Қызғалдақты қала

Пятница, 24 Апрель 2020 00:28

3-3-6

Қазір – Шымкентте ең әдемі маусым. Жыл сайын осы кезде мың сан бояумен құлпырған көктем гүлдері отырғызылып, қала ерекше реңге енеді. Көктемнің жаршысындай көз қуантқан қызғалдақтар шаһарымыздың төріне неше түрлі оюмен көмкерілген түкті кілем төсеп тастағандай әсер қалдырады.

Елбасының «Ұлы даланың жеті қыры» мақаласының «Ұлт тарихындағы кеңістік пен уақыт» бөлімінде Қазақстан алма мен қызғалдақтың отаны екені айтылады. Бүгінде жер жүзінде қызғалдақтың үш мыңнан астам түрі бар болса, соның басым көпшілігі – біздің дала қызғалдағының «ұрпағы» саналады. Ал Түркістан облысы Түлкібас ауданындағы Қызыл төбешік нақ осы гүлдің ордасы екенін мақтаныш ете аламыз.
Сұлулық символы, әсемдік үлгісі – қызғалдақ пен Шымқала егіз ұғым. Мегаполис осынау нәзік гүлді өзінің логотипі ретінде таңдап алған. Сондықтан ішкі және сыртқы туризмін дамыту барысында негізгі бренд ретінде қолданылып келеді. Былтыр Шымкент қалалық туризм басқармасының бастамасымен тұңғыш рет өткен «Қызғалдақ жолы» мерекелік фестивалі тұрғындар санасында әлі күнге жаңғырып тұрғанына күмәніміз жоқ. Ол бір әдемі естелік болып қалары сөзсіз. Сондағы фестивальдің басты мақсаты – Елбасы Н.Ә.Назарбаевтың «Ұлы даланың жеті қыры» мақаласы аясында «Қызғалдақтың» тарихи отаны Қазақстан екенін, оның Оңтүстік өңірінен шыққанын насихаттау еді. Сол кезде іс-шараға қатысқан 10000-ға жуық қала тұрғыны мен қонақтары кереметтей көрікті қызғалдақтарға қарық болып қалып еді.
–Басқарманың жылдық жоспарына сәйкес аталған фестиваль биыл да «сәуір айының бірінші жартысында өту керек-тін. Алайда, бүкіләлемде орын алып отырған пандемияға байланысты, республика аумағында төтенше жағдай жарияланып, барлық іс-шаралар тоқтатылды. Сондықтан «Қызғалдақ жолы» фестивалі 2021 жылға ауыстырылды, – дейді басқарма басшысының міндетін уақытша атқарушы Олжас Шынтаев.
Көзге де, көңілге де ыстық қызғалдақ «Қызғалдақты қаланың» Дендросаябағының қақ ортасында әдемі мүсінге айналып үлгерді. Былтыр басқарманың тапсырысы бойынша «Қызғалдақ – Оңтүстіктің мұрасы» инсталяциясы қойылған болатын.
Композицияның идеясы қазақ дүниетанымымен яғни табиғат пен адамның тұтастығымен тығыз байланысты. Ежелгі аңыздарда, көктем келгенде Жер-ана оянып, барлық тірі жанға Ұлы даланың үздік гүлдерін сыйлайды деп айтылған. Бір шоқ дала қызғалдағын ұстаған Жер-ананың әсем қолын бейнелейтін композицияның биіктігі 5 метрді құрайды. Сондай-ақ инсталяция адам мен табиғаттың бірлігін, ал әсем гүлдер тарихи тұрғыдан қызғалдақтар алғаш рет Қазақстанның оңтүстік өңірінде пайда болғанын меңзейді. Міне, Шымқаланың шуақты күндеріне шомылған әсем қызғалдақтар сәуір айында шаһар шырайын әрлендіріп жіберді. Шымкенттің жаңа логотипі ретінде қызғалдақтың бекер таңдалмағаны, мұның сәтті шешім болғаны анық.
«Қазіргі таңда сол мүсін аумағында «Қызғалдақ – Оңтүстіктің мұрасы» тақырыбын кеңінен 3 тілде (қазақ, орыс және ағылшын) баяндап, түсіндіріп беретін арнайы QR-тақтайша қойылды.
«Қызғалдақ – Оңтүстіктің мұрасы» инсталяциясы аумағында 2019 жылы бірнеше қызғалдақтың түрінен 2000-ға жуық түп гүл отырғызылып, қазіргі таңда таңғажайып реңге енген гүлдер Дендросаябақ аумағының сәнін кіргізуде», – дейді сала басшысы.
Туризм басқармасы тарапынан жыл сайын шығарылып отырған жарнамалық-ақпараттық материалдарда (бүктемелер, кітапшалар, сувенирлік бұйымдар) қала логотипі міндетті түрде бейнеленсе, қазіргі таңда қызғалдақ гүлінің киізден әзірленген сувенирлік нұсқасы да шығарылыпты.
Аталған танымдық материалдар мен сувенирлік бұйымдар қазақстандық және халықаралық туристік іс-шараларда таныстырылып келеді.

