Жолдауды қолдау

Четверг, 21 Ноябрь 2019 03:50

Қазір бізге Тәуелсіздіктің жетістіктерін еселеп, елімізді дамудың жаңа сапалы кезеңіне шығару мүмкіндігі беріліп отыр. Қазақстан экономикасы жаһандық сипаттағы қиындықтарға қарамастан алға ілгерілеп келеді.

Жыл басынан бері оның өсімі орташа әлемдік көрсеткіштен жоғары болды.

Егер қажетті құрылымдық өзгерістерді жүзеге асырсақ, 2025 жылға қарай ішкі жалпы өнімнің жыл сайынғы тұрақты өсімін 5 пайызға және одан да жоғары деңгейге жеткізуге болады.

Экономиканың дамуына тың серпін беру үшін Үкімет пен Президент Әкімшілігі отандық және шетелдік сарапшылардың барлық жұмыстарын мұқият саралауы қажет.  

Елбасы ұсынған 2050 жылға дейінгі ұзақ мерзімді даму стратегиясына және Ұлт Жоспарына сәйкес бірқатар құрылымдық міндеттерді іске асыруымыз керек.

Бірінші. Шикізатқа байланған менталитеттен бас тартып, экономиканы әртараптандыру.  

Индустрияландырудың үшінші бесжылдығын жүргізу барысында жіберілген барлық қателіктерді, олқылықтарды ескеруіміз керек.

Еңбек өнімділігінің нақты өсімін кем дегенде 1,7 есеге арттыруы керек делінген.

Бұл – Елбасы айқындаған саяси бағыт-бағдарымыз.

Екінші. Квазимемлекеттік сектордың қайтарымын арттыру.

Біздің мемлекеттік компаниялар ірі конгломераттарға айналды. Бірақ олардың халықаралық бәсекеге қабілеттілігі күмән тудырады.

Мемлекеттің экономикаға орынсыз араласуын азайту мақсатымен квазимемлекеттік компаниялар құруға мораторий енгізу жөнінде шешім қабылдады.

 

Еңбекші ауданы

бойынша Мемлекеттік

кірістер басқармасының бас

маманы П.Серикбаева

Жолдаудағы міндеттер

Четверг, 21 Ноябрь 2019 03:48

Қазақстан президенті Қасым-Жомарт Тоқаев 2 қыркүйекте парламент палаталарының бірлескен отырысында Қазақстан халқына алғашқы жолдауын жариялады. Жолдауда еліміздің қоғамдық-саяси жаңғыртпай, экономикалық дамуды іске асыру мүмкін еместігі көрсетілген. Бұл өте маңызды бағыт. Оның ішінде сыбайлас жемкорлық тақырыбына аса коңіл бөлінді.

Орталық және жергілікті органдардың нормативтік құқықтық актілеріне сыбайлас жемқорлыққа қарсы сараптама жүргізу  ісін қайта қалпына келтіру қажет.Бұған сарапшылар мен қоғам өкілдері де атсалысуы тиіс.Сыбайлас жемқорлыққа қатысты қылмыс жасалған мекеменің бірінші басшысының жауапкершілігін заңнамалық және     Сыбайлас жемқорлықпен жан-жақты күресу мәселесі күніне нормативтік тұрғыдан нақты белгілеу керек.Біз елімізді реформалаудың  жаңа кезеңіне қадам бастық. Осы маңызды міндеттерді сапалы орындауымыз керек.     Еліміздің әрбір тұрғыны оң өзгерісті сезінуі тиіс. 

