Шымкент қалалық Қазақстан халқы Ассамблеясының І сессиясы өтті

Жиын «Қоғамдық келісім формуласы: бірлік пен жаңғыруға» тақырыбына арналды.

DSC 8787

29 сәуірде Нұр-Сұлтан қаласында ҚХА-ның XXVII сессиясында ұлт болып ұйысу арқылы алға қадам басудың нақты бағыт-бағдары айқындалған еді. Қалалық ҚХА-ның алғашқы сессиясында республикалық мәжілісте айтылған ой-пікірлер тағы бір сараланып, оны іске асырудың жолдары нақтыланды.

Алғашқы сессияға Шымкент қаласының әкімі, қалалық ҚХА төрағасы Ғабидолла Әбдірахымов, Шымкент қаласы мәслихатының хатшысы Ғани Ташқараев, Шымкент қалалық Қазақстан халқы Ассамблеясы төрағасының орынбасары Мұратәлі Қалмұратов, сондай-ақ басқарма басшылары, қалалық Ассамблея жанындағы құрылымдардың жетекшілері, этномәдени бірлестіктердің, діни конфессиялардың, саяси партиялар мен ҮЕҰ мүшелері, зиялы қауым өкілдері, жалпы 1000-ға жуық адам қатысты.

Жиында қала әкімі Ғ.Әбдірахымов қалалық Ассамблеяның алғашқы сессиясының ашылуымен құттықтап, елдегі бейбітшілік пен татулықты орнықтырудағы ҚХА-ның маңызды рөлі мен берекелі бірлігімізді нығайтуда алға қойып отырған міндеттерге тоқталды. Сонымен қатар тиісті мекемелер мен ұйымдарға бірқатар нақты тапсырмалар берді.

– Қоғамдық келісім Тәуелсіздігіміздің басты тұғырына айналды. Ассамблея елімізде бейбітшілік пен татулықты орнықтыруда бірегей институт болып қалыптасты. Тұрғындары миллионнан асқан Шымкент – 100-ден астам этнос өкілдерін бауырына басқан еліміздегі ірі мегаполистердің қатарында. Біле білгенге бұл – үлкен күш.

Өткен жылы қала әкімінің аппаратында Ассамблея хатшылығы құрылып, «Қоғамдық келісім» мекемесі жұмысын бастады.

Қаладағы 15 этномәдени бірлестік қоғамдағы сан қырлы мәселелерге үн қатып, бейбітшілік пен татулықтың орнауына үлес қосып келеді. Қалалық ҚХА соңғы 5 айдың ішінде кешенді жұмыстар атқарды. Жетістікке жетуіміз үшін қазір бізге бірлік, сабыр, бір-бірімізге деген сенімділік керек, - деді қала әкімі.

Жиында, сондай-ақ, мемлекет және қоғам қайраткері Бекет Тұрғараев, ұйғыр этномәдени бірлестігінің мүшесі Данияр Сасыков, Ә.Қуатбеков атындағы Халықтар Достығы Университетінің студенті Азиз Абдувахи, Шымкент қалалық әзірбайжан этномәдени бірлестігі төрағасының орынбасары Арзу Гурбанова, жас кәсіпкер, өзбек этномәдени бірлестігінің мүшесі Данияр Мамирханов елдегі татулық туралы пен тұрақтылықтың маңызы жөнінде өз ойларын айтты.

Сессия барысында Ғабидолла Рахматоллаұлы қалалық Ассамблеяға «Нұр Отан» партиясының қалалық филиалымен бірге қоғамдық бақылау іс-шараларын күшейту, мәдениет және тілдерді дамыту басқармасымен бірге Шымкент қаласының 2020 жылы ТМД елдерінің мәдени астанасы болуына орай кешенді іс-шаралар жоспарын бекіту, ал қалалық ішкі саясат және дін істері басқармасына қоғамдық келісім саласындағы мемлекеттік саясат аясында атқарылған жұмыстарды БАҚ-та жүйелі түрде жариялау қажеттігі туралы нақты тапсырмалар берді.

Жиын соңында көпшілік назарына «Бірлігі жарасқан берекелі Шымкент» тақырыбындағы бейнефильм мен қалалық этномәдени бірлестіктердің қатысуымен дайындалған концерттік бағдарлама ұсынылды.

Қоғамдық штаб құрылды

Среда, 08 Май 2019 04:01

Nur Otan партиясының Шымкент қалалық филиалында алдағы Президент сайлауында партия құрамынан сайлауға түскен кандидатты қолдауға арналған Шымкент қалалық қоғамдық штабы құрылып, жұмысы басталды.

Штаб жұмысын партия филиалы төрағасының бірінші орынбасары Б.Нарымбетов басқарады.

Бахадыр Мәдәліұлы құрылған қоғамдық Штабтың негізгі міндеті – Қазақстан Республикасы Президенттігіне кандидат Қасым-Жомарт Тоқаевты сайлау науқаны кезінде қолдау, оның сайлау алдындағы бағдарламасын түсіндіру бойынша насихат жұмыстарын жүргізу екенін айтты.

– Nur Otan партиясы алдағы сайлауға дайындық жұмыстарын аяқтады. Үгіт-насихат жұмыстарын заң талаптарына сай, барлық күш-жігерімізді сала атқарамыз деп ойлаймын.

Үгіт-насихат жұмыстары 11 мамыр күні кешкі сағат 18:00-ден кейін басталып, 7 маусымда аяқталады. Бұл аралықта 475 іс-шара ұйымдастыру жоспарланып отыр, - деді партия филиалы төрағасының бірінші орынбасары.

Штаб құрамында қаладағы мемлекеттік мекеме, қоғамдық ұйым, этномәдени орталықтардың өкілдері, жалпы саны - 86 адам бар. Сонымен қатар 43 мобильді үгіт тобы құрылған, 11 мамырдың кешінен үгіттеуге бағытталған іс-шаралар басталады.

Бұдан бөлек штаб құрылымында Қоғамдық қабылдау бөлмесі жұмыс істейді. Онда кандидаттың сенімді өкілдері азаматтарды жеке мәселелері бойынша қабылдап, түскен ұсыныстар мен тілектердің сараптамасы негізінде қоғамдық пікірдің мониторингін жүргізеді, сайлаушылардың тілектері мен ұсыныстарын қабылдайды.

Штаб құрамында үгіт-насихат науқаны кезінде өткізілетін барлық іс-шараларды ақпараттық қамтамасыз ететін арнайы баспасөз қызметі де жұмыс істейді.

