Есілдің бойы... Елорда тойы ...

Пятница, 05 Июль 2019 04:40

Биыл елордамыз – Нұр-Сұлтан қаласы 21 жылдығын тойлауда. Елорда – Қазақстанның динамикалық дамып келе жатқан жаңаруының, Тәуелсіз республикамыздың нышаны. Барлық салалар бойынша даму жолына бет түзеген шоқтығы биік шаһар.

8

Дамуға – жаңа серпін

Бас қаламыз Тәуелсіз еліміздің шынайы бет-бейнесіне, халқымыздың мақтанышына айналды.

2019 жылғы 23 наурыздағы Мемлекет басшысының Жарлығымен Астана қаласы Қазақстан Республикасының астанасы – Нұр-Сұлтан қаласы деп қайта аталды. Шын мәнінде, 21 жыл ішінде бас қала өзінің даму жолын айшықтап, адамзат баласы аңсаған өркениет көшіне ұмтылуда. Әлеуметтік-экономикалық жағдайымен, сәулет өнерімен, жаңа технологиясымен де. Тарихи тұрғыдан аз уақыт ішінде шағын қала ірі мегаполиске айналды.

Елорда – бүгінде мәдениет, білім-ғылым, сауда-өнеркәсіп және қаржы орталығы. Елбасы есімін иеленуіне байланысты қала одан әрі дамуға жаңа серпін алды. Жаңа елорда қысқа мерзім ішінде жалпыұлттық идея мәртебесіне ие болып, жас мемлекеттің тәуелсіздігінің символына және жаhандық табысына айналғаны да ақиқат.

Қала төрт ауданнан – Алматы, Сарыарқа, Есіл және Байқоңыр ауданынан тұрады. Қазіргі уақытта қаланы дамыту үшін қабылданған бағдарламалар жүзеге асырылуда. Экономикалық көрсеткіштер жақсы. Шағын және орта бизнес, сондай-ақ өндіріс көлемі артып келеді.

Елорда тойы – елдіктің тойы. Биыл Нұр-Сұлтан қаласының күніне орай шамамен 108 іс-шара өтеді, оның 80-нен астамы тегін. Билет сатудан түскен қаржы Арыс қаласының зардап шеккен тұрғындарына арналған көмек қорының шотына аударылатыны да мәлім болды. Мерекелеу аясында өтетін ақылы концерттер мен театрландырылған қойылымдардың билеттерін сатудан түскен қаржы қайырымдылық мақсаттарға жұмсалмақ.

Шымкент Нұр-Сұлтаннан үлгі алады

Нұр-Сұлтан – еліміздің өзге қалалары үшін бағдаршам іспетті. Бүгінде ҚР Тұңғыш Президенті – Елбасы Нұрсұлтан Назарбаевтың бес жылдық кезеңге (2019–2023 жылдарға) қаланың жинақы құрылысы жөніндегі Кешенді жоспарын іске асыру тапсырмасы орындалуда.

Таяуда ғана Мемлекет басшысы Қасым-Жомарт Тоқаев астананы абаттандыру жұмыстарына тың серпін беруді тапсырды.

«Астана» Халықаралық қаржы орталығы алдында Нұр-Сұлтан қаласының экономикасын дамытудың драйверлерінің біріне айналу міндеті тұр. Қазіргі таңда шаһарда жол-инфрақұрылымын дамыту бойынша LRT құрылысы жүргізілуде. Қаланың жаңа жол жүйесі саналатын LRT құрылысы жаңа әуежайдан теміржол вокзалына дейінгі аумақты қамтиды.

2

2016 жылы басталған нысан құрылысты жыл соңына дейін аяқтау көзделуде. Жобаның негізгі мақсаты – қоғамдық көлік саласын жүйелі дамыту.

– Кез келген мемлекеттің астанасы ел және Үкімет басшылығының жіті назарында болады. Елорда әкіміне зор жауапкершілік жүктеледі. Еліміздің қонақтары, ең алдымен, Қазақстанның астанасына келеді. Бас қаланың даму деңгейіне қарап, жалпы мемлекеттің даму барысын бағалауға болады. Ел басшылығы және Үкімет Сіздің жұмысыңызға қолдау көрсетеді.

