Оқушылардың тиімді тамақтануы

Вторник, 24 Сентябрь 2019 00:00

Баланың дұрыс өсуі мен дамуы үшін тиімді тамақтану маңызды рөл атқарады. Дұрыс тамақтану баланың күнделікті өмірінің ажырамас бөлігі болуы тиіс. Жақсы тамақтанатын балалардың үлгерімі жоғары болады, ал бала ағзасындағы қоректік заттардың жетіспеушілігі оқу мен көңіл-күй қабілеттеріне әсер етеді.

Тулебаев АФаст-фуд және басқа да «бос» калорияға бай өнімдерге қарағанда теңдестірілген ыстық таңғы ас баланың ағзасына пайдалы. Оқушылар саламатты өмір салтының негізгі қағидаларын біліп, өздері үшін қабылдауы тиіс, ал бұл тек мұғалімдердің, ата-аналардың және баланың өзінің бірлескен жұмысының нәтижесінде ғана мүмкін болады. Дәл мектеп жасында дағдылар қалыптасады. Сондықтан осы кезеңде тиімді тамақтану дағдыларына тәрбиелеуге көп көңіл бөлу қажет. Ыстық таңғы ас ішетін оқушылар оқу материалын жақсы қабылдайтыны және оқу сабақтарының соңына дейін сергек болатыны, аз шаршайтыны байқалады.

Оқушылардың тамақтық рационы теңдестірілген, әр түрлі болуы және балалар ағзасының энергетикалық қажеттіліктерін қанағаттандыруы тиіс. Әрбір бала дұрыс өсуі мен дамуы үшін белгілі бір тәуліктік азық-түлік жиынтығын алуы керек, оған сүт және сүт қышқылы өнімдері, сүзбе, ірімшік, ет, балық, жұмыртқа, жарма және макарон өнімдері, өсімдік және мал майлары, көкөністер, жаңа піскен жемістер, табиғи шырындар, нан және нан-тоқаш өнімдері, жаңғақтар, кептірілген жемістер, бал, өсімдік майы кіреді.

Жемістерді негізгі тағамдардың арасында қосымша енгізу жоғары жүктеме кезінде қажет. Тамақтану мәдениетін қалыптастыру - бұл әрдайым ата - аналар мен мұғалімдердің ынтымақтастығы.

Жалпы білім беру ұйымдарында оқушылардың тамақтануын ұйымдастыруға қойылатын біріздендірілген талаптарды белгілеу мақсатында ҚР Денсаулық сақтау министрлігі Қазақ тағамтану академиясымен бірлесіп жалпы білім беру ұйымдары оқушыларының үш жас ерекшелік тобының (7-10 жас, 11-14 жас және 15-18 жас) тамақтануын ұйымдастыру үшін 4 апталық ас мәзірінен тұратын «Оқушылардың тамақтануы бойынша бірыңғай стандарттар» әдістемелік ұсынымдарын әзірледі.

Әзірленген мәзірдің артықшылықтары:

- негізгі тағамдық заттар (белоктар, майлар, көмірсулар, витаминдер және минералдық заттар) және энергия бойынша теңгерімділік;

- балалардың жас ерекшелігін ескере отырып жасау;

- әртүрлі болуы, көкөністердің, жемістердің көп болуы, балықтарды, сүт өнімдерін қосу және т. б.;

- жылдың маусымдылығын есепке алу (жаз-күз, қыс-көктем);

- дайындаудың жақсы тәсілдерін ғана қарастыру (пісіру, буда дайындау, сөндіру) болып табылады.

 

Шымкент қ. Тауарлар мен тауарлар мен

көрсетілетін қызметтердің сапасымен

қауіпсіздігін бақылау департаментінің

басшысы Ә.Қ.Төлебаев

Мемлекетке уақытында тапсырылған көп үйлердің жыл айналмай жатып, қасбетінің сылағы түсіп, айра-жайра болып жататындығын қалай түсіндіруге болады. Шаһар басшысы бірнеше құрылыс нысандарын аралап көргенде мәселенің осы жағына қатты мән беруін қадап айтты.

DSC 4406

Алдымен әкімшілік іскерлік орталығындағы тұрғын үйлердің құрылысымен танысқан Ерлан Айтаханов мердігер мекеменің басшысына жұмысты жандандырып, нысанды мерзімінде аяқтау қажеттігін айтты. Сондай-ақ, жауапты сала басшыларына инфрақұрылым мәселесін де тез әрі оңтайлы шешуді тапсырды.

