Шымкент қаласы Әл-Фараби ауданы әкімінің халық алдындағы есебі жалғасуда. Ғабит Мәуленқұлов бекітілген кестеге сәйкес аудан тұрғындары алдында 2019 жылы атқарған жұмыс жайлы есеп берді.

83171294 2428158557497096 1674067849846456320 n

Б.Момышұлы атындағы ІІМ оқу орталығында өткен жиынға Шымкент қаласы әкімінің орынбасары Бұхарбай Парманов, Nur Otan партиясының өкілдері, қалалық мәслихат депутаттары, аудандық ардагерлер кеңесінің мүшелері, аудан тұрғындары мен орам басқарушылары, қалалық мекемелер, тиісті салалардың басқарма басшылары және БАҚ өкілдері қатысты.

2019 жылы атқарылған жұмыстарға тоқталған Ғабит Патшаханұлы өз баяндамасында халықпен тиімді кері байланыс орнату, көп қабатты үйлерді күрделі жөндеу, аулаларды абаттандыру, ішкі орам жолдарын асфальттау мен инфрақұрылым мәселері бойынша атқарылған жұмыс пен алдағы уақыттағы жоспарлар бойынша мәлімдеме жасады.

Баяндамадан соң Отырар, Түркістан, Самал, Ақжайық, Наурыз шағынаудандарының тұрғындары сұрақ-жауапқа шықты. Көпшілікті, әдеттегідей, тұрғын-үй коммуналды шаруашылық мәселесі мазалайды.

Тұрғындар Байтұрсынов көшесіндегі жөндеу жұмыстарынан бастап аулалардағы балалар алаңшасы, орамішілік жол, көп қабатты үйлердегі ыстық су мен жол жөндеу мәселелерін көтерді. Әдеттегідей, АӘК алатын аналар да сұрақтарын қойды.

Аудан әкімі сұрақтарға тиісті жауаптарын нақты беріп жатты. Бұған қоса толық мәлімет беру үшін әкімдіктің мамандары тұрғындардың аты-жөні мен қойған сұрақтарын жазып алды.

82099153 2428159284163690 7207493574147964928 n

Үшінші мегаполисте аудан әкімдерінің халық алдындағы есепті кездесулері басталды. Алғаш болып Әл-Фараби ауданының әкімі есеп берді. Сәуле шағынауданында өткен жиынға Шымкент қаласы әкімінің орынбасары Бұхарбай Парманов, қалалық мәслихаттың депутаттары, «Nur Otan» партиясы мен басқармалардың өкілдері, ардагерлер, жергілікті тұрғындар мен БАҚ өкілдері қатысты.

WhatsApp Image 2020-01-13 at 13.11.29

Ерекше есеп

Алғашқы кездесу №129 мектепте өтеді екен. Мектеп ғимаратына жақындағаннан қызу жұмысты байқадық. Жиналған көліктің көптігі өз алдына, біршама ашық, көлік жүріп жатқан көшенің жолағы да, жүргінші жолы да тап-таза. Кенеттен тап болған десанттай – бір топ қызыл желет киіп, анадайдан көзге түскен тазалықшылар күні кеше жауған қарды толық күреп, аяқтап қалыпты.

Мектеп қоршауының сыртынан кезекшілер тұр. Сымдай тартылып, сыптай киінген жас жігіттер есепті кездесуге келе жатқаныңды бір сұрап алады да ішке қарай жол сілтеді. Ал ғимараттың ішінде кезекшілер әр 4 қадам сайын тұр. Қарына қызыл мата байлап, ілтипатпен жол сілтейді. Осы бағытпен екінші қабатқа көтеріліп, кең акт залына адаспай кірдік.

Бекітілген уақытқа 15 минут бар, залдың іші толы. Гу-гу шу жоқ, үлкен экранда ауданда 2019 жылы атқарылған жұмыстар туралы бейнероликті тамашалап отыр. Орнымызға жайғасқан соң байқадық – әкімдік қызметкерлері ардагерлер, депутаттар, басқарма мамандары секілді әр санаттың өкілдерін өз орнына жайғастырып жүр. Алдыңғы қатарда отырған, кимешек киген екі әжені байқаған өзге тілді әріптесім есептен соң концерт бола ма деп сұрады. Мұндай жиындарға әр аудандағы ардагерлер кеңесінің мүшелері, осындай кимешекті әжелер қатысуы дәстүрге айналғанын түсіндірдім.

Есеп тура сағат 11:00-де басталды. Аудан әкімі Ғабит Мәуленқұлов мінберге шығып, алдымен есепті кездесудің регламентін ұсынды:

– Құрметті көпшілік, қадірлі тұрғындар. Атқарылған жұмыстар туралы баяндамаға 20 минут уақыт бөліп, содан кейін жылдағыдай жарыссөз қажет емес, бірден сұрақ-жауапқа көшсек. Қалай қарайсыздар?
Ұсынысты көпшілік бірден қолдады.

