«NUR OTAN» – игі істің ұйытқысы

Пятница, 05 Июль 2019 05:21

Шымкент қаласына «Nur Otan» партиясы Төрағасының Бірінші орынбасары Бауыржан Байбек іс-сапармен келіп, партия филиалының жұмысымен танысты.

DSC 0299

Алдымен «Nur Otan» партиясы Шымкент қалалық филиалы ғимаратының алаңында салтанатты жиын өтті. Іс-шараға Шымкент қаласының әкімі Ғабидолла Әбдірахымов қатысты.
Партия Төрағасының Бірінші орынбасары Бауыржан Қыдырғалиұлы Арыстағы төтенше жағдайдың зардаптарын жою бағытындағы жұмыстарға тоқталды.

– Қазір барша қазақстандықтар Арыстағы ағайынмен бірге алаңдап, көмек қолын созуда. Бұл төтенше жағдай қазақстандықтарды одан әрі біріктіріп, ұйыстыра түскенін көріп отырмыз. Біз – Арыс тұрғындарымен біргеміз. «Nur Otan» партиясы да зардап шеккендерге бей-жай қарамай, барынша қолдау көрсетуде. Қазіргі таңда қалаға қайырымдылық көмек әлі де жеткізілуде.

Осы орайда «жасотандықтардың», сонымен қатар шымкенттік еріктілердің белсенділігін де ерекше атап өткен жөн. Қазір қаланы қалпына келтіру жұмыстарына біздің партия да тікелей қатысып, жұмыстың жүйелі түрде жүргізілуін бақылауда ұстайды, – деді Б.Байбек.

Жиында Шымкент қаласының «Құрметті азаматы», қалалық мәслихаттың депутаты Еркін Сатқанбаев, айтыскер ақын, «Дарын» мемлекеттік жастар сыйлығының лауреаты Біржан Байтуов және басқа да қоғам қайраткерлері мен партия белсенділері сөз сөйледі. Сондай-ақ, Түркістан облысы, Арыс қаласының ақсақалы Сағатбек Ахметов сөз алып, сын сағатта қолдау танытқан барша қазақстандықтарға алғысын білдірді.

– Арыстағы алапат жарылыстан соң халықтың 80-90 пайызы Шымкентті паналады.

Шымкенттіктерге рахмет, төрін ұсынып, бар жағдайымызды жасады. Тұратын жеріміз бен ас-суымызды дайындап, 150-ден астам автобусын беріп, үлкен азаматтық танытты. Осындай сын сағатта бірлігін көрсетіп, ауызбіршілік танытқан барша қазақстандықтарға, шымкенттіктерге және қаланың әкімі Ғабидолла Әбдірахымовқа арыстықтардың атынан алғысымызды білдіреміз, - деді Арыс қаласының тұрғыны.

Бұдан соң «Nur Оtan» партиясы қалалық филиалында актив жиналысы өтті. Онда Бауыржан Байбек қалалық партия филиалы жұмысымен танысты. Жиын барысында Елбасы тапсырмаларының Шымкентте орындалу барысы жан-жақты баяндалды.

«Nur Otan» партиясы Шымкент қалалық филиалы төрағасының бірінші орынбасары Бахадыр Нарымбетов «Халыққа көмек» ұлттық жобасы аясында құрылған бірыңғай әлеуметтік терезесінің атқарған жұмысымен таныстырды.
Партия жобасы аясында 2019 жылдың 18 ақпанынан 1 шілдеге дейін 2737 азамат қабылданды. Бүгінгі күнге дейін қаралған 619 мәселе оң шешімін тауып, 3087 талап-тілек бойынша заңға сәйкес түсінік берілген.

Партия Төрағасының Бірінші орынбасары бұдан кейін «Nur Otan» партиясы Шымкент қалалық құқық қорғау қызметтері орталығының жұмысымен танысты. Жиын соңында Бауыржан Қыдырғалиұлы алда атқаратын тапсырмаларды пысықтады.

Ару қала, Асқақ орда

Пятница, 05 Июль 2019 05:06

Астанам! Ару қалам, асқақ ордам,
Қалың жұрт, қазағыма қақпа болған.
Ту ұстап, тұлпар мінген бабаларым,
Бермеген ел намысын жатқа қолдан.
Бозоғым, бозбеткейлім, баққа оранған,
Тарихтың қойнауынан тапқан олжам.
Баянды бақытымның бастауындай,
Айналдың Нұр-Сұлтанға аппақ арман.

