Еңбекші ауданының әкімі Ғалымжан Ильясов Жұлдыз тұрғын алабындағы № 94 орта мектепте кезекті есеп беру кездесуін өткізді. Жиынға негізінен Қарабастау, Жұлдыз, Бадам елдімекенінің тұрғындары жиналды. Есепті кездесуге қала әкімінің орынбасары Бұхарбай Парманов қатысты.

еңбекші әкім

Әдеттегідей, аудан әкімі негізгі атқарылған жұмыстарды баяндап, тұрғындардың талап-тілегін тыңдады. Бұл аумақтың тұрғындарын да инфрақұрылым мәселелері қинайды. Яғни, жиында, негізінен, жол жөндеу, жарықтандыру, қоғамдық көлік, экологиялық мәселелер көтерілді.

Бадам ауылы тұрғыны Құдайберген Жанзақ орталық көшеде жарық жанбай қалғанын айтып, Сәуле, Қарабастаудан № 7 емханаға баратын қоғамдық көлік жүргізіп беруді сұрады. Қаратөбе елдімекені тұрғындары да жарық мәселесін қозғады.

Бадам ауылының ақсақалы Кенесары Қансейітовтың айтуынша, Жасын көшесіне асфальт төселмеген. Сондай-ақ, ақсақал Жұлдыз аумағындағы шаруалардың атынан сұрақ қойды. Ауылшаруашылық басқармасы мамандары субсидия алу мәселесі бойынша келіп, түсіндіру жұмыстарын жүргізбейтінін айтады.

Жалын ауылының тұрғыны жол салып беруді өтінсе, Жұлдыз ауылының ауыл биі 2015 жылдан бері кәріз жүйесі шешімін таппай жатқанына наразы.
Қарабастау елдімекенінің шет жақтарында қоқыс алынбай қалып кетуде. Одан бөлек, мұнай өңдеу зауытынан шығатын түтіннің зияны тие ме деп алаңдаулы.

Ауылшаруашылығы және ветеринария басқармасы өкілдерінің мәлімдеуінше, қазір цифрландыру жүріп жатыр. Субсидия алу үшін жердің құжаттарын электронды базаға тіркеу қажет.

 DSC5380

Ғалымжан Молдабайұлы экологиялық мәселелер әрдайым назарда екенін атап өтті. Жолдар маңыздылығына қарай жылдан жылға жөнделеді. Биыл ауданда 54 шақырым жол орташа жөндеуден өтеді.
– Айтылған мәселелердің бәрі де уақыт, сәтімен шешіледі. Бәрі де ауыл билерімен, көше комитеті төрағаларымен ақылдасып істелінетін жұмыстар.

Алдағы уақытта осы мәселелерді тағы да талқылаймыз. Сол жиналысқа да қатысыңыздар. Жылдан жылға қаржы молайып келеді. Ең алдымен маңызды деген мәселелерді шешуге күш саламыз, – деді аудан әкімі.

Еңбекші ауданының әкімі Ғалымжан Ильясов аудан тұрғындары алдында атқарылған жұмыстар жөнінде есеп берді. №127 орта мектепте өткен жиынға қала әкімінің орынбасары Нұрсадық Ергешбек, басқарма басшылары, аудандық Nur Otan партиясының өкілдері мен тұрғындар қатысты.

еңбекші фото

Аудан әкімі негізгі әлеуметтік-экономкиалық даму көрсеткіштер, абаттандыру және санитарлық тазарлықты сақтау, тұрғын үй, коммуналды шаруашылық, инфрақұрылым, әлеуметтік қорғаудағы басты жетістіктер жөнінде баяндап берді. Ауданда шағын және орта кәсіпкерлікті дамыту, аумақты көріктендіруде бірқатар жетістіктер бар. Мәселен, 2019 жылы «Таза қала» акциясының қорытындысы бойынша Еңбекші ауданы «Үздік аудан» номинациясына ие болды.

Есепті кездесудің биылғы жаңа форматына сәйкес, аудан әкімінің баяндамасынан кейін тұрғындар бірден сұрақ-жауапқа ойысты. Тұрғындарды толғандырған сауалдар – жарықтандыру, аулаларды абаттандыру, жол жөндеу, қоғамдық көлік мәселелері. Жалпы сұрақ-жауап кезеңінде 16 адам мұң-мұқтажын жеткізді.