– Олай болса, бірден бастап кетейік. Құрметті көпшілік, ұялы телефондарыңызды сөндірулеріңізді өтінемін, бір-бірімізге кедергі келтірмейік, - деген әкім баяндамасын бастап кетті.
Айтсақ, өзімізге тиеді – баяндама басталған соң алғашқы минуттарда залдың артқы жағынан екі рет телефонның шырылы естілді. Бірден сөне қалса мақұл ғой, иесі жоқ секілді, біраз шырылдап тұрды...

Атқарылған жұмыс жетерлік, жоспар одан да көп

Ғабит Патшаханұлы жалпы аумағы 14 мың га ауданда атқарылған жұмыс туралы бір деммен айтып шықты. Ауданда халықпен байланыс жақсы жолға қойылған. Аудан әкімдігінің парақшасымен қоса аудан әкімінің өзі де facebook және instagram әлеуметтік желісіндегі аккаунтында отырады. Сөз барысында айта кетейік, ондағы арыз-шағымдарға мүмкіндігінше жауап беріп, шешім қабылдайтыны есеп кезінде бірнеше рет белгілі болды.

Биылғы ерекшелік – былтыр атқарылған жұмыстың едәуір бөлігінде халыққа көрсетілген әлеуметтік көмек туралы айтылды. Бұған қоса аудан кәсіпкерлері мен депутаттар жасаған қайырымдылық шаралары туралы баяндалды.

Білім беру саласында ауданда оқушылары үш ауысымда оқитын 3 мектеп бар. Солардың бірі – №47 мектепке қосымша ғимараттың ЖСҚ әзірленген.
Денсаулық сақтау саласындағы жаңалық – Бадам және Сәуле шағынаудандарында дәрігерлік амбулатория және бригадалық жедел жәрдем бекеттерін салу жоспарлануда. Қазіргі таңда жер телімі анықталып, денсаулық сақтау басқармасына ұсыныс берілген. Бұған қоса қалалық №4 емхана қайта құрылмақ.

Әкімнің айтуынша, аудан аумағында ретсіз сауданы жою бойынша бірқатар жұмыс атқарылып, Қырғы базар маңындағы сауда жасап отырған тұлғаларға базар аумағынан бос сауда орындары ұсынылыпты. Төле би көшесінің бойындағы аяқ жолдың Қырғы базарға дейінгі аумағы абаттандырылып, пайдалануға берілген.

2019 жылы Әл-Фараби ауданындағы 5 үй күрделі жөнделді. Қаржы қаралған жағдайда алдағы уақытта 44 үйді жөндеуге тиісті басқармаға ұсыныс жолданған. Мұндағы бір себеп – аудан аумағындағы көп қабатты 672 үйдің 40% ескірген үй саналады.

Ауданда былтыр 34 көше жөнделіп, 4 көше қайта құрылған.

Сұрақ – сізден, жауап – бізден

 DSC9659

Баяндамадан соң тұрғындар бірден сұрақтарын қоя бастады. Арыз-шағымдардың көбісі тұрғын үй-коммуналды шаруашылық пен жолаушылар көлігі саласына қатысты болды. Мысалы, Забадам елдімекенінің басқарушысы Тойшы Исламов жауын-шашын кезде жолды су басатынына назар аудартып, көше бойындағы ескі лотоктарды жаңартуды, жоқ тұстарға арық жүргізуді сұранды. Бұған қоса, әсіресе, қыс мезгілінде мектептен кеш қайтқан балалардың қауіпсіздігі үшін Бадам өзеніне жақын көшелерді жарықтандыру жөнінде айтты.

Әкім биылғы жоспар бойынша ауданда 14 көше жарықтандырылатынын айтып, жауап берді.
Одан кейін атаулы әлеуметтік көмек бойынша қойылған сұраққа әкім биыл АӘК көмек алу форматы өзгергенін айтып, бала саны бойынша төленетін жәрдемақыдан кейін күнкөріс шегімен айырмашылық ретінде есептелетінін түсіндірді. Толық мәлімет алу үшін сол жерде отырған әлеуметтік салаға жауапты маманға жолығуды ұсынды.

Осы ретті пайдаланып, Ғабит Патшаханұлы Шымкент қаласындағы көп балалы аналардың 25% осы Сәуле шағынауданында тұратынын айтып, жергілікті аналарға бір құрмет көрсетіп қойды.
Ардагер тұрғын Нұрбек Жүнісбеков аудандағы біраз азаматтың «алаяқтардан жер учаскесін сатып алып, үй салғанын, енді үйдің құжатын рәсімдей алмай жүргенін» жеткізді.

Оның бір себебін өзі де айтты – учаскенің мемлекеттік актісінде нысаналы мақсаты тұрғын үй салуға емес, ауыл шаруашылығына арналған. Осындай жер саудасына жол бермеу жөніндегі шағымдарға прокуратурадан жауап жоқ, деді ақсақал.

Сұраққа жауап берген Ғабит Мәуленқұлов, керісінше, ауданда бір реттік іс-шара кезінде үйдің құжаттарын заңдастыруда прокурорлардың еңбегі көп екенін айтып берді. Ал иелігіндегі мүлкін сату – әр азаматтың құқығы екенін, сол мүліктің заңдылығын тексеру, ең алдымен, сатып алушының міндеті екенін еске салды.

