Елімізде көппәтерлі тұрғын үйдің жаңа басқару нысандарына ауысу мерзімі 2023 жылғы 1 шілдеге дейін ұзартылады.
Кондоминиум объектісін басқарудың жаңа нысандарына (мүлік иелерінің бірлестігі, жай серіктестік) сапалы көшу үшін ҚР Парламенті Сенаты оның уақытын 2023 жылғы 1 шілдеге дейін ұзарту туралы заңнамалық шешім қабылдады.
Айта кетейік, бұл – басқарудың жаңа түрі. Онда пәтерлер мен үй-жайлардың иелері өз үйлерін өздері қадағалап, жауап береді. Мүлік иелерінің бірлестігі «Бір үй – бір бірлестік – бір шот» қағидаты бойынша жұмыс істейтін болады. Мүлік иелерінің бірлестіктерінің басты айырмашылығы – өз үйлерін тек тұрғындар ғана басқарады. Басқаша айтқанда, бұл оларға тек өз үйлерін күрделі жөндеуге қаражат жинауға, қаражаттың түсуіне мониторинг жүргізуге және «Бір үй – бір бірлестік – бір шот» қағидаты бойынша олардың мақсатты жұмсалуына мүмкіндік береді.