Состав членов Общественного штаба создаваемого при Шымкентском городском филиале
партии «Nur Otan» на внеочередные выборы Президента Республики Казахстан

№ п/п

ФИО

Дата рождения

место рождения

Должность

 

г.Шымкент , ул.Бейбитшилик №3    

Сотрудники Шымкентского городского филиала партии " Nur Otan»

1

Нарымбетов Бахадыр Мадалиевич

 

Первый заместитель председателя Шымкентского городского филиала партии «Nur Otan» руководитель штаба

 

2

Тулегенов Бекайдар Мусаевич

 

Заместитель председателя Шымкентского городского филиала партии «Nur Otan», руководитель фракции

 

3

Куанышбеков Бауыржан Шереханович

 

Заместитель председателя Шымкентского городского филиала партии «Nur Otan»

 

4

Айтбаев Ерлан Садырбаевич

 

Заведующий отделом организационно-контрольной работы Шымкентского городского филиала партии «Nur Otan»

 

5

Искаков Багдат Пернебекович

 

Инспектор партийного контроля Шымкентского городского филиала партии «Nur Otan»

 

6

Жиенбекова Айгерим Алмасовна

 

Консультант отдела политической работы Шымкентского городского филиала партии «Nur Otan»

 

7

Бертаев Есемхан Калмаханович

 

Первый заместитель председателя Абайского районного филиала партии «Nur Otan»

 

8

Иманкулов Абдез Рахманович

 

Первый заместитель председателя Каратауского районного филиала партии «Nur Otan»

 

9

Тлеубергенов Данияр Избасарович

 
Первый заместитель председателя Аль-Фарабийского районного филиала партии «Nur Otan»
 

10

Камбарбеков Жандос Сатыбалдиевич

 
Первый заместитель председателя Енбекшинского районного филиала партии «Nur Otan
 

11

Алибеков Арман Найманбаевич

 

Председатель МК

«Жас Отан»

 

12

Аскарова Айгерім Телгасиевна

 

Главный бухгалтер Шымкентского городского филиала партии «Nur Otan»

 

13

Борибаев Тимур Аскарбекович

 

Юрист Шымкентского городского филиала партии «Nur Otan»

 

Депутаты городского маслихата

14

Ташкараев Гани Абдуганиевич

 

Секретарь Шымкентского городского маслихата, заместитель руководителя

штаба

 

15

Жанабаев Нуркоз Сарсенбаевич

 

Депутат Шымкентского городского маслихата

 

16

Султанова Торайым Жолдыбаевна

 

Депутат Шымкентского городского маслихата

 

17

Бухарбаев Нурғазы Бактыбаевич

 

Председатель Шымкентского городского общественного совета

 

18

Сатканбаев Еркин Турниязович

 

Депутат Шымкентского городского маслихата

 

19

Сейтжанов Бауыржан Серікжанович

 

Депутат Шымкентского городского маслихата

 

20

Егизбаев Нурхан Кенесбекович

 

Директор ТОО «Шымкент жасыл қала»

 

21

Салимов             Баходир Сативалдиевич

 

Директор частной компании «Салимов»

 

22

Қозбахов Шынгыс Лесбаевич

 

Директор ТОО «Золото»

 

23

Урманов Мурад Анарбекович

 

Генеральный директор ТОО

«Водные-Ресурсы Маркетинг»

 

24

Дарменов Ермек Аманжолович

 

Директор КГУ " Специализированная детско-юношеская спортивная школа олимпийского резерва №17 города Шымкент

 

Ветераны

25

Исамудин Рысбай Наштаевич

 

Председатель городского совета ветеранов города ШЫмкент

 

26

Рахманбердиев Орынбай

 

Пенсионер,                ветеран партии

 

27

Есимова Баян Камиловна

 

Ветеран партии

 

28

Гордиенко Валерий Владимирович

 

Пенсионер,                 ветеран партии

 

29

Конысбек Байдилда

Конысбекович

 
Почетный журналист Республики Казахстан
 

30

Медеуов Шерим

 

Пенсионер, ветеран партии

 

31

Ахметов Абдулла

 

Пенсионер, ветеран партии

 

32

Султанов Женисбек Абдикеримович

 

Ветеран труда, генерал-майор

 

33

Байдаулетов Иманали Оспанович

 

Пенсионер, ветеран партии

 

34

Абдиаким Момбек Абдиакимович

 
Председатель регионального совета "Мирас" при Шымкентском филиале партии "Nur Otan"
 

35

Туякбай Бердикул Исаевич

 

Пенсионер, ветеран партии

 

36

Романова Наталья Сергеевна

 

директор государственного коммунального казенного предприятия "Дворец школьников города шымкент"

 

Сотрудники государственного учреждения

37

Сарсеева Айгуль Уразбековна

 

Заместитель руководиля аппарата акима г.Шымкент

 

38

Тилеш Нурлан Тилешович

 

Заместитель акима Абайского района

 

39

Босымбаев Даурен Абдикаримович

 

Заместитель акима Аль-Фарабийского района

 

40

Тіленшин            Ерик Керимович

 

Заместитель акима Енбекшинского района

 

41

Тажибаев Марат

Абдимажидович

 

Заместитель акима Каратауского района

 

Сфера образования и науки

42

Кожамжарова Дария Пернешовна

 

Ректор Южно-Казахстанского государственного университета имени М.Ауэзова, член партии

 

43

Рысбеков Мырзабек Мырзашевич

 
Ректор Южно-Казахстанской медицинской академии
 

44

Исабек Баршагул

Кашкыновна

 
Проректор Южно-Казахстанского государственного педагогического университета
 

45

Искаков Турлыбек Утешович

 
Советник Президента международного казахского- туретского университета 
 

46

Сагиндыкова 

Кенжекуль Актоктыевна

 

Директор научно-методического центра города Шымкент  

 

47

Соловьева Алина Робертовна

 
Учитель биологии гимназии №1 им. А.С. Пушкина, партийный активист
 

48

Аманкулова Анар Сагимбековна

 

Директор лицея №9

 

49

Искаков Алихан Турлыбекович

 
Директор Политехнического колледжа ЮКО
 

Сфера спорта

50

Жаппаркуль Жазира Абдрахмановна

 

Призер Олимпийских игр

 

51

Дилдабеков Мухтархан

Кабыланбекович

 

Призер Олимпийских игр

 

52

Катаев Нуржан Жолумбекович

 

Президент АО«Профессионального футбольного клуба Ордабасы»

 

53

Жакипов Биржан

 

Чемпион мира по боксу, заслуженный мастер спорта РК

 
 

54

Макаров Андрей

 
Обладатель Кубка мира по тяжелой атлетике, двукратный чемпион Азиатских игр, заслуженный мастер спорта РК, заслуженный тренер Республики Казахстан
 
 
 

Здравоохранение

55

Кулбаева Гүлнар Жомартовна

 

Главный врач городской поликлиники №6

 

Сфера предпринимательства

56

Исхахов Талгат Жунисбекович

 

Директор ТОО «Балл Текстиль», Член Республиканского Политического совета партии «Nur Otan»

 

57

Жамалов Бауыржан Салдарович

 

Директор ТОО «AZALA Textile»

 

58

Оспаналиева

Рашкуль Жалеловна

 

Президент ТОО «Береке»

 

59

Кушенов Меирбек Бахытович

 
Директор Шымкентского механического завода
 

60

Балабиев Нурсултан Кайратович

 

Директор ТОО «Корпорация «Headway incorporated»

 

61

Садыбеков Галим

Заирович

 

Директор     ТОО «ЛТД-Турмыс»

 

62

Имашев Кайрат Есембекович

 

Советник директора ТОО "Сервис центр 2007"

 

63

Байметов Алжан Курганбаевич

 

директор ТОО "Даулет"

 

64

Абдиев Шингис Садикаримович

 

главный директор      

ТОО «PionerGreenProdex»

 

65

Кабиштаев Нурлан Орынбасарович

 

Директор НКП

«Атамекен"

 

66

Аюпов Рашид Абдуллаевич

 

Председатель правления АО "НК" СПК "Шымкент"

 

67

Молдасеитов КайратКусейнович

 

Председатель Регионального совета Палаты предпринимателей г.Шымкент

Президент холдинга ТОО «OTAU Group»

 

68

Денисов

Владимир Иванович

 

Президент АО «SCAT»

 

69

Ерметов

Гайбилла Назарметович

 

Генеральный директор

ТОО «Дани нан»

 

70

Злавдинов

Вельким

Ильич

 

Генеральный директор

ТОО ЗБН «Визит»

 

71

Толендиев

Ануар

Расулович

 

Директор

ТОО «А.Р.Т. – Курылыс»

 

72

Зейнетаев АбзалСкендерович

 