                                                                                                            Еңбекші ауданы  

бойынша Мемлекеттік

кірістер басқармасының бас

маманы М.Абдикаримова

Сыбайлас жемқорлық

Четверг, 21 Ноябрь 2019 03:47

Жемқорлық бұл – қызметтік лауазымды пайдалана отырып, оны жеке мүддеге пайдалану. Жемқорлық, әсіресе мемлекеттік органдарда қауіпті. Тәжірибе көрсеткендей, жемқорлық мемлекеттік басқару жүйесін бұзады, экономиканың дамуына шектеу қояды, әсіресе экономика саласында ұйымдасқан қылмыстың өсуіне мүмкіндік береді. Алайда, көп жағдайда азаматтардың өзі лауазымды қызметкерлердің осындай қадамға баруына себепші болады. Сондықтан да, заң бойынша «алушыға» ғана емес, «берушіге» де жауапкершілік артылған. Мемлекеттік құрылымдардың қандай әрекеттері жемқорлыққа жатады? Басқа мемлекеттік органдар, мекемелердің жұмысына заңсыз жолмен араласу; Қызметтік лауазымды пайдалана отырып, жеке басының не туыстарының материалдық қызығушылықтарын қанағаттандыруға байланысты мәселелерді шешу; Мемлекеттік қызметке заңда белгіленбеген басымдықтарға ие болып өту және өсу; Шешімді дайындау мен қабылдау барысында біреуге заңсыз жолмен басымдық беру; Кәсіпкерлік қызметті не басқа табыс әкелетін саланы жүзеге асыруда заңда белгіленбеген кез келген әрекетпен көмек көрсету; Мемлекеттік қызметті жүзеге асыру барысында алынған ресми жариялануға жатпайтын ақпаратты жеке мүддеге пайдалану; Заңда жариялауға рұқсат етілген деп бекітілген ақпаратты беруден бас тарту, оны кешіктіру, жалған не толық емес ақпарат беру, заңда жариялауға тиістігі бекітілмеген ақпаратты жеке және заңды тұлғалардан талап ету; Жоғары тұрған ресми тұлғаларға қызметтік емес ілтипат көрсету не сый жасау (әдепті және қонақжайлылық бойынша жалпы қабылданған нормаларға сәйкес символикалық ықылас көрсету, символикалық кәдесыйлар тарту, сонымен қатар, ресми және хаттамалық шараларды өткізуді қоспағанда); Жеке және заңды тұлғалардың құқықтары мен заңдық мүдделерін қанағаттандыруға тосқауыл болу; Мемлекеттік немесе осыған теңестірліген қызметі үшін жеке тұлғалар мен мекемелерден ақшалай, қызметтік және басқа формада сый алу болып табылады.

Сыбайлас жемқорлыққа қарсы күрес туралы Заң азаматтардың құқықтары мен бостандықтарын қорғауға, сыбайлас жемқорлық көріністерінен туындайтын қауіп-қатерден Қазақстан Республикасының ұлттық қаіпсіздігін қамтамасыз етуге, сыбайлас жемқорлыққа байланысты құқық бұзушылықтың алдын алу, анықтау, олардың жолын кесу және ашу, олардың зардлаптарын жою және кінәлілерді жауапқа тарту арқылы мемлекеттік органдардың, мемлекеттік міндеттерді атқаратын лауазымды және басқа да адамдардың, сондай-ақ оларға теңестірілген адамдардың тиімді қызметі қамтамасыз етуге бағытталған және сыбайлас жемқорлыққа қарсы күрестің негізгі принциптерін айқындап, сыбайлас жемқорлыққа байланысты құқық бұзушылықтың түрлерін, сондай-ақ жауаптылықтың пайда болу жағдайларын белгілейді.

Әрине, сыбайлас жемқорлық дәрі беріп емдейтін сырқат емес. Айналасындағы салуатты, таза және сау ортаны шарпып, тыныс-тіршілігін тарылтатын, заңсыз әрекеттермен қоғамдық ортаның, ұйымдардың, дара кәсіпкерлердің, азаматтардың қызмет етуіне қатер төндіретін қауіпті дертті болдырмаудың тетігі халықтың өзінде. Бұл дерттің алдын алып, қоғамға таралу жолдарын кесіп, оның ұлғаюына жол бермеу керек. Ол үшін аталған дертке болып, ат салысып, қарсы жұиылуымыз қажет. Сонда ғана ел мүддесі үшін зор үлес қосатынымыз және халық сенімінен шығатынымыз анық.