Көп жұмыс атқарылуы тиіс. Елорда тұрғындары тарапынан қала басшылығына әрдайым жоғары талаптар қойылады, - деді Елбасы таяуда елорда әкімін қабылдаған сәтінде.

Нұр-Сұлтан қаласының әкімдігіне шетелдік инвесторлардың келуіне жағдайды жақсартып, соның ішінде қолайлы өмір сүруді, қауіпсіз ортаны және алдыңғы қатарлы халықаралық стандарттар деңгейінде әлеуметтік қызметтерге қолжетімділікті қамтамасыз ету қажет.

«Еуразияның қақ ортасындағы қаланың модернизациялық миссиясы мол. Мұнда жаңа кеңістік, жаңа координаттар жүйесі, жаңа уақыт пайда болды. Бұл жалпы жаңару мен жаңа тәртіптің пайда болуына серпін береді. Бүгінде әлемге үйлесім, даму және ынтымақтастық қажет. Сондықтан елордалық шығаратын ізгілік пен қазақстандық құндылықтардың нұры бүкіл планетаға тарайды және ризашылыққа ие болады».

Қазақстан Республикасының Тұңғыш Президенті – Елбасы Нұрсұлтан Назарбаев елорданың 20 жылдық мерейтойына арналған өзінің бағдарламалық сөзінде осылай деген еді.

Өндірісі өркендеген қала

9 қаржы орт

Елорда осынша уақыт ішінде бірқатар жетістіктерімен ерекшеленді.
Қалада 2018 жылы өнеркәсіп өнімінің көлемі 601,7 млрд теңгеге жеткен. Оның ішінде өңдеу өнеркәсібі – 83,9 пайыз. Негізгі капиталға бағытталған инвестиция көлемі 1 056, 7 млрд теңге.

Тағы бір елеулі жетістігі – елдің жалпы ішкі өнімінің 10%-ы Нұр-Сұлтан қаласының үлесіне тиесілі.
2019 жылдың 1 мамырындағы жағдай бойынша әрекеттегі шағын және орта кәсіпкерлік субъектілерінің саны 128,5 мыңға жетіп отыр. Шағын және орта бизнес саласындағы жұмыспен қамтылғандардың саны – 363,2 мың адам.

Нұр-Сұлтан қаласы ҚР аймақтарының бәсекеге қабілеттілік – 2018 рейтингінде 1-орынға ие. Елорда – негізгі теміржол және автокөлік магистральдері өтетін ірі көлік торабы. Қазақстанның және Еуразия континентінің заманауи әуежайларының бірі –Нұрсұлтан Назарбаев халықаралық әуежайы. Тәулік сайын 140 рейс ұшып келеді және ұшып кетеді. Жылына жолаушыларды өткізу мүмкіндігі – 8,2 млн адам.

Нұр-Сұлтан қаласы – инвестицияларды тарту үшін үлкен экономикалық, көлік, адами әлеуетке ие болып отырған қарқынды дамушы қала және заманауи мегаполис. 20 жылдың ішінде қала әлеуметтік-экономикалық дамудың негізгі көрсеткіштерінің тұрақты өсуін көрсетіп отыр. Нұр-Сұлтан қаласы дамыған өнеркәсіптік сектор, ондағы өндіріс көлемі 573,9 млрд теңгеге жетті.

20 жыл ішінде негізгі капиталға қосынды инвестиция көлемі шамамен 8 трлн теңгеге жетті. Ал 2018 жылғы қаңтар-желтоқсанда инвестиция көлемі 1 057 млрд теңгені құрады.

– Халық саны - 1 094 396 адам. (2019 ж. 01.05. есеп)
– Қала аумағы - 797,3 мың шаршы метр.
– Қалада 7 сарай,
– 7 концерт залы,
– 5 музей,
– 7 театр,
– 20 кітапхана,
– 1 цирк,
– 8 кинотеатр,
– 8 мәдениет және демалыс саябағы бар.