Директор ТОО «Grant СтройGrup»

 

Представители неправительственных организаций и общественных объединений

73

Утегенов Шарипбай

 

Председатель Республиканского союза ветеранов афганской войны

 

74

Асанов Латипша Каймаханович

 

Председатель Турецкого этнокультурного центра

 

75

Хашимжанов Икрам Акрамович

 

Председатель республиканской ассоциации «Дустлик»

 

76

Торопов Вадим

Александрович

 

Председатель общественного объединения "Общество инвалидов" города Шымкента

 

77

Пак Роза Викторовна

 

Председатель корейского этно-культурного центра Шымкента

 

78

Абишева Хадиша Агзамовна

 

Председатель общественного объединения "Правовой центр женской инициативы" Сана-Сезим

 

79

Андабаев Абай Бахытбекович

 

Президент общественного фонда «Оңтүстік жастары»

 

Сфера культуры

80

Вербицкий Игорь Владимирович

 

Директор русского драматического театра

 

81

Леубаева Акмарал Пернебекқызы

 

Айтыскер-акын, заместитель директора Шымкентского городского музея национальных традиций

 

82

Шымыркулов Еркинбек Уксикбаевич

 

Актер, деятель культуры РК

 

83

Достаев Марат Камбарович

 

Актер

 

Сектор правовой деятельности

84

Кулбаев Толебай

 

Пенсионер правоохранительных органов, юрист

 

Сектор пресс-секретариата штаба

85

Хикметова Патима Садуллаевна

 

Пресс-секретарь Шымкентского городского филиала партии

 

86

Капбарова Айгуль Жарылкасыновна

 

Главный редактор газет "Шымкенткелбеті", "Панорама Шымкент"

 

Мұхамеджан ТАЗАБЕК, «Асыл арна» телерадиокомпаниясының бас директоры, ҚР Еңбек сіңірген қайраткері:

381A3199

– Мұхамеджан Оразбайұлы, Рамазан айының қарсаңында өзіңізбен қайта жүздесудің сәті түсіпті. Биылғы Рамазанның ерекшелігі қандай болмақ? Дайындығымыз қаншалықты?

– Әр жылдың өзінің несібесі бөлек болады ғой. Биылғы Рамазанның да қуанышы мол. Бір жағынан көп адамдардың жазғы демалысқа шығып, арқасын кеңге салып, жеке құлшылығына көбірек уақыт табатын мүмкіндік дер едім. Бұл айда жақсылықтар еселенетін болғандықтан, сауап істі көбейткен жөн.

Мал-дүниеңізбен де, уақытпен де. Кішкентай-үлкен деп қарамау керек. Мәселен, жылда пітір садақа 300 теңгеге жық болып бекітіледі. Кейбір ауқатты деген адамдардың өзі сол 300 теңге беруден аса алмай жатқанын көреміз. Ол 300 теңге – ең минимальді, мүмкіндігі жоқ адамдар үшін. Жағдайыңыз кеп тұрса, отбасыңыздағы әр адам үшін 10 мың теңгеден пітір садақа беріңіз.

Құдай ризалығы үшін атқарылған амал ешқашан далаға кетпейді – береке-рахатын өзіңіз, ұрпағыңыз көреді.

Екіншіден, қасиетті айдың қарсаңында елімізде үлкен саяси өзгерістер болуда. Президент сайлауына дайындық басталып кетті. Бұл бір рухани кемелдікке деген ұмтылыс қатар келіп отыр.

Оның да бір қайыры бар ғой. Елдегі саяси шешімдер мемлекетіміздің кемелдігі үшін, тұрғындардың қауіпсіздігі мен өсіп-өркендеуі үшін аса қажет жағдай болса, ораза дүние-ақиретіміздің берекесіне малынып, ынтымақ пен берекені арттырып, рухани кеңістігімізді байыту үшін керек.

Бұл айда көп дұға істелінеді. Көп адамдардың ғибадаты қабыл болады. Қасиетті ай аяқтала сала өтетін сайлауда ел таңдауына еге боп, мемлекет басқаратын азамат та жұртын жерге қаратпайтын дана шешімдер егесі болуын Рамазан айында көп сұрауымыз керек.

– Президент сайлауының да мерзімі белгіленді. Бұл науқанда неге мән беруіміз керек?

– Кез келген адам өзін толыққанды тұлға ретінде сезіну үшін отбасының мүшесі болуы маңызды. Ал енді оның азаматтық келбеті қалыптасуы үшін оған бір туысқандық орта керек.

Одан кейін қоғамды сезінуі, әлеммен бір қарым-қатынаста болуы үшін бір ұлттың өкілі болып, сол ұлттың туын көтеріп, сол ұлттың қамын жеп, қасиетін бойына сіңіріп, дәстүрін, салтын насихаттап өмір сүруі қажет дүние. Енді сол ұлт есесін біреуге жібермей, әлемдік қауымдастықта өзінің жолын айқындап, болашақ бағытын бағдарлап, ғұмыр кешуі үшін ол мемлекет болып өмір сүруі керек.

Ал сол мемлекет өркендеп-өсуі үшін, азаматтары бұл дүниелік игіліктерін молынан қамту үшін, оның мемлекет басшысының әділ сайлануы, халықтың ниет-ықыласымен, тұғырына қонуы аса маңызды жағдай. Бұл рухани тұрғыдан да, тарихи сана тұрғысынан да, кез келген адамның азаматтық позициясы тұрғысынан да маңызды іс-шара деп есептеймін.

Біз қандай да бір жыр-термені немесе өнерпаздың өнерін тамашалағанда, оны жанды дауыста тыңдағымыз келеді. Оның жүрегінен сол сәтте шығып тұрған ырғақ сенің жан-дүниеңе құйылады да оның әсері басқаша болады.

Тура сол сияқты сайлау да, сенің үйіңнен шығып, сайлау учаскесіне дейін өзіңнің ниетіңмен барып, ақ қағазды қолыңа ұстап, қалаған адамыңа таңдау жасау да жанды дауыста өнерпаздың қасиетін қабылдаған сияқты тірі амал. Ол міндетті түрде нәтижеге алып келеді. Өзіңнің мүмкіндігің бар іске үлес қоспау, керісінше, зиян әкелетіні бар.

Мен бұл орайда екі нәрсені бөліп айтқым келеді. Мойындауымыз керек, кейбіріміз әлі рулық, тайпалық деңгейде жүрміз. Руымыздың аты озса екен дегеннен арыға өте алмай, ал біріміз жерлестік деңгейде желпініп, жерлесіміздің туын көтеруге іштей де, сырттай да дайынбыз. Ал енді біріміз ұлттық деңгейге көтерілдік.

Бірақ сол деңгейге көтерілгенмен, ұлт пен мемлекетті қабыстыра алмай қиналып жүрген жайымыз да жоқ емес сияқты. Ру – біздің тегіміз, тарихымыз, шежіреміз. Оны білу маңызды. Бірақ бізді тек ру емес, Ту біріктіруі керек қой.

Мемлекет -менікі, Елбасы - менікі, шекара - менікі, бұл мемлекеттің табысы да менікі, бұл мемлекеттің мәселесінің де маған қатысы бар деп, соған жанашыр, қамқор, үлкен жүрекпен қарым-қатынас жасай алмай жатқанымыз да рас.

Мемлекеттік деңгейде ойланатын азаматтар да, әрине, жоқ емес. Бірақ, өкінішке қарай, көп емес.