Одан соң Ерлан Қуанышұлы С.Бәйтереков көшесінде орналасқан «Tamerlan Residence» тұрғын үй кешенінің құрылысына барды. Аталмыш нысанның мердігері болып табылатын «BI Group» ЖШС-сі құрылысты келесі жылдың тамыз айында аяқтауды жоспарлап отыр. Мұнда 16 және 12 қабатты 7 тұрғын үй бой көтеретін болады.

Бұдан әрі қала әкімі «Ақжайық» және «Көкжайлау» тұрғын үй кешендерінің құрылысымен танысты. Аталмыш нысандарды салып жатқан мердігер мекемелердің өкілдерімен кездескен
Е.Айтаханов тұрғын үйлердің қасбетіне баса көңіл аударып, қаланың көркін ашатындай етіп салуды баса айтты.

Өз кезегінде «Тұран» шағынауданындағы 1200 орындық мектептің құрылысына барған қала басшысы мұндағы шешілмей жатқан түйткілді коммуналдық мәселелермен қатар, балалардың білім алуына қолайлы жағдай жасалуы керектігін назарға алуды тапсырды.

Сонымен қатар, Ерлан Айтаханов аталмыш тұрғын үйлердің құрылысын жүргізіп жатқан барлық мердігерлерге бірнеше сын-ескертпелер жасады. «Мұндай тұрғын үйлерді саларда ең алдымен инфрақұрылым мәселесін шешкен жөн. Сондай-ақ, мүмкіндігі шектеулі жандарға арналған пандустар болуы шарт. Салынып жатқан тұрғын үйлердің қасбеті заман талаптарына сай әрі әсем болуы керек. Шымкент – мегаполис қала. Демек, біз жаңаша ойлап, қаламыздың көркеюіне баршамыз атсалысуымыз қажет», – деді Е.Айтаханов.

Аралауды қорытындылай келе, Ерлан Қуанышұлы жауапты сала басшыларына архитектуралық қала құрылысы кеңесінде жоғарыда аталған барлық мәселелерді көтеріп, тиісті шешім шығаруды тапсырды.
Айта кетейік, бүгінгі таңда қала бойынша тұрғын үй құрылысына жалпы мемлекет тарапынан

34,6 млрд теңге (құрылыс басқармасы - 20,3 млрд тг, «SHYMKENT» ӘКК» АҚ - 10 млрд теңге, Тұрғын үй және тұрғын үй инспекциясы басқармасы жастарға жалдамалы пәтерді сатып алуы үшін - 4,3 млрд тг.) қарастырылған.

Шымкент қаласы мәслихатының отырысы өтті. Депутат Нұрғазы Бұхарбай төрағалық еткен жиында депутаттар есеп беруші басқарма басшыларына бірқатар ұсыныстар айтты.

туризм есебі

Жиынға Шымкент қаласы мәслихатының хатшысы Ғани Ташқараев, Экономикалық даму және Депутаттық өкілеттік этика әкімшілік аумақтық құрылым мәселелері жөніндегі тұрақты комиссияларының мүшелері мен басқарма басшылары қатысты.

Отырыста кезекті елу алтыншы сессиясының қарауына ұсынылған күн тәртібінің жобасындағы он мәселе талқыланды. Жиында ең алдымен Шымкент қаласының табиғи ресурстар және табиғат пайдалануды реттеу басқармасының есебі тыңдалды.

Ондағы мәселелердің бірі - Асанбай Асқаров атындағы дендросаябағының кіру ақысы қызу талқыға түсіп, депутаттар тарифті қайта қарау жөнінде ұсыныс берді.Сондай-ақ, жиында жер қойнауын пайдалану мәселесі қозғалды. Комиссия төрағасы Е.Дәрменовтің айтуынша, Асар шағынауданында орналасқан бетон зауытына қатысты тұрғындардан шағым түскен.

Өндіріс тұрғын үйлерге жақын орналасқандықтан жел тұрғанда зауыттың шаңынан тұрғындардың берекесі қашып, аталмыш зауыт экологияға зардабын тигізуі мүмкін. Осыған байланысты жауапты мамандарға заңға сәйкес сараптамалық жұмыс жүргізуді тапсырды.