Бүгінде Байтұрсынов көшесінде құрылыс жұмыстары қызған шақ. Жөндеу жұмыстары ақпан айында басталған. Қазір мұнда үш бригада жұмылдырылып, аяқжол салу, жолдарды кеңейту, веложол құрылысы қарқын алған. Бір айта кетерлігі, құрылыс материалдары отандық өнімдер. Абаттанған жолды тезірек тұрғындар игілігіне беру де – басты талап.

DSC 4444

Басқа көшелер де осы үлгі бойынша абаттандырылады

Таяуда қала әкімі Ғабидолла Әбдірахымов осы көшедегі жөндеу жұмыстарының барысымен танысқан еді. Әрине, басты мақсат – бұл көшені қаланың ең көрікті орындарының біріне айналдыру. Алда басқа көшелерді де осы үлгі бойынша абаттандыру міндеттері тұр. Жалпы, Байтұрсынов көшесі – жастардың көп жүретін орны. Көше бойында жоғары оқу орындары көптеп орналасқан.

Бұл ретте өз бастарының мүдделерін қоғам мүддесінен жоғары қоятындар да жоқ емес. Қала әкімі мұндай кейбір жеке тұлғаларға заң аясында қатаң іс-шара қолдану керегін де мәлімдеді. Жалпы қаланың көркін бұзатын, тұрғындарға қолайсыздық тудыратын осындай келеңсіз іс-әрекеттердің барлығы қатаң бақылауда.

DSC 4438

Қалалық жолаушылар көлігі және автомобиль жолдары басқармасы автомобиль жолдары бөлімінің басшысы Қайрат Баймендиевтің айтуынша, жобаның жалпы құны 1 млрд 310 млн теңге. Құрылысқа қолданылып жатқан материалдың бәрі отандық өнімдер. Олар зертханада тексеріліп, жұмысшыларға жеткізілуде.

– Құрылысқа қолданылып жатқан гранит тастар Қордайдан, ал плиталар жергілікті зауыттан келеді. Отандық өнімдерге басымдық беріледі. Мұнда аяқжолдар мен веложолдар кезең-кезеңімен, бөлек салынады. Көшенің екі жағынан да веложол құрылысы жүргізіледі. Еуропаның көптеген елдерінің көшелері осындай.

Жалпы құрылыс жобасы бойынша көшедегі ағаштарды кеспей, сол күйі қалдыру көзделген. Жөндеу жұмыстарын жылдың соңына дейін аяқтауды жоспарлаудамыз, – дейді Қ. Баймендиев.

«Адамды да, техниканы да көбейтіп жатырмыз»

Құрылыс барысымен танысып шықтық. Мердігер мекеме «Отырабат-Құрылыс» ЖШС-нің жұмысшылары өздеріне жүктелген міндеттің жауапкершілігін сезінеді. Құрылысты мерзімінен бұрын аяқтауды да жоспарлап отыр.
Ал «Гарант» аялдамасы маңындағы құрылысқа жауапты бригада аяқ жолдарды ретке келтіруде. Олар «Жеңіс-Құрылыс» және «Агат» ЖШС қызметкерлері.

DSC 4449

– Дәл қазір бұл көшеде 3 бригада жұмыс істеуде. Әрқайсысында 20-30 адамнан. Шаршы тақтаны қоятындар бөлек, жол шекараларын орнататындар бөлек. Бірінші бригада каркасын істеп берсе, келесі топқа плитаны қою жүктелген. Жұмысты қыркүйекте толық аяқтаймыз деген сенім бар.

Ол үшін адамды да, техниканы да көбейтіп жатырмыз, – дейді «Жеңіс-Құрылыс» ЖШС-нің жұмысшысы Әлішер Есенәлі. Жұмысшы жігіттер қала тұрғындарына «сабырлық танытып, аз ғана уақыт шыдай тұрса» деген өтінішін айтады. 

Қалалық жолаушылар көлігі және автомобиль жолдары басқармасы өкілдерінің айтуынша, шілде айында асфальт төсеу қолға алынбақ. Қазір көшені жарықтандыру жұмысы қатар атқарылып жатқанын да айта кеткен жөн. Сондай-ақ, ескі аялдамалар алынып, орнына жаңалары орнатылады.

