Шымкент келбеті

Үшінші мегаполисте шілде айынан бастап балалар спорт секцияларын жан басына қаржыландыру енгізіледі. Шаһардағы қосымша шығармашылық және спорттық үйірмелермен қамтылмаған балаларға арналған жаңа пилоттық жоба іске асады.

Журналистер арасында достық пен əріптестікті ту еткен дәстүрлі спартакиада өз мәресіне жетті. Ел Тәуелсіздігінің 30 жылдығы аясында Шымкент қаласы Ішкі саясат және жастар істері жөніндегі басқармасының қолдауымен ұйымдастырылған спорттық шарада жеңіс тұғырынан көрінгендер марапатталды.

Үшінші мегаполистегі халық көп шоғырланған аймақ – Абай ауданы. Шаһардың шырайын ашқан ауданның бүгінгі тыныс-тіршілігі біздің назарымыздан тыс қалған емес. Төскейде жайылған төрт түлігі өрісін кеңейтіп, текті азаматтары түрлі кәсіптің тетігін ұстап отырған ауданның жақсы жаңалықтары көп. Оны аудан әкімі Бұхарбай ПАРМАНОВ сұхбат барысында әңгімелеп берді.

28 маусым – Бұқаралық ақпарат қызметкерлерінің күніне орай Шымкентте 19-26 маусым аралығында журналистер арасында дәстүрлі спартакиада өтуде. Спорттық іс-шара ел тәуелсіздігінің 30 жылдық мерейтойына орай, ҚР Журналистер одағы Шымкент қалалық филиалы мен Шымкент қаласы ішкі саясат және жастар істері жөніндегі басқармасының қолдауымен ұйымдастырылды. Оған миллионды қаладағы ақпарат айдынында жүрген медиа саласының үздік командалары қатысып, бақ сынауда.

Үшінші мегаполис мәртебесіне ие болғалы шаһарда соңғы жылдары құрылыс саласы қарқынды дамып келеді. Әсіресе, жол жөндеу жұмыстарына қала басшылығы ерекше ден қойып отыр. Биыл қалада 168 нысанға – 295,3 шақырым жолға құрылыс-жөндеу жұмыстары жүргізілуде. Оның ішінде жыл соңына дейін 155 нысан – 248,8 шақырым жол пайдалануға беріледі. Саланың бүгінгі жай-күйін Шымкент қаласы әкімінің орынбасары Мақсұт Исахов қаланың стратегиялық дамуы аясында атқарылған жұмыстар бойынша өткізген баспасөз брифингінде баяндады.

Дубайда өткен Азия чемпионатында бокстан әйелдер арасындағы сында Қазақстан командасы сегіз алтын иеленіп, жалпы есепте көш бастағаны белгілі. Үшінші мегаполистің атынан 81 килограмм салмақ дәрежесінде сайысқа түскен Фариза Шалтай Азия чемпионы атанып, ел мерейін үстем етті. Жеңімпаз боксшымен қала күні мерекесінің қарсаңында сұхабаттасудың сәті түсті.

Бүгінде қазақстандық ғалымдар  озық технологияны пайдаланып, қымыздан капсула күйіндегі дәрумен, сабын, сусабын секілді қажетті заттарды нарыққа шығаруда. Германияда «Болашақ» бағдарламасымен білімін шыңдаған, жылқы шаруашылығын ғылыми негізде зерттеген кәсіпкер-ғалым, экономика ғылымының кандидаты, қазақ-неміс «Қымыз» ғылыми-зерттеу институтының директоры Айтуған МҰҚАШЕВПЕН Шымкентке келген сапарында сұхбаттасудың сәті түсті. Qaz Health компаниясының негізін қалаушы кәсіпкер отандық ғылымның дамуы мен бие сүтінен өндіріліп жатқан өнімдері жайлы ойымен бөлісті.

Баршамызға белгілі биыл 10 қаңтарда Қазақстан Республикасы Парламенті Мәжілісінің және мәслихат депутаттарының сайлауы өтті. Биыл VII шақырылған мәслихатқа 29 депутат сайланды. Депутаттық корпустағы ел сеніміне ие болған әйелдер мен жастардың үлесі 40 пайызға жетіп отыр. Осы орайда 29 жасқа толмаған қалалық мәслихат депутаттарының арасындағы жаңа есімнің бірі –Тұран ӘЛІМХАНҰЛЫМЕН сұхбаттасқан едік.