Күн тәртібіндегі келесі мәселе бойынша жұмыспен қамту және әлеуметтік қорғау басқармасының басшысы өз есебінде атаулы әлеуметтік көмек мәселесіне тоқталды.Сондай-ақ, 8 ай ішінде мүмкіндігі шектеулі азаматтарға да айтарлықтай әлеуметтік қолдау көрсетілген. Қала бойынша 1819 азамат протездік-ортопедиялық көмекпен және техникалық көмекші құралдармен қамтамасыз етілді.

470 мүгедекке қол арба құралдар таратылды. Үш мыңға жуық азамат шипажай орындарына емделуге жолдама алған. Сонымен қатар, арнайы жабдықталған «Инватакси»19 автокөлікке 585 өтініш қабылданып, мүгедектерге қызмет көрсетуде.

Десе де, мәслихат хатшысы Ғани Әбдіғаниұлы жауапты мамандарға мәслихаттың жеке қабылдауына және келіп түсетін хаттардың басым көбі мүгедек азаматтардан екенін айтып,олардың өтініштеріне барынша көңіл бөлуді тапсырды.Депутат Ермек Аманжолұлы да бұл басқарманың халықты жаңалықтармен ақпараттандыру барысында ұйымдастыру жұмыстарын жақсартуды ескертті.

Сонымен қатар, халық қалаулылары энергетика және коммуналдық шаруашылық басқармасы мен туризм басқармасын сынға алды. Атқарылған жұмысының олқы тұстарын айтып, мемлекет қаржысын тиімсіз пайдаланды деген күдікпен энергетика және коммуналдық шаруашылық басқарма әрекеттерінің заңдылығын анықтау үшін, тексеру комиссиясына хат жолдауды ұсынды. Ал, қаламыздың көрікті жерлері мен тарихи орындарын жарнамалау жағына көңілі толмаған депутаттар туризм басқармасының есебін қанағаттандырусыз қалдырды.

Қызметіне салғырттықпен қараған кәсіпкерлік және индустриалдық-инновациялық даму басқармасы да халық қалаулыларының сынына ілікті. Депутаттардың сөзіне қарағанда, бұл басқармаға қажетті қаржы қаралғанымен жұмысында шикіліктер көп. Осыған байланысты комиссия мүшелері басқарма есебін қабылдаудан бас тартып, шара қолдануды ұсынды.

Бұдан кейін, ішкі саясат және дін істері, отбасы, балалар және жастар істері жөніндегі басқармалар мен денсаулық сақтау басқармасының есебі тыңдалып, лайықты баға берілді. Жиын соңында комиссия мүшелері қатысушыларға ескертулердің аяқсыз қалмауын, аталған мәселелер депутаттардың жіті бақылауында болатынын ескертті.
Аталған мәселелер алдағы тұрақты комиссияның бірлескен отырысында егжей-тегжейлі қаралатын болады.

Жемқорлықпен күрес жолы.

Вторник, 24 Сентябрь 2019 03:56

Жемқорлық бұл – қызметтік лауазымды пайдалана отырып, оны жеке мүддеге пайдалану. Жемқорлық, әсіресе мемлекеттік органдарда қауіпті. Тәжірибе көрсеткендей, жемқорлық мемлекеттік басқару жүйесін бұзады, экономиканың дамуына шектеу қояды, әсіресе экономика саласында ұйымдасқан қылмыстың өсуіне мүмкіндік береді. Алайда, көп жағдайда азаматтардың өзі лауазымды қызметкерлердің осындай қадамға баруына себепші болады. Сондықтан да,ҚР «Сыбайлас жемқорлыққа қарсы іс-қимыл туралы»заңы бойынша «алушыға» ғана емес, «берушіге» де жауапкершілік артылған.

