Шымкент келбеті

Үшінші мегаполисте азық-түлік бағаларын негізсіз өсіруге бақылау күшейтіліп, төрт ауданда құрылған мобильдік топтың жұмысы қарқынды жүріп жатыр. Абай ауданының әкімі
Бұхарбай Парманов аумаққа қарасты базарларды аралап, азық-түлік бағасын өсірмеуге, ковид індетінің алдын алуға және елде орын алған ахуалға байланысты халық ішінде түсіндірме жұмыстарын жүргізуде.

Бүгінгі таңда пандемия әлемдік экономиканың дамуына айтарлықтай салқынын тигізді. Дегенмен карантин жағдайына қарамастан бизнес саласы шектеулерге икемделіп, өз қызметін іске асырып келеді. Бизнестің пандемия тудырған қиындықтарға қарсы тұра білуіне іскер азаматтардың құқығын қорғайтын ұйым кәсіпкерлер палатасы айрықша атсалысуда.
Шымкент қалалық кәсіпкерлер палатасының директоры Нұрлан ҚАБЫШТАЕВПЕН болған сұхбатта ұйымның қызметі мен атқарған жұмыстары төңірегінде әңгіме өрбіді.

Тұрғын үй құрылысына үлескерлердің қатысу деңгейі қалада кейінгі жылдары біршама өскен. Дегенмен, бұл салада заң бұзушылыққа жол берген 9 құрылыс компаниясына биыл 7 млн. теңгеден астам айыппұл салынды. Бұл туралы ақпараттық коммуникациялық орталығында өткен брифингте Шымкент қалалық орта сапасы және бақылау басқармасының басшысы Ғалымжан Өтенбаев пен сәулет, қала құрылысы және жер қатынастары басқармасы басшысының орынбасары Ержан Нұразханов мәлімдеді.

Жастар ресурстық орталығында «Білімді жас – Қазақстан болашағы» атты іс-шара өтті. Онда «WorldSkills-Kazakhstan-2021» ұлттық чемпионатында және «Қазақстан Республикасы колледждерінің үздік 100 студенті» байқауында, сондай-ақ қалалық пікірсайыс турнирінде жеңімпаз атанған арнаулы оқу орны студенттері марапатталды.

ҚР Тәуелсіздігінің 30 жылдығы, ОҚМПУ 80 жылдығы және «Қазығұрт» фольклорлық ансамблінің құрылғанына 25 жыл толуына орай Оңтүстік Қазақстан мемлекеттік педагогикалық университеті «Жаңғырған Қазығұрт» атты салтанатты мерейтойлық концерті өтті.

Шымкентте тағы бір кітапхана жаңғыртудан өтті. Тәуелсіздіктің 30 жылдығы аясында қалалық көзі көрмейтін және әлсіз көретін азаматтарға арналған арнайы кітапхана модернизациядан өтіп, пайдалануға берілді. Нысанның ашылу салтанатына қала әкімі Мұрат Әйтенов, қалалық мәслихаттың хатшысы Бахадыр Нарымбетов қатысты.

Қаламызға белгілі дәрігер-уролог Бәтеш Омаров бүгінде Шымкенттегі жекеменшік «Сымбат-Нұр» клиникасының бас дәрігері. Ол талай соқпақтардан өткен отандық медицина осы күнде оң бағытқа қарай өзгергенін айтады.