 

Без имени-1

 

Туристік шоқтығы биік

Шымқала тек қызғалдағымен ғана көз тартады деп ойласаңыз, әсте қателесуіңіз мүмкін. Үшінші мегаполистің туристік маңызы өте үлкен: бұл Ташкент, Бішкек және Қазақстанның солтүстік өңірін қосатын торап. Инфрақұрылымы дамыған ірі қала.
Шымкент қаласында туризмнің дамуына ықпал ететін факторлар көп. Мәселен, жылына 300 күн жылы ауа-райы, табиғи-климаттық аймақтардың алуан түрлілігі, Ұлы Жібек жолы бағытындағы ірі тарихи қалалардың (Түркістан, Тараз, Ташкент, Самарқанд және т.б.) жанында сәтті орналасуы осының дәлелі.
Мегаполис өзінің бәсекеге қабілетті осындай мүмкіндіктерін пайдалана отырып, оңтүстік өңіріндегі туристік орталыққа айналатын сәті де алыс емес. Бұлай деуімізге себеп, қала туристердің ағынын еркін қабылдай алады. Келушілерді туристік өнімдер туралы хабардар етіп, әрі қарай оларға жүру бағыттарын айқындап береді. Яғни, қаланың туристік қызметтер ұсынуға әлеуеті әбден жетеді. Бүгінде Шымкент қаласында ішкі және халықаралық туристік нарықта белсенді сегменттің қалыптасуы үшін барлық мүмкіндіктер бар.
Шымшаһарда 116 қонақ үй, 10 саябақ, 7 мұражай, 25 әлеуметтік-мәдени нысан, 5 театр, 18 аквапарк және 6 табиғи су қоймасы орналасқан.
Олжас Маратұлының айтуынша, жыл сайын Шымкент қаласына келетін туристер саны өсуде. Мысалы, 2018 жылы туристер саны 178 000 адамды құраған. 2017 жылмен салыстырғанда өсім 30%, ал 2019 жылы көрсеткіш 249 313 адамды құрап, өсу қарқыны 34,6 пайызға жетті. Оның ішінде:
1) ішкі туризм бойынша туристер саны 178 014 адамды құрайды (өсу қарқыны 40,1%);
2) келу туризмі бойынша туристер саны 33 362 адам (өсу қарқыны 51,2%).
Шымкент қаласының туризм басқармасы қаланың туризмін дамыту бойынша бірқатар жұмыстар жүргізді.
Қаланың 20 туристік көрікті орындарында 3 тілде (қазақ, орыс және ағылшын) ақпарат беретін QR-тақтайшалар орнатылды және IZI travel халықаралық туристік платформасында 3 тілде 32 нысанның аудиогиді әзірленген.
2GIS мобильдік қосымшасында туристік нысандар мен қалалық бағыттар туралы ақпарат орналастырылған.
Сондай-ақ, «Ескі қалашық» туралы VR, AR бейнеүзіктер әзірлеуге өтінім берілді. Роликтер туристер арасында танымалдылыққа ие болған жағдайда, бұл бағыттағы жұмыстар басқа нысандар бойынша да жүргізілмек.
Туристерге ақпараттық қолжетімділікті арттыру үшін басқарма тарапынан «Шымкент қаласында 24 сағат», «Тарих ізімен», «Шымкент балаларға» тақырыптарында 60 мың бүктеме, 77 мыңнан астам туристік карта, «Шымкент қаласындағы үлкен экскурсия» атты 350 кітап шығарылды. Бұл материалдар қаланың туристік индустрия объектілерінде (қонақ үйлер, СОО, әуежай) орналастырылған және басқармамен жаңартылып отырады.
Келесі жылы бірнеше бағыт бойынша «Шымкент және Түркістан облысының киелі нысандары», «Туристік бағыттар», «Қала оқиғалары» т. б. жарнамалық материалдар шығару жоспарлануда.
Сонымен қатар, қасиетті нысандардың 3D карталары мен фотокітаптар шығару күн тәртібінде тұр.
Қала тұрғындары мен қонақтарын өңірдің туристік нысандарымен таныстыру мақсатында әлеуметтік желілерде Visit_shymkent_kz ресми туристік парақшасы іске қосылды. Әлеуметтік желіде 7 000-нан астам оқырманы бар және қаланың туристік көрікті жерлері, тарихи орындары мен қалада өткізілетін мерекелік іс-шаралар туралы үнемі хабардар етіліп тұрады.
Біз мұның бәрін Шымкенттің шоқтықты туристік аумаққа айналып келе жатқанын көрсету үшін тізбектедік. Атқарылар жұмыстар әлі алда. Биыл әлемді әбігерге салған пандемия болмағанда, «ТМД елдерінің 2020 жылғы мәдени астанасы» ретінде шырайлы шаһарымызда дүбірлі той өтіп, алыс-жақын шетелдерден туристер келіп, ұлан-асыр мерекелерді тойлап жатқан болар едік. Барлық игіліктер алдағы күннің еншісіне қалдырылып отыр. Қайырлысы сол болғай!..

