Шымкент қаласы «Азаматтық Альянсы» заңды тұлғалар бірлестігінің конференциясында Шымкент қаласының «Азаматтық Альянсы» атқарушы органының және тексеру комиссиясының есебі, үйлестіру кеңесінің құрамына өзгеріс енгізу мәселелері қаралды.

551

Қазақ топырағында өткен күрес түрлерінен әлем чемпионатына кілең жұлдызды спортшылар келген. Аты аңызға айналған балуандардың бірі қонақ болып келсе, енді бірі бозкілемде бақ сынауда. Күрес тарихындағы ең атақты балуанның бірі, жапон Саори Иошиданы осы бәсекеде жүзбе-жүз көрдік. Ашаң жүзді күншығыс елі аруымен естелік фотоға түсіп үлгердік. Мақсатымыз сұқбат алу болатын. Бірақ, жанында ертіп жүрген жолбасшы жігіт ол мүмкін еместігін айтты.
Әйткенмен әлем чемпионатында куә болған қызықты жағдайлар көп-ақ. Оның бәрі естен кетпес естелік болмақ.

324

Шымкентте Nur Otan партиясының «Бақытты отбасы» жобасын жүзеге асыру аясында балалардың құқықтары мен заңды мүдделерін қорғауды қамтамасыз ету жүйесін жетілдіру бойынша ұсыныстарды жинау мен зерделеу мәселелері жөніндегі республикалық сараптамалық топтың жұмысы басталды.

505

SHYMKENT: алты айда 111 591 турист

Среда, 09 Октябрь 2019 03:54

Шымкент – туризмді дамытуға қолайлы әрі мүмкіндігі мол қала. Шымшаһар – табиғаты ерекше, климаты жағымды жер. Ол – тарихы терең көне кент. Қазақстанның аспаздық қаласы, бау-бақшалы жасыл қала, Шымкент – ең қонақжай өлкенің орталығы.

DSC 3321

Алайда, көпшіліктің санасында жаңғырып жатқан «шымкенттіктер» деген ұғымға жаңаша көзқарас қалыптастырып, туристер легін тартуға бағытталған кешенді маркетингтік бағдарламаны әзірлеу және жүзеге асыру қажет.

Шымкент қаласының ақпараттық-коммуникациялық орталығында туризм басқармасы өкілдері өткізген баспасөз брифингінде осындай басты мәселелермен қатар салада атқарылған жұмыстар және алдағы жоспарлар жөнінде әңгіме қозғалды. Басқарма басшысының міндетін атқарушы Азамат Қалқабаев жыл басынан бері атқарылған жұмыстарға тоқталды.

Басқарманың туризм саласындағы көрсеткіштерге жүргізген мониторингіне сәйкес, 2019 жылдың 6 айында қалаға келушілер саны 111 591 адамға жеткен. Яғни, 2018 жылдың сәйкес кезеңімен салыстырғанда (82 897 адам) 34,6%-ға артып отыр. Ішкі туризм бойынша келушілер саны – 97 418 адам, кіру туризмі бойынша келушілер саны – 14 173 адам.

– 2019 жылдың басынан бастап бірқатар бағытта жұмыстар атқарылуда. Біріншіден, туризм басқармасының ұсынысымен Қазақстан Республикасының туризм саласын дамытудың 2019-2025 жылдарға арналған мемлекеттік бағдарламасының өңірлік деңгейдегі ТОП-50 Туристендіру картасы нысандарының тізбесіне «Ескі қалашық» кешені енгізілді.

11

Екіншіден, қызмет көрсету сапасын жақсарту мақсатында 2GIS электрондық навигациялық жүйесіне енгізілген «Сайрамның сакралды объектілері», «Жастарға арналған», «Фотоаймақтар» және т.б. жаңа дербес бағыттар әзірленді.

Сондай-ақ, сервисті жақсартуда туризм саласында кәсіби кадрларды даярлау мәселесі маңызды. Қоғам белсенділері, туризм мамандары, туризм нұсқаушылары тарапынан Шымкент қаласында «Жас туристер станциясын» құру ұсынылып отыр және оны жүзеге асыруға барынша қолдау көрсетуге дайынбыз, – деді Азамат Мұратбекұлы.
Сонымен қатар, жиында басқарманың алдағы жоспарлары таныстырылып, бірқатар мәселелер талқыға түсті.