Жалпы мемлекеттің тасы өрге домалап, қандай да бір жерден елдің аты жақсы жағынан шығып жатса, біз оған тез арада ортақ болуға тырысамыз. Ал қандай да бір жемқорлығы, қандай да бір шалағайлығы, қателігі болса, оны бізден бөлек қарастыруға, сырттан тұрып, сынайтынымыз тағы шындық.

Бұл да біздің әлі мемлекетшілдік құндылықтарды сіңіре алмай жатқанымыздың көрінісі емес пе?! Елді басқарған адамның қадірін біреу біледі, біреуі білмейді. Елбасымыздың жақсылығын көре алатын қырат-деңгейге әлі көтеріле алмаған секілдіміз. Құдықтағы құрбақаға аспан теңгедей көрініпті дейді ғой. Әрқайсымыз мемлекеттік мәселеге өз құдығымыздың түбінен қарап жүрміз.

Қазақ - «Ханның сырын құл білмейді. Құлдың сырын кім білмейді?» деген. Жете білмейтін жағдай жайлы да асығыс сөйлейміз. Байқайсыздар ма, біз қазір тек эмоциямен өмір сүріп жүрміз. Ашуланып пікір білдіреміз, қызбаланып қарым-қатынас жасаймыз.

Эмоция – керек. Онсыз адам баласы өмір сүре алмайды. Бірақ біз эмоциямызды барлық жерге тықпалаймыз. Мемлекеттіміз жайлы таусылып сөйлейміз, Елбасы жайлы пікірімізді де екіленіп айтамыз. Осы мемлекетте қазір бар құнды дүниелер өз-өзінен пайда бола салған жоқ қой.

“Жедел жәрдемнің” уақтылы келіп, полицияның тұрақты жұмыс істеп, бағдаршамдар өшіп қалмай, наубайханаларға үздіксіз бидай кеп тұруында да Елбасы құрған саяси системаның сілемі жатыр. “Ара бал жинаған жерден жылан у жинапты” дейді ғой. Жақсылықтарды да көре білсек, қанағат-шүкіріміз де артар еді. Бұдан жаман күнімізде де тойға барған халықпыз. Тәубә айтуымыз тоқтамаса, Құдайдың берер ризығы азаймайды.

– Елордаға Тұңғыш Президенттің аты берілуі турасында қоғамда түрлі пікірлер бар. Бұл қаншалықты дұрыс шешім екенін тарқатып айтып берсеңіз...

– Нұр-Сұлтан есімінің Астанаға берілуі – дұрыс заңдылық. Ел ішіндегі түсініспеушілік оның формасынан туындады. Негізінен «бұл шешім мүмкін араға уақыт салып, қабылдануы керек пе еді?!» дегендей пікірлер бар.

Бірақ негізінде ол бүгін бола ма, ертең бола ма, түптің түбінде ол қаланың аты Нұр-Сұлтан аталуы бір жағы заңдылық еді. Мысалы, Бауыржан Момышұлына Кеңес Одағының батыры деген атақ берілмесе де, халық ол кісіні батыр деп атап кетті. Өйткені ол батыр деген атқа лайық еді.

Кеше ғана қазағының саны 20 пайызға да толмайтын құрттай қаланы бүгін көк туы желбіреп тұрған елдің асқақ астанасына айналдырған Елбасыдан қала атын не үшін қызғанамыз? Көше басында өмір сүрген көшелі ақсақалдың атына да жолдың атын беріп жатырмыз ғой.

Тәуелсіз Қазақстанның астанасы Тұңғыш Президентіміздің есімімен аталмағанда, енді қалай аталуы керек? Америкалықтар да астаналарын АҚШ-тың бірінші президенті - Джордж Вашингтонның құрметіне солай атаған жоқ па? Сондықтан, түсініспеушілік Нұр-Сұлтан атының берілу мазмұнында емес, орындалу формасындағы асығыстықтан болар.

Бірақ тарихи шешім қандай формада болсын жүзеге асты. Ақыры Нұр-Сұлтан атанатын шаһар болса, болар істің тезірек іске асқаны да жөн ғой.

Астанаға атын берумен Нұрсұлтан Назарбаевтың қадір-қасиетін толық түсініп, бағасын білдік деп те айта алмаймын. Тұңғыш Президентіміздің тарихи миссиясын қазіргі қазақ өтпелі кезеңде өмір сүріп жатқанын шынайы сезінген адам ғана толық түсінеді.

Ал енді «Маған тікелей пайдасы тисе ғана қолдаймын. Ал маған қатысы жоқ болса, шаруам қанша?!» дейтін адам ешуақытта жылы сөз айта алмасы анық. Елбасыдан кейінгі Президентке де бағынып, қалтқысыз ісімізді жасап жүре береміз. Мәселе адамның аты мен фамилиясында емес, оның тұлғасы мен миссиясында және оның статусына байланысты.

Біле білсек, Алла Тағала басшыны халықтың лайықтылығына қарай береді. Президент – халықтың проекциясы, жиынтық образы. Он сегіз миллион Қазақстан халқын сығып жіберсе, Назарбаевтың тұлғасы сомдалар еді. Тәуелсіздік тарихындағы бір дәуір аяқталды ғой. Енді қандай басшыға лайықпыз, пейілімізге қарай бірер айда мәлім болмақ.

Ал халық пен билік – су мен бу сияқты. Осы халықтың ішінен шыққан жігіттер министр, депутат боп жүр. Елбасының шетелден әкелген шенеунігі жоқ. Ел - есті бала тәрбиелесе, олар ертең атқа мініп, ұлық болғанда ұлтқа қызмет етеді.

Өйткені, психологтар дәлелдеді - байлық пен билік адамды өзгертпейді екен. Шынтуайтында, қандай адам екендігімізді көрсетеді екен. Атақ пен ақша біткенде шын бет-бейнемізді ешкімнен жасыра алмайды екенбіз ғой.

– Жастар жылының басталғанына да 4 ай өтіп барады. Бұл жылда не істелінуі керек деп ойлайсыз?

– Жалпы, елімізде жастарға мотивация беріп, білім-ғылымда, кәсіп бастауда, немесе шетелге шығып, озық білімді игеріп келуде өте жоғары деңгейде жағдай жасалды. Соның бірі «Болашақ» бағдарламасы – теңдесі жоқ жоба. Жастар дегенде мен екі нәрсеге мән бергім келеді.

Кез келген адам айтқанды емес, көргенді істейтіні рас. Бізде жастардың әрбір сәтте сезінетін, үлгі болатын тұлғаларымызды сол жастардың түсінігіне сәйкес, насихаттау жетіспей жатыр. Өйткені, «ұяда не көрсең, ұшқанда соны ілесің». Демек жастарды 100 күн оқытқаннан гөрі аузы дуалы, белгілі, жастардың сырын түсінетін бір тұлғаның қасында бір күн жүруі оның өміріне азық болуы мүмкін.

Энергиясы таусылып бітпейтін мотивация болмақ. Тұлғаға кенде халық емеспіз ғой. Бірақ сол тұлғалаларды жастардың қабылдайтын талғам деңгейінде мемлекеттік деңгейде насихаттай алмай жатырмыз.

Шынтуайтына келгенде, қоғамда өз ісінің майталманы болып, адами тұлғасына кір келтірмейтіндей тұлғасын сақтай алып, қоғамның кез келген үрдістеріне белсене кірісіп, елдің арасында жүріп, кәсіп жасап, атағы мен абыройын саудаға салмай, еңбегімен өскен тұлғаларымыз баршылық.

Мәселен, Жақсылық Үшкемпіровті ұлттық деңгейдегі батыр деп айтар едім. Бірақ сол адамның өмір жолындағы жүйелі дамуы мен құнды қасиеттерін жастарға лайықты түрде насихаттай алмай жатқандықтығымыздан, жастар ол кісіні жай бір аңыз адам ретінде біледі.