 


Мөлдір МАМЫРБАЙҚЫЗЫ

123

М.Әуезов атындағы Оңтүстік Қазақстан Мемлекеттік университетінің ғалымдары санитайзер яғни антисептик спрейін жасап шығарды. Бұл университет жанындағы «Конструкциялық және биохимиялық материалдар» аймақтық сынақ зертханасында қолға алынып отырған іс.

Ғалымдардың айтуынша, антисептик бактерияларға, микробтарға және вирустарға қарсы әсер етуші сипатқа ие. Ең бастысы теріні тітіркендірмейді. Қайта тері жарақаттарының жазылуына септігін тигізеді.
– Өзіміздің оқу-зертханалық базамызда дайындалған антисептиктер университет жатақханаларында жатып, онлайн білім алушы студенттерге, университеттің жұмыс жасауын қамтамасыз етіп отырған жұмысшылар мен қызметкерлерге тегін таратылып берілді. Сонымен қатар қайырымдылық шаралар жасау мақсатында қаладағы балалар үйіне де тарату ойымызда бар. Университет ғалымдары дайындаған антисептиктің құрамы дүниежүзілік денсаулық сақтау ұйымының қолға арналған антисептиктерді жасау рецептурасы мен МЕСТ Р 58151.1-2018 жалпы техникалық талаптар ұсынылған әдістемелер мен ережелер негізінде дайындалған, – дейді М.Әуезов атындағы ОҚМУ-дің Ғылыми жұмыстар және инновация жөніндегі проректоры Ұлан Сүлейменов.