Шымкент қаласының Қоғамдық кеңесінің кезекті отырысы өтіп, онда бірқатар мәселелер қаралды.

Қоғамдық кеңес 4

Шымкент қаласы мәслихат депутаты Н.Бұхарбаев жетекшілік еткен жиынның күн тәртібінде кәсіпкерлік және туризмді дамыту, тұрғындарды жұмыспен қамту және әлеуметтік бағдарламалар, мемлекеттік еңбек инспекциясы және көші-қон басқармасының атқарған жұмысы және тағы басқа мәселелер талқыға түсті.

Аталған мәселелер жөнінде Шымкент қаласының кәсіпкерлік және индустриалды-инновациялық даму басқармасының басшысы Нұркен Бегулиев, қалалық туризм басқармасының басшысы Тұрар Ахметов, қалалық жұмыспен қамту және әлеуметтік қорғау басқармасының басшысы Ғалымжан Балтаев баяндама жасап, бірқатар мәселеден хабардар етті.

Нұркен Рахымұлының айтуынша, бүгінде индустриалдық аймақтарды жаңғырту бойынша жобалық-сметалық құжаттар әзірленуде. Ал кәсіпкерлікті дамытуда жер, сәулет мекемелері тарапынан бірқатар кедергілергілер жойылуы тиіс.
Бұған қоса қалада этнотуризм бағыттарын жүйелеп, жұмыс атқару керек. Кеңес мүшелері Шымкенттің 2020 жылғы ТМД-ның мәдени астанасы атануына орай бірқатар жобалар дайындау керегін айтты.

Жиында, сондай-ақ, Қоғамдық кеңеске жаңа мүше қабылданды. Шымкент қаласының Кәсіпкерлік палатасының директоры Нұрлан Қабыштаевтың кандидатурасы көпшілік тарапынан бірауыздан қолдау тапты.

Баспа БАҚ-тың рөлі қандай?

Пятница, 28 Июнь 2019 04:41

Қазір бәсекенің заманы. Мерзімді басылымдар да ақпараттық технологиялармен бірге қатар дамып келеді. Заман талабы осы дерсіз. Түйіндей айтқанда, нарық уақыты бір ғана талап қойып отыр.

DSC 9299

Ол – кәсібилігіңді арттыр, нарық заңдарын біл, жетіле түс деген тегеурінді талап. Бүгінгідей әлеуметтік желілер шырмап алған ақпарат тасқыны заманында мерзімді басылымдардың тағдыры не болмақ? Олардың қоғамдағы рөлі қандай?

Газеттердің үлесі әлі де басым

Рас, мерзімді баспасөздің болашағы мен даму бағыттары – әркез көтеріліп жүрген мәселе. Баспа БАҚ-тың болашағы мен оны дамыту, интеграциялау жағы ойландырмай қоймайды.
Бүгінде газеттегі көп жанрлардың жойылып бара жатқаны да рас. Негізінен, газеттер танымдық-сараптамалық бағытқа ойысу керегі де айтылып жүр.

Жылдам ақпараттар сайт немесе әлеуметтік желілердегі платформалар арқылы таралуда. Яғни, қазір цифрлы технология, IT технологиялық мүмкіндіктерді меңгеру де басты назарда тұр.
Елдегі БАҚ-тың әлеуетіне бір көз жүгіртіп өтсек. Қазақстанда халықтың 72,9%-ы интернетті пайдаланады. Бұқаралық ақпарат құралдарының саны жылдан жылға артып келетінін де байқап отырмыз.

Мәселен, 2019 жылғы 15 қаңтардағы жағдай бойынша елімізде 3328 ақпарат құралы тіркелген. Оның ішінде 2790 – мерзімді баспа басылым (84 пайыз), 128 – телеарна, 70 – радио, 340 – ақпараттық агенттік және желілік басылым (10 пайыз).

Тарқатып айтсақ, баспаның ішінде 1800 газет және 900 журнал бар. Барша ақпараттық құралдардың ішінде газет-журналдардың үлесі әлі де басым.
Баспа БАҚ дегенде мына бір қуанышты жағдайды айта кеткеніміз жөн секілді. Биыл «Егемен Қазақстан» газетінің жарық көргеніне 100 жыл толды.