Astana-1

Ия, қазақ ұлтының ұлы тұғыры, еліміздің мақтанышы, Алаш жұртының абыройы, тәуелсіз Қазақстанның ару астанасы Нұр-Сұлтан қаласына биыл – 21 жыл. Тарих үшін қас-қағым сәт. Бірақ қарқынды өзгерістер өлшемі көз ілеспес жылдамдықпен жарысқан қазіргі кезең үшін аз уақыт та емес сияқты.

Қалай болғанда да, осы уақыт өлшемінің ішінде Қазақстан халқының ерен еңбегінің нәтижесінде әлемнің атақты астаналарымен салтанат жарастырып, көркімен де көлемімен де бой таластыра алатын қазақ жұртының жас та бас қаласы қалыптасты.

1994 жылы ҚР Парламенті отырысында Қазақстан Республикасының Тұңғыш Президенті Н.Ә.Назарбаев ел астанасын Алматы қаласынан Ақмола қаласына көшіру туралы ұсыныс жасады. 1997 жылы 20 қазанда бас қаланы ауыстыру туралы жарлыққа қол қойылып, 1998 жылы 6 мамыр күні Ақмола қаласының атауы – Астана, одан 2019 жылы Нұр-Сұлтан деп өзгертілді. 2006 жылдан бастап 6 шілде елорда күні ретінде ресми түрде аталып өтілуде.

Өткенге көз жүгіртсек, Қазақстанның ең алғашқы астанасы 1920 жылы Орынбор қаласы болды. Сол кезде автономиялы Қазақстан астанасының уақытша Орынборда болатыны баршаға мәлім еді. 1925 жылы астананы Орынбор қаласынан көшіру туралы шешім қабылданды.

Жаңа астана ретінде «үміткер» қалалар қатарында Семей, Ақтөбе, Орал, Алматы, Ақмешіт, Шымкент те бар еді. Тіпті бір кездері қазақ билеушілерінің басқаруында болған және пайыздық жағынан қазақ тұрғындары басым орналасқан Ташкент қаласы да астанаға лайық деп қарастырылды. Ең қызығы, сол кезде үміткер-қалалардың арасында Ақмола да болған еді.

Дегенмен,Қазақстанның астанасы Ақмешіт болып белгіленді. Жаңа астана Қазақ хандығының бұрынғы елордалары болған Сығанақ пен Түркістаннан тым алшақта емес еді.

1925 жылдың сәуірінде осында өткен Қазақстан Кеңестерінің V съезінде Қырғыз АКСР атауы Қазақ АКСР болып өзгертілді. Алайда ыңғайлы көлік-қатынас жолдары болмағандықтан, жаңа астана ел ордасы мәртебесіне соншалықты лайық бола қоймады. Ақмешіт қаласының атауын Қызылорда деп өзгерткеннен де ештеңе өзгермеді. 1929 жылы астана тағы да өзгеріп, бұл жолы таңдау Алматы қаласына түсті. 1936 жылы Қазақ АССР-ы РКФСР құрамынан бөлініп, Қазақ ССР-ы болып қайта құрылды.

Ел ішінде «істі қалай аяқтағанында емеc, бастағанында» деген мәні кең ұғым бар емес пе? Осы сөздің аясында еліміз XXI ғасырдың бетін жаңа астанамен ашты десек қателеспейміз. Алланың еркімен табиғат сыйлаған сұлулық, бұл сұлулық аз жылда адам қолымен жасалған ұлылыққа ұласты. Осылайша тәуелсіздіктің төл қаласы Нұр-Сұлтан Сарыарқа кіндігінде бой көтеріп, көркімен таңқалдыруда.

Онымен қоса, 2018 жылы Алаш жұрты үшін, оңтүстік өңірінің тұрғындары үшін тағы бір тарихи сәт болды. Шымкент қаласы мегаполис болып, өз алдына Қазақстандағы республикалық маңызы бар үшінші қала атанды. Оңтүстік Қазақстан облысы Түркістан облысы болып өзгертіліп, Түркістан қаласы оның орталығына айналды.