Мемлекеттік құрылымдардың қандай әрекеттері жемқорлыққа жатады? Басқа мемлекеттік органдар, мекемелердің жұмысына заңсыз жолмен араласу; Қызметтік лауазымды пайдалана отырып, жеке басының не туыстарының материалдық қызығушылықтарын қанағаттандыруға байланысты мәселелерді шешу; Мемлекеттік қызметке заңда белгіленбеген басымдықтарға ие болып өту және өсу; Шешімді дайындау мен қабылдау барысында біреуге заңсыз жолмен басымдық беру; Кәсіпкерлік қызметті не басқа табыс әкелетін саланы жүзеге асыруда заңда белгіленбеген кез келген әрекетпен көмек көрсету; Мемлекеттік қызметті жүзеге асыру барысында алынған ресми жариялануға жатпайтын ақпаратты жеке мүддеге пайдалану; Заңда жариялауға рұқсат етілген деп бекітілген ақпаратты беруден бас тарту, оны кешіктіру, жалған не толық емес ақпарат беру, заңда жариялауға тиістігі бекітілмеген ақпаратты жеке және заңды тұлғалардан талап ету; Жоғары тұрған ресми тұлғаларға қызметтік емес ілтипат көрсету не сый жасау (әдепті және қонақжайлылық бойынша жалпы қабылданған нормаларға сәйкес символикалық ықылас көрсету, символикалық кәдесыйлар тарту, сонымен қатар, ресми және хаттамалық шараларды өткізуді қоспағанда); Жеке және заңды тұлғалардың құқықтары мен заңдық мүдделерін қанағаттандыруға тосқауыл болу; Мемлекеттік немесе осыған теңестірліген қызметі үшін жеке тұлғалар мен мекемелерден ақшалай, қызметтік және басқа формада сый алу болып табылады.

 

 

                                                                               Еңбекші ауданы бойынша

мемлекеттік кірістер басқармасының бас маманы

А.Торламбаев

Әрекетсіз салық төлеушілерге келесі әрекетсіз заңды тұлғалар мен дара кәсіпкерлер жатады:

Салық Кодексінде белгіленген тапсыру мерзімдерінен кейін бір жыл өткен соң корпоративтік табыс салығы бойынша декларациясын; ойын бизнесінің салығы бойынша, тіркелген салық бойынша салық есептілігін үш салық мерзіміне, жеңілдетілген декларация бойынша салық есептілігін екі салық мерзіміне тапсырмаған - заңды тұлға, Қазақстан Республикасындағы қызметін тұрақты мекеме арқылы жүзеге асыратын резидент емес заңды тұлға, сондай-ақ резидент емес заңды тұлғаның құрылымдық бөлімшелері; Салық Кодексінде белгіленген тапсыру мерзімдерінен кейін бір жыл өткен соң жеке табыс салығы бойынша декларацияларын; ойын бизнесінің салығы бойынша, тіркелген салық және жеңілдетілген декларация бойынша декларацияларын үш салық мерзіміне тапсырмаған; соңғы патенттің қолданыс мерзімі аяқталған күннен бастап екі жыл ішінде патент құнының есебін тапсырмаған - дара кәсіпкерлер;

Жоғарыда көрсетілген талаптар қызметін уақытша тоқтата тұру кезеңіне тоқтата тұрған резидент заңды тұлғаларға, Қазақстан Республикасындағы қызметін тұрақты мекеме арқылы жүзеге асыратын резидент емес заңды тұлғаларға, резидент емес заңды тұлғаның құрылымдық бөлімшелері мен дара кәсіпкерлерге қолданылмайды.

Салық органдары салық төлеушіні әрекетсіз деп тану туралы бұйрықты жыл сайын 30 сәуірден кешіктірмей шығарады, олар туралы мәліметтер осындай бұйрық шығарылған күннен кешіктірілмей, уәкілетті органның интернет-ресурсында жарияланады.

Әрекетсіз деп танылған салық төлеуші туралы мәліметтер:

1) салық төлеуші салық есептілігін табыс ету бойынша салық міндеттемесін орындағаннан;

2) салық есептілігін осы Кодексте белгіленген мерзімде табыс етпегені үшін салық төлеушіге Қазақстан Республикасының заңнамасына сәйкес айыппұлдар қолданылған жағдайда (бұзушылық соңғы он екі айда қайталанбаған жағдайда ескерту қолданылады), олар төленгеннен кейін бес жұмыс күні ішінде қабылданған салық органының бұйрығына сәйкес уәкілетті органның интернет-ресурсынан алып тасталады.

Әрекетсіз деп танылған салық төлеуші туралы мәліметтер салық органының тиісті бұйрығы қабылданған күннен кейінгі бір жұмыс күнінен кешіктірілмей, уәкілетті органның интернет-ресурсынан алып тасталады.

Салық төлеуші Заңды тұлғалардың мемлекеттік тiзiлiмінен алынған немесе дара кәсіпкер ретінде тіркеу есебінен шығарылған жағдайда, мұндай салық төлеушілер бір мезгілде әрекетсіз салық төлеушілер тiзiлiмінен шығарылады.