Ал біз кейде Батыстың мотиваторларын әкеліп, дәрістер өткіземіз. Бірақ олар өз елі, өзінің өмір сүрген ортасының қазанында піскен өнімді ұсынады. Ал ол менің жүрегіме сіңе ме, сіңбей ме, ол бөлек нәрсе. Осы елде өмір сүрген, кешегі Кеңестік қыспақтармен, ала қап арқалаған апалардың өмірімен таныс тұлғаларды дәріптей білуіміз керек. Біздің менталитетімізде белгілі бір абыройлы азаматқа қарап бой түзеу бар. Ол – қанымызда бар қасиет.

– Жастар дегенде отбасы құндылығы айтылады. Бүгінде отбасы құндылығын бағалап жүрміз бе? Өйткені, қоғамда ажырасу белең алды...

– Жастар - жаңалыққа құштар ғой. Сондықтан да болар, әлеуметтік желі, интернеттегі жаңалықтардың бәрін жүрегін ашып қабылдап жатыр. Пранк, вайнер, әзілкештер, поп-мәдениет отбасы құндылығына шақырып жатқан жоқ.

«Жастық қуатыңды ойна да күлге сарқа пайдалан» деп насихаттауда. «Ойла да, біл» деп жатқан жоқ. Бір мысал айтайын. «Гауһартас» деген әйгілі ән бар. Сонда «Ажарың ашық екен атқан таңдай. Екі көзің нұрлы екен жаққан шамдай. Анаңнан сені туған айналайын. Күлім көз, оймақ ауыз, жазық маңдай» дейді.

Былай қарасаң, қыз балаға қатысты айтылып тұрған, махабаттың тамшысындай, мөлдіреп тұрған ән. Бірақ бір деталь – кешегі өткен текті, намысты бабаларымыз қызға сезімін жеткізген кезде оны әке-шешесінен бөліп қарастырмаған. Қараңыз, «анаңнан туған сені, айналайын» дейді. Міне, тектілік! Қыздың тегін мақтап, тәрбие берген ата-анасын құрметтеп, қыздың отбасылық құндылығын бірге қарастыруда.

Сол кездегі елге еге болатын, тізгінді ұстайтын, бала-шағасына, әйеліне тәрбие беретін, болашақ әке болатын жігіттің сенімі мен көзқарасы осылай еді.

Ал қазір жігіттер әлеуметтік желіде, клубта, түрлі басқосу кештерінде қыздың осындай қасиеттеріне мән бере ме? Ол қандай тектен шықты, тәрбесі қандай, әлеуметтік мәселесі, көзқарасы дегеннің бәрі ұмыт қалып қояды. Сөйтіп үйленеді. Ал ондай жігіт отбасылық құндылыққа толы жауапкершілікті мойнына жүктеуге дайын емес.

Қыз бала ана болуға дайын емес. Содан қазақ даласында жас отбасылардың ажырасуы үштен бірге жетті. Бұл – өте өзекті мәселе.

Отбасылық құндылықты жүйелі насихаттау – Жастар жылында ең үлкен қажет дүние. Қомақты қаржы табудан бұрын, елдің қамын ойлаудан бұрын, отбасының тізгінін ұстай білуге дайынмын ба дейтін бір қам-қарекет аса қажет қазір.
Біз неден кенде болып жатқан қоғамбыз?

Біз тұлғаға кенде болып жатырмыз. Ақсақалы жоқ жетім қоғамбыз. Біз қызға қырық үйден тыйым салатын, келінге ыммен-ақ түсіндіретін ақ жаулықты әжеге мұқтажбыз.

Қыз кезінде керемет келіншек болуды ойламаса, келіншек болған кезде әже болып, қартаюды ойламаса, қазына қария аспаннан жаумайды ғой? Жақсы келіншек болатын адам қыз кезінен соған ыңғайланады. Қыз кезінде әкесіне еркелеп өскен қыз өскенде қылықты келін болады. Күйеуінің отбасына береке кіргізеді. Бәрі отбасы кезінде қалыптасады.

Міне, ұл жауапкершілікті сезінсе, қыз болашақ ана екенін сезініп өссе, одан қайраткер де шығады. Кәсіпкер де шығады. Ұлтқа сөз келтірмейтін тұлғалар шығады. Жастарға ұлттық құндылық бәрін береді.

– Шымкент қаласының мегаполис болғанына да 1 жылға жуықтады. Қаладан қандай өзгерістерді байқадыңыз?

– Әрине, өзгерістер көп-ақ. Ұшақтан түсе салып байқаған мына бір жағдайды айтсам. Келген бойда жігіттер түнгі сағат 12-ден асқанда шайға шақырды. Қалада демалыс орны бар екен. Сол жерде шығыс дәмханасы ашылыпты. Түнгі қалада серуендеп жүрген адам көп.

Тіпті, бір келіншек кішкентай сәбиін қыдыртып жүр. Түнгі сағат 2-де. Қауіпсіздік, сенімділіктің пайда болғаны риза етті. Бұл – қалаға кірген беттегі әсерім.

Жалпы қалада адамдардың жаңа идеядан, жаңалықтан қорықпай іске кірісетіні де көзге ұрып тұр. Бұл екі нәрсеге байланысты. Халқы жасампаз болса, идеядан тәуекелден қорықпайтын болса, оған сондай басшы келеді. Идеялардың жүзеге асуына түрткі болатын, мәселені жоғарыдан отырып, шешіп жіберетін әкім бұйырады. Мәселен, әлемдік озық үлгілі жобалар Шымкенттен көрініс беріп жатыр.

Бұрын қаланың жан-жаққа үлкейіп жатқанына уайымдайтын едім. Қазір шалғайдағы шағынаудандарда қыдыратын, демалатын орындар пайда болыпты. Тұрғындар орталыққа бармай-ақ, өзі тұратын аумақта бала-шағамен сейіл құрып, саламатты өмір салтын ұстана алады.

Тағы бір қызық жағдай – қапелімде қаладан 2 сағат қонақ үйден іздеп, орын таппадық. Қалада қонақ үйлер бос емес. Міне, бұл келімді-кетімді адамдардың көптігін аңғартады. Қалада үлкен іс-әрекет жүріп жатыр. Шымкенттің аты да, заты да мегаполис болып тұр. Мұнда береке бар.

Таяуда ғана Президент Қасым-Жомарт Тоқаев та тұңғыш сапарын Оңтүстіктен бастады. Президент кез келген қадамын өлшемей жасамайды ғой. Мегаполис болып жатқан қазақтың қаймағы, құнары болған өлкеден бастауы тегін емес. Түркістан – рухани астана. Шымкент – мегаполис. Ол заңдылық, керемет үйлесім емес пе?

– Рухани құндылық деп қалдыңыз. Осы бағытты насихаттайтын «Асыл арнаның» эфирге шыққанына биыл 10 жыл толады екен. Кейде өткен жылдарға қарап қандай ой түйесіз?

– Осы сәуір айында толық 10 жыл толды. Мен осы уақыт ішінде ұрпақтың игілігі үшін кез келген жобаға тәуекел жасай білу керек деген ой түйдім. Қаншама кадрларды тәрбиеледік. Мыңдаған адам қонақ болып келді. Жүздеген жобаны іске асырдық. Күн сайын мыңдаған хат келеді.

Соның 30 пайызы «Асыл-арнадан», біздің жобаларымыздан өмірлеріне насихат, ғибрат алған, соған риза болған жандар. Жеке өзіме 200-300 адамнан ризашылық хат келеді. «Асыл-арнаның» әлеуметтік желілерде 3 миллиондай жазылушысы бар.