Иә, айтары жоқ, ұлы қадам жасалды. Облыс атауының Түркістан деп өзгеруі өңірдің жаңаша түрленуіне, дамып-өркендеуіне оң ықпал етеді. Өйткені, бұл атау бағзы заманнан түркі жұртына етене таныс. Қарап тұрсақ, бұл өзгерістер тамыры сан мыңдаған жылдардан сыр шертетін туған тарихымызды білуге, төл мәдениетімізді тануға, ұмыт бола бастаған әдет-ғұрып, салт-дәстүрлеріміздің қайнар бұлағын қайта аршуға жол ашқандай.

Ұлы даланың кіндігінде орын тепкен Нұр-Сұлтан қаласы мен Оңтүстік өңірінің киелі Түркістанға көшуі көне өркениет пен ірі саяси оқиғалардың, дәуірлік өзгерістердің тарихы деуге дәлел жеткілікті.

Қуана білмеген елге құт қонбайды дейді екен бұрынғылар. Ал ел болып қуанатын шаруа аз ба? Қыраны күнді құшқан Көк Туымыз құдірет емей немене!? Болмаса күлдіреуішінен ерлік пен елдіктің исі аңқып тұрған Елтаңбамыз қасиет емей немене!? Яки қасқайып шырқайтын Әнұранымыз өсиет емей немене!? Бұған асыл қазынамыз – Теңгемізді қосыңыз! Ұлт мерейін асыратын мерейтойлардан да кенде емеспіз.

Республикалық маңызы бар мерекелер қатарындағы елордакүні, сонымен қатар, 19 маусым – Шымкент қаласы күні де аталып өтуде. Біз бүгінде Тәуелсіз Қазақстанның алғашқы жетістіктерін еліміздің Тұңғыш
Президенті Нұрсұлтан Назарбаевтың есімімен байланыстыра аламыз, өйткені еліміздің дамуына, көркейіп-өсуіне, тарихымыздың жаңғыруына, нақты шешім қабылдап қана қоймай, оның іске асуына үлес қосқаның айта аламыз.

Әрине, онымыз орынды. Сөйлей кетсе шешендігіне, көптің алдына шықса, жұрттың назарын аударып ала қоятын көсемдігіне қатты таңырқаймыз. Еліміз үшін осынау орынды сәттерде байсалдылық пен ұстамдылық сақтауға атсалысқан Елбасымызға айтар алғысымыз мол.

М.Курбанбаева,
Түркістан облысы
мемлекеттік архивінің
қызметкері

2019 жылдың 3-тоқсанындағы Шымкент қаласының Әділет департаменті басшысы мен оның орынбасарларының жеке тұлғаларды және заңды тұлғалардың өкілдерін жеке қабылдау кестесі

КЕСТЕСІ

Мемлекеттік органның атауы

А.Т.Ә.

Атқаратын қызметі

Азаматтарды қабылдау күні мен уақыты

Байланыс телефоны

Шымкент қаласының

Әділет департаменті

Камалов Бахтияр

Департамент басшысының міндетін атқарушы

Дүйсенбі күні

сағат 10.00-ден – 13.00-ге дейін

       8/7252/ 35-30-57

Алипбек Балжан Мадиқызы

Департамент басшысының

орынбасары

Сейсенбі, жұма күндері

сағат 15.00-ден – 18.00-ге дейін

       8/7252/ 33-79-79

Рысжанов Азамат Жакипбекович

Департамент басшысының орынбасары

Сәрсенбі, бейсенбі күндері

сағат 10.00-ден – 13.00-ге дейін

8/7252/ 33-76-76

Әділет департаменті басшысының жеке қабылдауы басшының орынбасарларының бірі қабылдағаннан кейін жүзеге асырылады.

Әділет департаменті басшысының орынбасарларының жеке қабылдауы тиісті аумақтық бөлімшенің не құрылымдық бөлімнің басшысы қабылдағаннан кейін жүзеге асырылады.

Ескертпе:

Азаматтарға күнделікті кеңес беру Шымкент қаласының әділет департаменті Желтоқсан көшесі №16 мекен жайында жүргізіледі.