ҚР Президенті Қ.Тоқаевтың Қазақстан халқына арнаған Жолдауы бойынша қалалық ақпараттық-насихаттық топ дәрігерлермен кездесті. Қалалық №2 ауруханада өткен іс-шарада Жолдаудың басым бағыттары талқыланды.

 DSC5604

Шымкент қалалық ішкі саясат және дін істері басқармасының басшысы Жанар Бектаева, М.Әуезов атындағы ОҚМУ-дың саясаттану пәнінің оқытушысы Қайрат Бименов, «Нұр Отан» партиясы Еңбекші аудандық филиалы төрағасының бірінші орынбасары Жандос Қамбарбеков Жолдаудың басым бағыттарын талдап берді.

Басқарма басшысы елімізде әлеуметтік салаға маңыз беріліп отырғанын, Жолдау аясында атқарылар жұмыстардан хабардар етті. Саясаттану пәнінің оқытушысы Қайрат Бименов ұлттық имммунитетті қалыптастыру, жаhандану дәуірінде жалған ақпараттың жетегіне ермеу туралы мағыналы ойлар айтса, Жандос Сатыбалдыұлы өз баяндамасында әлеуметтік сала қызметкерлері жауапкершілікті сезінуі тиістігіне назар аударды.

Жиында мекеменің бас дәрігері Сәрсен Пернебеков Жолдауға сәйкес, медициналық көмектің қолжетімділігі артып, медициналық сақтандыру жүйесінің енгізілуі саладағы зор жетістік екенін мәлімдеді. Сәрсен Махамбетұлының айтуынша, таяу уақытта мекемеде жөндеу жұмыстары жүргізіліп, заманауи оңалту орталықтары ашылмақ.

1 қазан – Халықаралық қарттар күніне орай «Оңтүстік» қабылдау үйінде ардагерлерге құрмет көрсетілді. Шымкент қаласының әкімі Ерлан Айтаханов қарияларды мерекемен құттықтап, бірқатар ардагерлерді Алғыс хатпен марапаттады.

71227317 2797371873606140 6474717212228714496 o

Бұл күні қарттарымыздың ғұмыр бойы істеген еңбектеріне әрі мемлекетіміздің қалыптасуына қосқан зор үлестеріне сай сый-құрмет көрсетілді. Іс-шарада қала әкімі ҰОС ардагерлерімен және ел ағаларымен сұхбаттасып, әлеуметтік мәселелер бойынша пікір алмасты.

– Біз – қариясын қадірлеген халықпыз. Бүгінде бұл дәстүр жаңғырып, жалғасып келеді. Салт-дәстүрді ұрпақ бойына сіңдіруде қазыналы қарттардың еңбегі өлшеусіз. Қарияларды бір күн ғана құрметтеп қоймай, жыл бойы жақсылық істеуіміз қажет, - деді қала әкімі.

Шымкент қаласы мәслихатының хатшысы Ғани Ташқараев та ізгі тілегін жеткізіп, бірқатар ардагерге мәслихаттың Алғыс хатын табыс етті.
Шымкент қалалық ардагерлер кеңесінің төрағасы Исамуддин Рысбай да құттықтауын жеткізіп, мағыналы әңгіме өрбітті.

Мерекелік басқосуда рухани әндер шырқалып, тағылымды уағыз айтылды.

Айта кетсек, бүгінде Шымкент қаласында 80 мыңға жуық зейнеткер тұрады. Олардың ішінде 46-сы Ұлы Отан соғысының ардагері болса, 4131 тыл еңбеккері бар.

Желмен жарысқан жүйріктер

Среда, 02 Октябрь 2019 05:43

Шымкентте 3000-нан астам адам бұқаралық спортты насихаттады

Шымкент – саламатты өмір салтына бет түзеген шаһар. Қыркүйектің соңғы жексенбісінде «Shymkent Marathon - 2019» бұқаралық жүгіру жарысы өтті. Бұл жолғы сайыстың жөні бөлек. Дәстүрге айналған марафонға еліміздің барлық өңірінен, шетелдерден үміткерлер келіп, бақ сынады.