ҚАУЛЫ

Шымкент қаласы

 

ПОСТАНОВЛЕНИЕ

город Шымкент

 

22 .04. 2020ж.                                                                                      №12

 

 

Шымкент қаласының

Бас мемлекеттік

санитариялық дәрігерінің

қаулысына өзгеріс енгізу туралы

Мен, Шымкент қаласының Бас мемлекеттік санитариялық дәрігері Абдиманап Кошкарович Тулебаев, Қазақстан Республикасының 2003 жылғы 8 ақпандағы «Төтенше жағдай туралы» Заңына, «Қазақстан Республикасында төтенше жағдайды енгізу туралы» Қазақстан Республикасы Президентінің 2020 жылғы 15 наурыздағы № 285 Жарлығына, «Қазақстан Республикасында төтенше жағдайдың қолданысын ұзарту туралы» Қазақстан Республикасы Президентінің 2020 жылғы 14 сәуірдегі № 306 Жарлығына, Қазақстан Республикасының «Халық денсаулығы және денсаулық сақтау жүйесі туралы» Кодексінің 7-1-бабы 1-тармағы 13 тармақшасына, Қазақстан Республикасының Бас мемлекеттік санитариялық дәрігерінің 2020 жылғы 17 сәуірдегі №34-ПГВр қаулысына, Қазақстан Республикасының ақпарат және қоғамдық даму министрілігінің2020 жылғы 20 сәуірдегі №23-02-03/513 хатына сәйкес, азаматтардың өмірі мен денсаулығын қорғау мақсатында, ҚАУЛЫ ЕТЕМІН:

  1. 1.Шымкент қаласының Бас мемлекеттік санитариялық дәрігерінің 2020 жылғы 2 сәуірдегі № 9 қаулысына келесі өзгерістер енгізілсін:

1) № 1 косымшасы келесі тармақпен толықтырылсын: «14.10. Мұқтаж және зардап шеккен адамдарға волонтерлік көмек көрсететін қайырымдылық қорлары (ұйымның әділет органдарында тіркелген жағдайда)»;

2) № 2 қосымшаның 2.19. тармағы мынадай редакцияда жазылсын: «көктемгі дала жұмыстарын, табиғатты қорғау, ветеринариялық, ауыл шаруашылығы, сондай ақ, ара шаруашылығы іс-шараларын жүргізуге, оны растайтын мемлекеттік тіркеу куәлікті (шаруа қожалығы, фермерлік шаруашылық, жауапкершілігі шектеулі серіктестік, ауыл шаруашылығы тауарын өндіруші, кредиттік серіктестік және шаруашылық жүргізу құқығындағы мемлекеттік коммуналдық кәсіпорын, жеке кәсіпкер), жеке куәлікті, сондай-ақ жұмыскерлер үшін жұмыс орнынан анықтамасын (мөрімен куәландырылған еркін үлгідегі анықтама) ұсынған кезде және олардың көліктері»;

3) № 3 қосымшасы келесі тармақпен толықтырылсын: «21. «Казтелерадио» АҚ»;

2. Осы Қаулының орындалуын бақылауды өз құзырымда қалдырамын.

3. Осы Қаулы қол қойылған күнінен бастап қолданысқа енгізіледі.

 

 

Шымкент қаласының

Бас мемлекеттік

санитариялық дәрігері

А. Тулебаев

ЖЫЛЫЖАЙҒА БАСЫМДЫҚ БЕРІЛМЕК

Среда, 22 Апрель 2020 02:06

Алдағы бірер жылда Шымкент маңайында жылыжай шаруашылығы дамиды. Бұл туралы қала әкімі Мұрат Әйтеновтің жергілікті шаруалармен жүздесуінде айтылды.