СЕНІМ ТЕЛЕФОНЫ:

Шымкент қаласыныңӘділет департаментінде қала тұрғындарының назарына, Қазақстан Республикасы Президентінің 29.12.2015 жылғы №153 жарлығымен бекітілген Қазақстан Республикасы мемлекеттік қызметшілерінің Әдеп кодексін бұзу, сондай-ақ әділет органдарының қызметкерлерінің сыбайлас жемқорлыққа және басқа да құқық бұзушылық фактілері жөнінде хабарлау қажеттігін жеткізеді. Шымкент қаласының Әділет департаментінде 33-79-29 телефоны бойынша тікелей және департаментте бақылау кітабына жазылу арқылы мына мекен-жай бойынша : Шымкент қаласы, Желтоқсан көшесі №16 хабарласуға болады. Қазақстан Республикасы Әділет Министрлігінің Аумақтық Әділет органдарының сенім телефоны қызметін ұйымдастыру ережесін бекіту туралы бұйрығына сәйкес әділет департаментінде белгіленген жауапты қызметкердің күн сайынғы кезекшілігімен сенім телефоны қызмет атқаруда.

Елімізде тегін дәрі-дәрмек беру барысын бақылаудың жаңа түрі пайда болмақ. Жыл соңында іске қосылатын бұл жоба кепілдендірілген тегін медициналық көмек шеңберінде көрсетілетін қызметтерге ақы төлеу процесін жетілдіруді көздейді.

890e49843088d893881bfb55af5c25fc XL

2018 жылдың басында Медициналық сақтандыру қоры кепілдендірілген тегін көмек пакеті шеңберінде берілетін дәрі-дәрмек пен медицина бұйымдарына ақы төлеу тәртібін өзгертті. Яғни, бұрын дәрі-дәрмек пен медициналық мақсаттағы бұйымдар ақысы дәрігер жазған рецепт бойынша төленіп келген болса, енді дәрі-дәрмек қолма-қол берілген рецептілерге ғана төленеді.

Атап айтқанда пациент дәріні алған кезде тиісті құжаттарға қол қояды. Содан кейін төлем туралы мәлімет «Дәрі-дәрмекпен қамтамасыз ету» ақпараттық жүйесіне енгізіледі. Ендігі кезеңде бақылау жүйесіне пациенттердің өздерін тарту көзделген.

Осыған орай тегін дәрі-дәрмек беру барысын бақылаудың жаңа жүйесі іске қосылды. Дәлірек айтсақ, Денсаулық сақтау министрлігі, МСҚ мен «СК-Фармация» ЖШС бірлесіп SMS-хабарлама жүйесін іске қосты. Хабарлама қараша-желтоқсан айларында тегін дәрі-дәрмек алғандар тізіміне енген науқастарға жіберіледі. Жоспар бойынша хабарлама рецептілерде көрсетілген 3 млн нөмірге түсуі тиіс.

Хабарламада дәрі-дәрмектің берілген күні мен атауы көрсетіледі. Егер пациент препараттарды алмаған болса, SMS-хабарламаға жауап ретінде «0» цифрын жолдайды немесе «СК-Фармация» ЖШС 1439 байланыс нөміріне қоңырау шалуға болады. Айта кетерлігі, пациенттердің амбулаторлық карталарында көрсетілген телефон нөмірлері қате болуы мүмкін.

Сол себепті SMS-хабарламаны бәріне барады деу қиын. Сондықтан «СК-Фармацияның» байланыс орталығына шағымдануға болатынын еске салғымыз келеді.

Алынған мәліметтер сарапталып, әр факті жеке-жеке тексеріледі. Анықталған заң бұзушылықтар ҚР Денсаулық сақтау министрлігі мен Қоғамдық денсаулық сақтау комитетіне жолданады. Хабарлама нәтижесі мен ақпараттық жүйедегі мәліметтер арасында айтарлықтай алшақтық табылып жатса, жоба мерзімі ұзартылады. Сонымен қатар, болашақта ол кепілдендірілген тегін медициналық көмек шеңберінде көрсетілетін өзге де қызметтерге қолданылуы мүмкін.

МСҚ республикалық бюджеттен қаржыландырылатын тегін медициналық көмек (ТМКК) пакетінің және жұмыс берушілер, азаматтар мен мемлекет жарнасы есебінен қаржыландырылатын міндетті әлеуметтік медициналық сақтандыру (МӘМС) пакетінің операторы. ТМККК пакеті шеңберінде көрсетілген қызмет ақысын былтырдың басынан бастап Қор төлеп келеді. Ал МӘМС пакеті бойынша қызмет көрсету 2020 жылы басталмақ.