 DSC3086

Жалпы, 3000-нан астам қатысушы 5, 10, 21 және 42 шақырымға жүгірді. Қала әкімі Ерлан Айтаханов, Шымкент қаласы мәслихатының хатшысы Ғани Ташқараев та бұқаралық спортты насихаттап, марафоншылармен бірге жүгіргенін айта кеткен жөн.

Royal club спорт кешенінің алдынан басталған сайыстың жеңімпаздары мен жүлдегерлері Наурыз алаңында анықталды. Қала әкімі Ерлан Қуанышұлы және мәслихат хатшысы Ғани Ташқараев қатысушыларды құттықтап, жеңімпаздар мен жүлдегерлерді марапаттады.

– Шымкент қаласында дәстүрге айналған марафонның ауқымы кеңейіп келеді. Жастардың көптігі қуантады. Аға буын да атсалысып, үлгі көрсетуде. Келесі жылы қала тұрғындарының бұқаралық спортпен қамтылуы 30 пайызға жетпек, – деді қала әкімі.

 DSC3505

Іс-шара барысында ойын-сауық және концерттік бағдарламалар ұйымдастырылды.
Айта кетсек, мұндай кең ауқымды бұқаралық марафон қалада 2015 жылдан бастап өткізіліп келеді. Бүгінде жүгіру сайысына қатысуға елімізден бөлек, ТМД және шетелдерден де келушілер жетерлік.

Нұр-Сұлтанда өткен күрес түрлерінен әлем чемпионаты жаңа есімдерді танытып, тарихтың жаңа беттерін ашты. Әлемдік бәсеке қоңсы Қырғыз елі спортшы үшін тарихи жетістікпен есте қалды. Әйелдер күресінен Айсұлу Тыныбекова (62 келі) әлем чемпионы атанып, олимпиадалық спорт түрінен тарихтағы алғашқы алтынын сыйға тартты.
Тыныбекованы 2018 жылы Бішкекте өткен Азия чемпионатында көрдік. Азия чемпионаты өз елінде өтіп жатса да жарақаты себепті белдескен жоқ. Енді міне...

3A33384A-089D-4075-890C-6D7A52DAF2B4 w1597 n st

Тағдырыма айналған 1 минут...

Нұр-Сұлтан. 20 қыркүйек. Қырғыз журналистері алып-ұшып жүр. Сағат кешкі 18:00-де өз отандастары алтын үшін күреседі. Не болар екен дескен. Сәтін салып, Айсұлу Тыныбекова болгариялық әлем чемпионына қарсы белдесуде соңғы секундтарда жеңісті жұлып алды. Сол сәтте Қырғыз елінен келген жанкүйерлер, отандастарымыз да зор қолдау-қошемет көрсетті. Жеңімпаз балуан қырғыздың байрағын жамылып кілемді айнала жүгірді. Бәрі тамаша.

Журналистер жеңімпаз аруды белдесуден шыға сала, ентігіп тұрған күйде сұқбатқа тартты. «Қуанышты бөліссең, көбейеді» деген.
«Жеңісімді өз отаныма арнаймын. Бұл Қырғызстан командасының ортақ жеңісі. Барлық жанкүйерлерге алғыс. Біз бұл сәтке ұзақ жеттік. Нұр-Сұлтан кілеміндегі осы жеңісім үшін Қазақ еліне де айтар алғысым шексіз» деді көңілі толқыған күйде.

Жеңімпаз аруды әлем журналистері қаумалай қалып, алдағы жоспарларын сұрайды. Бұл қуаныштың бағасы қандай екенін білгісі келеді. Тарихи жеңістің сыры неде? Бұл сұрақтарға жауапты өз аузынан естідік.