Қарабастау елдімекені тұрғындарын көпір құрылысының қашан аяқталатыны мазалайды. Саяжол көшесінің тұрғыны Бөкеева №13,113 бағыттағы автобустарды жүргізуді өтінді. Ал Бадам-2 елдімекенінің тұрғыны Сандуғаш Тәжібекова аялдамаға белгі қойып беруді, Қойгелді батыр көшесі тұрғыны А.Смағұлова бағыттардың кестесін реттеуді сұрады. Сондай-ақ, Саяжол көшесінің тұрғыны Шахида Даулетова көшені асфальттауды өтініп, №17 автобусты қайта жүргізуге назар аударуды сұрады.

№63 мектептің ата-аналар комитетінің мүшесі Бақыт Қойшыбаева мектепке қосымша ғимарат салып берсе дейді. Ақназархан көшесінің тұрғындары аулаларды абаттандыру, балалар ойын алаңшасын салып беруді өтінді. Ал 195-орам тұрғыны Нұрдәулет Сақташ ауызсу мәселесін жеткізді.
Аудан әкімі ауызша және жазбаша қойылған сауалдарға нақты жауап берді.

WhatsApp Image 2020-01-14 at 12.21.29

Ғалымжан Молдабайұлының айтуынша, ең алдымен маңызды мәселелерді шешуге басымдық беріледі. №63 мектептің қосымша ғимараты, Қарабастау елдімекеніне өтетін көпір құрылысы 2020 жылы аяқталады. Ақназархан көшесін абаттандыруға қаржы бөлінген. Құрылыс жұмыстары наурыз айында басталмақ.

Жолаушылар көлігі және автомобиль жолдары басқармасының бөлім басшысы Наурыз Сүгірәлиев қоғамдық көлік мәселесі бойынша сұрақтарға жауап берді. Оның айтуынша, шалғай елдімекендерде қоғамдық көліктер, негізінен, орталық көшелер арқылы жүреді. Өйткені, көлік жетіспейді. Ал аялдама белгілерін 1 аптада орнатып беруге уәде берді. Алда бірқатар бағыттар бойынша зерделеу жұмыстар жүргізілетінін де мәлімдеді.

Ғалымжан Молдабайұлы жол жөндеу жұмыстары әуелі инженерлік жүйелердің құрылысы біткеннен кейін қолға алынатынын ескертті. Жалпы, аудан әкімі мәселелерді бірлесе шешуге шақырды.

3 көпірдің құрылысы жүргізілуде

Аудан аумағындағы тұрғын алаптардағы өзекті мәселелер және оларды шешу жолдары бойынша 2019-2022 жылдарға арналған іс-шаралар жоспары келісілген. Аудандағы жолдары жөндеуді қажет ететін шағынаудандар мен тұрғын алаптарға зерделеу жұмыстары ұдайы жүргізіліп, жолаушылар көлігі және автомобиль жолдары басқармасына ұсыныстар жолданған. 2019 жылы 167,8 млн теңге қаржы бөлініп, 8,74 шақырым жол асфальтталды.

Былтыр Қарабастау тұрғын алабына өтетін Бадам өзенінің үстіндегі көпір қайта құрылып, Бадам-2 тұрғын алабындағы көпірдің құрылысы жүргізілді. Сайрам су өзенінің үстінен өтетін көпірді қайта құру жұмыстары атқарылды.

Маятас және Тоғыс тұрғын алабындағы Бадам өзенінің үстінен өтетін көпірге ЖСҚ әзірленіп, сараптама қорытындысы алдынды.
Сондай-ақ, аудан әкімі 2020 жылдағы негізгі міндеттерден хабардар етті. Биыл ауданда жаңа жұмыс орындарын ашу, халықты әлеуметтік қолдауды арттыру, аудан аумағын абаттандыру мен санитарлық тазалығын қамтамасыз ету, жарықтандыру жұмыстарын ұйымдастыру жанданбақ.

Әлемдік оқиғалар

Пятница, 27 Декабрь 2019 03:59

2020 жылы халықаралық іс-шараларды да бір шолып өтейік. Келер жылға жоспарланған дүниежүзілік ЭКСПО көрмесі Біріккен Араб Әмірліктерінде өтеді. Дубай көрмесі Халықаралық көрмелер бюросының (ХКБ) 2013 жылы 27 қарашада Парижде Бас Ассамблеясында дауыс беру арқылы анықталған еді.

