалардың еңбегімен танысқан Р.Аюпов кішкентай кәсіпкер Әлімжан Аденовтың қолынан шыққан бұйымды сатып алды. Жәрмеңке қорытындысында белсенді қатысушылар марапатталып, сыйлықтарға ие болды.
Кішкентай кәсіпкерлер саудадан түскен қаржының 10 пайызын нашар еститін балаларға арналған мектеп-интернатта робототехника кабинетін жабдықтау жөніндегі жобаға аударды.

Жаңа қойылым – балаларға

Пятница, 31 Май 2019 04:57

Шымкент қалалық қуыршақ және жасөспірімдер театрында «Хочу бодаться» қойылымының тұсаукесері өтті.

куыршак

Балалар жазушысы Райм Фархадидің ертегісі бойынша сахналанған қойылым Қазақстанның Өзбекстандағы жылына арналып отыр.

Қойылымның қоюшы-режиссері - Антонина Малюченка. Достықты дәріптеп, алдау-арбаудың, жамандық жасаудың соңы жақсылыққа апармайтынын жеткізген қойылым балалардың көңілінен шықты. Олар да ертегі әлеміне сапар шегіп, қуыршақтармен бірге мұңайып, бірге қуанды.

Қойылым соңында театр директоры Б.Спанов мәдениет қызметкерлерін төл мерекемен құттықтап, еңбектерін ерекше атады, үздіктерге құрмет көрсетті.

Шымкент қаласы әкімі, Шымкент қаласы мәслихатының және республикалық салалық мәдениет, спорт және ақпарат қызметкерлері кәсіподағының алғыс хаттарымен Умида Сапарова, Әйгерім Сапарбекова, Зарема Фархатқызы, Жанат Оңалбек марапатталды.

Сондай-ақ, театрда ұзақ жылдар бойы еңбек етіп келе жатқан Омархан Нәсірұлына «Еңбек даңқы» төсбелгісі табысталды.

Үшінші мегаполисте алғаш рет «OTBASY FEST» әлеуметтік және қайырымдылық фестивалі ұйымдастырылды.

DSC 9880

Шымкент қаласы отбасы, балалар және жастар істері жөніндегі басқармасының ұйытқы болуымен қолға алынған шараға 100-ге жуық мекеменің өкілдері қатысты.

– Фестивалдің мақсаты – ата-аналар мен балаларға қажетті қызмет түрлерін бір ортаға тоғыстырып, бүлдіршіндердің жүзіне күлкі мен жылулық сыйлау, отбасы жарасымын қалыптастыру, - деді басқарма басшысы Ж.Қалтаев.

Мереке аясында балалар арасында түрлі спорттық ойындар, ата-аналар арасында байқаулар ұйымдастырылды. Қаладағы барлық мекемелердің өкілдері қатысып, тұрғын үй, әлеуметтік жәрдемақылар, жұмыспен қамту мәселелері бойынша кеңес берді.

Сонымен қатар қалалық №1, №2 емхана дәрігерлері халыққа кеңес беріп, қызмет көрсетті. Отбасы фестивалінің қызықты тұсы – шеберлік сабақтарына қатысушылар қарасы көп болды. Олар визажист, шаштараз, тырнақ әрлеушілері, қолөнер шеберлері және аспаздар шеберлік-сабақтардан пайдалы дүниелер үйренді.

Іс-шара екі күнге жалғасып, қорытынды күні белсенді қатысушылар марапатталып, балғындарға түрлі сыйлықтар табысталды.

ҰБТ-ға дайынсың ба, жас түлек?

Пятница, 24 Май 2019 04:33

Үшінші мегаполистегі білім ордаларында соңғы қоңыраудың соғылуына санаулы күн қалды. Шымкент қалалық білім басқармасының берген мәліметіне сүйенсек, биылғы оқу жылында қалада 8 104 оқушы мектеп бітіреді. Оның ішінде қазақ тілінде – 5 533 оқушы, орыс тілінде – 1 511 оқушы және өзбек тілінде 1 060 оқушы бар.

20181024123501 1

Түлектерден ұлттық бірыңғай тестке қатысуға өтініштер 10 наурыз бен 10 мамыр аралығында қабылданды. Мамандар бүгінгі таңда 5576 оқушыдан өтініш түскенін айтады. Оның ішінде 4567 оқушы - қазақ тілінде, 987 оқушы - орыс тілінде, 7 оқушы - ағылшын-қазақ тілінде, 15 оқушы ағылшын-орыс тілінде тест тапсырмақ.