– Ең бастысы, өзіңе деген сенім. Біз осы мақсат жолында он жыл дайындалдық. Түбінде әлем чемпионы атанатынымды білдім. Бірақ, бұл оңай болмайтынын да ұғындық. Сол себепті жаттығуға барымды салып, өзімді аяған жоқпын. Тіпті, жанымды қиып жіберуге де дайын болдым десем, сенбессіздер. Мұның бәрі жарыста жеңіл болу үшін ғой. Іріктеу сындарындағы белдесулерім өте қиын өтті. Бірақ менің жеңілуге хақым жоқ еді. Ал финалдық кезеңде бапкерлерім белдесуді соңына дейін бақылап күресу қажеттігін айтты. Ешқандай эмоцияға берілмей, босаңсымай күресуге тапсырма алдым.

Есеп 3:3 болып теңескенде, бар жоғы 1 минут қана қалған. Қарсыласыма да жеңіс қажет. Ол өткен жылғы атағын қайталасам дейді. Бірақ маған жеңіс одан да ауадай қажет еді. Алдымда бүкіл Қырғыз елінің намысы тұр. Қолда тұрған алтын жүлде уыстан шығып кетсе, өзегім өртенер еді. Тарихи жеңіс қол бұлғап тұрған сәтте қосымша ұпай ала алатындығыма іштей сендім. Түйсігім алдаған жоқ.
Әрине, жанкүйерлердің қолдауын сездім. Отандастарымнан бөлек, керемет қала Нұр-Сұлтанның тұрғындары да қолдады. Бәріне де рақметімді айтамын, – деді ол сұхбат барысында.

Ендігі мақсат – Олимпиада алтыны

Айсұлу күресті 16 жасында бастаған. Қазір тура 10 жыл артта қалыпты. Әкесі қандай да бір спорт түрімен шұғылдануын қалаған екен. Бұла күші бойына сыймаған қыз көп ойланған. Ақыры таңдауы күреске түскен. Тағдырдың бозкілемнің соқпағына салғанына бек қуанышты. Ауылда өскен қыз қатарластарынан озуға әрекеттеніп, Бішкекке келді. Өйткені, ауылда күрестен әйелдер секциясы болмапты.

...Мен күресті бастаған кезде бұл жетістіктер арман болатын. Бірақ ол арман қазір шындыққа айналды. Біз бұл жетістікке ұзақ жеттік. Көп қиындықтарды бастан өткердік. Бәріне де төзе білдім.
Бұл жолы Олимпиада жолдамасын алатыныма сенімді болдым. Бірақ маған чемпиондық атақ қажет.

Бапкерлеріммен бірге осы мақсат жолында еңбектендік. Тарихқа атымды жазғым келді. Қырғыз елі спортшылары тәуелсіздік алғалы бері әлем чемпионатында жеңіске жектен жоқ. Финалға шыққан, қола жүлдені де алған. Қол жетпестей көрінген биік шыңға Қазақ елінде жетіп отырмын. Ендігі басты мақсатым – Токио ойындары. Әрине, алтын медаль үшін ғана барамын.

Жеңімпаз ару осылай ақтарылды. Өткен жылы жарақаты кесірінен әлем чемпионатына қатыса алмаған еді. 6 ай жаттығудан қол үзген. Кілемді сағынып қалғанын жасырған жоқ. 2019 жылы чемпион боларын да ішкі түйсігі сезіпті.

Балуандарыңызбен тонның ішкі бауындай сыйласамыз

Әлем чемпионы Айсұлу Тыныбекова Қазақстан құрамасының балуандарының барлығын жақсы танитынын айтады. Бәрімен де тонның ішкі бауындай достық қарым-қатынаста.
«Қазақ елі балуандарымен жаттығу барысында, одан тыс уақытта да сөйлесіп тұрамыз. Эльмира Сыздықова, Гүлмарал Еркебаева, Зарина Құнанғараева...Бәрімен де сәлемім түзу.

Қазақстан әйелдер құрамасы Риода 3 медаль олжалады. Бұл – зор жетістік. Әлемдік деңгейде жетістікке жетіп жүрген спортшыларыңыз көп-ақ». Тыныбекова бізбен әңгімесінде осылай деді.
Міне, елімізде дүбірлеп өткен әлем чемпионаты қоңсы ел үшін де құт болды. Айсұлудың жеңісі – түркі әлемінің ортақ жеңісі!

Страница 4 из 51