ҚР Салық Кодексінің 24 бабы 15 тармағы бойынша, екінші деңгейдегі банктер және банк операцияларының жекелеген түрлерiн жүзеге асыратын ұйымдар, әрекет етпейтін деп танылған салық төлеушіге, корреспонденттік шоттарды, сондай-ақ мемлекеттік бюджеттен және Мемлекеттік әлеуметтік сақтандыру қорынан төленетін жәрдемақылар мен әлеуметтік төлемдерді алуға арналған банктік шоттарды, «Мемлекеттік білім беру жинақтау жүйесі туралы» Қазақстан Республикасының Заңына сәйкес жасалған білім беру жинақтау салымы туралы шарт бойынша банктік шоттарды қоспағанда, банктік шоттар ашудан бас тартуға міндетті.

Сонымен қатар, Салық кодексінің 91-бабында айқындалған тәртіппен әрекетсіз деп танылған салық төлеушімен, оны әрекетсіз деп тану туралы бұйрық шығарылған күннен бастап жасалған операциялар бойынша КТС шығыстары шегерімге жатпайды.

Банктер немесе банк операцияларының жекелеген түрлерін жүзеге асыратын ұйымдармен және контрагенттермен қиындықтардың алдын алу үшін уәкілетті органның интернет-ресурсынан әрекетсіз деп танылған мәліметтер алынуы тиіс.

Осыған байланысты, атқарып жатқан қызметтеріңізге келтіретін кедергілердің алдын алу үшін, салық есептіліктерін тапсыру бойынша салықтық міндеттемелеріңізді мерзімінде және толық орындауды, «әрекетсіз салық төлеуші» мәртебесі қойылған жағдайда салық төлеушінің тіркелген жері бойынша салық органына жүгінуді сұраймыз.

Бүгінгі күнге Еңбекші ауданы бойынша мемлекеттік кірістер басқармасында салық есептіліктерін тапсыру бойынша салықтық міндеттемелері орындалмаған әрекетсіз салық төлеушілер саны 525, оның ішінде 417 заңды тұлға, 108 дара кәсіпкер. Жалпы тіркеуде тұрған салық төлеушілердің ішінде үлес салмағы 2,7 %.

Еңбекші ауданы бойынша мемлекеттік кірістер басқармасында тіркелген салық төлеушілер бойынша ақпарат алу: Шымкент қ., Байтұрсынов көш. 68 үй, тел. 36-70-97 немесе http://kgd.gov.kz сайты;

 

Еңбекші ауданы бойынша мемлекеттік кірістер басқармасы

«Ақпаратты өңдеу орталығы» бөлімінің басшысы Қ.Сапарбекова

Мемлекеттік қызметте жүрген тұлғаға артылар жауапкершілік жүгі   қай-кезде де ауыр екені мәлім.   Мемлекеттік органдарды қызмет атқарып отырған әрбір мемлкеттік қызметші білім мен тәжірибиесін, күш-жігерін өзі жұмыс жасайтын орында өз кәсібіне жұмсайтыны анық. Мемлекеттік қызметкер өз Отаны – Қазақстан Республикасына, өз халқына қалтқысыз адал қызмет етуі тиіс. Осыған орай,

Сыбайлас жемқорлықпен күрес жүргізу – мемлекеттік органдардың, мемлекеттік қызметкерлердің, тұтастай қоғамның басты міндеті мен борышы, осы кеселге қатаң бағытталған мемлекеттік бағдарлама жоғары деңгейдегі жауаптылықпен іске асырылуы тиіс.

Бүгінгі таңда сыбайлас жемқорлықпен күрес барлық мемлекеттік органдар алдындағы басты міндеттің бірі болып отыр. Қылмыстың бұл түрінің қоғамымыздың барлық саласына тамыр жайып кеткені жасырын емес. Сыбайлас жемқорлыққа қарсы әрекет шараларының ғылыми танымдары мен өзекті мәселелері Қазақстандағы қлғамдық қатынастарды реформалаудың барлық кешенді мәселелерімен тығыз байланыста. Сондықтан да қоғам бойынлдағы бұл кесапат   кеселмен күреске мемлекетіміз айрықша мән беріп отыр.

Сыбайлас жемқорлықпен күрес – Қазақстанның бүгінгі күнгі күрделі мәселесінің бірі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны анық.