Содан кейін сөз алған жергілікті тұрғын Жақсыкүл Ахметова 276-орам тұрғындарының сәлемін арқалай келіпті. Алыс та болса осы №129 мектептің жақсы екенін айтып, балаларын сабақтан қалдырмайтынын жеткізді.

– Биылғы жоспарда біздің орамға орын бар ма? Өзім жаңа сіз мақтаған көп балалы ананың бірімін, - деген кезінде көпшілік ду шапалақпен қошемет білдірді.
Әкім жауабын бірден бұл ауданды ғана емес, сол орамды да жақсы білетінінен бастады.

– Былтырғы жазда 276-орамды екі рет араладым... – дей берген әкімді көп балалы ананың сөзін бөлді:
– Ағай, біз талдардың арғы жағында тұрамыз...

– ...Талдың арғы жағын да білемін. 153 үй тұрасыздар. Қателеспесем, 300-ден аса бала бар. Сол сіздер үшін ешкімге рұқсат бермейтін Орманов мырзадан («Су арнасы» мекемесінің басшысы – ред.) рұқсат алып, үлкен диаметрлі құбырдан су алып бердік. Аз үй болса да шағал тас төсетіп, автобусты жақындаттық. Ендігі жоспарымыз – қоғамдық көлікті бір аялдама болса да тағы да жақындату, - деді Ғабит Патшаханұлы.

Қанат Досжанов деген азамат осы елдімекендегі мазарат жайын көтерді. Нақты айтқанда, қорым 2012 жылы заңды түрде жабылғанын, былтыр «ЛТД тұрмыс» мекемесі мазардың қоршауын кеңейтіп, үйінің маңына дейін жеткізгенін айтты. Содан кейін мазарда бірді-екілі адамдар жерлене басталғанын, мұны көрген көше тұрғындарының бойында қорқыныш ұялағанын жеткізді.

– Бұл мәселеден хабарым бар, - деді әкім. – Мазар ТҮКШ басқармасының балансына қарайды. Қазір есептен соң сол жерге барып, жауапты мамандармен жиын өткіземін.
Бұдан кейін кезек алған Тұрсынай Орымбетқызы аудан әкімінің жұмысына разылығын білдірді. Сонымен қоса ана ретінде балалары біліп алып отырған мектептің директорына алғысын жеткізді (айта кетейік, жиын барысында бірнеше тұрғын әкіммен қатар мектеп директорына алғыс айтты).

Аудан әкімі «Ең жанашыр тұрғын» деп баға берген Тұрсынай Орымбетқызы да үй құжаттарын рәсімдеу мәселесін көтерді. Соған қарағанда осы ауданда осы мәселенің өзектілігі жоғары.
Содан кейін халқы тығыз қоныстанған ауданға бірер автобус бағытының аздық ететінін айтқан зейнеткер сол автобустардағы кондуктордың дөрекілігіне шағымын білдірді. Әкім сол мезетте залда жолаушылар көлігі саласының маманы отырғанын айтып еді, Наурыз Сүгірәлиев орнынан тұрып, шағымды жазып алғанын айтты.

– Өзің бір әп-әдемі жігіт екенсің, кондукторларың неге ондай емес?! – деген зейнеткердің зілді әзілі көпшілікті ду күлдірді.
Аудан әкімі «Әр факті бойынша дер кезінде дәлелді шағым түсірілсе, шара көрілетін болады» деді. Сонымен қоса

Шымкенттің биылғы ТМД елдерінің мәдени астанасы атанатын жылында «Өзгеден мәдениетті талап ете отырып, өзіміз де мәдениетті болайық» деп қорытындылады сөзін.

...Десе дегендей, әр адам өзіне жауап берсе, біршама тірлік жүйеге келіп қалар еді. Жоғарыда жазғандай, жиынның басында ұзақ уақыт шырылдаған телефон даусы да сол мәдениеттің деңгейінен хабар беріп тұрғандай...

Ал есептің өзі ардагердің әдемі батасымен аяқталды. Есепті жиын емес, біз өзара ой бөліскен орайлы кездесуге келгендей әсермен қайттық.

2020: ел өміріндегі өзгерістер

Пятница, 10 Январь 2020 03:36

Тышқан жылы елімізде болатын өзгерістер аз емес. Нақты айтқанда 1 қаңтардан бастап күнкөріс шегі мен айлық есептік көрсеткіштің жаңа мөлшері енгізіліп отыр. Сонымен, әлеуметтік төлемдерді есептеуге арналған күнкөріс шегі 1500 теңгеге жоғарылап, 31 183 теңгені құраса, айлық есептік көрсеткіш (АЕК) 2 651 теңгеге тең болады. Ал ең төменгі жалақы мөлшері сол күйінде қалды – 42 500 теңге.