Құдай қуат берсе, отбасы құндылығы, отаншылдық, тарихи-танымға байланысты, тарихи санадағы құндылықтарды одан әрі де насихаттауды жалғастыра береміз. Бастысы, ел іші тыныш, Тәуелсіздігіміз баянды болсын!

– Сұхбатыңызға рақмет!

Шымкент қаласына жұмыс сапарымен ҚР Парламенті Мәжілісінің депутаттары, «Нұр Отан» партиясы фракциясының мүшелері Дархан Мыңбай, Әбдіманап Бектұрғанов, Сәкен Қаныбеков, Уәлихан Қайназаров, Фахриддин Қаратаев келіп, бірқатар кездесулер өткізді. «Құтты мекен» ұлттық жобасы аясында Бадам өзенінің үстінен салынып жатқан көпірдің жұмысымен танысты.

DSC 3953

Әлеуметтік нысан – Қонаев гүлзарының жалғасы ретінде жүзеге асып жатқан жоба (Домбова көшесінен А2 жолына дейінгі). Жоба 7 кезеңді құраса, қазір мұнда 3-кезеңнің құрылысы атқарылуда.

– Бұл – өте маңызды жоба. Нәтижесінде қалада көлік кептелісін шешуден бөлек, Түркістан облысының оңтүстік аудандарымен және Ташкентпен байланыс жақсарады. Халыққа осы стратегиялық маңызы зор екенін дұрыс насихаттау керек. Әрине, жер учаскелерін мемлекет мұқтажына қайтару үшін де тұрғындарға дұрыс түсіндіру маңызды.

Нақты есеп керек. Біз де жергілікті әкімдіктің ұсыныстарын Үкіметке жеткізуге, қаржы бөлуге қолдау көрсетуге дайынбыз, - деді Мәжіліс депутаты Дархан Мыңбай.

Мердігерлердің айтуынша, қазір су ағынының қатты болуына байланысты құрылыс тоқтап тұр. Жұмыс 15 мамырда қайта жалғаспақ. Жалпы көпір құрылысын биыл қазан айында аяқтау жоспарда.

Әл-Фараби ауданының әкімі Ғабит Мәуленқұловтың мәлімдеуінше, жер учаскелерін мемлекет мұқтажы үшін алу мәселесіне байланысты штаб құрылған. Айына 2 рет тұрғындармен кездесу өтуде.

Мәжіліс депутаттары бұған қоса Сәуле шағынауданындағы №76 мектеп ұжымымен кездесті. Депутаттар мектеп жанынан салынып жатқан қосымша 300 орынды оқу корпусының, спорт залының, шеберхана мен асхананың құрылысы барысын аралап көрді.

Жаңа ғимаратты пайдалануға беру уақыты 2019 жылдың 25 мамыры деп жоспарланған. Жобаның жалпы құны – 15 216 мың теңге.
Мектептегі сабақ барысын, құрылыс жұмыстарын аралап көрген Мәжіліс депутаттары бірқатар мәселелерге назар аударды.

– Мердігерлер мектепті уақытында аяқтауы тиіс. Әрине, бірінші кезекте мектептің құрылысы жақсы болса дейміз. Сонымен бірге сапалы білім берілуі де қажет. Мұндағы оқулықтардың сапасы жақсы. Тағы бір назар аударатын жағдай, мектеп бүгінгі оқу стандарттарына сай болуы керек.

Яғни құрал-жабдықтарға, зертханаларға, орындықтардың дұрыс орналасуына да бақылау қажет. Мектепте сапалы білім беру – басты талап, - деді Мәжіліс депутаты Әбдіманап Бектұрғанов.
Бүгінде құрылысты мердігер «Штаб ССО» ЖШС жүргізуде. Қаржы Шымкент қаласының бюджеті есебінен қаралған.

Жастар мәслихаты құрылады

Пятница, 19 Апрель 2019 04:03

Шымкент қаласының Қоғамдық кеңес отырысында қала әкімі Ғабидолла Әбдірахымов жастар мәслихатының құрылуы уақыт талабы екенін айтты. Себебі, қала тұрғындарының 30 пайызы – жастар. Жиында, сондай-ақ, Қоғамдық кеңестің ережесі мен жұмыс жоспарын бекіту, қоғамдық кеңестің тұрақты комиссия мүшелерін бекіту туралы мәселелер қаралды.

Жастар мәслихаты 2

Қалада жастар мәслихатын құру мәселесі бойынша Шымкент қаласы мәслихатының хатшысы Ғани Ташқараев баяндама жасады. Жастарды қолдау ел болашағына салынған инвестиция екенін айтқан қала әкімі жастар мәслихаттатығына депутаттарды сайлау ашық, әрі әділ өту үшін онлайн режимде өткізуді ұсынды.

– Биыл Жастар жылы. Жастар мәслихаты жергілікті атқарушы органдар мен жастар арасында алтын көпір бола алады. Жастар – біздің болашағымыз. Қаланың белсенді жастарын осы жастар мәслихатына қатысуға шақырамын.

Шымкент қаласындағы қоғамдық көліктерге электронды билет жүйесін енгізу де маңызды жобаның бірі. Электронды билет жүйесі қалада көлік қозғалысын реттейді. Сонымен қоса «көлеңкелі» экономиканы жояды, – деді Ғ.Әбдірахымов.

Жиында қалалық отбасы, балалар және жастар істері жөніндегі басқарма басшысы Ж.Қалтаев жастар мәслихатына сайлауға түсетін үміткерлердің кімдер бола алатынын атап өтті. Оның айтуынша, жастар мәслихатына Шымкент қаласының аумағында тұратын, 14-29 жас аралығындағы Қазақстан Республикасының азаматтары мүше бола алады. Жалпы мәслихат 29 жас депутаттан құралып, өкілеттілігі екі жылға созылады.

– Әрбір сайлауға қатысушы кандидат қоғаммен етене қарым-қатынас жасап, тұрғындардың қалай өмір сүріп жатқанынан хабардар болуы шарт. Жастар мәселесінде шешілмей жатқан түйіндерді анықтап, оларды шешу жолдарымен ұсынатын сайлауалды бағдарламалары да болуы қажет.

Себебі олар билік басында қала жастарына тұрғын үй беру, жұмыссыздық деңгейін төмендету жалпы жастарды әлеуметтендіру мәселелеріне қатысты шешім қабылдайды, – деді басқарма басшысы.
Қоғамдық кеңестің мүшелері алдағы уақытта қаланың дамуы бойынша мәселелерді бақылауда ұстау жөнінде ұсыныс білдірді.

Қала әкімдігінде тұрғын үй құрылысының барысы, автомобиль жолдары, инфрақұрылым жүйелерін дамыту және аулаларды абаттандыру мәселелеріне байланысты мәжіліс өтті.

1518584714 dalanews-ontustyk02-1

Жиында жолаушылар көлігі және автомобиль жолдары, құрылыс, энергетика және коммуналдық-шаруашылық, тұрғын үй және тұрғын үй инспекциясы басқармасы басшылары атқарылған жұмыстар мен басқа да бірқатар мәселелер жөнінде баяндады.

Жолдарды жөндеу, инфрақұрылым, тұрғын үй құрылысы – қала тұрғындарын толғандыратын басты мәселелер. Әлеуметтік желілерде күнделікті осы салалар бойынша пікірлер жазылып жатады.

– Өзіміздің стратегиялық жоспарлардан бөлек, күнделікті жұмысты қала тұрғындарын толғандыратын мәселелерді шешуден бастау қажет. Бұл – ең алдымен жолдардың құрылысы. Қаржыны да бірінші осы салаға бөлу керек.