Сыбайлас жемқорлық қылмыстары сияқты қоғамға қауіпті іс-әрекеттер мемлекетіміздің басқару жүйесіндегі сйкесті буындарды тұншықтырып, заңды қызмет жасауына кедергі келтіреді, Ал, іс жүзінде бірқалыпты дұрыс қызмет атқаратын мемлкеттік органдың қызметі ғана қоғамның экономикалық дамуына, оның мүшелерінің құқықтары мен бостандықтарын қамтамасыз етуге қабілетті. Осыған орайт мемлекеттік басқару жүйесін қорғау, оған қылмыстық қол сұғуды болдырмау ең маңызды мәселе болып табылады. Өйткені мемлекеттік аппарат қоғамды басқару жүйесінің қажеттілігі, басқару жүйесіндегі әр түрлі процестердің реттеушісі болып табылады. Жалпы сыбайлас жемқорлықпен күресу жеке адамдардың немесе жекелеген таптың ғана емес, мемлекеттік органдардың , мемлекеттік қызметкерлердің, тұтастай қоғамның басты міндеті мен борышы. Осыны шынайы орындау үшін әрбір лауазым иесі өзінің жан дүниесін ұдайы таза, адал ұстауы тиіс. Сонда ғана олар қарапайым халықтың сенімін ақтап, қоғамның тежеусіз дамуына үлес қосқан болар еді.

 

 

Еңбекші ауданы бойынша Мемлекеттік кірістер басқармасы

«Ақпаратты өңдеу орталығы» бөлімінің жетекші маманы

Тажиева Гүлназ  

458947

Мемлекет басшысы Қазақстан халқына Жолдауында азаматтардың барлық сындарлы өтініш-тілектерін жедел әрі тиімді қарастыратын "Халық үніне құлақ асатын мемлекет"тұжырымдамасын іске асыру қажеттігі туралы атап өтті.

Сондықтан Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің басшылығы күн сайын азаматтарды қабылдауда.

Осылайша, Департамент басшысы А. Жұмағали кезекті қабылдауын "Нұр Отан" партиясының қалалық филиалында өткізді.

Қабылдау барысында азаматтар өздерінің құқықтарын қорғау, жұмысқа орналасу мәселелері бойынша жүгініп, лауазымды тұлғалардыңіс-әрекеттеріне шағымданды.

Барлық өтініштер бойынша жан-жақты жауаптар берілсе,олардың кейбіреулері басшының жеке бақылауына алынды.

Айта кету керек, жыл басынан 50-ден астам жеке қабылдау өткізіліп, онда 90-ға жуық өтініш қаралды.

«Nur Otan» партиясы Төрағасының Бірінші орынбасары Бауыржан Байбек жұмыс сапарымен Шымкент қаласына келді. Сапар барысында ол шаһардағы бірқатар әлеуметтік мәселелерге назар аударып, жергілікті тұрғындармен кездесті. Сондай-ақ партияның қалалық активімен кездесіп, партиялық жаңғыру аясында Елбасы, партия Төрағасы Нұрсұлтан Әбішұлы Назарбаев анықтап берген жаңа міндеттер мен Мемлекет басшысы Қасым-Жомарт Кемелұлы Тоқаевтың Қазақстан халқына арнаған Жолдауында айтылған басымдықтарға тоқталып өтті.

2020

Елбасы 21 тамызда өткен партия Саяси кеңесінің кеңейтілген отырысында «Сенім. Диалог. Болашаққа нық қадам – «Nur Otan» партиясының 7 серпіні» атты партия жұмысын жүйелі жаңғырту бағдарламасын ұсынған болатын. Сол құжатта азаматтардың сұраныстарына уақытылы жауап беру, әсіресе өңірлердегі жұртшылықпен етене жұмыс істеу мәселесіне ерекше мән берілді. Сондықтан партия бұл бағытта белсенділікті одан әрі күшейтіп, қарқынды жұмысты қолға алды.

Осыған орай партия Төрағасының Бірінші орынбасары Шымкент қаласындағы сапарын Водопьянов көшесінен бастады. Маусым айында бұл көшедегі №1 көп пәтерлі үйден өрт шығып, соның салдарынан 45 отбасы баспанасыз қалған. Сол кезде қала басшылығы отқа оранған үйдің толығымен сүріліп, орнына көпқабатты үй салынатынын және одан зардап шеккен отбасыларға пәтерлер берілетінін айтқан еді. Алайда тұрғындар тамыз айында құрылыс жұмыстарының кешеуілдеуіне және құжаттардың рәсімделу мәселесіне алаңдап, наразылықтарын білдірді.