Ұйымдастырушылардың мәлімдеуінше, ЭКСПО көрмесі Таяу Шығыста бірінші рет өткелі отыр және оны 25 млн адам тамашалайды деп күтілуде. Дубай шаһарындағы дүниежүзілік ЭКСПО көрмесіне «Болашақ үшін сана-сезімді біріктіру» тақырыбы арқау болған. Оның ішінде «Мүмкіндік», «Мобильділік» және «Тұрақтылық» ұғымдарына баса мән берілмек.

Қазіргі уақытта «ЭКСПО-2020 Дубай» көрмесіне 190 ел қатысатындығын растады және 55 ел келісімге қол қойылған. Әлемдік саясат сахнасында да бірқатар маңызды оқиғалар өтпек. Яғни, 2020 жылы Тәжікстан, Беларусь, АҚШ-та президент сайлауы өтеді деп жоспарланған. 

Келер жыл спорттық оқиғаларға да толы. 10 қаңтарда Лозаннада (Швейцария) III жасөмпірімдердің Қысқы Олимпиада ойындарының алауы жағылады. Жылдың ортасына қарай футбол сүйер қауым Еуро-2020 доп додасын тамашалайды.

Ал жылдың басты спорттық оқиғасы – XXXII Жазғы Олимпиада ойындары 24 шілде - 9 тамыз аралығында Токиода (Жапония) дүбірлеп өтпек.

Қалада бизнеске өндіріс орындары тегін берілуде

Қалада кәсіп ашамын дегендерге мүмкіндік көп. Бүгінде өндіріс орындары да жалға беріліп жатыр. Тегін-ақ. Шымкент қаласының Атамекен кәсіпкерлер палатасының қолдауын сезініп жатқандар бар. Жыл басынан бері 4500-ге жуық талапкер «Жас кәсіпкер» бағдарламасы бойынша оқыды. Енді олар кәсібін бастап кетті.

photo 287478

Келесі жеңілдіктің бірі – бизнес үшін өндіріс орындары тегін ұсынылуда. Кәсіпті енді қолға алған азаматтар үшін зор көмек. Тегін жалға алудың бір ғана шарты бар – жұмыс орындарын құру арқылы бизнесті дамыту.

Үш қабатты ғимараттың жалпы ауданы – 3000 ш.м. Онда 15-тен 150 шаршы метрге дейін 50 орынжай бар. Жалпы, азаматтар кәсіп ашуда тап болатын бірінші проблема – өндірісті қайда орналастыру қажеттігі. Бизнес мәселелерін зерттей келгенде осындай күрмеуі қиын түйін кезіккен. Қалада коммерциялық бағытта жылжымайтын мүлік көп, бірақ ондағы бағалар стартап-бизнесті айтпағанда, шағын және орта кәсіпкерлік үшін тым жоғары.

Шымкент қаласы Кәсіпкерлер палатасы директорының орынбасары Данияр Дәрменнің айтуынша, бос тұрған ғимаратын беруге дайын кәсіпкер де табыла кетіпті. Кәсіпті енді бастаған немесе жұмыс істеп жатқан кәсіпкерлер өздерінің бинес жобаларын аяққа нық тұрғанға дейін іске асыра алады.

– Бұл орындарды биылдан бастап қолға алынған «Жас кәсіпкер» жобасы аясында беріп отырмыз. Азаматтарға ғимарат тауып беру жағынан көмек берейік деп шештік. Кәсіп бастаушылармен де келісім жасадық. Яғни, бастапқы 3 ай тегін. Кейінгі 3 айда жалға алудың жарты ақшасын төлейді. Кәсібін бастайтындар үшін мемлекеттік грантты алғаннан кейін бизнесті қайда жүргіземін деген сұрақтар туындайтынын аңғардық. Кәсіпорынға заңгерлік және бухгалтерлік қызмет көрсетуге, қаржыландыруға инвестор тартуға көмек беруге дайынбыз, – дейді Данияр Дәрмен.