 

                                                                                                                Еңбекші ауданы бойынша

Мемлекеттік кірістер басқармасының

жетекші маманы Б.Шамшидин

Сыбайлас жемқорлыққа қарсы күрес

Четверг, 21 Ноябрь 2019 03:45

Қазақстан Республикасының «Сыбайлас жемқорлыққа қарсы күрес туралы» Заңына сәйкес сыбайлас жемқорлықпен күресті барлық мемлекеттік органдар мен лауазымды тұлғалар жүргізуі тиіс. Мемлекеттік органдардың, ұжымдардың, жергілікті өзін-өзі басқару органдарының басшылары өз өкілеттігінің шегінде өздерінің кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті деп көрестілген.

Сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестициялар тарту процесін тежейді. Демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді. Қазақстанның мемлекеттік саясатының негізгі басымдықтарының бірі сыбайлас жемқорлықпен күрес болып табылады. Барлық елдерде оның трансұлттық сипаты танылып, оған қарсы экономикалық, құқықтық және басқада шаралар қолданылуда.

Салық төлеушілер мен мемлекеттік кірістер органдарының қызметкерлері сыбайлас жемқорлыққа қарсы біріге күрес жасап жоғарыда айтылып кеткен қағидаларды орындап, кемшіліктерді болғызбауы керек.

 

 

Еңбекші ауданы бойынша

мемлекеттік кірістер басқармасының

бас маманы Мамаева Г

Саябақпен бірге көктеген 40 жыл

Среда, 20 Ноябрь 2019 03:45

Ғ ұлама ойшыл Әл-Фараби өзінің «Қайырымды қала тұрғындарының көзқарасы туралы» трактатында кез келген нәрсеге шын көңіл білдіріп, шынайы таңдау жасап, талаптанып жетуге болатындықтан кез келген қалада бақытқа қол жеткізуге болады дейді. Қайырымды қалада бақыт адамдар, мейірімділік, әділдік және әдемілілік арқылы жүзеге асырылады деген гуманистік ойын ұсынып, оның жүзеге асуын аңсайды.

dendropark-shymkent2

Әл-Фарабидің Қайырымды қала ілімін Шымкентпен шегендестіруді ұсынған қала әкімі Ерлан Айтахановтың осы тұрғыдағы идеясы шындығында құптарлық. Бақытты еңбектен, өз ісіне адалдық пен жауапкершіліктен тауып жүрген қарапайым, тіпті бір қарағанда елеусіз жандарды алыстан емес, өз ортамыздан-ақ табамыз. Сондай «елеусіз» жандардың бірі Қырықбай есімді азамат.

Қырықбайды күнде көреміз. Таң атар-атпаста, күн құлан иектеніп шығар-шықпаста, ел орнынан тұрар-тұрмаста. Таңертеңгілік бой жазуға бара жатқанымызда. Дендросаябақта, Асанбай Асқаров атындағы... Сыпайы да, сырбаз азамат.Сәлемі түзу, жүзі жылы, көп сөзге жоқ. Күзетші.

Жуырда Қырықбайдың қызметтесі әрі әріптесі Марат Танабаевтың әңгіме арасында «адал несібесін еңбектен тауып, өмірдегі жетістігіне кеуде қақпайтын, адами қасиеттерін бойында бойтұмардай сақтап қалған, ортаға сыйлы қарапайым еңбек адамдарының бірі әрі бірегейі біздің Қырықбай» дегені бар. Елең ете қалдық.

«Мына біздің дендросаябағымыздың құрылғанына биыл тұп-тура 40 жыл. 1979 жылдың 7 қарашасында сол кездегі Шымкент облыстық партия комитетінің біріңші хатшысы Асанбай аға Асқаровтың өзі салтанатты түрде ашып, алғашқы шынар ағашын отырғызған. Ол ағаш қазір зәулім бәйтерек болды.

Айналасы Тұңғыш Президент Елбасымыздан бастап осында ресми іссапармен келген Түркия, Финляндия, Өзбекстан, Қырғызстан, Тәжікстан мемлекеттері Президенттерінің және көптеген белгілі қоғам қайраткерлері мен шетел делегациялары еккен шағын орманға айналды. Міне, осы тарихи табиғат тәбәрігін қырық жыл бойы аялап, көздің қарашығындай күтіп баптауда біздің Кырекеңнің еңбегі ересен. Ол күні кешеге дейін осы саябақта су мұрабы (гидротехник) болып жұмыс істеді. Соңғы кезде денсаулығына байланысты күзетшілікке ауысты, – дейді Марат.