Бұл мәселемен әлеуметтік желі арқылы танысқан Бауыржан Байбек Шымкент қаласының әкімі Ерлан Айтахановпен бірге баспанасыз қалған тұрғындармен кездесіп, аталған бағыттағы жұмыстарды «Nur Otan» партиясының тікелей бақылауға алғанын айтты. Қазіргі таңда құжаттарды рәсімдеу жұмыстарының жүйелі түрде жүргізіліп жатқанына, зардап шеккен әр отбасына жаңа үйден тегін пәтер берілетініне тоқталды.

– Елбасы, партия Төрағасы мемлекеттің халыққа жақын болу керектігін, азаматтардың мұң-мұқтажын тыңдап, ашық жұмыс істеу қажеттігін айтты. Мемлекет басшысы да «Халықтың үніне құлақ асатын мемлекет» тұжырымдамасын ұсынды. Сондықтан осы мәселені әлеуметтік желіден естіп, біліп, арнайы келдім. Қазір қала басшылығы, партияның қалалық филиалы бұл түйткілді оңтайлы шешу үшін барлық шараны қолға алды. Біз бұл істі соңына дейін бақылауда ұстаймыз, – деді Бауыржан Байбек.

Қазіргі таңда құрылыс жұмыстарының алғашқы кезеңі қарқынды жүргізілуде. Атап айтқанда, Шымкент қалалық сәулет және қала құрылысы басқармасы мен қалалық жер қатынастары басқармасы тарапынан тиісті жұмыстар қолға алынған. Соның нәтижесінде бүгінде жерге орналастыру жобасы дайындалып, кадастрға келісім алу жұмыстары жүргізілуде. «Shymkent» ӘКК» АҚ тарапынан инженерлік желілермен қамтамасыз ету үшін жобалық-сметалық құжаттама да сараптамаға тапсырылды. Қараша айында құрылысы басталатын 9 қабатты тұрғын үй 2020 жылдың қыркүйегінде пайдалануға берілмек.

Баспанасыз қалған тұрғындардың бірі – Сафура Батырбек бастарына қиын-қыстау күн туғанда мемлекет тарапынан үлкен қолдау көрсетіліп, барлық жағдайдың жасалғанын айтып, ризашылығын білдірді. Сондай-ақ дүние-мүлкі мен киім-кешектерінің өртеніп кеткенін айтып, қолдау сұраған тұрғындарға партияның мұрындық болуымен материалдық көмек көрсетілгенін де айтып өтті.

Бүгінде елімізде қарқын алған игі істің бірі аймақтарда инфрақұрылымды дамыту. Қазақстан Президенті Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында осы мәселеге үлкен көңіл бөлді. Мемлекет басшысы әр аймақ тұрғындарын таза ауыз сумен, табиғи газбен, жолмен біркелкі қамтамасыз ету және осы саладағы теңсіздікті жою үшін жұмысты жандандыру керектігін баса айтты.

Соған байланысты «Nur Otan» партиясы Төрағасының Бірінші орынбасары Шымкент қаласының «Азат» шағын ауданына арнайы барды. Бүгінде бұл аудан тұрғындары үшін ауыз су мен жылу мәселесі ең өзекті. Тіпті, тұтас бір ауданға ауыз су жеткізетін жалғыз су сорғы ғана жұмыс ітейді. Оның өзі жекенің қолында.

Газбен қамту мәселесінде де аудан халқын әуреге салған түйткілдер аз емес. Ауданды газбен қамтып отырған жеке кәсіпкерлердің бағаны қымбаттатуы азаматтардың жанына батып отыр. Желі арқылы аталған мәселелердің мән-жайына қанық болған Бауыржан Байбек азаттықтармен кездесіп, мемлекет тарапынан ауданның инфрақұрылымын дамытуға үлкен көңіл бөлініп отырғанын айтты. Алдағы уақытта осы мәселеге қатысты барлық бастама партияның жіті назарында болмақ.

– Әрине, бұл жерде шешуді талап ететін бірқатар өзекті мәселенің бар екенін білеміз. Бірақ бәрін бірдей шешіп тастау мүмкін емес. Сондықтан мемлекет тұрғындардың талап-тілектерін ескере отырып, ең алдымен, газ, жарық және ауыз су мәселесін шешуді қолға алады. Кейін жол және басқа да мәселелерді шешеміз, – деген партия Төрағасының Бірінші орынбасары барлық жұмыстардың заң аясында жүргізілетінін айтты.