ASP

Әлеуметтік көмек

2020 жылдың басты жағымды жаңалығы көпбалалы отбасыларға табысына қарамастан төленетін жаңа мемлекеттік жәрдемақы болмақ. Бұған дейін хабарлағанымыздай, мемлекеттік жәрдемақы бала санына қарай сараланады:
4 балаға – 42 496 теңге;
5 балаға – 53 127 теңге;
6 балаға – 63 757 теңге;
7 және одан көп балаларға – 74 388 теңге.
Сонымен қатар, жаңа жылдан бастап атаулы әлеуметтік көмекті төлеу жүйесі өзгереді. АӘК бұрынғыдай алты немесе он екі айға емес, тоқсан сайын тағайындалады. Егер отбасының еңбекке жарамды мүшесі мемлекет ұсынған жұмыстан бас тартса, атаулы әлеуметтік көмек бүкіл отбасыға тоқтатылады.
Бұған қоса, атаулы әлеуметтік көмек алып жүрген отбасылардың балаларына кепілдендірілген әлеуметтік пакет беріледі. Яғни, мектеп жасына дейінгі балалар азық-түлік және гигиеналық құралдармен қамтылса, мектеп жасындағыларына тегін ыстық тамақ, мектеп формасы мен оқу-құралдары беріледі, күнделікті мектепке барып-келуге жұмсалатын жол шығыны өтеледі.

Жалақы жоғарылайды

Қазақстанның еңбек заңнамасы бойынша, елімізде тек ең төменгі жалақының мөлшері ғана реттеледі. 2019 жылдың басынан бері әлеуметтік жауапкершілік аясында 203 мың кәсіпорын 1,2 миллион жұмысшының жалақысын 32%-ға, яғни, 46 мың теңгеден 61 мың теңгеге дейін көтерді.
2020 жылғы 1 шілдеден бюджет қызметкерлерінің айлығы 30%-ға ұлғайды.
Ал 2020 жылдың 1 қаңтарынан мұғалімдердің жалақысы 25%-ға, мәдениет саласы қызметкерлерінің айлығы 35-50%, әлеуметтік сала қызметкерлерінің жалақысы 30-60%-ға өседі деп жоспарланып отыр.

Зейнетақы

2020 жылы ең төменгі базалық зейнетақы 800 теңгеге ұлғайып, 16 839 теңгені құрайды.
2020 жылдың қаңтар айына дейін тағайындалған зейнетақы мөлшері 7%-ға артады. Мысалы, бұған дейін зейнетақы 57 900 теңге болса, 2020 жылдың 1 қаңтарынан бастап 61 953 теңгеге тең болады.
Сонымен қатар биыл ең төменгі зейнетақының мөлшері 36 108 теңге болса, келесі жылы 38 636 теңгеге жетеді.
Жыл сайын айлық есептік көрсеткіштің өсіп отыруына байланысты, мемлекеттен балаларға, мүгедектерге, асыраушысынан айырылу бойынша, аса зиянды және ауыр жұмыстарда еңбек ететін адамдарға төленетін әлеуметтік жәрдемақылар да көбейеді.

2020 жылы алғаш рет зейнетақы алуға өтінім берген азаматтардың максималды кірісі (еңбекақысы) 46 еселенген айлық есептік көрсеткіштен аспайды (121 946 теңге). Мысалы, нақты кіріс 180 мың теңгеден асса да зейнетақы төлеуге 121 946 мың теңге кірісі есептеледі.
Ұлы Отан соғысының қатысушылары мен мүгедектеріне берілетін арнайы мемлекеттік төлемақы биыл 42 416 теңгені (16 АЕК) құрайды.
ҰОС мүгедектеріне теңестірілген тұлғаларға 20 016 теңге (7,55 АЕК) төленеді.
ҰОС қатысушыларына теңестірілген тұлғаларға – 16 410 теңге (6,19 АЕК).

Екінші дүниежүзілік соғыс жылдары опат болған сарбаздардың жесірлері 11 877 теңге (4,48 АЕК) алады.
Соғыстан кейінгі жылдары қайтыс болған, өмірінде мүгедек деп танылған ҰОС қатысушылары мен мүгедектерінің қайта неке құрмаған жұбайларына 6 787 теңгеден (2,56 АЕК) төленеді.
Тыл еңбеккерлеріне – 5 647 теңге (2,13 АЕК).

Соғысқа қатысушы болып саналатын Кеңес Одағының батырларына, үш дәрежелі Даңқ орденінің кавалерлеріне ай сайын 367 509 теңгеден (138,63 АЕК) төленеді.
«Халық қаһарманы» және «Қазақстанның Еңбек Ері» дәрежесімен марапатталған тұлғаларға ай сайынғы төлемақы мөлшері де 367 509 теңгені құрайды.
Соғысқа қатысқан Социалистік Еңбек Ерлері 197 898 теңге (74,65 АЕК) алады.

131538a5b2640ba60740d28f49b72e8c XL

Мүгедектерге – жәрдемақы

І топқа – 59 872 теңге, II топқа – 47 710 теңге, III топқа – 32 431 теңге.
16 жастан бала мүгедектерге: І топ – 59 872 теңге; II топ – 49 581 теңге; III топқа – 37 420 теңге; 16 жасқа дейінгі мүгедек-балаларға – 43 657 теңге.
Ата-анасының бірінен айрылған жағдайда балаларға немесе отбасының еңбекке қабілетсіз мүшелеріне ай сайын төленетін жәрдемақы:

- бір балаға – 26 818 теңге;
- екі балаға – 46 463 теңге;
- үш балаға – 57 689 теңге;
- төрт балаға – 61 119 теңге;
- бес балаға – 63 302 теңге;
- алты және одан көп балаға – 65 797 теңге.