20191105 104436

Біз қаламыздың ең көрікті демалыс орнында қырық жыл үздіксіз еңбек ететін Қырықбаймен қырық жылдығын тойлап жатқан, дендросаябаққа кіре беріс қақпаның алдында жақынырақ таныстық. «Қырықбай...қырық жыл...қызық екен» дедік. «Мына ағаштың отырғызылғанына да қырық жыл. Сібірдің көгілдір шыршасы» деп аталады. Менің тұңғыш балам сияқты» деген Қырықбай қырық жыл бойы баптап келген шыршаның жайқалған жапырақтарына мейірлене көз тастады. Кейіпкеріміздің жүзінен өз кәсібіне шын берілгендігі, мамандығына адалдығы айқын сезіліп тұрды.

Иә, «Тау баласы тауға қарап өседі» демекші, бүгінде алпыс жастың асқарына шыққан Қырықбай Тұрғынбаев табиғаты талайды тамсандырған Түлкібастың орталығы Т.Рысқұлов ауылында туып өсті. Дауан атындағы мектептің 8-сыныбын бітірген соң Ванновкадағы гидромелиоративтік техникумға оқуға түсті. Мамандық алып шыққан оны жолдамамен Ақтөбе облысындағы Мұғаджар кеңшарына жіберді. Жас маман азын -аулақ тәжірибе жинақтап елге оралды.

Қазіргі А.Асқаров есімімен аталатын «Шымкент мемлекеттік дендрологиялық саябағы» МКҚК- да еңбек етіп келеді. Аға техник, бригадир көмекшісі, механик, инженер гидротехник болып істеп, демалыс аймағының көзге көрікті, денге дауа, жанға сая болуына аянбай атсалысты. Кезінде қаланың күл- қоқысы үйіліп жататын қу дала бүгінде хош иісті, жасыл желекті ну орманға айналған.

Иесіз жабайы жер тегістеліп, жағалай су жүйелері жүргізілді. Сонау Сібірден, Қырғызстан, Өзбекстан, Тәжікстан республикалары мен Алматыдан әкелінген 560 түрлі ағаш көшеттері егілді. Қазіргі таңда саябақ аумағында 100 000- ға тарта сирек кездесетін ағаш бұталарының 261 түрі жайқалып тұр. Міне, осынау қыруар шаруаның жүзеге асуында Қырымбек пен оның әріптестерінің қолтаңбасы қомақты.

«21 жасымда осында келіп жұмысқа орналастым. Өткен қырық жылда саябақты 14 басшы басқарыпты. Алғашқы жылдары мекемені басқарған Қасым Асанов дейтің іскер азамат жоқтан бар жасады. Штатта небәрі төрт-ақ адам – басқарушы, бригадир, жұмысшы, аға техник болған екен Мен бесінші, яғни гидротехник болып қабылдандым. Қазірде бүгінгі директорымыз Бейбіт Мошқалов басқаратын ұжым қатары 150 ге жетті» – дейді Қырекең.

Бүгінде қала тұрғындары мен қонақтарының ең көрікті әрі саялы демалыс орны саналатын бұл дендросаябақ Қырықбай замандастың құдды бір екінші отбасына айналып кеткендей көрінді бізге. Ғұмырының үштен екісі осы мекемеде өте шықты. Екінші отбасы дейтініміздей де бар, Қырекең өзінің болашақ жарын да осы саябақтан тапты.

1982 жылы кассада істейтін Қасқасудың керім қызы Зинакүлмен көңіл жарастырып, отау құрды. Зинакүл де зейнетке шыққанына қарамастан ұжымда еңбек етіп келеді. Екеуі Қайрат және Айгүл есімді ұл-қыз өсіріп, олардан сегіз немере көрген бақытты ата-ана атанып отыр. Бүткіл саналы ғұмырын адал еңбекке сарп еткен нағыз еңбекторы Қырымбек Тұрғынбаевтың ұжымда абыройы биік, сый құрметі жоғары. Сондықтан да болар, ол 2013 жылы екінші дәрежелі Еңбек даңқы орденімен марапатталды.