«Егемен Қазақстан» – ел газеті ғана емес, ұрпақ бағдаршамы, ұлт шежіресіне айнала білді, еліміздің ғасырлық деректі тарихын тасқа басты.
«1919 жылы «Ұшқын» деген атпен шыға бастаған басылым әр жылдары түрлі атпен шықса да тіл, дін, жер, ұлт мүддесін әрдайым қаузап келеді.

Қаншама ұрпақты тәрбиеледі. Қаншама жазушы-журналистерге жол сілтеп, қанатын қатайтты. Газет сонысымен құнды, сонысымен де өзге БАҚ құралдарынан ерекше.
«Газеттің жұмысы 1 күндік, сөзі 1000 күндік» деген. Себебі, техниканың аты - техника. Кенеттен, қас пен көздің арасында-ақ, жылдар бойы жиналған контент әп-сәтте көзден ғайып болуы мүмкін.

Ондай жағдайларға өзіміз де куә болып жүрміз.

Түрлі сервистер бойынша
интеграция жасау маңызды

Қазір ақпарат таратуда әлеуметтік желілерге теңдесер платформа аз. Түрлі сайттар да даму жолына түсті. Сондықтан жаңа технологиядан шет қалмауымыз керек. Электронды форматты үйрену, меңгеру, әлеуметтік желілерді тиімді пайдалану – әр журналист үшін маңызды. Басты мақсат – ақпаратты жылдам таратудың тетіктерін үйрену.

Ендігі мәселе – газетті оқыта алуда. Яғни сапасын арттырып, оқырманға қажет дүниелерді ұсына алғанда ғана газет өмір сүрмек. IT маман әрі контент қалыптастырушы маман Жанболат Аманкелді де осы ойды қуаттайды.

– Бұл мәселе бізде ғана емес, технологиясы алға дамып кеткен Батыс елдерін де қатты ойландыруда. Олар бұл мәселені қалай шешуде? Негізінен газеттің сапасын арттырып, әрі жарнамасын күшейту арқылы өз тұтынушыларынан айрылмай отыр. Интернет сервистер арқылы газеттің электронды нұсқасын дамытып, түрлі интеграцияларды ендіруде.

Біз де осы тұрғыда ойлануымыз қажет. Мәселен, 1000 адам газеттің қағаз нұсқасына жазылса, ал 10 мың адам газеттің электронды нұқасына арзан жазылса, бәрібір сол баға шығады. Сайттағы ақпараттарды кез келген адам оқи береді. Бірақ, талдамалық материалдарды оқыту үшін ақылы ету керек. Қазір шетелде осындай жүйе жүріп жатыр.

Одан кейін газетті әуежайда, қонақ үйлерде барынша жарнамалау да тиімді. Әрине, бұрынғыдай дәстүрлі жарнама да жүре береді. Түрлі акциялар, жеңілдіктер жөнінде де интеграциялар жасаудың да пайдасы мол. Дәстүрлі жолдармен жазылуды да жүргізе берген жөн. Дегенмен, ол бағытта жаңа адамдар тарту қиын, – дейді Жанболат Аманкелді.

Баспа БАҚ құндылық болып қала бермек

Иә, қаншама ғасырлардан бері халықтың көзі, құлағы һәм тілі бола білген газет-журналдардың нарықтан ысырылып қалуы екіталай. Дамыған қоғамда ойлы оқырман үшін газеттің рөлі азаймақ емес.
Таяуда ғана ҚР Парламент Мәжілісінің депутаттары К.Мұсырман, О.Өксікбаев, Ә.Бектұрғанов және Ф.Қаратаев бұқаралық ақпарат құралдарында сапалы контент қалыптастыру жөнінде мәселе көтеріп, депутаттық сауал жолдаған еді.

Елбасының «Болашаққа бағдар: рухани жаңғыру» мақаласын еліміздегі бұқаралық ақпарат құралдарының, журналистерінің бәрі бірдей жете ұғынып, одан тиісті қорытынды шығарып отырған жоғын айтқан-ды.
– Таралымдары жылдан-жылға азайып бара жатқан газет-журналдар, телеарналар елдімекендерді қамту бойынша ең қуатты бұқаралық ақпарат құралдары болып отыр.