Тұл жетімдерге ай сайын 36 796 теңгеден төленеді.

Балалар жәрдемақысы

Бала тууға байланысты берілетін бір реттік жөргекпұл көлемі артады:
- бірінші, екінші және үшінші балаға – 100 738 теңге;
- төртінші балаға – 167 013 теңге.
Жұмыс істемейтін әйелдерге сәби 1 жасқа толғанша ай сайын берілетін жәрдемақы:
- бір балаға – 15 270 теңге;
- екінші балаға – 18 054 теңге;
- үшінші балаға – 20 811 теңге;
- төрт және одан көп балаға – 23 594 теңге.

Мүгедек-баланы тәрбиелеуші тұлғаға – 43 657 теңге.
Бала жастан І топ мүгедегін күтушіге жәрдемақы – 43 657 теңге.
«Алтын алқа» және «Күміс алқамен» марапатталған көп балалы аналарға ай сайынғы жәрдемақы 16 967 теңгеге дейін көбейеді.

Паспорт пен жеке куәлік қымбаттайды

2020 жылдан төлқұжат пен жеке куәлік алу қымбаттайды. Паспорт алуға мемлекеттік баж салығы 8 АЕК немесе 21 208 теңгені құрайса, жеке куәлік алу қызметінің бағасы 0,2 АЕК немесе 530 теңге болады.

Егер азамат жеке куәлікті ауыстыруға уақытылы өтініш бермесе, онда оған 7 АЕК немесе 18 557 теңге айыппұл салынады. Әдетте құжаттарды алу мерзімі 15 күнге дейін уақыт алады. Дегенмен, қосымша ақы төлеп, құжаттарды жедел алуға болады.
Нұр-Сұлтан, Алматы, Шымкент қалалары үшін:

Жеделдіктің бірінші санаты – бір жұмыс күніне дейін – 4 983 теңге;
Жеделдіктің екінші санаты – үш жұмыс күніне дейін – 2 752 теңге.
Облыс орталықтары үшін:
Жеделдіктің бірінші санаты – үш жұмыс күніне дейін – 4 983 теңге;
Жеделдіктің екінші санаты – бес жұмыс күніне дейін – 2 752 теңге.
Облыстардың аудандары мен қалалары үшін:
Жеделдіктің үшінші санаты – жеті жұмыс күніне дейін – 1 166 теңге.
Ал жүргізуші куәлігін алу үшін мемлекеттік баж салығы – 1,25 АЕК немесе 3 314 теңге.

Шәкіртақы көтеріледі

Қазақстан Президенті Қасым-Жомарт Тоқаев 2020 жылдың 1 қаңтарынан студенттердің шәкіртақысын 25%-ке ұлғайтуды тапсырды. Мемлекет басшысы бұл туралы Жастар жылының жабылу салтанатында мәлімдеген еді.

Сонымен, жаңа жылдан бастап студенттердің стипендиясы:
бакалавриатта – 20 949 теңгеден 26 186 теңгеге дейін;
магистратурада – 53 530 теңгеден 66 913 теңгеге дейін;
докторантурада 81 998 теңгеден 102 498 теңгеге дейін өседі.

Міндетті әлеуметтік медициналық сақтандыру

2020 жылдан бастап елімізде науқастарды қабылдау мен емдеу жаңаша жүргізіледі. Осылайша Қазақстанда міндетті әлеуметтік медициналық сақтандыру жүйесі енгізілмек. МӘМС аясында мемлекет тегін медициналық көмектің кепілдендірілген көлемін сақтайды.

1 қаңтардан бастап жұмыс берушілер мен өзін-өзі жұмыспен қамтушылар медициналық сақтандыру қорына жарна аударуға міндеттеледі:
жұмыс берушілер үшін – жалақы қорының 2%;
жұмысшылар үшін – еңбекақының 1%;
жеке кәсіпкерлер, шаруа қожалықтары, жеке практикамен айналысатын тұлғалар – 1,4 ЕТЖ-нің (ең төменгі жалақы) 5%;

азаматтық-құқықтық сипаттағы келісімшартпен жұмыс істейтіндер – табысының 1%;
өздігінен төлеушілер – 1 ЕТЖ-нің (ең төменгі жалақы) 5%.
Ал жеңілдікке ие азаматтардың 15 санатына мемлекет жарнаны қорға өзі аударады.

Несие беру талабы күшейтіледі

Жаңа жылдан бастап кірісі күнкөріс деңгейінен төмен қазақстандықтарға кепілсіз несие берілмейді. 2020 жылы ең төменгі күнкөріс деңгейі 31 183 теңгеге тең болады. Бұған қоса жұмыссыздар да несие ала алмайды. Банктен қарыз алу үшін соңғы 3-12 айдағы ресми табысты көрсету қажет.
Сонымен қатар, банктерге азаматтардың несие бойынша берешегі 90 күннен асып кеткен жағдайда, комиссия есептеуге тыйым салынды.