Ең алдымен сапаға мән берілсін. Өз міндеттеріне салғырт қарайтын мердігерлерге шара қолданылады. Қажет болса лицензиясынан айырамыз. Инфрақұрылым жұмыстары жүргізілгеннен кейін шұңқырлар көмілмей қалып қойған көшелер әлі де бар.

Жұмысты дұрыс ұйымдастыру керек. Негізінен бірінші инфрақұрылымды өткізіп, одан кейін асфальт төселуі қажет. Ал тиісті мердігерлер 2 айдың ішінде бәрін қайта қалпына келтіруі керек, – деді қала әкімі.

57411784 2203774869935467 3362399689809854464 o

Қалада тұрғын үй құрылысына қатысты көптеген шағымдар айтылуда. Мегаполис қалада барлық жұмыстар жоғары стандарт бойынша атқарылуы тиіс.

Сондай-ақ, қала әкімі әлеуметтік желіде халықтың талап-тілектеріне дер кезінде жауап беруді, арыз-шағымдарды бақылап отыруды міндеттеді.

– Менің әлеуметтік желідегі парақшама кіріңіздер, ондағы комментарийлерді мұқият оқыңыздар, пікірлерде қала тұрғындарының өзекті шағымдары бар. Сұрақтарға нақты жауап беріңіздер.

Барлық басқарма басшылары әлеуметтік желіде халықпен тығыз жұмыс істеулері қажет, – деді Ғабидолла Рахматоллаұлы.

Тұрғын үй құрылысына – 26,7 млрд теңге

Бүгінде қалада 33 шақырымды құрайтын 11 магистралды көшеде қайта құру және орташа жөндеу жұмыстары жүргізілуде.

Шымкент қалалық жолаушылар көлігі және автомобиль жолдары басқармасының басшысы Қуатжан Жұматаевтың айтуынша, оған бюджеттен 2 014,0 млн. теңге қаржы бөлінген. 1 833, 0 млн теңгеге 1 жер үсті жаяу жүргіншілер өткелінің және 5 көпірдің құрылыс және қайта құру жұмыстары атқарылуда.

Сондай-ақ, 3 842,0 млн теңгеге 169 шақырымды құрайтын 199 ішкі орам көшелерде құрылыс, қайта құру және орташа жөндеу жұмыстары басталған. 

Қала бойынша тұрғын үй құрылысына мемлекет тарапынан 26,7 млрд теңге қарастырылған. Оның ішінде: республикалық бюджеттен – 2,0 млрд теңге; қалалық бюджеттен – 3,2 млрд теңге; «Бәйтерек» АҚ қаржысына – 11,5 млрд теңге; «Баспана» АҚ қаржысына – 10,0 млрд теңге.

Аталған мемлекеттік қаржыға және жеке инвесторлардың қаржысына 132 тұрғын үйдің (6513 пәтер, 578,2 мың ш.м.) құрылысы жүргізілуде.

Оның ішінде мемлекеттік бюджет есебінен – 75, жеке салушылар есебінен – 49, мемлекеттік-жекеменшік әріптестік арқылы – 8 тұрғын үй салынуда.

Елбасының тапсырмасына сәйкес, көпбалалы және жас отбасыларды баспанамен қамту мақсатында республикалық бюджеттен қосымша 5,9 млрд. теңге бөлу қарастырылуда.

Шымкентте Қошқар ата сейілі мерекесі 2016 жылы алғаш тойлаған-ды. Бұл мерекенің мән-маңызы зор. Әрі тарихы тереңде. Ертеректе жыл басы Наурыз мерекесін атап өту осы жерден басталғанын бүгінде екінің бірі біле бермейді. Ілгеріде қыстан аман-есен малын жұтатпай шыққан қала тұрғындары шүкірлік ретінде Қошқар ата өзенінің бойына жиналып, қошқарды құрбандыққа шалған. Тарих осылай дейді.

Кошкар ата 4

Бір ғасырдан кейін жаңғырған мереке

Қошқар ата өзені сан ғасырлар бойы Шымкент тұрғындары үшін тазалықтың бастауы болған мекен. Бұл үрдіс әліге дейін үздіксіз жалғасып келеді.

Қаланың тарихшылары, белсенді азаматтары бастама көтеріп, қала басшыларына әз-Наурызды атап өтудің көне нұсқасын ұсынған болатын. Осылайша 100 жылдан кейін ескі дәстүр жаңғырып, қалалық әкімдіктің қолдауымен 2016 жылы Қошқар ата сейілі мерекесі қайта тойланды.

Ұлыстың ұлы күніне орай өтетін мереке қала тұрғындарының көңілін көтеріп, жанын жадыратты. Тарихымыз жаңғырды. Өзен маңына жиналғандар қазақтың ұлттық бұйымдар көрмесі мен мерекелік бағдарламаны тамашалап, қазақша күрес, кір тасын көтеру, асық ойыны, қол күресі сынды спорттық іс-шараларға куә болады.

Одан бөлек, аудан-ауылдардан шаруалар алып келген асыл тұқымды қошқарлар да іс-шараның әрін кіргізеді-ақ.
Жалпы, бұл мереке туризм мен салт-дәстүрді насихаттап, дамытуды көздейді.

Айта кетсек, ең алғаш рет бұл мерекеде қошқар көтеруден Біржан Қосалиев, асыл тұқымды қошқарлар көрмесінде «Сералы» шаруа қожалығы жеңімпаз атанған. Жақсы дәстүрдің өміршең болғанына тілекшіміз.

Алаш қайраткерлерінің аманаты

Тарих не дейді? Осыдан бір ғасыр бұрын қала тұрғындары көктем мерекесі – Қошқар ата сейілін тойлағаны тарихи деректерде жазулы тұр. Дәстүрге айналған мейрам туралы ертеректе қазақ басылымдарында көптеген мақала жарияланған.

Мәселен, дінтанушы Үсен Арыстанов облыстық саяси қуғын-сүргін құрбандары мұражайында қызмет атқарып жүргенде тың деректерге қаныққан. Ғылыми қызметкер 1923 жылы 22 наурыз күні жарық көрген «Ақ жол» газетінің №287 санында төте-араб әріптерімен жазылған мақаланы аударып, жұртшылыққа ұсынған-ды.

Тарихи деректе былай деп жазылған: «Шымкент уезінен. Осы март айының 25 күнінен бастап, Шымкент қаласында Наурыз мейрамы жасалмақшы. Әр жылы уез һәм Сыр халқының дағдысы бойынша апрель айының басында Қошқар ата сейілі болмақ керек еді. Сол екі мейрамды бір қылып, биыл сейілді 25 марттан бастап отыр.

Бұл Қошқар ата сейіліне Шымкент, Ташкент һәм Әулиеата уездерінің адамдары жиналады. Сейіл болатын орын Шымкент стансиясының жанындағы «Қошқар ата» бұлағының басындағы тегіс жерде болып, һәр жылы 200-300-дей қазақ үйлері тігіліп, бір аптаға дейін һәр үйде жиналған халық топ-топ болып тамаша қылып жатады.

DSC 9153

Сол бір аптаның ішінде жергілікті халықтың әр түрлі тамаша ойындарының бәрі де істелмек. Осы март айының 20-нан басталмақ болып тұрған оқу апталығында осы айтылған қос мейрамменен бірге қылып өткізіп, жиналған халықтан әртүрлі жолмен оқу істеріне бірталай жәрдем жинаймыз деген үміттеміз.