2018-2019 оқу жылында «Алтын белгіге» – 403, ал «Үздік аттестатқа» 367 түлек үміткер болып отыр. Айта кетейік, «Алтын белгі» иегерлері, жалпы бейіндік пәндер бойынша республикалық және халықаралық олимпиадаларының, сондай-ақ ғылыми жобалардың жүлдегерлері мен жеңімпаздары ҰБТ сынағын жалпыға бірдей негізде тапсырады.

Биылғы жаңашылдық

ҰБТ әдеттегідей 20 маусым мен 5 шілде аралығында өтеді. Шымкент қаласы білім саласындағы бақылау департаментінің басшысы Жанат Тәжиева шаһарда 5 тестілеу бекеті дайындалып, қажетті құралдармен жабдықталып жатқанын атап өтті.

– Биылғы оқу жылының өзіндік ерекшелігі бар. Ол ағылшын тілі пәні өзінің тест тапсыру деңгейінде болса, мысалы, ағылшын тілі курсынан өткен сертификаты қолында болған жағдайда тиісті балл автоматты түрде қойылып беріледі. Ол талапкерлерге үлкен мүмкіндік береді, - дейді Жанат Тәжиева.

Ұлттық тест жоғары оқу орнына түсу емтиханы және мемлекеттік гранттарды бөлу жүйесі ретінде қалады. Тапсырған түлекке жалпы 120 сұрақ қойылады. Бөлінетін уақыт – 3 сағат 30 минут. ЖОО-на түсу үшін бағаның ең төменгі шегі өзгеріссіз – 50 балл деңгейінде қалды. Ең жоғары көрсеткіш – 140 балл (бейінді пәндер бойынша берілген дұрыс жауаптар есебінен).

– Сауаттылықты тексеруге арналған тапсырмалардың ҰБТ-ға енгізілу себебі – студентке оқуда түрлі ақпарат көздерімен жұмыс істеп, оларды сараптауға, сол көздерден алынған ақпараттарды салыстыруға және тұжырымдауға тура келеді, - дейді Шымкент қаласы білім басқармасы басшысының міндетін атқарушы Айгүл Текебаева. – Демек, бұл дағдылар мектеп түлегінің алдағы білім алу барысында өте қажет болады.

Бейінді пәндер бойынша тапсырмалар ұсынылған бес жауаптың ішінен тек жалғыз дұрыс жауабы бар 20 сұрақтан, сондай-ақ, көп жауаптың ішінен бірнеше дұрыс жауабы бар 10 сұрақтан құралады. Бейінді пәндер бойынша тестілеу барысында бірнеше дұрыс жауабы бар сұрақтар арқылы талапкерлердің нақты тақырыпты қаншалықты меңгергендері анық көрінеді.

Биыл ҰБТ-ны ақылы негізде тапсыру мүмкіндіктері де сақталып отыр. Яғни, талапкер жоғарғы оқу орындарына ақылы негізде түсу үшін ҰБТ-ны жылына 4 рет (қаңтар, наурыз, маусым, тамыз айлары) тапсыра алды.

Ал грант бойынша білім алу үшін алдағы маусым айындағы ҰБТ-ға қатысуы қажет.Айта кетейік, ҰБТ 2019 жылғы 20 маусым мен 5 шілде аралығында өтеді.

Түлектер кеші шығынсыз өтсе

«Бітірушілер кешін артық шығынсыз өткізейік!». Шымкенттегі білім ордаларындағы қоғамдық ұйымның мүшелері осындай үндеу тастап отыр. Аталған іс-шараға Шымкент қаласы білім басқармасының мамандары, «Жас Ұлан» балалар мен жасөспірімдер ұйымы және «Адал ұрпақ» қалалық клубының белсенді мүшелері қатысты.

2018-2019 оқу жылының аяқталуына байланысты оқушылардың соңғы қоңырауға дайындығы мен олардың қауіпсіздігін қамтамасыз ету мәселесі пысықталуда. Жылда 25 мамырдан кейін оқушылар қымбат көліктер жалдап, кафе-тойханаларда, тіпті қала сыртындағы саяжайларда «мерекені» атап өтуі дәстүрге айналып кеткені жасырын емес.

– Ешкімге артық шығын керек емес. Бұл кеш мектеп түлектері мен ата-аналардың қатысуымен өтетін жақсы кездесу болсын. Бұл күні мектеп бітірушілердің қауіпсіздігі, ең алдымен, ата-ана үшін де, қоғам үшін де маңызды.