Соның ішінде бұқаралық ақпарат құралдарында ұлттық құндылықтарды, салт-дәстүрлерді, қазақстандық қоғамда қалыптасқан адамгершілік принциптерін қатаң қадағалау керек. Қажеттігіне қарай, қолданыстағы заңнамаға тиісті өзгерістер енгізу мәселесі қарастырылсын, – деген депутаттар өз ұсыныстарын да жеткізген.

Бір кездері қолжетпестей көрінген интернет желісі қоғамға дендеп кірді. Ғаламтор – бейне пышақ тәрізді. Пышақты адам игілігіне пайдалануға да, өміріне қатер тудыруына да болады. Жақсы мен жаман араласып кеткен бұл желі көзінен қоғамның бір бөлігі пайда көрсе, енді бір бөлігі зиян шегуде.

Қазіргі таңда әлемдік алпауыт елдер көбіне соғыс арқылы емес, алдымен осы интернет арқылы жаулайтыны да ақиқатқа айналып келеді.
Осындай құндылықтар алмасқан қоғамда баспа БАҚ-тың рөлі артпаса, кемімек емес. Әлі де миллиондаған тиражбен шығып жатқан шетелдік басылымдар бар. Өйткені газет әлі де құнды.

Әрине, газет электронды БАҚ-қа қарағанда баяу жұмыс істейді. Мұнда сапаға, кәсібилікке мән беру керек. Газет эксклюзив материалдарымен, зерттеу-талдамалық материалдарымен ерекшелене алады. Оқырманды сапамен ғана қызықтыра алмақсың.

Шымкент қаласы мәслихатының кезекті елу бірінші сессиясы өтті. Қала әкімінің орынбасары Гүлжан Құрманбекова қатысқан сессия отырысында жалпы 22 мәселе қаралып, депутаттар тарапынан қолдау тапты.

сессия

Атап айтқанда Шымкент қалалық білім, сәулет және қала құрылысы, мемлекеттік сәулет-құрылыс бақылау, жер қатынастары және жердің пайдаланылуы мен қорғалуын бақылау басқармасының есебі тыңдалып, депутаттар шешім жобасын бірауыздан қолдады. Барлық мәселе мәслихаттың фракциясында егжей-тегжейлі талқыланған.

Жиында «2019-2021 жылдарға арналған Шымкент қаласының бюджеті туралы», «Мемлекеттік-жекеменшік әріптестік жобаларының тізбесін бекіту туралы» мәслихат шешіміне өзгеріс енгізілді.

Сессияда, сондай-ақ, қала әкімдігі жанындағы жастар саясаты жөніндегі кеңеске жаңа мүшелер қабылданды. Оған қалалық ішкі саясат және дін істері басқармасының басшысы М.Базарқұлов, білім басқармасы басшысының міндетін атқарушы А.Текебаева, кәсіпкерлік және спорт саласының бірқатар белсенді жастары енді.

Он бағыт жүйелі насихатталады

Пятница, 21 Июнь 2019 03:49

«Nur Otan» партиясының Шымкент қалалық филиалында 9 маусымда өткен ҚР Президенті сайлауындағы штаб жұмысын қорытындылау бойынша Саяси кеңес мәжілісі өтті.

2

Оған «Nur Otan» партиясының Шымкент қалалық филиалы төрағасының бірінші орынбасары Бахадыр Нарымбетов, Шымкент қаласы мәслихатының хатшысы Ғани Ташқараев, Шымкент қаласы әкімінің орынбасары Гүлжан Құрманбекова, «Nur Otan» партиясы Шымкент қалалық филиалының саяси кеңес мүшелері, қалалық мәслихат депуттары қатысып, пікір алмасты.

Жиналыс барысында қатысушылар Президент айқындаған он бағытты баяндап, іске асыру жолдарын талқылады.

Алдымен Бахадыр Мәдәліұлы штаб жұмысының қорытындысы, Президент жанындағы Ұлттық қоғамдық сенім кеңесінің құрылуы туралы баяндады. Қалалық филиалдың қоғамдық штабы оң нәтижелерге қол жеткізген.