Осы күнгі шаруашылық істері һәм басқа түрлі ел ішінде екпінді ретте істелмек болып жатқан жұмыстар турасында елді түсіндіріп, ел шаруасының аяққа басып оңдалуына себепкер болмақ. Авторы - Жарменов» делініпті мақалада.

Ү.Арыстановтың айтуынша, газетте Алаш қайраткерлерінің де Наурыз жайындағы мақалалары, құттықтаулары бар екен. Ол кезде Наурыз мерекесі наурыз айының 20-25-і аралығында тойланған.

Одан беріде Кеңес үкіметі құрылып, Наурыз мейрамын тойлауға тыйым салынғаны белгілі. Әз-Наурызбен бірге Қошқар ата сейілі де ұмыт қалған. Береке мен бірлікке толы мерекені қайта тойлау 2016 жылы ғана қолға алынды.

Қошқар ата кім болған?

Суы мөлдір әрі шипалы Қошқар ата бұлағы – Шымкенттің мақтанышы. Қазір өзен бастауында тұрғындар сейіл құрады. Саялы орын. Өзен маңын одан әрі абаттандыру жұмыстары да қолға алынып, бірқатар жобалар жасалуда.

– Біле білсек, Қошқар ата – Жаратқанның бізге берген сыйы. Оны қаперден шығармаған жөн. Бұрынырақ бұлақтың басынан есептегенде Ордабасы алаңына дейін 102 бұлақ көзі болған. Өз тарихымызды танып білуіміз керек.

Соның ішінде қасиетті орындарға барып, ата-баба рухына Құран бағыштаймыз. Бұл – имандылықтың белгісі. Рухани жаңғыру демекші, Қошқар ата бұлағының басында бұрыннан келе жатқан шырақшының Құран оқитын үйі болған.

Шырақшы бұлақ басын таза ұстауға, ластамауға шақыратын және Құран оқып, жастарға үгіт-насихат айтып отыратын. Абаттандыру кезінде бұл имандылық орны бұзылған. Жауаптылар оны кейін талапқа сай істеп беруге де уәде берген.

Осы бұлақ басын тазалауға үлес қосқан шырақшы Әмірбек ақсақал дүниеден өтерде кесененің орнын бізге көрсетіп кетті. Бұл орынды да келешек ұрпаққа сақтауымыз керек. Бұны да қаперден шығармаған жөн, – дейді «Қошқар ата бұлағы» қорының төрағасы Есенгелді Лесбаев. Оның айтуынша, бұлақ басында жақсы бастамалар одан әрі жалғасын табуы тиіс.

Расында адамдар жыл он екі ай осы бұлақтың суына түсіп, дертіне шипа табады. Ал енді бірі шынығып, қуатына қуат қосуда. Тіпті басқа өңірлерден келетіндер бар. Әсіресе, жаз маусымында бұлақтың суына бір күнде 5-6 мың адам келіп түседі екен.

Елімізде қаланы ортасынан кесіп өтетін өзендер санаулы-ақ. Соның бірі де бірегейі – осы Қошқар ата.
Жер-жерде Қошқар ата деп аталатын ауыл, өзен, су аттары көп. Елімізде мұндай атауды иеленген 10-нан астам мекен бар дейді.

Деректерге сүйенсек, Қошқарата XI ғасырда өмір сүрген. Қаратау өңірінде дүниеге келген деседі. Жастайынан зеректігімен көзге түскен оны ата-анасы Бұқараға жеті жасында оқуға жіберіп, сонда оншақты жыл оқиды.

Көзі ашық, ілімді Қошқар ата осы өңірге қайтып келіп, шәкірт тәрбиелеп, мешіт, медресе ашады. Қошқар атаның шын аты Қылыш болған екен. Төртінші атасы Арқар деген ержүрек, батыр.

Сол атасы «Сен Арқардай бола алмассың, қошқардай бол» деп батасын берген. Содан бері Қошқар ата атаныпты дейді аңыз. Жерленген жері осында. Алланың берген қасиетімен көптеген бұлақтардың көзін ашып, суландырумен айналысқан деседі.

Қошқар ата өзенінің айналасында бұлақ көп болған. Сондықтан да Мыңбұлақ деп те аталған екен. Бұл өзен бастауын Қазығұрт тауының төменгі тұсынан алады. Екпінді ауылына келіп су жерге сіңіп кетіп, қайтып осы Шымкенттегі қазіргі Қошқар ата өзенінің бастауынан шығады.

Үшінші мегаполисте жеңіл және жиһаз өнеркәсібінің, құрылыс материалдары өндірісін дамыту бойынша Жол картасы әзірленді. Қала әкімі Ғ.Әбдірахымов қарапайым заттар экономикасын дамыту бойынша шаһар кәсiпкерлерімен кездесіп, шағын және орта бизнес, құрылыс индустриясын дамыту жайын талқылады. Жалпы, әкімдік тарапынан жеңіл өнеркәсіпті дамытуда қолдау жеткілікті.

87456

Елбасы Қазақстан халқына Жолдауында қарапайым заттар экономикасын дамыту міндетін қойған болатын. Ол негізінен шағын және орта кәсіпорындарға тиесілі.

Мемлекет басшысының тапсырмасын орындау аясында Шымкентте өңдеу өнеркәсібіндегі өсу қарқынын одан әрі дамытып, өнімділігі жоғары тұрақты жұмыс орнын ашу көзделуде. Шаһар басшысы бұл бағытта кәсіпкерлермен ашық жұмыс істеу қажеттігін айты.

– Бүгінде Шымкентте шағын және орта кәсіпкерліктің жалпы өңірлік өнімдегі үлесі 25 пайызды құрайды. Дегенмен, бұл әлі де аз. Сондықтан кәсіпкерлерді осы үлесті арттыруға, дамытуға шақырамын.

Оған қаламыздың адами және материалдық-ресурстары жеткілікті. Күнделікті тұтынылатын заттарды өндіру нәтижесінде біз азаматтарды жұмыспен қамтимыз. Жеңіл өнеркәсіпті дамытуда бізде әлеует жеткілікті. Шағын және орта бизнесті дамытуда қандай көмек керек болса, біз әрдайым қолдау көрсетуге дайынбыз, – деді қала әкімі.

Жиында осы бағыт бойынша қабылданған жол карталары мен атқарылатын іс-шаралар бойынша қала әкімiнiң орынбасары Данат Жумин, әлеуетті жобаларды қаржыландыру және оларды субсидиялау механизмдерін түсіндіру бойынша «Даму қоры» АҚ Шымкент қалалық филиалының директоры Жамбыл Қалдаров баяндама жасады.

Данат Есболұлының айтуынша, Жол картасы аясында 76 гектар жерге «Жұлдыз» инстуриалды аймағының құрылысы жоспарлануда. Сондай-ақ, жеңіл өнеркәсіп саласын дамыту мақсатында «Оңтүстік» арнайы экономикалық аймағының аумағын 200 гектардан 500 гектарға дейін кеңейту жоспарда бар.

Нәтижесінде 30 өндірістік кәсіпорын, 3 мыңнан астам жаңа жұмыс орнын ашуға мүмкіндік болады.
2018 жылдың қорытындысы бойынша Шымкент қаласында жеңіл өнеркәсіпте 21,3 млрд теңге өнім өндіріліп, 2017 жылмен салыстырғанда 24,7 пайызға артып отыр.

Ал жиһаз өнеркәсібінде 1,9 млрд теңгенің өнімі өндіріліп, 2017 жылмен салыстырғанда 18,3 пайызға артты.
Үкімет тарапынан субсидиялаумен қатар несиелерді кепілдендіру құралы қарастырылуда.

Страница 8 из 51