...Міне, Қырықбай күнделікті дағдымен кезекті кезекшілігіне келді. Күн – демалыс. Қала халқы саябақты саялауға нөпір-нөпірімен келіп жатыр. Көбі көзтаныс. «Сәлеметсіз бе, Қырықбай ағай», «Қайырлы таң, Қыреке»... Осындай жылы жүзді сәлемдесуден кейін Қырықбайдың көңілі көктем. «Абырой жинағаннан асқан бақыт жоқ екен ғой. Маған бұдан артық не керек» деп шүкіршілік етеді. Азамат!
Міне, бұл да қайырымды қаланың қайырымды тұрғындарының біз білген бір дидары.

Ертай БЕКҚҰЛ

«SHYMKENT CITY» - әкім бақылауында

Среда, 20 Ноябрь 2019 03:38

Шымкент қаласының әкімі Ерлан Айтаханов кезекті рет «Shymkent City» тұрғын алабында болды. Ондағы коммуналды мәселелер бойынша жүргізіліп жатқан жұмыстың барысын бақылап, тұрғындармен кездесті.

Айта кетейік, қала басшысы сенбі күні аталған шағынауданның кезек күттірмейтін инфрақұрылым мәселесін шешу мақсатында арнайы барып танысқан болатын.
Тұрғындармен кездесу барысында әкім ондағы мәселе түбегейлі шешімін тапқанша күнара өзі арнайы келіп, жұмыстың барысын бақылайтынын айтқан.

Айтылған сын мен берілген тапсырманың нәтижесінде жауапты сала мамандары екі күнде №9, 10 үйлерге жылы су берсе, 732 пәтерлі 12 көп қабатты үйге жылу берді. Мамандар әр пәтерді аралап, жылудың толықтай қосылуын бақылауда.

Сонымен қатар, тұрғындарды көгілдір отынмен қамтамасыз ету мақсатында «ҚазТрансГаз Аймақ» ЖШС-не тиісті текникалық құжаттар рәсімделуде. Салаға жауапты мамандар аталған құжат дайын болғанда тұрғындар тарапынан дербес шот толығымен ашылу қажет екенін, сонда ғана газ берілетінін жеткізіп, түсіндірме жұмыстарын жүргізуде.

Шаһар басшысы, бұдан бөлек, «Shymkent City» тұрғын алабында салынып жатқан тұрғын үйлер мен мектептің және жылыту қазандығының құрылысын аралап көрді. Құрылысты салушы мердігерлермен кездесуде Ерлан Қуанышұлы құрылыс сапасына баса назар аударып, жұмысты жоспарға сай аяқтау керегін қатаң тапсырды.

Таяуда Шымкент қаласының әкімі Е.Айтаханов 20 жылдық тарихы бар академик Ә.Қуатбеков атындағы Халықтар достығы университетіне арнайы ат басын бұрды.

asadas

Әкім университеттің 20 жылда жеткен ғылыми жетістіктері қойылған арнайы көрмемен танысты. Мұнда, әр кафедраның профессор-оқытушылары мен студенттерінің ғылыми еңбектері, ғылыми жұмыстарының нәтижелері, инновациялық жобалары мен макеттері, оқу құралдары мен сайыс кезінде жеңіп алған кубоктары қойылған. Университеттің профессор-оқытушылар құрамы қала басшысына өздерінің ғылыми жұмыстары аясында орындалған инновациялық жобаларын таныстырды, оларды жүзеге асыру Шымкент қаласының әлеуметтік-экономикалық дамуын жақсартуға елеулі мүмкіндік беретінін тілге тиек етті.

Кездесу барысында университет ректоры, м.ғ.д., профессор, Түркістан облысы мәслихатының депутаты Рабиға Әбдімұсақызы қала әкімі Е.Айтахановқа университеттің 20 жылдағы тарихи жетістіктері жайында баяндап берді. Қала басшысы мұнан соң жоғары оқу орнының ұжымымен тілдесіп, қаланың экономикалық-әлеуметтік жағдайының дамуы жолында ғылымды тәжірибемен ұштастыра отырып, бірігіп жұмыс атқаруды ұсынды. Әкім өз кезегінде ұжымға сәттілік тілеп, бүгінгі таңдағы білім беру жүйесін жақсарту, жетілдіру бағытындағы басты міндеттерге тоқталды.