Қазіргі таңда 17 кәсіпкер өз ісін бастауға ниет білдірген. Оның бәрі де – «Жас кәсіпкер» және «Бастау бизнес» жобаларының түлектері. Оның ішінде 3 кәсіпкер ғимаратқа орналасып, жұмысын қолға алды. Бірі жиһаз жасаса, екіншісі жұмсақ жиһаз дайындауға әрекеттенуде. Тігіншілер де іске кірісуге дайын. Бір айта кетерлігі, ғимаратта коммуникациялық жүйелердің бәрі бар.

Грантқа қанша адам қол жеткізді?

Мемлекеттен берілетін қайтарымсыз грант та әжептеуір көмек. Оның көлемі – 505 мың теңге. Биыл бұл мақсатта 4500 адамға грант тағайындау жоспарланған. Қазірдің өзінде 2000-ға жуығы грант иегері атанып отыр. Негізінен, оны алуға жұмыспен қамту орталығына өтініш жазады. Соңғы шешімді Палата жанынан құрылған комиссия шығарады.

– Биыл жарты жылдың ішінде «Жас кәсіпкер» бадарламасы бойынша 1400 адамды оқыттық. Оның 900-ден астамы грантты жеңіп алды. Барлығына мониторинг жүргіземіз. Шынында қаржысын мақсатты жұмсады ма? Кәсібін бастауда қандай мәселелер бар? Осы тұрғыда талдау-сараптау жүргіземіз, – дейді директордың орынбасары.

Грантқа кімдер қол жеткізе алады? Әрине, біріншіден, үміткер жұмыссыз болуы керек. Одан кейін мүмкіндігі шектеулі, бірақ жұмысқа қабілеттілігі бар азаматтар, көпбалалылар және аз қамтылған жанұялар іріктеледі.

56 мектепте «Кәсіпкерлік негіздері» пәні оқытылуда

Қалада «Атамекен» қолдау орталығы да бірқатар жетістіктерге жетіп отыр. Бүгінде қала бойынша 10 мобильді орталық жұмыс істейді. Ондағы психологтар және менеджерлер кеңес беріп, барлық бағдарламаларды егжей-тегжейлі түсіндіреді.

Палата директорының орынбасары Олжас Жансейітовтың айтуынша, орталық арқылы 450-ге жуық адам жұмысқа орналасқан. Жылдың соңына дейін оның саны 500-ге жетпек. 26 мың адам кеңес алған. Бұл да үлкен жетістік.

Сондай-ақ, қазір қала мектептерінде «Кәсіпкерлік негіздері» сабағы өтуде. Мұндай дәрістер бүгінде 56 мектепте, 2 университет, 2 колледжде ұйымдастырылған. Жоғары оқу орнындағы дәрістер аяқталған соң, сертификаттар берілді. Яғни, мектептің жоғары сынып оқушылары да кәсіпкерлік негіздерін үйренуде. Биыл алғаш рет жүзеге асқан жоба әрі қарай жалғаса бермек.

Несие қарызын төлеп берді

Пятница, 20 Декабрь 2019 03:58

Қоғамда қайырымды азаматтар аз емес. Қайырымды қаланың тұрғындары жабыққанға жұбаныш, қамыққанға тіреу бола біледі. Таяуда ғана көп балалы ана, II топтағы мүгедек Нағима Өтенова осындай азаматтардың қамқорлығын көрді.

Нағима Түзелбайқызы – 4 баланың анасы. 10 жылдан бері қаладағы базарлардың бірінде сауда-саттықпен айналысты. Ол кәсібін дөңгелету мақсатында банктен несие алған-тын. 4 млн теңге шамасында. Өзі 3 жылдай қарызын уақытылы өтеп тұрды. Алайда жазмыштан озмыш жоқ демекші, биыл мамыр айында жол-көлік оқиғасына тап болды. Қарызды қайтару да қиындай түсті.

Міне, осындай басына қиындық түскен сәтте қайырымды жандар көмек қолын созды. Өзі қызмет атқарған «Жабық базар» басшылары, атап айтқанда Қасым Нәбиев дейтін кәсіпкер 500 мың теңге несие қарызын жауып берді.