Табыс салығынан кімдер босатылады?

2020 жылдың басынан бастап арнайы салық режимін қолданатын микро және шағын бизнес субъектілері табысқа салынатын салықтан үш жылға босатылады. Бұл – Мемлекет басшысы Қасым-Жомарт Тоқаевтың тапсырмасы.

Алайда бұл өзгеріс жер қойнауын пайдаланушылар, акциздік өнім өндірушілер, ойын бизнесі, сыртқы экономикалық қызмет қатысушыларына қатысты емес.
Бұдан бөлек, шағын және орта бизнеске үш жылға тексеріс жүргізуге мораторий жарияланды. Бірақ бұл тексеріс мүлде жүргізілмейді деген сөз емес.
Кедендік тексеріс, кезікпе салық тексерісі, қылмыстық іс аясында және салық төлеушінің өтініші бойынша өз қызметіне қатысты жүргізіліп жатқан тексерістер қала береді.

Жаза қатаңдатылады

1 қаңтардан бастап алкогольді ішімдік ішіп алып, жол жүру ережесін бұзғандарға жаза қатаңдатылады. Бұған дейін ішімдік ішіп алып, жол жүру ережесін бұзғандардың жүргізуші куәлігі екі жылға тәркіленіп, 40 тәулікке дейін қамауға алынып келген болса, енді мұндай жүргізушілер 1 жылға дейін абақтыға қамалып, жүргізуші куәлігінен 10 жылға дейін айрылмақ. Ал жол апатының кесірінен кісі өлімі болса, онда кінәлі жүргізуші 7 жылдан 10 жылға дейін түрмеге қамалады және жүргізуші куәлігінен өмір бойына айрылады.

Бензин акцизі қымбаттайды

automobile-3153420 1280

2020 жылдың 1 қаңтарынан бензин акцизі екі есеге дейін – тоннасына 10 500 теңгеден 24 435 теңгеге дейін көтеріледі. Бұл өз кезегінде бензин бағасына әсер етері сөзсіз.

Жаңа кеңес беру орталығы ашылды

Понедельник, 06 Январь 2020 03:56

Шымкент қаласында Тұрғын үй құрылысы жинақ банкінің жаңа кеңес беру орталығы жұмысын бастады.

Жильстрой-1

Заманауи кеңсе Қонаев даңғылы мен Рысқұлов көшесінің қиылысында орналасқан.
Қала тұрғындары мұнда тек депозит ашып қоймай, сондай-ақ, несие алу үшін өтінім беріп, өз мүмкіндіктерін алдын ала тексере алады.

Бүгінгі таңда 1,5 млн қазақстандық Тұрғын үй құрылысы жинақ банкіне сенім білдіріп отыр. Биыл 350 000 мың адам депозит ашып, салымын бастады. Шымкент қаласы бойынша 97 708 салымшы бар, олардың жалпы жинағы 43,2 миллиард теңгені құрап отыр.

– Қаржысын жинақтаған салымшылар банк сыйақысынан бөлек жыл сайынғы мемлекеттік сыйлықақыны да ала алады. Оның мөлшері – 20%, яғни 505 000 теңге салып, 101 000 теңге сыйлықақы ала аласыз. Ол үшін 31 желтоқсанға дейін депозит ашып, толтырып үлгеру қажет, – деді ТҮҚЖБ Шымкент филиалының бөлім басшысы Нұрлан Сұлтанов.

Айта кетейік, ТҮҚЖ банкінің Шымкенттегі кеңес беру орталықтары мына мекенжайларда орналасқан:

* Рысқұлов көшесі, «Гипер Хаус» сауда орталығы;
* Қонаев даңғылы, «Алтын» сауда үйі;
* Асқаров көшесі, 32 үй
* Рысқұлов көшесі, «Север» сауда үйі.

Шымкенттегі А.Пушкин атындағы кітапхананың іргесінің қаланғанына биыл 120 жыл толып отыр. Ғасырдан астам тарихы бар руханият ордасы қаншама буынның қадірлі ордасына айналды. Кітапқұмар оқырманның киелі шаңырағы саналатын бұл мекен күні кешеге дейін Шымкенттегі Тәуке хан және Республика даңғылдарының қиылысында орналасқан еді.

 DSC2461

Студент кезіміздегі «азық» алатын ордамыз осы орын болатын. 150-ден астам адам сиятын оқу залында үнемі орын бос болмайтын. Табалдырығына енгеннен ерекше аурасы сезілетін, тіпті, кітаптың иісі аңқып тұратын сол шаңырақ 2015 жылы Қазыбек би көшесіндегі бұрынғы музейдің ғимаратына көшіп барды.

