Шымкенттік жастардың бастамасымен 9 сәуір күні, сағат 10.00-де Қошқар ата өзенінің бастауында қала тазалығын сақтау және мәдениетті қорғау мақсатында «Өзен қорғаушылар» азаматтық іс-шарасы өтеді. Жастар осылайша қаламыздың абаттануына өз еріктерімен үлес қоспақ.
Бастаманы Шымкент қаласының әкімдігі, "Тұран" талантты жастар одағы және ОҚО "Жас отан" жастар қанаты, ҚМДБ-ның ОҚО бойынша өкілдігі жастар бөлімі бірлесе ұйымдастырып отыр.
Бастама аясында 500 шымкенттік тұрғын 500 түп жеміс ағашын отырғызып, 50-ге жуық бұлақ бастарын ашуға атсалысады.
Ұйымдастырушылар қаланың әрбір тұрғынын тазалыққа үлес қосуға шақырады. Қаланы көркейту – әрбіріміздің азаматтық міндетіміз. Сіз де осы игі бастамаға қолдау білдіріңіз!