Жабық жылыжай кешендердің көлемін арттыру мақсатында «Оңтүстік» көліктік логистикалық аймағынан 136 гектар жер қарастырылыпты. Оның 100 гектары өнеркәсіптік кешен болады. Қалғанын инфрақұрылым қамтиды.
– Жоба жүзеге асса мыңдаған жаңа жұмыс орны ашылып, жұрт жыл он екі ай көкөніспен қамтылатын болады, – дейді қалалық ауыл шаруашылығы басқармасының басшысы Асқар Қаныбеков.
Ал, Логистикалық аймақта қолға алынған алғашқы инвеститциялық жобаның құны 2,3 млрд тгеңгені құрайды. Мемлекеттік жеке меншік әріптестік аясында «Taza onim» шаруа қожалығы 9 гектар жерге жылыжай салып жатыр. Оның 3 гектары бітіп, шаруалар 370 тонна өнім алып үлгеріпті. Көкөніс толықтай жергілікті нарыққа сатылған. Қалған 6 гектары жыл соңына дейін бітеді. Қожалық жергілікті 30 адам тұрақты және 20 адамды ауыспалы жұмыс орнымен қамтыған. Кешеннің жанынан жұмысшылар үшін арнайы жатақхана да салынып жатыр екен.
Қала әкімі Мұрат Дүйсенбекұлы шаруашылық өндірген өнімді жергілікті базарларға тікелей жеткізіп беру жағын қарастыруды тапсырды. Жылыжайдан шыққан өнімнің келісі 400 теңгеден босатып жатыр. Бұл отандық өнімінің сатылу құнын реттеп, жергілікті халықтың көкөністі делдалсыз сатып алуына мүмкіндік береді.

КАРАНТИН ОРТАЛЫҒЫ АШЫЛДЫ

Среда, 22 Апрель 2020 02:05

94443367 2507364479576503 1269005442596470784 n

Шымкент қаласының әкімі Мұрат Әйтенов коронавирус инфекциясының таралуын алдын алу және азаматтардың қауіпсіздігін қамтамасыз ету мақсатында қарастырылған қосымша карантиндік төсек орындардың дайындығымен танысты.

Қосымша карантин орындар қаладағы Оңтүстік Қазақстан мемлекеттік педагогикалық университетіне қарасты №4 және 5 жатақханада дайындалған. №5 жатақхана Нұрсәт шағынауданында, ал №4 жатақхана Отырар шағынауданында орналасқан.
Қала әкімі жатақханалардағы медициналық бекеттердің жабдықталуы мен тұрмыстық жағдайларының мүмкіндігімен танысты. Айта кетейік, №5 жатақхана 240, №4 жатақханада 350 орынға лайықталған. Бұл екі жатақхана да мемлекеттік-жекеменшік әріптестік аясында салынған. Онда тұрақтаушыларға арнап лайықты жағдай жасалған.
Карантиндік стационарға коронавирус инфекциясы таралуының алдын алу және азаматтардың қауіпсіздігін қамтамасыз ету мақсатында басқа өңірлердер жұмыстан қайтқан қызметкерлер мен шетелден келген азаматтар жатқызылады.
Карантиндік орталықты көріп шыққан қала әкімі
Мұрат Әйтенов індеттің таралуын алдын алу және азаматтардың қауіпсіздігін қамтамасыз ету бағытында атқарылып жатқан жұмыстарға оң баға беріп, жоспарлы жұмыстарды барынша жүйелеуді тапсырды.

брифинг

Шымкентте әлеуметтік маңызы бар азық-түлік бағасын бақылайтын 4 мобильді топ құрылды. Олар жергілікті билік бекіткен 9 түрлі әлеуметтік азық-түліктің бағасын тұрақты ұстап тұруын бақылайды. Бұл туралы ақпараттық-коммуникациялық орталықта өткен брифингте Шымкент қаласы әкімінің орынбасары Мақсұт Исахов айтты.