Сонымен бірге осындай атаулы күні ата-аналар сыйлық ретінде жұмсайтын қаражатты баланың болашағына жаратуын қолдаймыз, - десті бірауыздан белсенді жастар.

Еске салсақ, ҚР Білім және ғылым министрі мектеп бітіру кештерін мектеп қабырғасында, тек мектептің аумағында ғана, еш артықшылықсыз өткізуді тапсырған болатын.

ҚР денсаулық сақтау министрлігіне қарасты фармация мен қоғамдық денсаулық сақтау комитеттері біріктіріліп, Тауарлар мен көрсетілетін қызметтердің сапасы мен қауіпсіздігін бақылау комитеті болып құрылуда.

IMG-20190523-WA0011

Бұл туралы Шымкент қаласы әкімдігінің ақпараттық-коммуникациялық орталығында «Дәрілік препараттарды сату мәселесі» тақырыбында өткен брифингте қалалық қоғамдық денсаулық сақтау департаментінің басшысы Ә.Төлебаев мәлімдеді.

Шымкент қаласы денсаулық сақтау басқармасы, қоғамдық денсаулық сақтау департаменті және Фармация комитетінің Шымкент қаласы бойынша департаменті ұйымдастырған брифингте дәріханаларда дәрілік заттарды рецепт бойынша сату мәселесі түсіндірілді.

– Дәрі-дәрмектердің рецепт бойынша сатылуы маңызды мәселе болып тұр. Дәріні тиімсіз қолданудан адамның денсаулығына зиян келген фактілер кездесуде. 2018 жылы дәріханаларда рецепсіз дәрі сатудың 24 фактісі тіркеліп, шара көрілді.

Заңды бұзғандарға 70-тен бастап 1000 АЕК айыппұл салынады. Әсіресе, тұрғындарға антибиотиктермен емделуде дәрігердің кеңесі мен олар жазып берген рецепт бойынша ем алуға кеңес береміз. Өйткені өз бетімен немесе тамыр-таныстардың айтуымен антибиотикпен емделу қауіпті ауруларға соқтырады, - деді ҚР ДСМ Фармация комитетінің Шымкент қаласы бойынша департаментінің басшысы Л.Қашқымбаева.

Мамандардың айтуынша, елімізде дәрілік заттардың 7 792 атауы тіркелген, оның 6 033-і дәрігердің рецептімен, 1759-ы рецепсіз сатылады.

Айта кетейік, Шымкентте 1180 дәріхана жұмыс істейді. Мамандар дәрілік препараттарды сату бойынша түсіндіру жұмыстары бастап кетті.

Мейіргерлер мерекесі

Пятница, 17 Май 2019 04:24

Үшінші мегаполисте халықаралық мейірбикелер күні салтанатты түрде аталып өтті.

Мерекеге Шымкент қаласы әкімінің орынбасары Гүлжан Құрманбекова, Шымкент қаласы денсаулық сақтау басқармасының басшысы Асхан Байдувалиев, денсаулық сақтау ұйымдарының орта буынды қызметкерлері мен ардагер-мейіргерлер қатысты. Салтанатты жиында ардагерлерге құрмет көрсетілді.

– Мейіргерлер – әрдайым науқастың қасында болатын қызметкерлер. Науқастың нәтижелі емделуі, тез оңалуы және жағдайының жақсаруының 80 пайызы мейіргерлік күтімге байланысты. Мейірімділік, елгезектік, қайырымдылық және адам өміріне үміт сыйлау секілді қасиеттер мейіргерлерге тән.

Медицина саласында фельдшерлер, акушерлер және орта буынды медицина мамандарының еңбектері зор. Сондықтан олар құрмет көрсетуге де алғысқа да лайықты, - деген қала әкімінің орынбасары Г.Құрманбекова денсаулық сақтау саласының дамуына үлес қосқан мамандарды қала әкімінің Алғыс хатымен марапаттады.

Шымкент қаласы денсаулық сақтау басқармасының басшысы А.Байдувалиев жылдың «Ең үздік мейіргер», «Ең үздік акушер», «Ең үздік фельдшер», «Ең үздік зертханалық маман» атанған қызметкерлерді құттықтап, сый-сыяпат жасады. Бұдан бөлек, бірқатар мамандарға шипажайларға тегін жолдама тапсырылды.

Айта кетейік, республикадағы 175 мыңға жуық орта буын медицина қызметкерлерінің 8500-ге жуығы Шымкент қаласындағы медициналық мекемелерде қызмет атқарады.

Страница 4 из 27