– Қоғамдық штабтың жұмысын оң нәтижелермен аяқтадық. Енді сайлауалды бағдарламаны орындау бойынша партияның әр белсенді мүшесіне жауапкершілік күшейеді. Қазір жаңа қоғам қалыптасып келеді. Халықты толғандырған сауалдарына дер кезінде жауап беріп, ақпараттандырып отыру керек. Енді он бағытты нақты әрі жүйелі насихаттау қажет, - деді Б.Нарымбетов.

Қала әкімінің орынбасары Гүлжан Мамытқызы әділетті әлеуметтік саясат, тұрғын үй мәселесін шешу және өңірлерді дамытудың жаңа бағдары жайлы, мемлекет және қоғам қайраткері Орынбай Рахманбердиев сыбайлас жемқорлықты жою, сот және құқық қорғау жүйесін реформалау туралы, ОҚМПУ проректоры Баршагүл Исабек «Болашаққа бағдар: Рухани жаңғыру» мақаласының қалада жүзеге асырылуы бойынша баяндама жасады.

Жиын соңында Қаулы жобасы қабылданды.

Үшінші мегаполисте Hawaii Shymkent демалыс аймағы ел игілігіне берілді. Маятас елдімекенінде Бадам суқоймасы маңынан орын тепкен нысанның ашылу рәсіміне қала әкімінің орынбасары Данат Жумин, Халық қаhарманы Тоқтар Әубәкіров, Қазақстанның Құрметті журналисі Байдулла Қонысбек, халықаралық «Алаш» сыйлығының иегері Мархабат Байғұт сияқты елге белгілі зиялы қауым өкілдері қатысты.

DSC 4121

Жаңа нысанның салтанатты ашылу рәсімінде Данат Есболұлы демалыс аймағы қаланың туризм саласының дамуына үлес қосып, бәсекелестік орта қалыптастыратынына сенім білдірді. Қазақ елінің тұңғыш ғарышкері Тоқтар Әбубәкiров те ел игілігіне жұмыс істей беруіне сәттілік тіледі.

– 2017 жылы эскиз-жобамызды қала әкімі Ғабидолла Рахматоллаұлы бірінші қолдады. Міне, осындай қолдаумен құрылысты аяқтап отырмыз. Басты мақсат – халық игілігі үшін жұмыс істеу. Бір айта кетерлігі, жанымызда Бадам су қоймасы бар. Ол қазір туризмге де жұмыс істеп тұр. Келешекте су қоймасы туризмнің орталығына айналар деген үміт бар.

Болашақта қала әкімінің қолдауымен тағы да бірнеше жобаларды іске асыру ойда бар, - дейді жобаны іске асырушы Сенбай Сейсенов.

DSC 4257

Жалпы құны 1 млрд 250 млн теңгелік жобаның құрылтайшысы – белгілі меценат Төкен Танаұлы. Аумағы 5,7 гектар кешенде бір мезетте 1500-2000 адам тыныға алады. Жыл бойы үздіксіз жұмыс істейтін Hawaii Shymkent аймағы отбасымен демалуға таптырмас орын. 3 бассейн, демалыс орындары, мейрамхана, конференц залы бар. Мұнда құрылыс кезінде 250 адам жұмыс істеген. Қазір 85 адам қызмет істеп жүр. Бәрі де осы ауылдың адамдары.

Шымкенттегі «Петро Қазақстан Ойл Продактс» компаниясы технологиялық мүмкіндіктерін жаңғыртып, еңбекті қорғау, техника қауіпсіздік мәселелерін шешуге әрдайым басымдық береді.

ЧС учение  1

Таяуда стратегиялық нысанда жүргізілген өртке қарсы таткикалық оқу-жаттығу да ойдағыдай өтті. Компания басшылығы, өрт сөндірушілер, газдан құтқару жасағы осылайша өз дайындықтарын тағы бір рет пысықтап алды.
Жалпы, мұндай бірлескен тактикалық оқу-жаттығу жиындары жыл сайын өтіп тұрады.

