Шымкентте білім қызметкерлері арасындағы дәстүрлі қалалық спартакиада басталды. Сайысқа қалалық білім бөліміне қарасты 125 мектептің командалары қатысуда.
Спартакиада 3 кезеңнен тұрады. Бірінші кезең аумақтық деңгейде спорттың 6 түрінен (волейбол, кіші футбол, үстел теннисі, шахмат, нысана көздеу, кір тасын көтеру) өтеді. Алғашқы кезеңде спорттың әр түрінен үздік шыққан командалар жарыстың екінші кезеңі – аудандық жарысқа жолдама алады. Аудандық жарыста 1-2 орын алған командалар үшінші кезеңге – қалалық шешуші ойындарда өзара бақ сынайды.
Айта кету керек, кір тасын көтеру жарысының қорытынды кезеңі №90 жалпы орта мектебінің ғимаратында өтеді. Спартакиаданың жабылу салтанаты 1 сәуір күні сағат 15:00-ге белгіленген.
