Жеңімпаз спортшыларға құрмет көрсетілді

Пятница, 07 Июнь 2019 04:22 Автор  Опубликовано в Спорт Прочитано 987 раз

Жуырда Түркияның Анталия қаласында түркі әлеміне ортақ көне ойын тоғызқұмалақтан өткен әлем чемпионатында шымкенттік спортшылар жеңімпаз атанған еді.

61735635 2233848440261443 2476773232896638976 o

Әлемдік сайыста екі бірдей алтын медаль жеңіп алған Ғалымжан Темірбаев пен күміс медаль иеленген Салтанат Сапарбековаға құрмет көрсетілді. Сондай-ақ, бұл сында Ғалымжан Темірбаевтың бапкері Айгерім Қуанышбаева түріктердің осы ойынға ұқсас Мангала деп аталатын сайысында қола медалге ие болды.

Жеңімпаз атанған спортшылар – Нұрлан Жабаев басқаратын Шымкент қаласының ұлттық және ат спорты түрлері бойынша кешенді спорт клубының саңлақтары. Осы жеңісіне орай чемпиондарға құрмет көрсетілді.

Ұлттық өнеріміздің жанашыры, белгілі меценат «Қаржантау» ЖШС директоры Алихан Амалбаев елімізді әлемге танытып келген топжарған спортшыларға қаржылай сертификаттарды табыс етті. Алдағы жарыстарда да мерейлі болуына тілектестігін білдірді.

Сәбит ТАСТАНБЕК

Л. Гумилев атындағы ЕҰУ-дің "Журналистика" мамандығын (2004-2008) тәмамдаған. Алматы қаласында Отан алдындағы әскери борышын (2008-2009) өтеген. Республикалық «Sport», «Қазақ спорты» газеттерінде және Шымкент қаласы әкімдігінің ресми сайтында тілші болып еңбек еткен. 2013 жылдан бастап «Шымкент келбеті» газетінің тілшісі, 2016 жылдың ақпан айынан 2018 жылдың ақпан айына дейін Бас редактордың орынбасары болып істеген.