– Апатты жағдайдан кейін жүре алмай қалдым. Қоларбада отыруға мәжбүр болдым. Емделіп, енді-енді аяққа тұрып келемін. Банк қарызынан құтылудың жолын іздеп қайырымды, қалталы азаматтардан жәрдем күткенім де рас. Тіпті, елордаға төрт рет барып келдім. Міне, көп ұзамай қолұшын созған азаматтарға рақметімді айтамын, – дейді Нағима.

Бұл – алғашқы қайырымдылық акциясы аясында жүзеге асқан көмектің бірі. Алда басқа да жәрдем беретін азаматтар табылатынына сенім бар. Кәсібін дөңгелетемін деп жүріп ойламаған жерден осындай оқиғаға кезікті. Одан бөлек, Нағима Өтенова мүгедек бала тәрбиелеп отырған ана. Дегенмен тағдырдың сынағына мойымай, қоғамдағы қайырымды азаматтардың арқасында еңсесін тік көтеріп келеді.

Шымкент – ақындар жырына арқау

Пятница, 20 Декабрь 2019 03:43

«Шырайлы Шымкент»: «Береке басы бірлік» атты қоғамдық форум аясында «Шымкент – қайырымды қала» іс-шарасы өтті. Тәуелсіздік мерекесіне орайластырылған тағылымды жиында ұлық мерекенің қадірі насихатталып, қайырымды қала тұрғындарының мәртебесі жайында оралымды ойлар айтылды.

DSC 1885

Саясаттанушы Сәкен Мәжінбеков, мәдениет саласының ардагері Күлия Айдарбекова, «Жанубий Қозоғистон» газетінің бас редакторы Әлішер Сатыбалдиев Тәуелсіздіктің қадірі жайында мазмұнды баяндама жасады. Мегаполис қаланың тұрғындары қандай болуы керек екені жөнінде ой қозғады.

Басқосуда «Шымкент қаласы Ішкі саясат және дін істері басқармасының тапсырысымен, «Серпіліс» қоғамдық қорының ұйымдастыруымен өткен «Шымкент – шаттық шырағы» атты жыр мүшәйрасының жеңімпаздары анықталды. «Серпіліс» қоғамдық қорының төрайымы Бейсенкүл Нарымбетованың айтуынша, аталған байқауға 40 шақты өтінім түсіп, оның он екісі іріктеуден өткен.

Қазылардың шешімімен бірінші орынды Арқалық Әмәлият жеңіп алса, Дәурен Айманбет екінші, Арайлым Мұраталиева үшінші орынға ие болды. Іс-шара аясында жыр мүшәйрасына арналып шығарылған кітаптың тұсауы кесілді. Ақындар өлеңдеріне Шымкент қаласы, Тәуелсіздік туралы ойларын және өзге де еркін тақырыпты арқау еткен.

Шымкент қаласы ішкі саясат және дін істері басқармасының басшысы Жанар Бектаева қаланың дамуына үлес қосқан бірқатар азаматтарды Алғыс хатпен марапаттады.

25 отбасы азық-түлікпен қамтылды

Среда, 04 Декабрь 2019 04:43

«Nur Otan» партиясы Шымкент қалалық филиалында халықаралық мүгедектер күніне орай қайырымдылық акциясы ұйымдастырылды. Бұл жолы әлеуметтік жағынан аз қамтылған, мүмкіндігі шектеулі азаматтар қажетті азық-түлікпен қамтамасыз етілді. Жалпы қала бойынша 25 отбасыға бір айлық азық-түлік табыс етілді.

306

"Менің кәсібім" – менің нәсібім

Среда, 04 Декабрь 2019 04:37

Ынта болса, мақсат болса, бүгінде өз кәсібіңізді ашуға толық жағдай бар. Осындай талапты азаматтың бірі Қайрат  Жауғаш отбасылық кәсіпті бастады. 4 баласының 3-уі мүмкіндігі шектеулі. Жұбайы Мадина Тайжанова екеуі жағдайын жақсарту үшін дүңгіршек ашып, іске кірісті. Тәтті тоқаш, самса, тауық етін пісіріп, сатуды қолға алды. Әрекет етті, қолдайтындар да табыла кетті. Жуырда ғана республикалық «Менің кәсібім» жобасы бойынша кондитерлік тағамдар пісіретін қажетті құралдарға қолы жетті. Қайырымды жандардың арқасында.

3052

Страница 1 из 50