– Қалада жалпы 1900-ден астам дүкен бар. Қазір олардың 157-сіне жоғарыда аталған 9 тауар түрін шекті бағамен сату керегі ескертілген. Бірер күнде барлық кәсіп иелері құлақтандырылады. Одан әрі бағаны асырған дүкен иелеріне ескертусіз айыппұл салынады, – деді қала әкімінің орынбасары Мақсұт Исахов.
Әлеуметтік маңызы бар 9 түрлі азық-түлік бағасын тұрақты ұстап тұру үшін әкімдік пен «GraMad Retail» ЖШС-мен келісім түзген.
Қазіргі таңда аталмыш серіктестіктің қоймасында азық-түлік қоры жеткілікті. Оған қоса тауарлардың көтерме бағасы тұрақты. Келісім негізінде серіктестік өзінің 2 супермаркетінде азық-түлікті белгіленген бағада сатып жатыр.
Енді «GraMad» супермаркетіне «Magnum» «Фиркан» сауда желілері де қосылды. Қазір қала аумағында бекітілген бағамен азық-түлік сатып жатқан 21 сауда желісі бар.

9 түрлі әлеуметтік азық-түліктің шекті бағасы:

«ФИРКАН»

Бірінші сұрыпты ұн (1 келі) - 166 тг
Күріш (1 келі) - 272 тг
Қалыпты бөлке нан - 73 тг
Жұмыртқа 10 данасы - 305 тг
Өсімдік майы (1 литр) - 422 тг
Тұз (1 келі) - 47 тг
Сиыр еті /сүйекті жауырын төс бөлігі (1 келі) - 1900 тг
Макарон /рожки/ (1 келі) - 212 тг

 

«МАГНУМ»

Бірінші сұрыпты ұн (1 келі) - 165 тг
Күріш (1 келі) - 255 тг
Қалыпты бөлке нан - 73 тг
Жұмыртқа 10 ДАНАСЫ - 305 тг
Өсімдік майы (1 литр) - 422 тг
Тұз (1 келі) - 50 тг
Макарон /рожки/ (1 келі) - 187 тг
Сиыр еті /сүйекті жауырын төс бөлігі (1 келі) - 1904 тг
Қарақұмық(1 келі) - 299

 

«GRAMAD»

Бірінші сұрыпты ұн (1 келі) - 147 тг
Күріш (1 келі) - 272 тг
Қалыпты бөлке нан - 73 тг
Жұмыртқа 10 данасы - 305 тг
Өсімдік майы (1 литр) - 421 тг
Тұз (1 келі) - 50 тг
Сиыр еті /сүйекті жауырын төс бөлігі (1 келі) - 1904 тг
Макарон /рожки/ (1 келі) - 208 тг
Қарақұмық (1 келі) - 318 тг
Құмшекер (1 келі) - 194 тг
Қырыққабат (1 келі) - 107 тг
Картоп (1 келі) - 105 тг
Пияз (1 келі) - 114 тг
Сәбіз (1 келі) - 120 тг

15000

Мемлекет басшысы Қ. Тоқаев төтенше жағдай мен карантин уақытында тұрғындардың коммуналдық қызметке төлейтін ақысының мөлшерін азайту бойынша жүйелі шараларды әзірлеуді тапсырған болатын. Осыған орай, карантин енгізілген өңірлерде халықтың жекелеген санаттарының коммуналдық шығыны үшін тұтынушылардың дербес (абоненттік) шоттарына 15 мың теңгеден аударылмақ.

Шымкент қаласы әкімінің орынбасары Мақсұт Исаховтың айтуынша, қалада коммуналдық шығыны үшін аталған қаржыны алатын 200 мыңға жуық абонент бар. Олардың қатарына әлеуметтік аз қамтылғандар, көпбалалы аналар, жалғызбасты зейнеткерлер т.б. санаттағы азаматтар енгізілген.

– Бұл мәселе бойынша қалалық жұмыспен қамту және әлеуметтік қорғау басқармасы абоненттердің тізімін жасап, жинақтау үстінде. Тұрғынның әлеуметтік мәртебесі расталған жағдайда коммуналдық қызметтер тұтынушысының дербес (абоненттік) шотына тиісті қаржы аударылады, – деді қала әкімінің орынбасары.