Бұл жолғы іс-шараның жөні бөлек. Зауыт басшылығы автоматтандырылған нүктелік май құю эстакадасын іске қосқан-тын. Жаңа құрылғы германиялық технология бойынша жұмыс істейді. Атырау және Павлодар мұнай өңдеу зауыттарының ішінде алғаш болып қолға алынған. Бұрын оқу-жаттығу ескі эстакадада өткізілетін. Жаңа қондырғы жұмысты оңтайландырып әрі экологияны жақсартуға септігін тигізеді.

Бүгінде мұнай өнімдерін вагондарға жүктеу қауіпсіз режимде әрі күндіз-түні атқарылуда.

5 маусым күні ноу-хау жоба саналатын автоматты нүктелік құю эстакадасында өртке қарсы тактикалық оқу-жаттығу жоғары деңгейде өтті. Компанияның еңбекті қорғау, техника қауіпсіздігі және экология департаментінің директоры Нұрлан Досымбековтың айтуынша, мұндағы мақсат – өрт сөндіру мәселелерін бірлесе пысықтау, түрлі тәжірибелерді енгізу. Ықтимал төтенше жағдайларды болдырмау және жою бойынша ынтымақтастықты арттыру.

Оқу-жаттығу жиынында қызметкерлердің өз міндеттерін білуі, апатты жою кезіндегі практикалық іс-қимылдары сараланып, жедел жасақтардың әлеуеті тексерілді. Компанияның «Өрт сөндіруші» АҚ өрт сөндіру бөлімшелерінің және
Шымкент қаласының өртке қарсы қызмет гарнизонының жасағы жоғары кәсіби шеберліктерін көрсетті.

Вагонцистерналар жанған кезде көбікпен өрт сөндіру қондырғысы автоматты түрде іске қосылды, сондай-ақ, газдан құтқару жасағы күшімен зардап шегуші анықталып, ол төтенше жағдай аймағынан шығарылды, көмек көрсету үшін медициналық қызметке тапсырылды.

Жалпы тактикалық жаттығу алаңына «Өрт сөндіруші» АҚ №1 обьектілік өрт сөндіру бөлімінен 3 автоцистерна және екі арнайы техника, Шымкент қаласының өртке қарсы қызмет ганизонынан жеке құрам мен 3 техника, жалпы алғанда, 7 техника жұмылдырылды. Сондай-ақ, газдан құтқару жасағы, «Mediker» клиникасы қызметкерлері апат орнына уақтылы келіп, техниканы дұрыс орналастырып, жылдам әрекет ете білді.

«Бірлескен жаттығудың пайдасы көп»

ЧС 9

Шымкент қаласының төтенше жағдайлар департаментінің «Өрт сөндіру және авариялық құтқару жұмыстары қызметі» мекемесінің бастығы, полковник Аманбек Бейсенбаев та мұндай бірлескен жаттығулардың пайдасы көп екенін айтады. Стратегиялық нысанда вагондарға жанармайды құю, тасымалдау аймағында өрт қауіптілігі жоғары.

– Зауытқа қарасты «Өрт сөндіруші» АҚ қызметкерлері, Шымкент қаласының өртке қарсы гарнизоны қызметкерлері бірлесе әрекет етті. Дайындықты байқап көрдік. Газдан құтқару, медициналық қызметкерлерге дер кезінде хабар беріліп, дер кезінде жетіп келді. Біздің қызметкерлер де өздеріне тиісті тапсырмаларды жетік меңгеріп, кәсіби шеберліктерін арттыра білді.

Алдағы уақытта да осындай бірлескен оқу-жаттығу жиындарын ұйымдастырып тұрамыз. Соның нәтижесінде жеке құрамның шеберліктері артып отырады, - деді Аманбек Алтынбекұлы.

Қазіргі таңда компанияның «Өрт сөндіруші» АҚ-да 130 қызметкер жұмыс істейді. Еңбекті қорғау, техника қауіпсіздігі және экология департаментінің директоры Нұрлан Досымбековтың айтуынша, оқу-жаттығу сабақтары аяқталғаннан кейін барлық қызметтердің жұмысына және іс-қимылдарына талдау жасалады.

Страница 8 из 52