А.Саймасаева,
Шымкент қалалық
диагностикалық

орталығыбас дәрігерінің
орынбасары

«Театр – шындық пен өмір, театр – тәрбие мектебі. Театр – тәлім, рухани азық алар орда» деген сөзді қазақ топырағында театр өнері тәй-тәйлай бастаған сонау ХХ ғасырдың басында қазақтың тұңғыш режиссері, актері, драматургі, ҚазССР-ның тұңғыш халық артисі Жұмат Шанин айтқандай, бүгінде театрсыз қоғамды көз алдымызға елестету қиын.

IMG 6318

Өнер мен мәдениеттің отанындай Милан қаласындағы «Пикколо-театрды» ашқан, әлемге атышулы режиссер һәм актер Дж.Стелер әр қойылымнан соң шымылдық түскенде «Шымылдық жабылған сайын ендігәрі ашылмайтындай үрейленемін» дейді екен.

Әлбетте, шаниндіктерге үрейдің ауылы алыс. Өйткені, Шанин атындағы академиялық қазақ драма театры өзінің 85-маусымын көрші өзбек елі ортасына алтын көпірге айналған С.Ахмадтың «Келіндер көтерілісі» көңілді комедиясымен (реж. Ж.Есимов) бастады.

Театр өскелең ұрпағымыз жас көрерменін де назарынан тыс қалдырмайды. Театрдың болашақ көрермені – бүгінгі бүлдіршіндер. Сол себепті жасөспірімдер мен бүлдіршіндерге арналған репертуарға ерекше назар аударып отырамыз. Биыл достық пен адамгершілікті баяндайтын, балаларға арналған Б.Бекжановтың «Торға түскен Түлкібикеш» (реж.А.Шымтемиров) және «Жаңа жылдың хикаяттары» (реж.А.Шымтемиров) ертегілері өз көрерменіне жол тартты.

Бүгінде шығармашылық құрамы жас буынмен толықтырылған театр, «Қозы Көрпеш-Баян сұлу» мерекесі күніне орай, көрермен жастардың сезімге толы сырларымен бөлісу мақсатында «Махаббат формуласы» сазды-поэтикалық бағдарламасын ұсынды. Махаббат жайлы сөз қозғалғанда жаны жадырамайтын жан, сірә, жоқ болар. Жүрек қылын шертер сезімге толы ән мен поэзия үндескен кеш көрерменнің ыстық ықыласына ие болды.

Театр 85-маусымда пьесаларымен әлемді таңдай қақтырған, бүгінде «әлемдік драматургия жауһарына» айналған Шекспирдің «Гамлет» трагедиясын сахналаумен (режиссер Б.Құрманғожаев, қоюшы-суретші
Қ.Жұмақұлов) қоржынына сүбелі дүние қосып, маусым шымылдығын абыроймен жапты.

IMG 9040

Аз ғана көлемге жазылған бірнеше қойылым үстінде қаншама шығармашылық күйзеліс, ізденіс, төгілген тер жатқанын ойласақ, театр ұжымы өз маусымын деңгейін түсірмей жапқанына куә боласыз.
Театр саласының бір ерекшелегі – маусым арқылы келесі жаңа жылға ауысып отыратыны. Мәселен, 2018 жылы қыркүйекте басталған 85-маусым, 2019 жылдың маусым айында өз межесіне жетіп отыр.

Әр маусымның өзіндік жоспары, мақсаты, жүзеге асыра білу секілді кезеңдерден ақсамай өте білудің маңызы зор болмақ. Мәртебелі межеге мерейі үстем боп жету үшін төгілетін тер мен жұқаратын жүйке салмағын сахнамен тығыз байланыстағы өнер иелері аса жауапкершілікпен сезінген сәтте, шығармашылық жеміске қол жеткізері һақ.

Тарихтың бастауы сонау театр ашылған 1934 жылдан басталған театр маусымдары, бір қарағанда біркелкі секілді көрінгенімен, әр маусымның өзіндік қаталанбас ерекшелігі, шығармашылық шарықтау деңгейі тікелей қойылымдарға тәуелді екені шындық.

85 жылдың ішінде Шанин театры шығармашылығының биікке самғаған жұлдызды сәттері мол болды. Құрамындағы талантты артистердің актерлік шеберлігі биік деңгейде болуымен «Ата театр» атанған М.Әуезов атындағы академиялық театр артистерімен «ауыздық шайнасқан» тұстары жеткілікті.

Бүгінде шығармашылық құрамы жас буынмен толықтырылған театр, 85-маусымда пьесаларымен, әлемді таңдай қақтырған Шекспирдің «Гамлет» трагедиясын сахналаумен қоржынына сүбелі дүние қосылды.