Тарихтан тамшы сыр

А.С.Пушкин атындағы кітапхана 1899 жылы орыс халқының ұлы ақынының 100 жылдық мерейтойына орай ашылған. Ол шақ Шымкент қаласының жаңа тарихи кезеңі басталған уақыт болатын. Қала тұрғындарының өздері қаржы жинап, қоғамдық кеңес үйінің ғимаратын салады. Ол жерде басында би кештері, әуесқой театр әртістерінің қойылымдары көрсетіліпті. Осы ғимарат ішінен 1899 жылы, А.С.Пушкиннің 100 жылдығы қарсаңында, ақын атындағы ең алғашқы кітапхана ашылды. Жыл сайын қала қазынасынан кітап қорын толықтыру үшін 300 рубль, басқа да қажеттіліктер үшін 100 рубль бөлініп тұрған екен.

Сонымен қатар қала тұрғындары өздері жазылған мерзімдік басылымдарды, басқа да оқу құралдарын жыл соңында кітапхана игілігіне беріп отырған. Ал 1910 жылдан бастап мерзімді басылымдар қоры құрылып, 30-ға жуық газет-журналды жаздырып алу мүмкіндігіне ие болды. Кітапхананың алтын қоры осылай қалыптасқан.

Ұлы Отан соғысынан кейінгі архив деректеріне сүйенсек, кітапханада 59 мың кітап қоры болыпты. Екінші дүниежүзілік соғыстың зардаптары қалпына келтіріліп, жергілікті басшылар оқу-ағарту ісіне жеткілікті көңіл аударады. Осылайша бейбіт өмір орнаған соң кітапхананың қайта өрлеу кезеңі басталды. Кітап қорын толықтыру, әдеби көркем, ауыл шаруашылығы, техникалық және т.б. басқа шығармаларды белсенді насихаттау, кітапхананың материалдық жағдайын жақсарту жұмыстары белең алады.

1980-жылдары кітап қорын толықтырумен қатар бөлімдердің анықтамалық-іздеу аппаратын іске қосуға басты назар аударылған. Соның негізінде арнайы әдебиеттік пәндік каталогы кеңестік және шетелдік жүйелік каталогы, мемлекеттік стандарттау (ГОСТ) нөмірлеу картотекаларының жұмысы жолға қойылады.

1989 жылы кітапхана атауы А.С.Пушкин атындағы Оңтүстік Қазақстан облыстық әмбебап ғылыми кітапханасы болып өзгереді. 2000 жылы кітапханада РАБИС электронды каталогы орнатылды. 2007 жылы Шымкент қаласы Оңтүстік өңірде ең алғашқы болып, «кітапхана Астанасы» деген атаққа ие болды.

Рухани жаңғыруға қосқан үлес

А.С.Пушкин атындағы облыстық әмбебап ғылыми кітапхана 2018 жылдың қазан айынан бастап Түркістан облысының бас әдістемелік орталығы атанды.

– Қазіргі таңда Түркістан облысында 388 кітапхана бар. Оның ішінде 2 облыстық, 16 аудандық орталық, 16 балалар кітапханасы, 332 ауылдық, 22 қалалық кітапхана жұмыс істеп тұр, - дейді әмбебап ғылыми кітапхана директоры Шәрбану Дінәсілова. – Біздің кітапханашылар халыққа ақпараттық қызмет көрсетудің дәстүрлі әдісін заманауи жаңалықтармен тоғыстырып, оқырманға сапалы қызмет көрсетуде. Себебі, кітапханашы жай ғана маман емес, мәдени-әдеби жаңалықтардың жаршысы, ұлттың руханиятының мәйегін жинақтаушы да бола білуі тиіс. Өлкетану бағытындағы әдебиеттерді насихаттаудың озық үлгісін көрсетіп, жергілікті тарихи орындарды зерттеп, танымал тұлғаларды дәріптеп келеміз.

Пушкин кітапханасы

Кітапхана ұжымы Елбасының «Болашаққа бағдар: Рухани жаңғыру» бағдарламалық мақаласында көрсетілген «Туған жерге туыңды тік» бөлімін негізге ала отырып, өңірдің дара тұлғаларының шығармаларын насихаттау және өмір жолын жастарға үлгі ету мақсатында «Оңтүстіктің дара тұлғалары» бағдарламасын жүзеге асыруға үлес қосты. Бағдарлама аясында «Мекемтас Мырзахметұлы әлемі», «Мархабат Байғұт әлемі», «Байтасовтың байтақ әлемі» бұрыштары ашылып, көрмелері ұйымдастырылды.

– Бұған қоса кітапханамызда «Ұлттық әдебиеттер орталығы» жобасы жүзеге асырылуда. Мұндағы мақсат – Түркістан өлкесінде тұрып жатқан өзге ұлт өкілдерінің әдебиеттерін насихаттау, ұлтаралық берік қарым-қатынас орнатуға үлес қосу, - дейді Шәрбану Әлмахамбетқызы. – Бұл жоба аясында ауқымды іс-шаралар өткізілді. Сонымен қатар бауырлас, көршілес елдердің ресми өкілдері, елшілері кітапханаға арнайы ат басын бұрып, өз тілдеріндегі әдебиеттерді сыйға тартады.