Айта кетсек, мемлекеттік органдардың ұсынысы негізінде коммуналдық шығыны үшін төлем алушылардың келесі санаттары айқындалған. Олар:

- 1, 2, 3 топ мүгедектері;

- мүгедек балаларды тәрбиелеп отырған отбасылар;

- көпбалалы отбасылар;

- ҰОС мүгедектері мен қатысушылары, ҰОС мүгедектері мен қатысушыларына теңестірілген тұлғалар;

- мемлекеттік немесе қоғамдық міндеттерін, әскери қызметін орындау барысында, ғарыш кеңістігіне ұшуға дайындық барысында немесе ұшу кезінде, адам өмірін құтқару және құқық тәртібін сақтау кезінде қаза тапқан тұлғалардың отбасылары;

- төмен және одан аз зейнетақы алатын зейнеткерлер;

- атаулы әлеуметтік көмек алатын азаматтар, оның ішінде жалғызбасты зейнеткерлер.

 

ҚАУЛЫ

Шымкент қаласы

18 сәуір 2020ж. 

 

ПОСТАНОВЛЕНИЕ

город Шымкент

№11

 

 

                                                                

 

 

 

Мен, Шымкент қаласының Бас мемлекеттік санитариялық дәрігері Абдиманап Кошкарович Тулебаев, «Төтенше жағдай туралы» Қазақстан Республикасының 2003 жылғы 8 ақпандағы Заңына, «Қазақстан Республикасында төтенше жағдайды енгізу туралы» Қазақстан Республикасы Президентінің 2020 жылғы 15 наурыздағы № 285 Жарлығына, «Халық денсаулығы және денсаулық сақтау жүйесі туралы» Қазақстан Республикасы Кодексінің 7-1-бабы 1-тармағы 13 тармақшасына, Қазақстан Республикасының Бас мемлекеттік санитариялық дәрігерінің 14.04.2020 жылғы № 33-ПГВр қаулысы, Шымкент қаласы бойынша төтенше жағдай режимін қамтамасыз ету жөніндегі өңірлік комиссияның 17.04.2020 жылғы №12 хаттамасына сәйкес, азаматтардың өмірі мен денсаулығын қорғау, коронавирустық инфекцияның (COVID-19) таралуына жол бермеу, сондай-ақ, Шымкент қаласында коронавирустық инфекцияның (бұдан әрі – COVID-19) бойынша эпидемиологиялық жағдайдың асқынуына ҚАУЛЫ ЕТЕМІН:

1.Шымкент қаласының барлық аумағында 2020 жылдың 19 сәуірі сағат 00:00-ден бастап 01.05.2020 жылы сағат 07.00-ге дейін төмендегідей шектеулер енгізілсін:

1) айырбастау пункттерінің, микрофинанстық ұйымдардың қызметін онлайн жұмыс режиміне және «клиенттерге дейін жеткізу» принципі бойынша көшіру арқылы тоқтата тұруды;

2) қоғамдық көліктің жұмысын тоқтата тұруды;

3) Шымкент қаласының полиция Департаментінің, Ішкі істер Министрлігінің Ұлттық гвардиясының, қорғаныс Министрлігінің әскери құрылымдарының күштерімен карантиндік аумақты патрульдеуді;

4)65 жастан асқан азаматтарға және он сегіз жасқа толмаған азаматтар тұрғын үйден ересек адамның сүйемелдеуінсіз шығуына тыйым салуды;

2.Карантин режимін сақтамаған тұлғаларды әкімшілік жауапкершілікке тартылсын.

3.Күші жойылды деп танылсын:

1)Шымкент қаласы бас мемлекеттік санитариялық дәрігерінің 02.04.2020 жылғы №9 Қаулысының 4 тармағы.

4. Осы Қаулының орындалуын бақылауды өз құзырыма қалдырамын.

 

5. Осы Қаулы қол қойылған күнінен бастап күшіне енеді.

 

 

 

Шымкент қаласының

Бас мемлекеттік

санитариялық дәрігері

А. Тулебаев

Страница 11 из 383