Биыл қажылық сапарға еліміз бойынша 2500 азамат аттанады. Оның 800-і Оңтүстік Қазақстан облысының тұрғындары. Бұл туралы «Абдул Хамид Каттани» мешітінің баспасөз орталығында өткен брифингте мәлім болды.

Дін өкілдерінің айтуынша, еліміздің қажыларын отандық «СКАТ» және «FlyNas» халықаралық әкекомпанияларымен тасымалдайды. Әуе көлігі Астана, Алматы және Шымкент қалалары арқылы Жидда, Мединеге жол тартпақ. Тамыз айының 23-26-ы күндері аттанған қажылар 7-12 қыркүйек күндері елге оралатын болады. 

Бүгінде қажылыққа ниет еткен азаматтарға екпе жұмыстары толық жүргізілген. Оңтүстік өңірінің орталық мешітінде арнайы курс ұйымдастырылып, қажылық кезіндегі ережелер мен тәртіптер түсіндірілуде. Күнгейлік қажыларға облыстан екі имам жетекшілік етіп бірге баратын болды.