Театр қоғам дертінен айналып өтпек емес. «Қоғам – халық – театр – көрермен» тізбегіне көз жүгіртсек, театр мен көрермен арасында тығыз байланыс болуының нәтижесінде көркем дүние сахналық шындыққа айналады. Бүгінде қоғамды толғандыратын өзекті тақырыпты сахналап, жас көрерменге ой салу театрдың басты мақсатына айналды.

Театр – қоғам мен көрермен арасын жалғастырушы алтын көпір екенінің айғағы ретінде нашақорлықтың зардабынан шаңырақ шайқалып, адамзат зар кешіп жатқанын жеткізетін Р.Отарбаевтың «Шырмауық» драмасы мамыр айында (реж.Ж.Есимов) сахналанғанын айта аламыз.

IMG 0235

Театр – тірі ағза іспеттес. Кейде «тұмауратып» қалып жатады. Ол кезде шығармашылық топ дереу тізгінді қолға алып, дер кезінде сүбелі дүниелермен толықтырып, ем-дом жасап, айықтырып алады. Бұл – әлем театрлары басынан өткеретін заңды құбылыс. Демек, театрда шығармашылық толғаныс, салмақты саралау бар деген сөз.

Иә, соңғы жылдары Шанин театрында көркемдік жетекші тұрақтамай кеткені жасырын емес. Театр шығармашылығын жетелейтін маманның жоқтығынан емес, басты фактор – көркемдік жетекшіге берілетін баспана болмауынан. Режиссер – ең алдымен өзіндік отбасылық тәш-пүші бар адам. Көркемдік жетекші шығармашылықтан басқа ештеңеге алаңдамай тер төгуі үшін, отбасы қаңғырмауы өте маңызды.

Өкінішке орай, сырттан келуге пейіл білдірген майталман режиссерлерге баспана тауып бере алмаудың өзіндік салдарын шешу, театр басшылығының құзырынан жоғары деңгейде шешілетін мәселеге айналып отыр.
Жуырда театрдың көркемдік жетекшілігіне театртанушы маман Тимур Ахметов тағайындалды. «Жас келсе - іске» демекші, қажырлы жастың жігерлі қадамынан жемісті жетістіктер күтеміз.

Сая Қасымбек,
Ж.Шанин атындағы академиялық
қазақ драма театрының
әдебиет бөлімінің меңгерушісі

Шымкенттегі «Химфарм» АҚ-да заманауи білім беретін жаңа орталық ашылды.

Akim 3

Орталықтың салтанатты ашылу рәсіміне қала әкімі Ғабидолла Әбдірахымов қатысты.

– «Химфарм» компаниясының тарихы жетістіктерге толы. Мен біздің мегаполисте жаңа кәсіпорындар ашылып, олар заманауи талаптарға сай болғанын, қала және ел экономикасының дамуына өзіндік үлес қосқанын тілеймін. Жуырда Үкімет басшысы жиналыс өткізіп, онда өндірісін жаңғыртқан және цифрлық үрдіске бет алған компаниялар туралы айтылды. Олардың арасында SANTO компаниясы да бар. Бұл – біздің қала үшін үлкен мәртебе, - деді қала әкімі.

Орталықтың ашылуына 100 миллион теңгеге жуық қаржы жұмсалған. Мұндағы негізгі мақсат – компания мамандарының біліктілігін арттыру. Бұл орталықта, сондай-ақ, IT технологиялар, автоматтандырылған метрология және технологиялық процестерді басқару саласындағы колледждер мен жоғары оқу орындарының студенттері оқытылады. Осылайша компания басшылары тұрақты дамуды нақты мақсат етіп отыр.

– Қазақстанның болашағы үшін тек технологияларға ғана емес, өнер мен мәдениетке инвестиция тарту да маңызды. Осыған орай біздің компания да «Ғылым мен өнердің коды» атты байқау мен балалардың көркемсурет конкурсын жариялаған болатын. Екі байқаудың жеңімпаздары да марапатталады, - деді StapakFamiliFoundatiuon қорының президенті Эльжбета Джиковска.

Айта кетейік, SANTO компаниясы бүгінгі таңда Қазақстандағы фармацевтикалық өндірушілердің арасында жетекші орынға ие. Компания дәрі-дәрмектер мен медициналық препараттар шығарып, нарыққа ұсынып отыр. 240-тан астам дәрілік заттар шығарылатын компания өнімдері ішкі нарыққа және Ресей, Украина, Қырғызстан, Моңғолия, Өзбекстан, Түркменстан мен Тәжікстан елдеріне жіберілуде.