Сонымен бірге, жатақхана мәселесінің өзекті екенін айта келе, 2020 жылғы оқу жылында пайдалануға берілетін, қазіргі таңда құрылысы қарқынды жүріп жатқан университеттің жаңа жатақханасының құрылысымен танысып, Асар шағынауданынан салынатын жаңа университеттің жатақханасы мен спорт кешенінің құрылысына, әкімдік тарапынан қолдау көрсететінін жеткізді.

Жоғары оқу орны жайында толық ақпарат алған қала басшысы университеттің материалдық оқу базасымен танысты. Профессор – оқытушылармен кездесу кезінде әкімге ұнаған бірнеше ғылыми жобаларды алдағы уақытта қабылдауына шақырып, ресми кездесу барысында жүзеге асыруды ойластыратынын жеткізді.

Мутал ТҰРТАЕВ,
А. Қуатбеков атындағы Халықтар достығы
университеті «Болашақ» инновациялық
ғылыми-зерттеу орталығының директоры

Дара күндерімнің,
нала түндерімнің
серігі болғаның үшін,
сенімі болғаның үшін,

…Өлең, мен сені аялап өтемін! – деп, өзінің ақындық кредосымен келген Фариза Оңғарсынованың есімі қазақ поэзиясының көгінде Шолпан жұлдыздай жарқырап тұр.

IMG 2096

Найзағай сезімді ақынның отты да өр рухты өлеңдерін оқымау Мархабат Байғұт сөзімен айтсақ, обал-ақ. Шымкент қалалық жасөспірімдер кітапханасы ұжымының ұйымдастыруымен ақынның 80 жылдығына орай өткізілген «Жауһар жырды жүрегінде тербеген…» атты жыр кеші Фариза Оңғарсынованың жырларымен қауыштырған әсерлі шара болды.

ОҚМУ студенттерінің сахналық қойылымымен ашылған кеш Фариза туралы деректі фильмге жалғасып, одан соң қатысушылардың естеліктеріне ұштасты. Кеш қонақтары «Әйел құпиясы» газетінің бас редакторы Фатима Жүнісова, «Ақылдым» журналының редакторы Әсия Жұлдызбаева, «Парасат» колледжінің оқытушысы Әлия Атаханова, музыкатанушы Гүлнәр Сахова ақын жырларының таза, өр рухтылығын айта келе, Оңғарсынованың қоғам, мемлекет қайраткері ретінде де тұғыры биік тұлға екендігіне тоқталды.

Онан әрі кеш жыр мен әнге ұласты. №134-ші мектептің 8«А» сынып оқушысы Аймұрат Көркемнің «Фаризаға арнау» өлеңі, 6«А» сынып оқушысы Байтемір Жасұланның М. Мақатаев өлеңіне жазылған «Фариза қыз» әнін әуелете шырқауы көрерменді ерекше әсерге бөледі. Ал, кеш қонақтары әнші Бақтыбай Қадыровтың қоңыр дауыста гитарамен орындаған «Найзағай сезім», Ермек Қалымбетовтың шырқауындағы «Бағдаршам» әні ақын жырларындағы сезім сұлулығымен әдемі үйлесім тапты.

Кеште өнер көрсеткен студенттер мен оқушылар «Алғыс хатпен» марапатталды.

«Мен сонда жылап қалғам 
Сен сезбедің. Кетті ұшып жыраққа арман.
Мұның бәрі неліктен? Білесің сен өзіңді ұнатқаннан», – деп Фариза ақын жырлағандай, бойымыздағы «жақсы көру» сезімі сарқылмасын… Себебі болмысымыздағы бүкіл адами құндылықтар осынау ұлы сезімнен бастау алады емес пе?

Ұлтуар БЕКСЕЙІТОВА,
Шымкент қалалық жасөспірімдер
кітапханасының бөлім меңгерушісі

Страница 13 из 356