Және де мемлекет тарапынан жер мен үйді заңдастыру жұмыстары қолға алынғанын айтып, тұрғындардың өздерін барлық істе заңға сүйеніп әрекет етуге шақырды. Бауыржан Байбек «Азат» шағын ауданы қарайтын Қаратау ауданының әкіміне бұл мәселені басты назарға алу керектігін айтты.

– Әкім елдің ортасында жүруі керек. Ешқашан халықтан қорықпай, азаматтарды алаңдатқан мәселелерді шешу үшін жұмыс істеу қажет. Өз кезегінде халық та бәрін мемлекеттің мойнына артып қоймай, қоғамдық бақылауды қолға алып, белсенділік танытуы тиіс, – деді Бауыржан Байбек.

Айта кетейік, аталған шағын аудан 2014-2015 жылдары Түркістан облысының Сайрам ауданынан қала аумағына қосылған. Ал 2017-2018 жылдары қала әкімдігі тарапынан тұрғын алабының жерлерін рәсімдеуге рұқсат берілді. Сондай-ақ биыл, яғни 2019 жылы қала әкімдігі тарапынан 370 жер учаскесіне ауыз су, электр, табиғи газ желілерінің құрылысын жүргізуге арналған жобалау-сметалық құжаттамасын әзірлеу үшін 12 млн теңге қаражат бөлінді.

Жалпы жобалардың болжамдық құнына келер болсақ, ауыз су желілері – 260 млн теңгені, электр желілері – 220 млн теңгені, ал табиғи газ желілері 250 млн теңгені құрап отыр. Бұл жұмыстарды жүргізуге 2020 жылғы бюджеттен 480 млн теңге бөлу жоспарланған. 2020 жылдың наурыз айында бюджетті қайта қарау барысында қалған 250 млн теңгеге түзету енгізу қарастырылуда. Құрылыс-монтаждау жұмыстары да келер жылы жүргізіледі деп жоспарланып отыр. Бұл жұмыстардың барлығын партия өз бақылауына алады.

Сонымен қатар, Бауыржан Байбек «Nur Otan» партиясы Шымкент қалалық филиалының кезектен тыс XXXVIII конференциясына қатысып, қаланың партиялық активімен кездесті. Кездесуде партия Төрағасы айқындап берген жүйелі жаңғырту жұмыстарына баса назар аударылып, алдағы басым-бағыттар кеңінен сөз болды. Соның ішінде партияның халық арасындағы беделін арттыру, сайлаушылардың сенімін ақтау, Мәжіліс пен барлық деңгейдегі фракциялардың жұмысын күшейту, бастауыш партия ұйымдарының жұмысын жетілдіру, партияның идеологиялық әлеуетін нығайту сияқты маңызды мәселелерге ерекше көңіл бөлінді.

WhatsApp Image 2019-09-19 at 14.12

Конференцияда Бауыржан Байбек Елбасы, партия Төрағасының тапсырмасымен Шымкент қаласының әкімі Ерлан Айтахановтың кандидатурасын партия қалалық филиалының төрағалығына ұсынды. Нәтижесінде конференцияның бірауыздан қолдауымен шаһар басшысы «Nur Otan» партиясы Шымкент қалалық филиалының төрағасы болып сайланды. Өз сөзінде партия Төрағасының Бірінші орынбасары қалалық филиалдың бұрынғы төрағасына партиялық бағытта атқарған жұмыстары үшін барша нұротандықтардың атынан алғыс білдірді.

Сонымен бірге ол партияның Шымкент қалалық филиалында жоспарланбаған қабылдау өткізіп, тұрғындардың өтініштеріне құлақ түрді. Қабылдау барысында негізінен жер учаскелерін заңдастыру, бөлу және рәсімдеуге қатысты мәселелер көтерілді. Нәтижесінде Бауыржан Байбек партияның қалалық филиалына әр мәселені бақылауға алып, оң шешілуіне ықпал етуді тапсырды.

Сапар барысында партия Төрағасының Бірінші орынбасары партияның Шымкент қалалық филиалының қызметкерлерімен және аумақтық партия филиалдары төрағаларының бірінші орынбасарларымен кездесті. Еркін форматта өткен басқосуда тараптар қалалық филиалдың алдағы бағыт-бағдарын пысықтады.

Страница 10 из 343