Арман СӘДУӘЛІ

2019 жылдың 5 шілдесі күні сағат 11:00-де Жастар ресурстық орталығында TED-х форматындағы «Sóıle: Sen tur - men aıtaıyn» конференциясы өтеді. Конференцияның басты мақсаты: қала жастарының белсенділігін, олардың білім сапасын арттыру. Өз ойын ашық әрі жетік жеткізе алатын аудиторияны даярлау.

 

 

Афиша

 

 

Конференция модераторы: Шымкент қаласындағы TED-x конференциясының лицензианты - Айжан Ергешова. Спикерлер қатарында «Болашақ» бағдарламасының түлегі Ерасыл Төлебаев, Шымкент қаласы бойынша соттар әкімшісінің басшысы Нұрсұлтан Байтілес, «Kzhol Shymkent» оңалту орталығы басшысының орынбасары Айгерім Жұмағалиева, Жастар ресурстық орталығының басшысы Нұрдәулет Тәңірберген, Әйелдерге арналған «Ажыраспа» блогының авторы Айна Досқызы және т.б. бар.

 

Қатысушы спикерлер әртүрлі тақырыпта өз ойларымен бөліседі. Әр спикерге 18 минут уақыт беріледі.

 

Айта кететін тағы бір жәйт, 2019 жылдың күз мезгілінде қаламызда алғаш рет TEDxOrdabasySquare өту жоспарлануда. Осыған орай «Sóıle: Sen tur - men aıtaıyn» конференциясының оза шапқан спикері TEDxOrdabasySquare шарасына жолдама алады.

 

Мекенжайы: Шымкент қаласы, Жастар ресурстық орталығы (Түркістан көшесі, 1 үй). Өтетін күні: 5.07.2019. Уақыты: 11:00

Қазақстан тәуелсіздік алған алғашқы жылдардан бастап сыбайлас жемқорлықпен күрес саясатын нақтылап, бүгінде бүкіл әлемдік қауымдастықтың белсенді мүшесіне айналып келеді. 2014 жылы ҚР Президенті Н.Назарбаев 2015-2025 жылға бекіткен сыбайлас жемқорлыққа қарсы Стратегиясы маңызы зор құжатқа айналған. Құжаттың мақсаты мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлықтың кез келген көрінісіне төзбеушілік ахуалын, жасау арқылы қоғамды жемқорлыққа қарсы қозғалысқа тарту болып табылады. ҚР Президентінің 2015 жылғы 14 сәуірдегі «Сыбайлас жемқорлыққа қарсы күресті күшеуту, мемлекеттік органдар мен лауазымды адамдар қызметіндегі тәртіп пен реттілікті нығайту жөніндегі шаралар туралы №1550 Жарлығы іске асыру мақсатында ҚР 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңы қабылданды.

Бұл Заңның мақсаты – азаматтардың құқықтары мен бостандықтарын қорғауға, сыбайлас жемқорлық көріністерінен туындайтын қауіп-қатерден ҚР ұлттық қауіпсіздігін қамтамасыз етуге, сыбайлас жемқорлыққа байланысты құқық бұзушылықтың алдын алу, анықтау, олардың жолын кесу және ашу олардың зардаптарын жою және кінәлілерді жауапқа тарту арқылы мемлекеттік органдардың, мемлекеттік міндеттерді атқаратын лауазымды және басқа да адамдардың сондай-ақ оларға теңестірілген адамдардың тиімді қызметін қамтамасыз етуге бағытталған және сыбайлас жемқорлыққа қарсы күрестің негізгі принциптерін айқындап, сыбайлас жемқорлыққа байланысты құқық бұзушылықтың түрлерін, сондай-ақ жауаптылықтың пайда болу жағдайларын белгілейді. Бұл Заңның ерекшелігі сол, билік басындағы лауазым иелерінінің қызмет бабын жеке басының мақсаттарына пайдалануына, келеңсіз әрекеттеріне тосқауыл қою болып табылады. Осыған орай сыбайлас жемқорлыққа қарсы қоғам болып белсенділік танытып қарсы тұруымыз қажет.

 

 

Бөлім басшысы, аға сот орындаушы С.Нуримбетова

Страница 3 из 323