Осылайша бүгінгі таңда «Ұлттық әдебиеттер» бұрышында 20-дан астам ұлт пен ұлыстың 1600 кітабы жинақталып, оқырмандар пайдалануда. Этно-мәдени орталықтармен де қызу әріптестік байланыс орнатып отырмыз.

«120-19-120» жобасы

Кітапхана ұжымы 120 жылдық мерейтой негізінде «120-19-120» жобасын қолға алды. Мұндағы мақсат - оқу мәдениетінің қалыптасуына ықпал етіп отырған, оқырман мен қаламгердің арасындағы алтын көпір саналатын кітапхананың беделін көтеру, іс-тәжірибесін дәріптеу.

– Бұл жоба аясында облыстың барлық кітапханалары ғасырлар тоғысынан өтіп, бүгінгі таңда оқырманы мен қаламгеріне адалдықпен қызмет көрсетіп отырған кітапханамызды өз өңірлерінде жоғары деңгейде насихаттауда. Облыстық Ы.Алтынсарин атындағы балалар кітапханасы әдеби іс-шаралар легін өз оқырмандарына таныстырып, эстафетаны аудандық кітапханаларға ұсынды, - дейді кітапхана директоры Шәрбану Әлмахамбетқызы. – Жыл соңында насихаттаудың озық үлгісін көрсете білген кітапханалар арнайы марапатқа ие болады.

Бүгінде тарихы ғасырдан асқан оқырман ордасы кітапханалардың беделін көтеру, заманауи бастамалардың жаршысы болуды мақсат тұтқан. Кітапханашы оқырманға тек кітап беріп отыратын, елеусіз мамандық иесі деген қасаң қағиданы жоққа шығарып, кітапханашылар қатарын жастармен толықтыру да басты назарда тұр. Ал ол үшін өткенге көз салмай, болашаққа қадам жасау мүмкін емес. Сондықтан, «Facebook» әлеуметтік желісі арқылы ардагер кітапханашылардың еңбек жолы жастар арасында кеңінен насихатталуда.

«Кітап – адамды, кітапхана адамзатты тәрбиелейді» деген екен кемеңгер қаламгер Әбіш Кекілбаев. Сол тәрбие ошағының өңіріміздегі қарашаңырағы саналатын Пушкин атындағы кітапхана миллиондардың мекені саналады.

Жаңа жылға – жаңа жатақхана

Среда, 25 Декабрь 2019 03:37

Шымкентте студенттерге арналған жаңа жатақхана ашылды. ОҚМПУ-дің студенттеріне арналған 240 орынды жаңа жатақхананың салтанатты ашылу рәсіміне Шымкент қаласының әкімі Ерлан Айтаханов, ОҚМПУ ректоры А.Қайырбекова мен облыстық мәслихаттың депутаты, ҚР ҰҒА корреспондент-мүшесі Оңалбай Аяшев қатысты.

80631932 2405290769783875 331232164244881408 o

Қала әкімі бұл жұмыстар Елбасының 5 әлеуметтік бастамасы аясында жастардың сапалы білім алуы үшін жасалып жатқан игі істердің бір парасы екенін атап өтті.

– Баршаңызды мейрам алдындағы жаңа жатақхананың ашылуымен құттықтаймын. Елбасы 2023 жылға дейін барлық студенттерді жатақханамен қамту туралы тапсырма берген болатын. Шымкентте жатақхана қажеттілігін жою бойынша жұмыстар атқарылып жатыр.

Мәселен, биыл екі жатақхананың құрылысы аяқталып, ОҚМПУ студенттеріне пайдалануға берілді. Келесі жылы «Шымкент» ӘКК арқылы 2 500 орынды жатақхана салу жоспарлануда, – деді Ерлан Қуанышұлы.

Жатақхана Шымкент қаласындағы Нұрсәт шағынауданында орналасқан және заманауи талаптарға сай қажетті құрал-жабдықтармен қамтылған. Кітапханасы мен оқу залы, демалыс бөлмесі, медициналық пункт, ас бөлмесі де бар.

79833926 2405291843117101 1264267316279902208 o

ҚР Парламенті Мәжілісінің депутаттары екінші оқылымда «Міндетті әлеуметтік сақтандыру туралы» және «ҚР кейбір заңнамалық актілеріне міндетті әлеуметтік сақтандыру мәселелері бойынша өзгерістер мен толықтырулар енгізу туралы» заң жобаларын қарап, мақұлдады. 2020 жылдан бастап орташа әлеуметтік төлемдердің өсуін қамтамасыз етуге бағытталған бұл жұмыстар Мемлекет басшысының тапсырмаларын орындау мақсатында жүзеге асырылуда.

406

Дертті жасырсаң, дендейді...

Среда, 04 Декабрь 2019 04:31

1 желтоқсан – дүниежүзілік ЖИТС-пен күрес күні. Халықаралық деңгейдегі дата алғаш рет 1988 жылы жарияланып, Біріккен Ұлттар Ұйымының АИТВ/ЖИТС жөніндегі бағдарламасы бойынша 1996 жылдан бері атап өтіліп келеді.

309

Страница 1 из 13